Read news in NepalBhasa text-- www.hamroschool.com BACK 𑐥𑑀𑐏𑐬𑐵𑐫𑑂 𑐔𑑂𑐫𑐵𑐐𑐹 𑐎𑐵𑐳𑐵, 𑑖𑑖𑑒 𑐩𑑂𑐴 𑐎𑐵𑐳𑐵𑐩𑐶 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑑀𑐏𑐬𑐵𑐫𑑂 𑐔𑑂𑐫𑐵𑐐𑐹 𑐎𑐵𑐳𑐵, 𑑖𑑖𑑒 𑐩𑑂𑐴 𑐎𑐵𑐳𑐵𑐩𑐶

𑐫𑐾𑑃 – 𑐗𑐶𑑄𑐳𑑂𑐰𑐎𑑂𑐰𑑅𑐐𑐸 𑐡𑐎𑑂𑐲𑐶𑐞 𑐊𑐱𑐶𑐫𑐵𑐮𑐷 𑐏𑐾𑐮𑐎𑐹𑐡 (𑐳𑐵𑐐) 𑐀𑐣𑑂𑐟𑐬𑑂𑐐𑐟 𑐥𑑀𑐏𑐬𑐵𑐫𑑂 𑐖𑐸𑐂𑐐𑐸 𑐔𑑂𑐫𑐵𑐐𑐹 𑐎𑐵𑐳𑐵𑐫𑑂 𑐖𑐎 𑑖𑑖𑑒 𑐩𑑂𑐴 𑐎𑐵𑐳𑐵𑐩𑐶𑐟𑐫𑑂𑐳𑑄 𑐧𑑂𑐰𑐟𑐶 𑐎𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐩𑑄𑐳𑐶𑐬 𑑑𑑕 𑐐𑐟𑐾 𑐣𑐶𑐳𑐾𑑄 𑑒𑑔 𑐐𑐟𑐾 𑐟𑐎 𑐖𑐸𑐂𑐐𑐸 𑐳𑐵𑐐𑐫𑑂 𑑒𑑗 𑐐𑐹 𑐎𑐵𑐳𑐵 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐩𑐾𑐏𑐾 𑐣𑐾𑐥𑐵𑐮𑑄 𑐥𑐡𑐎𑐫𑐵 𑐁𑐱𑐵 𑐫𑐵𑐣𑐵𑐟𑑅𑐐𑐸 𑐥𑑂𑐫𑐵𑐬𑐵𑐐𑑂𑐮𑐵𑐂𑐜𑐶𑐒𑑂𑐐 𑐢𑐵𑑅𑐳𑐵 𑐩𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋

𑐣𑐾𑐥𑐵𑑅 𑐧𑐵𑐴𑐾𑐎 𑐩𑐾𑐐𑐸 𑐡𑐾𑐫𑑂𑐥𑐵𑐏𑐾𑑄 𑐥𑑂𑐫𑐵𑐬𑐵𑐐𑑂𑐮𑐵𑐂𑐜𑐶𑐒𑑂𑐐𑐫𑐵 𑐣𑐶𑑄𑐟𑐶𑑄 𑐳𑐸𑑄 𑐎𑐵𑐳𑐵𑐩𑐶𑐫𑐵 𑐣𑐵𑑄 𑐡𑐬𑑂𑐟𑐵 𑐩𑐫𑐵𑐫𑐾𑐰𑑄 𑐠𑑂𑐰 𑐎𑐵𑐳𑐵 𑐩𑐖𑐸𑐂𑐐𑐸 𑐣𑐶𑐱𑑂𑐔𑐶𑐟 𑐖𑐹𑐐𑐸 𑐏𑑅 𑑋 𑐥𑑂𑐫𑐵𑐬𑐵𑐐𑑂𑐮𑐵𑐂𑐜𑐶𑐒𑑂𑐐 𑐩𑐖𑐸𑐂𑐐𑐸 𑐖𑐸𑐂𑐰𑑄 𑐩𑐸𑐎𑑂𑐎 𑑒𑑖 𑐐𑐹 𑐎𑐵𑐳𑐵 𑐩𑐢𑑂𑐫𑐾 𑐥𑑀𑐏𑐬𑐵𑐫𑑂 𑐖𑐎 𑐔𑑂𑐫𑐵𑐐𑐹 𑐎𑐵𑐳𑐵 𑐖𑐸𑐂𑐟𑑂𑐫𑑄𑐐𑐸 𑐏𑑅 𑑋 𑐥𑑀𑐏𑐬𑐵𑐫𑑂 𑐖𑐸𑐂𑐐𑐸 𑐔𑑂𑐫𑐵𑐐𑐹 𑐎𑐵𑐳𑐵𑐫𑑂 𑑔𑑐𑑑 𑐩𑑂𑐴 𑐩𑐶𑐳𑑂𑐟 𑐰 𑑒𑑖𑑑 𑐩𑑂𑐴 𑐩𑐶𑐖𑑄 𑐎𑐵𑐳𑐵𑐩𑐶𑐟𑐫𑑂 𑐳𑐴𑐨𑐵𑐐𑐷 𑐖𑐸𑐂𑐐𑐸 𑐏𑑃 𑐥𑑀𑐏𑐬𑐵𑐫𑐵 𑐥𑑂𑐬𑐔𑐵𑐬𑐦𑑂𑐬𑐳𑐵𑐬 𑐳𑑄𑐫𑑀𑐖𑐎 𑐎𑐾𑐱𑐰 𑐥𑐵𑐛𑐎𑑄 𑐢𑐫𑐵𑐡𑐷𑐐𑐸 𑐡𑐸 𑑋

𑐀𑐠𑐾𑐴𑐾 𑐥𑑀𑐏𑐬𑐵𑐫𑑂 𑐖𑐸𑐂𑐐𑐸 𑐎𑐵𑐳𑐵𑐫𑑂 𑑑𑑗𑑒 𑐩𑑂𑐴 𑐀𑐦𑐶𑐳𑐶𑐫𑐮 𑐳𑐴𑐨𑐵𑐐𑐷 𑐖𑐸𑐂 𑑋 𑐠𑐣 𑐖𑐸𑐂𑐐𑐸 𑐔𑑂𑐫𑐵𑐐𑐸𑐮𑐶𑑄 𑐎𑐵𑐳𑐵𑐫𑑂 𑐣𑐾𑐥𑐵𑐮𑑄 𑐧𑑂𑐰𑐟𑐶 𑐎𑐫𑐵𑐟𑑅𑐐𑐸 𑐡𑐸, 𑐐𑐸𑐎𑐷 𑐣𑐾𑐥𑐵𑑅𑐥𑐵𑐏𑐾𑑄 𑑑𑑐𑑒 𑐩𑑂𑐴 𑐩𑐶𑐳𑑂𑐟 𑐰 𑑕𑑒 𑐩𑑂𑐴 𑐩𑐶𑐖𑑄 𑐎𑐵𑐳𑐵𑐩𑐶𑑄 𑐧𑑂𑐰𑐟𑐶 𑐎𑐵𑐂𑐳𑐵 𑑓𑑐 𑐩𑑂𑐴 𑐀𑐦𑐶𑐳𑐶𑐫𑐮 𑐡𑐂 𑑋𑐩𑐵𑐮𑑂𑐡𑐶𑐨𑑂𑐳𑑄 𑐁𑐬𑑂𑐔𑐬𑐷, 𑐨𑐵𑐬𑑀𑐟𑑂𑐟𑑀𑐮𑐣 𑐰 𑐚𑑂𑐬𑐵𑐫𑐠𑑀𑐮𑐣𑐫𑑂 𑐧𑑂𑐰𑐟𑐶 𑐎𑐵𑑅𑐐𑐸 𑐩𑐡𑐸 𑑋 𑐩𑐵𑐮𑑂𑐡𑐶𑐨𑑂𑐳𑑄 𑐩𑑂𑐴𑐶𑐟𑐷𑐐𑐸 𑐣𑑂𑐫𑐵𑐐𑐹 𑐎𑐵𑐳𑐵𑐫𑑂 𑑖𑑑 𑐩𑑂𑐴 𑐩𑐶𑐳𑐵 𑐰 𑑒𑑖 𑐩𑑂𑐴 𑐩𑐶𑐖𑑄 𑐎𑐵𑐳𑐵𑐩𑐶 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐨𑐵𑐬𑐟𑑄 𑐁𑐬𑑂𑐔𑐬𑐷 𑐰 𑐎𑑂𑐬𑐶𑐎𑐾𑐚 𑐧𑐵𑐴𑐾𑐎 𑐦𑐸𑐎𑑂𑐎𑑄 𑐢𑐾𑑄𑐢𑐾𑑄𑐧𑐮𑑂𑐮𑐵𑐏𑐫𑑂 𑐧𑑂𑐰𑐟𑐶 𑐎𑐵𑐂 𑑋 𑐨𑐵𑐬𑐟𑐥𑐵𑐏𑐾𑑄 𑑔𑑑 𑐩𑑂𑐴 𑐩𑐶𑐖𑑄 𑐰 𑑖𑑑 𑐩𑑂𑐴 𑐩𑐶𑐳𑐵 𑐎𑐵𑐳𑐵𑐩𑐶𑑄 𑐧𑑂𑐰𑐟𑐶 𑐎𑐵𑐂 𑑋 𑐧𑑄𑐐𑐮𑐵𑐡𑐾𑐱𑐥𑐵𑐏𑐾𑑄 𑐏𑐸𑐐𑐹 𑐎𑐵𑐳𑐵𑐫𑑂 𑐩𑐶𑐖𑑄 𑑔𑑔 𑐩𑑂𑐴 𑐰 𑐩𑐶𑐳𑐵 𑑕𑑕 𑐩𑑂𑐴 𑐎𑐵𑐳𑐵𑐩𑐶𑑄 𑐧𑑂𑐰𑐟𑐶 𑐎𑐵𑐂 𑑋 𑐧𑑄𑐐𑐮𑐵𑐡𑐾𑐱𑑄 𑐩𑐶𑐳𑑂𑐟𑐫𑑂 𑐦𑐸𑐚𑐧𑐮 𑐰 𑐚𑑂𑐬𑐵𑐫𑐠𑑀𑐮𑐣𑐫𑑂 𑐧𑑂𑐰𑐟𑐶 𑐩𑐎𑐵𑑅 𑑋 𑐥𑐵𑐎𑐶𑐳𑑂𑐟𑐵𑐣𑑄 𑐣𑑄 𑐩𑐶𑐳𑑂𑐟𑐫𑑂 𑐦𑐸𑐚𑐧𑐮 , 𑐩𑐶𑐳𑑂𑐟𑐫𑑂 𑐎𑑂𑐬𑐶𑐎𑐾𑐚 𑐰 𑐚𑑂𑐬𑐵𑐫𑐠𑑀𑐮𑐣𑑄 𑐧𑑂𑐰𑐟𑐶 𑐩𑐎𑐵𑑅 𑑋

𑐥𑐵𑐎𑐶𑐳𑑂𑐟𑐵𑐣𑑄 𑐩𑐶𑐖𑑄 𑑓𑑘 𑐩𑑂𑐴 𑐰 𑐩𑐶𑐳𑐵 𑑓𑑕 𑐩𑑂𑐴 𑐎𑐵𑐳𑐵𑐩𑐶𑑄 𑐧𑑂𑐰𑐟𑐶 𑐎𑐵𑐂 𑑋 𑐱𑑂𑐬𑐷𑐮𑑄𑐎𑐵𑑄 𑐔𑑂𑐫𑐵𑐐𑐸𑐮𑐶𑑄 𑐢𑐾𑑄𑐢𑐾𑑄𑐧𑐮𑑂𑐮𑐵𑐏𑐫𑑂 𑐧𑑂𑐰𑐟𑐶 𑐎𑐵𑑅𑐐𑐸 𑐡𑐸 𑑋 𑐠𑐸𑐎𑐷𑐫𑐵 𑐣𑐶𑑄𑐟𑐶𑑄 𑑔𑑖 𑐩𑑂𑐴 𑐩𑐶𑐖𑑄 𑐰 𑑘𑑑 𑐩𑑂𑐴 𑐩𑐶𑐳𑐵 𑐎𑐵𑐳𑐵𑐩𑐶𑐟𑐫𑑂𑐳𑑄 𑐢𑐾𑑄𑐢𑐾𑑄𑐧𑐮𑑂𑐮𑐵𑑅 𑐫𑐵𑐂 𑑋 𑐨𑐹𑐚𑐵𑐣𑑄 𑐴𑑂𑐫𑐵𑐞𑑂𑐜𑐧𑐮, 𑐩𑐶𑐳𑑂𑐟𑐫𑑂 𑐦𑐸𑐚𑐧𑐮, 𑐧𑐷𑐔 𑐨𑐮𑐶𑐧𑐮 𑐰 𑐚𑑂𑐬𑐵𑐫𑐠𑑀𑐮𑐣𑑄 𑐧𑑂𑐰𑐟𑐶 𑐩𑐎𑐵𑑅 𑑋 𑐨𑐹𑐚𑐵𑐣𑐥𑐵𑐏𑐾𑑄𑐥𑑂𑐫.𑐐𑐹 𑐎𑐵𑐳𑐵𑐫𑐵 𑐣𑐶𑑄𑐟𑐶𑑄 𑐩𑐶𑐖𑑄𑐟 𑑑𑑔 𑐩𑑂𑐴 𑐰 𑐩𑐶𑐳𑑂𑐟𑐫𑑂 𑐏𑐸𑐩𑑂𑐴𑐾𑐳𑑂𑐫𑐵𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋

𑐥𑑀𑐏𑐬𑐵𑐫𑑂 𑐖𑐸𑐂𑐐𑐸 𑐎𑐵𑐳𑐵 𑐩𑐢𑑂𑐫𑐾 𑐧𑑂𑐫𑐵𑐜𑐩𑐶𑐣𑑂𑐚𑐣 𑑑𑑕 𑐐𑐟𑐾 𑐧𑑂𑐫𑐵𑐜𑐩𑐶𑐣𑑂𑐚 𑐎𑐨𑐬𑑂𑐜 𑐴𑐮𑐫𑑂 𑐖𑐸𑐂 𑑋 𑐩𑐶𑐳𑑂𑐟𑐫𑑂 𑐎𑑂𑐬𑐶𑐎𑐾𑐚 𑑑𑑖𑐐𑐟𑐾 𑐥𑑀𑐏𑐬𑐵 𑐬𑑄𑐐𑐱𑐵𑐮𑐵 𑐡𑐸𑐣𑐾𑐫𑐵 𑐎𑑂𑐬𑐶𑐎𑐾𑐚 𑐩𑐿𑐡𑐵𑐣𑐫𑑂 𑐖𑐸𑐂𑐳𑐵 𑐁𑐬𑑂𑐔𑐬𑐷 𑐰 𑐚𑑂𑐬𑐵𑐫𑐠𑑀𑐮𑐣 𑑑𑑖 𑐐𑐟𑐾 𑐣𑐶𑐳𑐾𑑄 𑐳𑐸𑐬𑐸 𑐖𑐸𑐂 𑑋 𑐩𑐶𑐳𑑂𑐟𑐫𑑂 𑐰 𑐩𑐶𑐖𑑄𑐟𑐫𑑂 𑐴𑑂𑐫𑐵𑐞𑑂𑐜𑐧𑐮 𑑑𑑘 𑐐𑐟𑐾 𑐰 𑐧𑐷𑐔 𑐨𑐮𑐶𑐧𑐮, 𑐨𑐵𑐬𑑀𑐟𑑂𑐟𑑀𑐮𑐣 𑐰 𑐩𑐶𑐳𑑂𑐟𑐫𑑂 𑐦𑐸𑐚𑐧𑐮 𑑙 𑐐𑐟𑐾 𑐣𑐶𑐳𑐾𑑄 𑐳𑐸𑐬𑐸 𑐖𑐸𑐂 𑑋 𑐧𑐶𑐔 𑐨𑐮𑐶𑐧𑐮 𑐧𑐵𑐬𑐵𑐴𑐷𑐑𑐵𑐚𑐫𑑂 𑐔𑑂𑐰𑑄𑐐𑐸 𑐧𑐷𑐔 𑐨𑐮𑐶𑐧𑐮 𑐎𑑀𑐬𑑂𑐚𑐫𑑂 𑐖𑐸𑐂 𑑋 𑐨𑐵𑐬𑑀𑐟𑑂𑐟𑑀𑐮𑐣 𑐩𑐵𑐚𑐾𑐥𑐵𑐣𑐷𑐂 𑐔𑑂𑐰𑑄𑐐𑐸 𑐎𑐾𑐳𑐷 𑐎𑑂𑐫𑐵𑐚𑐬𑐶𑐒𑑂𑐐 𑐴𑐮𑐫𑑂 𑐖𑐸𑐂 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS