Read news in NepalBhasa text-- www.hamroschool.com BACK ‘𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅’ 𑐥𑐶𑐟𑐧𑑂𑐰𑐖𑑂𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

‘𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅’ 𑐥𑐶𑐟𑐧𑑂𑐰𑐖𑑂𑐫𑐵

𑐫𑐾𑑃 – 𑐐𑐵𑐫𑐶𑐎𑐵 𑐐𑑄𑐐𑐵 𑐩𑐴𑐬𑑂𑐖𑐣𑐫𑐵 𑐫𑐵𑐎𑑅 𑐳𑐮𑐫𑑂 𑐡𑐸𑐐𑐸 𑐩𑑂𑐫𑐾𑐔𑐵𑑅 ‘𑐳𑑂𑐰𑐣𑐶𑐐𑑅𑐫𑐵 𑐣𑐾𑐰𑐵𑑅’ 𑐰𑐶𑐩𑑀𑐔𑐣 𑐖𑐹𑐐𑐸 𑐡𑐸 𑑋 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛 𑐩𑐹 𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐫𑐾𑑃 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐩𑐾𑐫𑐬 𑐰𑐶𑐡𑑂𑐫𑐵 𑐳𑐸𑐣𑑂𑐡𑐬 𑐱𑐵𑐎𑑂𑐫, 𑐰𑐬𑐶𑐲𑑂𑐛 𑐳𑑄𑐐𑐷𑐟𑐎𑑅𑐩𑐶 𑐡𑐷𑐥𑐎 𑐖𑑄𑐐𑐩 𑐰𑐶𑐱𑐾𑐲 𑐥𑐵𑐴𑐵𑑃 𑐎𑐠𑑄 𑐗𑐵𑐫𑐵𑐡𑐷𑐐𑐸 𑐏𑑅 𑑋
𑐣𑑂𑐫𑐵𑐥𑐸 𑐩𑑂𑐫𑐾𑑃 𑐡𑐸𑐠𑑂𑐫𑐵𑑅𑐐𑐸 𑐠𑐸𑐐𑐸 𑐩𑑂𑐫𑐾𑑃𑐔𑐵𑑅𑐫𑐵 𑐦𑐸𑐎𑑂𑐎𑑄 𑐩𑑂𑐫𑐾𑑃 𑐮𑑀𑐎𑐎𑐰𑐶 𑐬𑐵𑐖𑐨𑐵𑐃 𑐖𑐎𑑅𑐩𑐶𑑄 𑐔𑑂𑐰𑐫𑐵𑐡𑐷𑐐𑐸 𑐏𑑅𑐳𑐵 𑐬𑐵𑐖𑐸 𑐳𑐶𑑄𑐴𑑄 𑐳𑑄𑐐𑐷𑐟 𑐟𑐫𑐵𑐡𑐷𑐐𑐸 𑐏𑑅, 𑐀𑐠𑐾𑐴𑐾 𑐖𑑄𑐐𑐮 𑐜𑑄𑐐𑑀𑐮𑑄 𑐳𑑄𑐐𑐷𑐟 𑐳𑑄𑐫𑑀𑐖𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐣𑐾𑐰𑐵𑑅 𑐨𑐵𑐫𑑂𑐫𑐵 𑐩𑑂𑐫𑐾𑑃𑐫𑐵 𑐧𑐖𑐵𑑅 𑐳𑐷𑐩𑐶𑐟 𑐖𑐹𑐳𑐵𑑄 𑐐𑐵𑐫𑐶𑐎𑐵 𑐩𑐫𑑂𑐖𑐸𑑄 𑐫𑐵𑐎𑐣𑑄 𑐴𑐾 𑐣𑐶𑐐𑐹𑐐𑐸 𑐩𑑂𑐫𑑃𑐾𑑃𑐔𑐵𑑅 𑐥𑐶𑐟𑐧𑐶𑐄𑐐𑐸 𑐏𑑃𑐫𑑂 𑐮𑐳𑐟𑐵 𑐥𑑂𑐰𑑄𑐎𑐵𑐡𑐶𑐮 𑑋 𑐀𑐠𑐾𑐴𑐾 𑐳𑑄𑐐𑐷𑐟𑐎𑑅𑐩𑐶 𑐖𑑄𑐐𑑄𑐩𑑄 𑐣𑐾𑐰𑐵𑑅 𑐨𑐵𑐫𑑂𑐫𑐵 𑐳𑑄𑐐𑐷𑐟 𑐣𑐾𑐥𑐵𑐮𑐷 𑐳𑑄𑐐𑐷𑐟𑐫𑐵 𑐴𑐾 𑐀𑐩𑐹𑐮𑑂𑐫 𑐣𑐶𑐢𑐶 𑐖𑐹𑐐𑐸 𑐏𑑃 𑐢𑐫𑐵𑐡𑐶𑐳𑐾𑑄 𑐠𑐸𑐎𑐶𑑄 𑐣𑐾𑐥𑐵𑐮𑐷 𑐳𑑄𑐐𑐷𑐟𑐫𑐵𑐟 𑐔𑑂𑐰𑐣𑑂𑐴𑑂𑐫𑐵𑐎𑐾𑐟 𑐣𑑄 𑐰𑐶𑐱𑐾𑐲 𑐨𑐹𑐩𑐶𑐎𑐵 𑐩𑑂𑐴𑐶𑐟𑐹𑐐𑐸 𑐏𑑃 𑐎𑐣𑐵𑐡𑐶𑐮 𑑋 𑐣𑐾𑐰𑐵𑑅 𑐳𑑄𑐐𑐷𑐟 𑐠𑐷𑐠𑐷 𑐆𑐟𑐸 𑐩𑑂𑐫𑐾, 𑐐𑑂𑐰𑐵𑐬𑐵, 𑐟𑐵𑐮 𑐣𑐾𑐥𑐵𑑅𑐫𑐵 𑐴𑐾 𑐐𑑁𑐬𑐰 𑐰 𑐄𑐟𑑂𑐎𑐺𑐲𑑂𑐚 𑐖𑐹𑐐𑐸 𑐏𑑃 𑐰𑐫𑑂𑐎𑐮𑑄 𑐢𑐫𑐵𑐡𑐷𑐐𑐸 𑐏𑑅 𑑋 𑐀𑐠𑐾𑐴𑐾 𑐰𑐶𑐱𑐾𑐲 𑐥𑐵𑐴𑐵𑑃 𑐩𑐾𑐫𑐬 𑐱𑐵𑐎𑑂𑐫𑑄 𑐳𑐬𑑂𑐖𑐎𑐟𑐫𑑂𑐳𑑄 𑐩𑐾𑐴𑐣𑐟 𑐫𑐵𑐣𑐵𑑅 𑐴𑑅𑐐𑐸 𑐳𑐦𑐹 𑐖𑐸𑐂𑐩𑐵 𑐰𑐵 𑐩𑑂𑐫𑐾𑑃𑐔𑐵𑑅 𑐖𑐸𑐂𑐩𑐵𑑅, 𑐄𑐎𑐶𑐫𑐵𑐟 𑐳𑐶𑐟𑐶𑐎𑑄 𑐎𑐵𑐫𑐾𑐐𑐸 𑐩𑐏𑐸𑐳𑐾 𑐄𑐩𑐶𑐟 𑐥𑑂𑐬𑑀𑐟𑑂𑐳𑐵𑐴𑐶𑐟 𑐫𑐵𑐫𑐾𑐟 𑐣𑑂𑐫𑐵𑐣𑐵𑑅 𑐎𑐵𑐫𑐾𑐐𑐸 𑐫𑐵𑐫𑐾𑐩𑐵𑑅𑐐𑐸 𑐏𑑃 𑐢𑐫𑐵𑐡𑐶𑐮 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐠𑐸𑐐𑐸 𑐩𑑂𑐫𑐾𑑃𑐔𑐵𑑅 𑐥𑐶𑐎𑐵𑐫𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄𑐟 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐮𑑂𑐴𑐵𑐳𑐾𑑄 𑐳𑐩𑑂𑐩𑐵𑐣 𑐣𑑄 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS