Read news in NepalBhasa text-- www.hamroschool.com BACK 𑐧𑐾𑐮𑐵𑐫𑐟𑐷 𑐥𑑂𑐬𑐩𑐫𑐵 𑐥𑑂𑐬𑐳𑑂𑐟𑐵𑐰 𑐴𑐵𑐎𑐣𑑄 𑐀𑐳𑑂𑐰𑐷𑐎𑐵𑐬 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐾𑐮𑐵𑐫𑐟𑐷 𑐥𑑂𑐬𑐩𑐫𑐵 𑐥𑑂𑐬𑐳𑑂𑐟𑐵𑐰 𑐴𑐵𑐎𑐣𑑄 𑐀𑐳𑑂𑐰𑐷𑐎𑐵𑐬

𑐮𑐣𑑂𑐡𑐣 – 𑐧𑐾𑐮𑐵𑐫𑐟𑐷 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐧𑑀𑐬𑐶𑐳 𑐖𑑀𑐣𑐳𑐣𑐫𑐵 𑐩𑐾𑐐𑐸 𑐕𑐐𑐹 𑐥𑑂𑐬𑐳𑑂𑐟𑐵𑐰𑐫𑐵 𑐀𑐣𑐫𑐵 𑐳𑑄𑐳𑐡𑑄 𑐀𑐳𑑂𑐰𑐷𑐎𑐵𑐬 𑐫𑐵𑑅𑐐𑐸 𑐡𑐸 𑑋 𑐧𑐾𑐮𑐵𑐫𑐟𑐷 𑐥𑑂𑐬𑐩 𑐖𑑀𑐣𑐳𑐣𑐫𑐵 𑐧𑐾𑐮𑐵𑐟𑐫𑑂 𑐁𑐩 𑐣𑐶𑐬𑑂𑐰𑐵𑐔𑐣 𑐫𑐵𑐫𑐾𑐐𑐸 𑐳𑐩𑑂𑐧𑐣𑑂𑐢𑐷 𑐥𑑂𑐬𑐳𑑂𑐟𑐵𑐰 𑐀𑐳𑑂𑐰𑐷𑐎𑐵𑐬 𑐫𑐵𑑅𑐐𑐸 𑐏𑑅 𑑋 𑐥𑑂𑐬𑐩 𑐖𑑀𑐣𑐳𑐣𑑄 𑐣𑐶𑐎𑑂𑐰𑑅𑐏𑐸𑐳𑐷 𑐳𑑄𑐳𑐡𑐫𑑂 𑐄𑐐𑐸 𑐥𑑂𑐬𑐳𑑂𑐟𑐵𑐰 𑐫𑑄𑐎𑐹𑐐𑐸 𑐏𑑅𑐳𑐵 𑐣𑐶𑐎𑑂𑐰𑑅𑐏𑐸𑐳𑐷 𑐣𑑄 𑐳𑐵𑑄𑐳𑐡𑐟𑐫𑑂𑐳𑑄 𑐄𑐎𑐶𑐫𑐵𑐟 𑐀𑐳𑑂𑐰𑐷𑐎𑐵𑐬 𑐫𑐵𑑅𑐐𑐸 𑐏𑑅 𑑋

𑐧𑐾𑐮𑐵𑐫𑐟𑐷 𑐥𑑂𑐬𑐩 𑐖𑑀𑐣𑐳𑐣𑑄 𑐟𑑅𑐐𑐸 𑐥𑑂𑐬𑐳𑑂𑐟𑐵𑐰 𑐳𑑂𑐰𑐷𑐎𑐺𑐟 𑐫𑐵𑐫𑐾𑐟 𑐀𑐣𑐫𑐵 𑐎𑑂𑐰𑐫𑑂𑐫𑐵 𑐳𑑄𑐳𑐡𑐫𑐵 𑑔𑑓𑑔 𑐩𑐟 𑐡𑐫𑐾𑐩𑐵𑑅𑐐𑐸 𑐏𑑅 𑑋 𑐟𑐬 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐥𑑂𑐬𑐳𑑂𑐟𑐵𑐰𑐫𑐵 𑐥𑐎𑑂𑐲𑐫𑑂 𑑒𑑙𑑓 𑐩𑐟 𑐖𑐎 𑐎𑐸𑐟𑐸𑑄 𑐰𑑅𑐐𑐸 𑐏𑑅 𑑋 𑐠𑑂𑐰 𑐁𑐰𑐱𑑂𑐫𑐎 𑐩𑐟 𑐳𑑂𑐰𑐫𑐵𑑅 𑐟𑐳𑐎𑑄 𑐩𑑂𑐴𑑀 𑐏𑑅 𑑋 𑐀𑐣𑐫𑐵 𑐰𑐶𑐥𑐎𑑂𑐲𑐷 𑐳𑐵𑑄𑐳𑐡𑐟𑐫𑑂𑐳𑑄 𑐠𑑂𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐣𑑄 𑐧𑐾𑐮𑐵𑐫𑐟 𑐫𑐸𑐬𑑀𑐥𑐾𑐮𑐷 𑐫𑐸𑐣𑐶𑐫𑐣𑑄 𑐥𑐶𑐴𑐵𑑄 𑐰𑐫𑐾𑐐𑐸 𑐧𑑂𑐬𑐾𑐎𑑂𑐖𑐶𑐚 𑐳𑐩𑑂𑐗𑑁𑐟𑐵 𑐳𑐩𑑂𑐧𑐣𑑂𑐢𑐷 𑐥𑑂𑐬𑐳𑑂𑐟𑐵𑐰𑐫𑐵𑐟 𑐣𑑄 𑐀𑐳𑑂𑐰𑐷𑐎𑐵𑐬 𑐫𑐵𑑅𑐐𑐸 𑐏𑑅 𑑋

𑐰𑐶𑐥𑐎𑑂𑐲𑐷 𑐳𑐵𑑄𑐳𑐡𑐟𑐫𑑂𑐳𑑄 𑐧𑑂𑐬𑐾𑐎𑑂𑐖𑐶𑐚 𑐳𑐩𑑂𑐗𑑁𑐟𑐵 𑐣𑑂𑐴𑑂𑐫𑑅𑐣𑐾 𑐫𑑄𑐎𑐾𑐐𑐸 𑐳𑐩𑑂𑐧𑐣𑑂𑐢𑐷 𑐎𑐵𑐣𑐸𑐣 𑐥𑐵𑐬𑐶𑐟 𑐫𑐵𑐫𑐾𑐟 𑐢𑐵𑐳𑐾𑑄 𑐡𑐧𑐵𑐰 𑐣𑑄 𑐧𑐶𑐫𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐟𑐬 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐖𑑀𑐣𑐳𑐣𑑄 𑐠𑑅 𑐎𑐵𑐣𑐸𑐣𑐷 𑐥𑑂𑐬𑐎𑑂𑐬𑐶𑐫𑐵𑐎𑐠𑑄 𑐴𑐾 𑐣𑑂𑐴𑑂𑐫𑐵𑑅 𑐰𑐣𑐾𑐐𑐸 𑐥𑑂𑐬𑐟𑐶𑐎𑑂𑐬𑐶𑐫𑐵 𑐣𑑄 𑐧𑐶𑐫𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

 

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS