Read news in NepalBhasa text-- www.hamroschool.com BACK 𑐟𑐵𑐟𑑀𑐥𑐵𑐣𑐷 𑐔𑐵𑐫𑐾𑐎𑐹𑐳𑐵𑑄 𑐰𑑂𑐫𑐵𑐥𑐵𑐬 𑐱𑐹𑐣𑑂𑐫 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐟𑐵𑐟𑑀𑐥𑐵𑐣𑐷 𑐔𑐵𑐫𑐾𑐎𑐹𑐳𑐵𑑄 𑐰𑑂𑐫𑐵𑐥𑐵𑐬 𑐱𑐹𑐣𑑂𑐫

𑐎𑐾𑐬𑐸𑐒 𑐣𑐵𑐎𑐵𑐫𑑂 𑐣𑑄 𑐮𑑃 𑐳𑑂𑐫𑑄𑐐𑐸𑐮𑐶𑑄 𑐩𑑀𑐴𑐣𑐶𑐫𑐵𑐟 𑐳𑐵𑐩𑐵𑐣 𑐴𑐫𑐾𑐟 𑐠𑐵𑐎𑐸

𑐫𑐾𑑃 – 𑐔𑐷𑐣𑑄 𑐣𑐾𑐥𑐵𑑅 𑐮𑐶𑐳𑐾 𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐟𑐵𑐟𑑀𑐥𑐵𑐣𑐷 𑐣𑐵𑐎𑐵 𑐔𑐵𑐫𑐾𑐎𑐹𑐳𑐵𑑄 𑐄𑐐𑐸 𑐣𑐵𑐎𑐵𑑄 𑐳𑐵𑐩𑐵𑐣 𑐴𑐫𑐾𑐐𑐸 𑐖𑑂𑐫𑐵 𑐢𑐵𑑅𑐳𑐵 𑐀𑐗𑑄 𑐣𑑂𑐴𑑂𑐫𑐵𑐫𑐾 𑐩𑐦𑐸𑐐𑐸𑐣𑐶𑐐𑐸 𑐏𑑃 𑐳𑐩𑑂𑐧𑐡𑑂𑐢 𑐰𑑂𑐫𑐵𑐥𑐵𑐬𑐷𑐟𑐫𑑂𑐳𑑄 𑐢𑐵𑑅𑐐𑐸 𑐡𑐸 𑑋 𑐨𑐸𑐏𑐵𑐫𑑂 𑐧𑑂𑐰𑐫𑐾𑐢𑐸𑑄𑐎𑐵𑑅 𑐧𑐣𑑂𑐡 𑐫𑐵𑐣𑐵 𑐟𑑅𑐐𑐸 𑐄𑐐𑐸 𑐣𑐵𑐎𑐵 𑐔𑐵𑐫𑐾𑐎𑐾𑐐𑐸 𑐮𑐵𑐐𑐶𑑄 𑐣𑐾𑐥𑐵𑐮𑑄 𑐫𑐎𑑂𑐰 𑐂𑐣𑐵𑐥 𑐫𑐵𑐫𑐾𑐰𑑄 𑐔𑐷𑐣𑑄 𑐣𑐵𑐎𑐵 𑐱𑐸𑐬𑐸 𑐫𑐵𑑅𑐐𑐸 𑐏𑑅 𑑋 𑐟𑐬 𑐣𑐵𑐎𑐵 𑐔𑐵𑐫𑐾𑐎𑐹𑐳𑐵𑑄 𑐔𑐷𑐣𑑄 𑐠𑐷𑐠𑐷 𑐎𑐠𑑄𑐫𑐵 𑐣𑐶𑐫𑐩 𑐮𑐵𑐐𑐹 𑐫𑐵𑐣𑐵 𑐟𑑅𑐐𑐸𑐮𑐶𑑄 𑐀𑐣𑑄 𑐳𑐵𑐩𑐵𑐣 𑐴𑐫𑐾𑐟 𑐟𑐎𑑄 𑐠𑐵𑐎𑐸𑐫𑐵𑐔𑑂𑐰𑑄𑐐𑐸 𑐏𑑃 𑐣𑐾𑐥𑐵𑐮𑐷 𑐰𑑂𑐫𑐵𑐥𑐵𑐬𑐷𑐟𑐫𑑂𑐳𑑄 𑐢𑐵𑐫𑐾𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐮𑐶𑐳𑐾𑑄 𑐟𑐵𑐟𑑀𑐥𑐵𑐣𑐷𑑄 𑐫𑐾𑑃𑐫𑑂 𑐰𑐫𑐾𑐐𑐸 𑐮𑑃 𑐁𑑅 𑐟𑐎 𑐩𑐡𑐫𑐾𑐎𑐹𑐐𑐸𑐮𑐶𑑄 𑐐𑐵𑐜𑐷 𑐔𑐮𑐾 𑐫𑐵𑐫𑐾𑐟 𑐣𑑄 𑐠𑐵𑐎𑐸𑐫𑐵𑐔𑑂𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐣𑐾𑐥𑐵𑑅𑐥𑐵𑐏𑐾𑐫𑐵 𑐮𑑃 𑐡𑐫𑐾𑐎𑐾𑐐𑐸 𑐮𑐵𑐐𑐶𑑄 𑐟𑐎𑑄 𑐣𑐾𑐥𑐵𑑅 𑐳𑐬𑐎𑐵𑐬𑑄 𑐏𑐵𑐳 𑐢𑑂𑐫𑐵𑐣 𑐩𑐧𑐶𑐄𑐐𑐸 𑐡𑑂𑐰𑐥𑑄 𑐣𑑄 𑐰𑑂𑐫𑐵𑐥𑐵𑐬𑐷𑐟𑐫𑑂𑐳𑑄 𑐧𑐶𑐄𑐐𑐸 𑐡𑐸 𑑋 𑐔𑐷𑐣𑑄 𑐣𑐵𑐎𑐵 𑐔𑐵𑐫𑐾𑐎𑐹𑐳𑐵𑑄 𑐳𑐵𑐩𑐵𑐣 𑐴𑐫𑐾𑐟 𑐠𑐵𑐎𑐸𑐐𑐸 𑐖𑐸𑐫𑐵𑑅 𑐟𑐵𑐟𑑀𑐥𑐵𑐣𑐷 𑐮𑐵𑐐𑐵 𑐀𑐗𑑄 𑐐𑐸𑐮𑐖𑐵𑐬 𑐩𑐖𑐹𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐠𑑁𑑄𑐎𑐣𑑂𑐴𑐫𑑂 𑐀𑐣𑑄 𑐦𑐵𑐚𑑂𑐚𑐦𑐸𑐚𑑂𑐚 𑐖𑐎 𑐐𑐵𑐜𑐷 𑐔𑐮𑐾 𑐖𑐹𑐳𑐵𑑄 𑐐𑐧𑐮𑐾𑑄 𑐐𑐧𑐮𑐾𑑄 𑐮𑐵 𑐕𑐐𑑅 𑐴𑐾 𑐐𑐵𑐜𑐷 𑐩𑐰𑐂𑐐𑐸 𑐏𑑃 𑐣𑑄 𑐢𑐵𑑅𑐐𑐸 𑐡𑐸 𑑋 𑐄𑐏𑐾 𑐔𑐷𑐣𑑄 𑐁𑑅 𑐣𑐾𑐥𑐵𑑅 𑐡𑐸𑐴𑐵𑑄 𑐰𑐣𑐾𑐐𑐸 𑐩𑐹𑐮 𑐣𑐵𑐎𑐵𑐫𑐵 𑐬𑐸𑐥𑐫𑑂 𑐰𑐶𑐎𑐵𑐳 𑐫𑐵𑐫𑐾𑐟𑑂𑐫𑑄𑐐𑐸 𑐎𑐾𑐬𑐸𑐒 𑐣𑑄 𑐧𑐵𑑄𑐮𑐵𑐎 𑐳𑐘𑑂𑐔𑐵𑐮𑐣 𑐫𑐵𑐫𑐾 𑐩𑐦𑐫𑐵𑐔𑑂𑐰𑑄𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐎𑐾𑐬𑐸𑐒𑑄 𑐣𑐾𑐥𑐵𑑅 𑐡𑐸𑐴𑐵𑑄 𑐰𑐫𑐾𑐐𑐸 𑐬𑐵𑐖𑐩𑐵𑐬𑑂𑐐 𑐟𑐳𑐎𑑄 𑐳𑑂𑐫𑑄𑐐𑐸 𑐰 𑐠𑑂𑐰 𑐡𑐫𑐾𑐎𑐾𑐐𑐸𑐥𑐵𑐏𑐾 𑐣𑐾𑐥𑐵𑑅 𑐳𑐬𑐎𑐵𑐬𑑄 𑐏𑐵𑐳 𑐴𑐾 𑐢𑑂𑐫𑐵𑐣 𑐩𑐧𑐶𑐄𑐐𑐸 𑐖𑐸𑐫𑐵𑑅 𑐀𑐣𑑄 𑐳𑐵𑐩𑐵𑐣 𑐴𑐫𑐾𑐟 𑐠𑐵𑐎𑐸𑐫𑐵𑐔𑑂𑐰𑑄𑐐𑐸 𑐏𑑃 𑐣𑑄 𑐰𑑂𑐫𑐰𑐳𑐵𑐫𑐷𑐟𑐫𑑂𑐳𑑄 𑐢𑐵𑑅𑐐𑐸 𑐡𑐸 𑑋

𑐔𑐷𑐣𑑄 𑐣𑐾𑐥𑐵𑑅 𑐰𑐫𑐾𑐐𑐸 𑐣𑐶𑐐𑐸𑐮𑐶𑑄 𑐣𑐵𑐎𑐵𑐫𑑂 𑐕𑐏𑐾 𑐮𑑃 𑐧𑐵𑑄𑐩𑐮𑐵𑑅𑐐𑐸 𑐰 𑐩𑐾𑐏𑐾 𑐔𑐷𑐣𑑄 𑐮𑐵𑐐𑐹 𑐫𑐵𑐣𑐵𑐟𑑅𑐐𑐸 𑐠𑐷𑐠𑐷 𑐎𑐠𑑄𑐫𑐵 𑐣𑐶𑐫𑐩𑑄 𑐫𑐵𑐣𑐵𑑅 𑐳𑐵𑐩𑐵𑐣 𑐴𑐫𑐾𑐟 𑐠𑐵𑐎𑐸𑐐𑐸𑐮𑐶𑑄 𑐠𑐸𑐐𑐸𑐳𑐷 𑐩𑑀𑐴𑐣𑐶𑐫𑐵 𑐮𑐵𑐐𑐶𑑄 𑐔𑐷𑐣𑐥𑐵𑐏𑐾𑑄 𑐥𑑂𑐬𑐱𑐳𑑂𑐟 𑐩𑐵𑐟𑑂𑐬𑐵𑐫𑑂 𑐣𑑂𑐴𑐹𑐐𑐸 𑐳𑐵𑐩𑐵𑐣 𑐴𑐫𑐾 𑐩𑐏𑐣𑐷𑐐𑐸 𑐏𑑃 𑐣𑑄 𑐰𑑂𑐫𑐵𑐥𑐵𑐬𑐷𑐟𑐫𑑂𑐳𑑄 𑐢𑐵𑑅𑐐𑐸 𑐡𑐸 𑑋 𑐠𑐸𑐎𑐶𑑄 𑐫𑐵𑐣𑐵𑑅 𑐩𑑀𑐴𑐣𑐶𑐫𑐵𑐟 𑐣𑑂𑐴𑐹𑐐𑐸 𑐳𑐵𑐩𑐵𑐣 𑐩𑐠𑑂𑐫𑐣𑐷𑐐𑐸 𑐰 𑐡𑐸𑐐𑐸 𑐳𑐵𑐩𑐵𑐣𑐫𑐵 𑐨𑐵𑑅 𑐣𑑄 𑐠𑐴𑐵𑑄 𑐰𑐣𑐾 𑐦𑐸𑐐𑐸 𑐀𑐣𑐸𑐩𑐵𑐣 𑐣𑑄 𑐫𑐵𑑅𑐐𑐸 𑐡𑐸 𑑋

𑐄𑐟𑑂𑐟𑐬 𑐎𑑀𑐬𑐶𑐫𑐵𑐫𑐵𑐟 𑐰𑑂𑐫𑐰𑐳𑐵𑐫 𑐡𑐶𑐎𑐾𑐟 𑐥𑑁
𑐣𑐾𑐥𑐵𑑅 𑐳𑐬𑐎𑐵𑐬𑑄 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷𑐟𑐫𑑂𑐳𑑄 𑐣𑐾𑐥𑐵𑐮𑐫𑑂 𑐔𑐮𑐾 𑐫𑐵𑐣𑐵𑐔𑑂𑐰𑑄𑐐𑐸 𑐐𑐸𑑄𑐐𑐹 𑐰𑑂𑐫𑐰𑐳𑐵𑐫 𑐧𑐣𑑂𑐡 𑐫𑐵𑐫𑐾𑐟 𑐣𑐶𑐬𑑂𑐡𑐾𑐱𑐣 𑐧𑐶𑐄𑐐𑐸 𑐡𑐸 𑑋 𑐨𑐡𑑁𑐫𑐵 𑐳𑑂𑐰𑑄𑐐𑐹𑐐𑐸 𑐰𑐵𑑅𑐣𑐶𑐳𑐾 𑐮𑐵𑐐𑐹 𑐖𑐸𑐂𑐎𑐠𑑄 𑐣𑐶𑐮𑐵𑐫𑐵 𑐡𑐸𑐣𑐾 𑐠𑑅𑐥𑐶𑐣𑐶 𑐰𑑂𑐫𑐰𑐳𑐵𑐫 𑐧𑐣𑑂𑐡 𑐫𑐵𑐫𑐾𑐟 𑐰𑐵 𑐩𑐶𑐫𑐵𑑅 𑐣𑐾𑐥𑐵𑑅 𑐟𑑂𑐰𑑅𑐟𑐵 𑐰𑐣𑐾𑐟 𑐥𑐬𑐬𑐵𑐲𑑂𑐚𑑂𑐬 𑐩𑐣𑑂𑐟𑑂𑐬𑐵𑐮𑐫𑑄 𑐥𑐟𑑂𑐬𑐵𑐔𑐵𑐬 𑐫𑐵𑑅𑐐𑐸 𑐏𑑃 𑐄𑐡𑑂𑐫𑑀𑐐 𑐰𑐶𑐨𑐵𑐐𑑄 𑐢𑐵𑑅𑐐𑐸 𑐡𑐸 𑑋 𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬 𑐳𑑄𑐑𑑄 𑐄𑐟𑑂𑐟𑐬 𑐎𑑀𑐬𑐶𑐫𑐵𑐫𑐵𑐟 𑐥𑑂𑐬𑐟𑐶𑐧𑐣𑑂𑐢 𑐟𑑅𑐐𑐸 𑐎𑐵𑐬𑐞𑑄 𑐣𑐾𑐥𑐵𑐮𑑄 𑐣𑑄 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷 𑐮𑐐𑐵𑐣𑐷 𑐮𑐶𑐟 𑐕𑑂𑐰𑐫𑐾𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋

𑐰𑐶𑐨𑐵𑐐𑐫𑐵 𑐎𑐠𑑄 𑐮𑐐𑐵𑐣𑐷 𑐮𑐶𑐟 𑐫𑑄𑐎𑐾𑐟 𑐣𑐾𑐥𑐵𑑅𑐳𑑂𑐠𑐶𑐟 𑐎𑑀𑐬𑐶𑐫𑐵𑐮𑐷 𑐡𑐹𑐟𑐵𑐰𑐵𑐳𑐫𑐵𑐟 𑐟𑑅𑐎𑑂𑐰𑑅 𑐂𑐣𑐵𑐥 𑐫𑐵𑑅𑐐𑐸 𑐰 𑐣𑐶𑐎𑑂𑐰𑑅 𑐟𑐎 𑐡𑐹𑐟𑐵𑐰𑐵𑐳𑐫𑐵 𑐜𑐷𑐳𑐷𑐊𑐩 𑐎𑐶𑐩 𑐖𑑀𑐒𑐮𑐶𑐳𑐾 𑐩𑑁𑐏𑐶𑐎 𑐳𑐩𑐗𑐡𑐵𑐬𑐷 𑐣𑑄 𑐖𑐹𑐐𑐸 𑐏𑑅 𑑋 𑐟𑐬 𑐎𑐵𑐬𑑂𑐫𑐵𑐣𑑂𑐰𑐫𑐣 𑐩𑐖𑐸𑐂𑐰𑑄 𑐥𑐬𑐬𑐵𑐲𑑂𑐚𑑂𑐬 𑐩𑐣𑑂𑐟𑑂𑐬𑐵𑐮𑐫𑑄 𑐰𑑂𑐫𑐰𑐳𑐵𑐫 𑐫𑐵𑐣𑐵𑐔𑑂𑐰𑑄𑐥𑐶𑑄 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷 𑐣𑐵𑐐𑐬𑐶𑐎𑐫𑐵 𑐨𑐶𑐳𑐵 𑐟𑐎𑑄 𑐣𑐰𑐷𑐎𑐬𑐞 𑐩𑐫𑐵𑑅𑐐𑐸 𑐏𑑅 𑑋𑐰𑐶𑐨𑐵𑐐𑐫𑐵 𑐎𑐠𑑄 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷 𑐣𑐵𑐐𑐬𑐶𑐎𑐟𑐫𑑂𑐳𑑄 𑐣𑐾𑐥𑐵𑐮𑐫𑑂 𑐀𑐳𑑂𑐥𑐟𑐵𑐮, 𑐬𑐾𑐲𑑂𑐚𑐸𑐬𑐾𑐞𑑂𑐚 𑐰 𑐳𑐦𑑂𑐚𑐰𑐾𑐫𑐬 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵𑐫𑑂 𑐮𑐐𑐵𑐣𑐷 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS