Read news in NepalBhasa text-- www.hamroschool.com BACK 𑐩𑐴𑐵𑐧𑑁𑐡𑑂𑐢 𑐧𑐔𑐟𑐫𑐵 𑑑𑑙 𑐎𑑂𑐰𑑅𑐐𑐸 𑐳𑐵𑐢𑐵𑐬𑐞 𑐳𑐨𑐵 𑐳𑐩𑑂𑐥𑐣𑑂𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑐴𑐵𑐧𑑁𑐡𑑂𑐢 𑐧𑐔𑐟𑐫𑐵 𑑑𑑙 𑐎𑑂𑐰𑑅𑐐𑐸 𑐳𑐵𑐢𑐵𑐬𑐞 𑐳𑐨𑐵 𑐳𑐩𑑂𑐥𑐣𑑂𑐣

𑐫𑐾𑑃 – 𑐩𑐴𑐵𑐧𑑁𑐡𑑂𑐢 𑐧𑐔𑐟 𑐟𑐠𑐵 𑐆𑐞 𑐳𑐴𑐎𑐵𑐬𑐷 𑐳𑑄𑐳𑑂𑐠𑐵 𑐮𑐶.𑐫𑐵 𑑑𑑙 𑐎𑑂𑐰𑑅𑐐𑐸 𑐳𑐵𑐢𑐵𑐬𑐞 𑐳𑐨𑐵 𑐱𑐣𑐶𑐰𑐵𑑅 𑐕𑐐𑐹 𑐖𑑂𑐫𑐵𑐗𑑂𑐰𑑅𑐫𑐵 𑐡𑐠𑐸𑐂 𑐎𑑂𑐰𑐔𑐵𑐮 𑑋 𑐩𑐹𑐥𑐵𑐴𑐵𑑄 𑐳𑐴𑐬𑐷 𑐰𑐶𑐎𑐵𑐳 𑐬𑐵𑐖𑑂𑐫𑐩𑐣𑑂𑐟𑑂𑐬𑐷 𑐬𑐵𑐩𑐰𑐷𑐬 𑐩𑐵𑐣𑐣𑑂𑐢𑐬 𑐰 𑐰𑐶𑐱𑐾𑐲 𑐥𑐵𑐴𑐵𑑄 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵𑐳𑐸𑐣𑑂𑐡𑐬 𑐱𑐵𑐎𑑂𑐫𑑄 𑐩𑑄𑐎𑐵𑑅 𑐎𑐠𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑑅 𑐣𑑂𑐴𑑂𑐫𑐵𑑅𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑑄𑐳𑑂𑐠𑐵𑐫𑐵 𑐣𑑂𑐫𑐵𑐩𑑂𑐴 𑐖𑐾𑐲𑑂𑐛 𑐱𑐾𑐫𑐬𑐢𑐣𑐷 𑐰 𑐩𑐾𑐥𑐶𑑄 𑐗𑐶𑑄𑐕𑐩𑑂𑐴 𑐱𑐾𑐫𑐬𑐢𑐣𑐷𑐥𑐶𑑄𑐟 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐖𑐾𑐲𑑂𑐛 𑐱𑐾𑐫𑐬𑐢𑐣𑐷𑐥𑐶𑑄 𑐬𑐟𑑂𑐣𑐩𑐵𑐫𑐵 𑐩𑐴𑐬𑑂𑐖𑐣 𑑘𑑓 𑐡𑑃, 𑐫𑐖𑑂𑐘𑐩𑐵𑐣𑐥𑐟𑐶 𑐰𑐖𑑂𑐬𑐵𑐔𑐵𑐬𑑂𑐫 𑑗𑑙 𑐡𑑃, 𑐣𑐶𑐮𑐬𑐟𑑂𑐣 𑐳𑑂𑐠𑐵𑐥𑐶𑐟 𑑗𑑘 𑐡𑑃, 𑐔𑑁𑐠𑐶 𑐩𑐴𑐬𑑂𑐖𑐣 𑑗𑑖 𑐡𑑃 𑐰 𑐩𑐴𑐵𑐩𑐸𑐣𑐶 𑐳𑐶𑐏𑑂𑐬𑐵𑐎𑐵𑐬 𑑗𑑕 𑐡𑑃𑐫𑐵𑐟 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋 𑐀𑐠𑐾𑐴𑐾 𑐫𑐾𑑃𑐫𑑂 𑐎𑑂𑐰𑐔𑐵𑑅𑐐𑐸 𑐗𑐶𑑄𑐳𑑂𑐰𑐎𑑂𑐰𑑅𑐐𑐸 𑐡𑐎𑑂𑐲𑐶𑐞 𑐊𑐱𑐶𑐫𑐵𑐮𑐷 𑐎𑐵𑐳𑐵𑐫𑑂 𑐳𑑂𑐰𑐬𑑂𑐞 𑐟𑑂𑐫𑐵𑐎𑐾𑐟 𑐟𑐵𑑅𑐮𑐵𑑅𑐥𑐶𑑄 𑐎𑐵𑐳𑐵𑐩𑐶𑐟 𑐎𑐬𑐵𑐟𑐾𑐫𑐵 𑐳𑐸𑐣𑐶𑐟𑐵 𑐩𑐴𑐬𑑂𑐖𑐣 𑐰 𑐧𑐎𑑂𑐳𑐶𑐒𑐫𑐵 𑐳𑐣𑐶𑐮 𑐱𑐵𑐴𑐷𑐫𑐵 𑐮𑐶𑐳𑐾𑑄 𑐱𑐵𑐴𑐷𑐫𑐵 𑐥𑑂𑐬𑐱𑐶𑐎𑑂𑐲𑐎 𑐥𑑂𑐬𑐰𑐶𑐞 𑐟𑐸𑐮𑐵𑐢𑐬𑐥𑐶𑑄𑐟 𑐣𑐐𑐡 𑐣𑐵𑐥𑑄 𑐰𑐶𑐱𑐾𑐲 𑐳𑐩𑑂𑐩𑐵𑐣 𑐫𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐳𑑄𑐳𑑂𑐠𑐵𑐫𑐵 𑐥𑑂𑐬𑐐𑐟𑐶 𑐰𑐶𑐰𑐬𑐞 𑐰 𑐨𑐵𑐰𑐷 𑐣𑐷𑐟𑐶 𑐀𑐢𑑂𑐫𑐎𑑂𑐲 𑐥𑑂𑐬𑐩𑐶𑐮 𑐳𑑂𑐠𑐵𑐥𑐶𑐟𑑄 𑐰 𑐁𑐬𑑂𑐠𑐶𑐎 𑐥𑑂𑐬𑐟𑐶𑐰𑐾𑐡𑐣 𑐮𑐾𑐏𑐵 𑐳𑐩𑐶𑐟𑐶𑐫𑐵 𑐳𑑄𑐫𑑀𑐖𑐎 𑐬𑐷𑐣𑐵 𑐩𑐵𑐳𑑂𑐎𑐾𑑄 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐳𑑄𑐳𑑂𑐠𑐵 𑐀𑐢𑑂𑐫𑐎𑑂𑐲 𑐥𑑂𑐬𑐩𑐶𑐮 𑐳𑑂𑐠𑐵𑐥𑐶𑐟𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐣𑑂𑐴𑑂𑐫𑐵𑑅𑐐𑐸 𑐏𑑅𑐳𑐵 𑐮𑐳𑐎𑐸𑐳 𑐳𑑄𑐳𑑂𑐠𑐵 𑐳𑐔𑐶𑐰 𑐬𑑀𑐱𑐣 𑐱𑐵𑐎𑑂𑐫 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐮𑐶𑐥𑐵 𑐣𑐾𑐰𑐵𑑅 𑐨𑑂𑐰𑐫𑑂 𑐣𑑄 𑐣𑐎𑐹𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS