Read news in NepalBhasa text-- www.hamroschool.com BACK 𑐀𑐩𑐾𑐬𑐶𑐎𑐵𑐫𑑂 𑐣𑐾𑐥𑐵𑑅𑐫𑐵 𑐧𑑁𑐡𑑂𑐢 𑐳𑐩𑑂𑐩𑐾𑐮𑐣 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐩𑐾𑐬𑐶𑐎𑐵𑐫𑑂 𑐣𑐾𑐥𑐵𑑅𑐫𑐵 𑐧𑑁𑐡𑑂𑐢 𑐳𑐩𑑂𑐩𑐾𑐮𑐣

𑐫𑐾𑑃 – 𑐣𑐾𑐥𑐵𑑅𑐫𑐵 𑐧𑐸𑐡𑑂𑐢 𑐢𑐬𑑂𑐩𑐫𑐵𑐟 𑐰𑐶𑐡𑐾𑐱𑐫𑑂 𑐣𑑄 𑐥𑑂𑐬𑐔𑐵𑐬 𑐫𑐵𑐫𑐾𑐐𑐸 𑐟𑐵𑑅 𑐟𑐫𑐵𑑅 𑐠𑐸𑐐𑐸𑐳𑐷 𑐀𑐩𑐾𑐬𑐶𑐎𑐵𑐫𑑂 𑐟𑑅𑐣𑑂𑐴𑐸 𑐟𑐎 𑐖𑐸𑐂𑐐𑐸 𑐖𑑂𑐫𑐵𑐗𑑂𑐰𑑅 𑐱𑐸𑐬𑐸 𑐖𑐹𑐐𑐸 𑐡𑐸 𑑋 𑐣𑐺𑐟𑑂𑐫 𑐩𑐞𑑂𑐜𑐮 𑐰𑐶𑐴𑐵𑐬𑐫𑐵 𑐗𑐶𑐡𑑃 𑐧𑐸𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐀𑐩𑐾𑐬𑐶𑐎𑐵𑐫𑐵 𑐥𑑀𑐬𑑂𑐚𑐮𑑂𑐫𑐵𑐞𑑂𑐜𑐫𑑂 𑐩𑑂𑐴𑐶𑐐𑑅𑐣𑐶𑐳𑐾𑑄 𑐠𑑂𑐰 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐧𑐸𑐡𑑂𑐢 𑐢𑐬𑑂𑐩𑐫𑑂 𑐳𑑄𑐳𑑂𑐎𑐺𑐟 𑐁𑐏𑑅, 𑐣𑐾𑐰𑐵𑑅 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐳𑑄𑐳𑑂𑐎𑐺𑐟𑐶, 𑐢𑑂𑐫𑐵𑐣 𑐨𑐵𑐰𑐣𑐵 𑐀𑐵𑐶𑐡 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐂𑐐𑐸 𑐐𑑂𑐰𑐳𑐵𑑅 𑐡𑐸 𑑋

𑐀𑐠𑐾 𑐴𑐾 𑐩𑐾𑐐𑐸 𑐰𑐵𑐮𑐫𑑂 𑐜𑐵. 𑐐𑑁𑐟𑐩 𑐰𑐖𑑂𑐬𑐵𑐔𑐵𑐬𑑂𑐫𑑄 𑐣𑐾𑐥𑐵𑐮𑐷 𑐧𑑁𑐡𑑂𑐢 𑐎𑐮𑐵 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐫𑐵𑐡𑐷 𑑋 𑐀𑐠𑐾 𑐴𑐾 𑐊𑐮𑐶𑐱𑐵 𑐐𑑂𑐬𑐵𑐴𑐩𑑄 𑐣𑐾𑐥𑐵𑑅𑐫𑐵 𑐧𑐸𑐡𑑂𑐢 𑐢𑐬𑑂𑐩𑐫𑑂 𑐏𑑂𑐰𑐵𑑅𑐥𑐵𑑅 𑐥𑐸𑐣𑐵𑑅 𑐫𑐵𑐂𑐐𑐸 𑐴𑐸𑐮𑐵𑐥𑑂𑐫𑐵𑐏𑑄 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐂𑐐𑐸 𑐐𑑂𑐰𑐳𑐵𑑅 𑐡𑐸 𑑋 𑐄𑐎𑐠𑑄 𑐴𑐾 𑐀𑐎𑑂𑐚𑑀𑐧𑐬 𑐩𑐴𑐶𑐣𑐵𑐫𑑂 𑐣𑐾𑐥𑐵𑑅𑐫𑐵 𑐰𑐖𑑂𑐬𑐫𑐵𑐣 𑐔𑐔𑐵 𑐥𑑂𑐫𑐵𑐏𑑄 𑐧𑐵𑐬𑐾 𑐜𑐵. 𑐩𑐶𑐬𑐵𑐣𑑂𑐜𑐵 𑐃. 𑐱𑐵𑑄 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐳𑐵 𑐡𑐫𑐵𑐬𑐟𑑂𑐣 𑐱𑐵𑐎𑑂𑐫𑑄 𑐣𑐾𑐰𑐵𑑅 𑐥𑐬𑐩𑑂𑐥𑐬𑐵 𑐰 𑐳𑑄𑐳𑑂𑐎𑐺𑐟𑐶 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐫𑐵𑐡𑐷 𑑋

𑐄𑐎𑐠𑑄 𑐴𑐾 𑐣𑑀𑐨𑐾𑐩𑑂𑐧𑐬 𑐩𑐴𑐶𑐣𑐵𑐫𑑂 𑐜𑐵. 𑐎𑑂𑐬𑐶𑐲𑑂𑐚𑑀𑐦𑐬 𑐊𑐩𑐬𑐶𑐔𑑄 𑐣𑐾𑐥𑐵𑐮𑐷 𑐧𑑁𑐡𑑂𑐢 𑐳𑐵𑐴𑐶𑐟𑑂𑐫 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐂𑐐𑐸 𑐐𑑂𑐰𑐳𑐵𑑅 𑐡𑐸𑐳𑐵 𑐜𑐵. 𑐩𑐶𑐬𑑀𑐖 𑐱𑐵𑐎𑑂𑐫𑑄 𑐥𑐰𑐶𑐟𑑂𑐬 𑐩𑐣𑑂𑐟𑑂𑐬 𑐰 𑐢𑐵𑐬𑐞𑐷 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐫𑐵𑐡𑐷 𑑋 𑐩𑐫𑑂𑐖𑐸 𑐊𑐎𑑂𑐳𑐷 𑐟𑑂𑐬𑐶𑐳𑑂𑐚𑐵𑐣 𑐎𑑀𑐜𑑂𑐬𑐾𑐳𑑂𑐎𑑂𑐫𑐹𑑄 𑐡𑐿𑐰𑐷 𑐡𑐧𑐹 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐫𑐵𑐡𑐷 𑑋 𑐮𑐶𑐳𑐾𑑄 𑐜𑐵. 𑐀𑐮𑐾𑐎𑑂𑐖𑐵𑐞𑑂𑐜𑐬 𑐨𑑀𑐣 𑐬𑐵𑐳𑑂𑐥𑐵𑐚𑑄 𑐣𑐾𑐥𑐵𑑅𑐫𑐵 𑐧𑑁𑐡𑑂𑐢 𑐖𑐷𑐰𑐣𑐫𑑂 𑐳𑑄𑐳𑑂𑐎𑐵𑐬 𑐰 𑐳𑑄𑐳𑑂𑐎𑐺𑐟𑐶 𑐧𑐵𑐬𑐾 𑐖𑑂𑐫𑐵𑐥𑑁 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐐𑑂𑐰𑐳𑐵𑑅 𑐡𑐸 𑑋

𑐠𑑂𑐰 𑐦𑐸𑐎𑑂𑐎𑑄 𑐖𑑂𑐫𑐵𑐗𑑂𑐰𑑅𑐫𑐵 𑐳𑐩𑐵𑐥𑐣 𑐣𑑀𑐨𑐾𑐩𑑂𑐧𑐬 𑑑𑑐 𑐟𑐵𑐬𑐶𑐏 𑐎𑐸𑐣𑑂𑐴𑐸 𑐖𑐸𑐂 𑑋 𑐄𑐐𑐸 𑐂𑐮𑐫𑑂 𑐴𑑀𑐩 𑐫𑐵𑐫𑐾𑐐𑐸 𑐮𑐶𑐳𑐾𑑄 𑐔𑐔𑐵 𑐥𑑂𑐫𑐵𑐏𑑄 𑐣𑑄 𑐣𑑂𑐴𑑂𑐫𑐧𑑂𑐰𑐂𑐐𑐸 𑐐𑑂𑐰𑐳𑐵𑑅 𑐡𑐸 𑑋 𑐀𑐩𑐾𑐬𑐶𑐎𑐵 𑐰 𑐫𑐸𑐬𑑀𑐥𑐫𑑂 𑐧𑐸𑐡𑑂𑐢 𑐢𑐬𑑂𑐩 𑐢𑐵𑐮 𑐎𑐶 𑐟𑐶𑐧𑑂𑐧𑐟𑐷 𑐧𑐸𑐡𑑂𑐢 𑐢𑐬𑑂𑐩𑐫𑐵𑐟 𑐖𑐎 𑐖𑐸𑐂𑐎𑐷𑐐𑐸 𑐖𑐸𑐫𑐵𑑅 𑐣𑐾𑐥𑐵𑑅𑐫𑐵 𑐧𑐸𑐡𑑂𑐢 𑐢𑐬𑑂𑐩 𑐧𑐵𑐬𑐾 𑐄𑐮𑐶 𑐔𑐬𑑂𑐔𑐵 𑐩𑐖𑐹 𑑋 𑐄𑐎𑐶𑐫𑐵𑐟 𑐴𑐾 𑐢𑑂𑐫𑐵𑐣𑐫𑑂 𑐟𑐫𑐵𑑅 𑐠𑑂𑐰 𑐖𑑂𑐫𑐵𑐗𑑂𑐰𑑅 𑐫𑐵𑐫𑐾𑐟𑑂𑐫𑐣𑐵𑐐𑐸 𑐏𑑃 𑐣𑐺𑐟𑑂𑐫 𑐩𑐞𑑂𑐜𑐮 𑐩𑐴𑐵𑐰𑐶𑐴𑐵𑐬𑐫𑐵 𑐥𑑂𑐬𑐩𑐸𑐏 𑐥𑑂𑐬𑐖𑑂𑐰𑐮 𑐰𑐖𑑂𑐬𑐵𑐔𑐵𑐬𑑂𑐫𑑄 𑐎𑐣𑐵𑐡𑐶𑐮 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS