𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐩𑐵𑐟𑐺𑐨𑐵𑐲𑐵 𑐡𑐶𑐰𑐳𑐫𑑂 𑐎𑐰𑐶𑐟𑐵 𑐩𑐴𑑀𑐟𑑂𑐳𑐰

𑐫𑐾𑑃 – 𑐣𑐾𑐥𑐵𑐮𑐫𑑂 𑐣𑑄 𑐠𑐷𑐠𑐷 𑐖𑑂𑐫𑐵𑐗𑑂𑐰𑑅 𑐫𑐵𑐳𑐾𑑄 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐩𑐵𑐟𑐺𑐨𑐵𑐲𑐵 𑐡𑐶𑐰𑐳 𑐴𑐣 𑑋 𑐠𑑂𑐰 𑐮𑐳𑐟𑐵𑐫𑑂 𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑑄 𑐬𑐵𑐲𑑂𑐚𑑂𑐬𑐶𑐫 𑐩𑐵𑐟𑐺𑐨𑐵𑐲𑐵 𑐎𑐰𑐶𑐟𑐵 𑐩𑐴𑑀𑐟𑑂𑐳𑐰 𑑒𑑐𑑗𑑔 𑐫𑐵𑐟 𑑋 𑐳𑑂𑐰𑐷𑐏𑐸𑐐𑐹 𑐨𑐵𑐲𑐵𑐫𑐵 𑑑𑑐𑑗 𑐥𑐹 𑐎𑐰𑐶𑐟𑐵 𑐡𑐸𑐟𑐶𑑄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐮𑑂𑐫𑐖𑑂𑐫𑐵𑑅 𑐥𑐸𑐔𑐮𑑄 𑐮𑑂𑐫𑐫𑐵𑑅 𑐩𑐸𑐎𑑂𑐎𑑄 𑐥𑐷𑐥𑑂𑐫𑐥𑐸 𑐎𑐰𑐶𑐟𑐵 𑐡𑐸𑐠𑑂𑐫𑐵𑐎𑐹𑐐𑐸 𑐏𑑅 𑑋𑐄𑐎𑐶 𑐣𑐾𑐥𑐵𑐮𑐨𑐵𑐲𑐵, 𑐟𑐵𑐩𑐵𑐒 𑐨𑐵𑐲𑐵, 𑐩𑐿𑐠𑐶𑐮𑐷 𑐨𑐵𑐲𑐵, 𑐀𑐰𑐢𑐶 𑐨𑐵𑐲𑐵 𑐣𑐵𑐥𑑄 𑐳𑑂𑐰𑐷𑐏𑐸𑐐𑐹 𑐨𑐵𑐲𑐵𑑄 𑐎𑐰𑐶𑐟𑐵 𑐣𑑂𑐫𑑄𑐎𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐗𑐶𑑄𑐐𑐸𑐐𑐹 𑐨𑐵𑐲𑐵𑐫𑑂 𑐕𑐥𑐸 𑐕𑐥𑐸 𑐖𑐎 𑐎𑐰𑐶𑐟𑐵 𑐡𑐸𑐠𑑂𑐫𑐵𑐰𑑅𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐣𑐾𑐥𑐵𑐮 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐏𑑂𑐫𑐮𑐫𑑂 𑐖𑐹𑐐𑐸 𑐄𑐐𑐸 𑐩𑐵𑐟𑐺𑐨𑐵𑐲𑐵 𑐎𑐰𑐶𑐟𑐵 𑐩𑐴𑑀𑐟𑑂𑐳𑐰𑐫𑑂 𑐥𑑂𑐬𑐟𑐶𑐲𑑂𑐛𑐵𑐣𑐫𑐵 𑐎𑐸𑐮𑐥𑐟𑐶 𑐐𑑄𑐐𑐵𑐥𑑂𑐬𑐳𑐵𑐡 𑐄𑐥𑑂𑐬𑐾𑐟𑐶𑑄 𑐳𑐴𑐨𑐵𑐐𑐷𑐟𑐫𑑂𑐟 𑐥𑐵𑐬𑐶𑐱𑑂𑐬𑐩𑐶𑐎 𑐰 𑐡𑐳𑐶𑐥𑑁 𑐮𑑅𑐮𑑂𑐴𑐵𑐣𑐵𑐡𑐶𑐮 𑑋𑐬𑐵𑐩𑐾𑐕𑐵𑐥𑐫𑐵 𑐳𑐶𑐟𑐵𑐮 𑐠𑑀𑐎𑐬 𑐟𑐵𑐩𑐵𑐒𑐫𑐵 𑐎𑐰𑐶𑐟𑐵𑑄 𑐳𑐸𑐬𑐸 𑐖𑐹𑐐𑐸 𑐩𑐴𑑀𑐟𑑂𑐳𑐰𑐫𑑂 𑐥𑑂𑐬𑐫𑐵𑐳 𑐡𑐸𑐩𑐶 𑐬𑐵𑐃, 𑐩𑐐𑐬𑐵𑐣𑐷 𑐬𑐵𑐩𑐖𑐶𑐟𑐵, 𑐳𑐰𑐶𑐣𑐳𑐶𑑄 𑐔𑑁𑐢𑐬𑐷, 𑐎𑐺𑐟𑐶𑐎𑐵 𑐎𑐾𑐴𑐬𑐠, 𑐕𑐒 𑐐𑐸𑐬𑐸𑐒,𑐣𑐶𑐱𑐵 𑐔𑑁𑐢𑐬𑐷, 𑐥𑐰𑐣𑐎𑐸𑐩𑐵𑐬 𑐫𑐵𑐡𑐰, 𑐮𑐎𑑂𑐲𑑂𑐩𑐷 𑐋𑐜𑐷, 𑐡𑐶𑐮 𑐧𑐴𑐵𑐡𑐸𑐬 𑐎𑐸𑐩𑐵𑐮 𑐣𑐵𑐥𑑄 𑐥𑐷𑐩𑑂𑐴 𑐎𑐰𑐶𑐥𑐶𑐳𑑄 𑐎𑐰𑐶𑐟𑐵 𑐧𑑂𑐰𑐣𑐵𑑅 𑐣𑑂𑐫𑑄𑐎𑐹𑐐𑐸 𑐏𑑅 𑑋