Read news in NepalBhasa text-- www.hamroschool.com BACK ‘𑐣𑐾𑐫𑐩𑐵𑐬𑐫𑐵𑐟 𑐎𑐫𑐵𑑅 𑐳𑐩𑑂𑐗𑑁𑐟𑐵 𑐩𑐖𑐹𑐣𑐶’ – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

‘𑐣𑐾𑐫𑐩𑐵𑐬𑐫𑐵𑐟 𑐎𑐫𑐵𑑅 𑐳𑐩𑑂𑐗𑑁𑐟𑐵 𑐩𑐖𑐹𑐣𑐶’

𑐊𑐖𑐾𑐣𑑂𑐳𑐷 –  𑐳𑑂𑐥𑐾𑐣𑐶𑐳 𑐮𑐵 𑐮𑐶𑐐𑐵𑐫𑑂 𑐎𑐵𑐳𑐵𑐩𑐶𑐟 𑐚𑑂𑐬𑐵𑐣𑑂𑐳𑐦𑐬 𑐫𑐵𑐫𑐾𑐐𑐸 𑐃 𑐣𑐶𑐣𑑂𑐴𑐸 𑐖𑐎 𑐮𑑂𑐫𑑄 𑐡𑐣𑐶𑐳𑐵𑑄 𑐧𑐵𑐬𑑂𑐳𑐶𑐮𑑀𑐣𑐵𑑄 𑐧𑑂𑐬𑐵𑐖𑐶𑐮𑐫𑐣 𑐳𑐸𑐥𑐬𑐳𑑂𑐚𑐵𑐬 𑐣𑐾𑐫𑐩𑐵𑐬𑐫𑐵𑐟 𑐎𑑂𑐮𑐧𑐫𑑂 𑐴𑐫𑐾𑐐𑐸 ‘𑐜𑐶𑐮’ 𑐫𑐵𑐫𑐾𑐦𑐸𑐐𑐸 𑐩𑐡𑐸𑐣𑐶 𑑋

𑐣𑐾𑐫𑐩𑐵𑐬𑐫𑐵 𑐁𑑅𑐫𑐵 𑐎𑑂𑐮𑐧 𑐥𑐾𑐬𑐶𑐳 𑐳𑐾𑐣𑑂𑐚 𑐖𑐬𑑂𑐩𑐣𑐫𑐵 𑐳𑑂𑐥𑑀𑐬𑑂𑐚𑐶𑐧 𑐜𑐵𑐂𑐬𑐾𑐎𑑂𑐚𑐬 𑐮𑐶𑐫𑑀𑐣𑐵𑐬𑑂𑐜𑑀 𑐣𑐾𑐫𑐩𑐵𑐬𑐫𑐵𑐟 𑐎𑐫𑐵𑑅 𑐁𑑅𑐟𑐎 𑐕𑐸𑑄 𑐳𑐩𑑂𑐗𑑁𑐟𑐵 𑐩𑐖𑐹𑐣𑐶𑐐𑐸 𑐏𑑃 𑐢𑐵𑑅𑐐𑐸 𑐡𑐸𑑋 𑐠𑑂𑐰𑐫𑐵𑑄 𑐣𑑂𑐴𑑂𑐫𑐰 𑐣𑐾𑐫𑐩𑐵𑐬𑐫𑐵𑐟 𑐳𑑂𑐥𑐾𑐣 𑐫𑑄𑐎𑐾𑐐𑐸 𑐣𑐶𑑄𑐟𑐶𑑄 𑐧𑐵𑐬𑑂𑐳𑐵 𑐰 𑐥𑐶𑐊𑐳𑐖𑐷𑐫𑐵 𑐥𑐡𑐵𑐢𑐶𑐎𑐵𑐬𑐷𑐟𑐫𑑂 𑐡𑐠𑐸𑐂 𑐰𑑄𑐐𑐸 𑐩𑑄𑐐𑐮𑐰𑐵𑑅 𑐳𑐴𑐮𑐴 𑐖𑐹𑐐𑐸 𑐳𑐴𑐮𑐴 𑐳𑐎𑐵𑐬𑐵𑐟𑑂𑐩𑐎 𑐥𑐵𑐏𑐾 𑐣𑑂𑐴𑑂𑐫𑐵𑑅𑐰𑑄𑐐𑐸 𑐏𑑃 𑐥𑐶𑐴𑐵𑑄 𑐰𑑅𑐐𑐸 𑐏𑑅 𑑋 𑐧𑐵𑐬𑑂𑐳𑐵𑑄 𑐣𑐾𑐫𑐩𑐵𑐬𑐫𑐵 𑐣𑐶𑑄𑐟𑐶𑑄 𑑒𑑐𑑐 𑐩𑐶𑐮𑐶𑐫𑐣 𑐫𑐸𑐬𑑀 𑐥𑑂𑐬𑐳𑑂𑐟𑐵𑐰 𑐫𑐵𑑅𑐐𑐸 𑐡𑐸 𑑋

𑐥𑐶𑐊𑐳𑐖𑐷𑐫𑐵 𑐳𑑂𑐥𑑀𑐬𑑂𑐚𑐶𑐒𑑂𑐐 𑐜𑐵𑐂𑐬𑐾𑐎𑑂𑐚𑐬 𑐮𑐶𑐫𑑀𑐣𑐵𑐬𑑂𑐜𑑀𑑄 𑐠𑑅𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐠𑑂𑐰 𑐥𑑂𑐬𑐳𑑂𑐟𑐵𑐰 𑐩𑐵𑐣𑑂𑐫 𑐩𑐖𑐹𑐐𑐸 𑐏𑑃 𑐢𑐵𑑅𑐐𑐸 𑐡𑐸𑑋 𑐩𑐾𑐏𑐾 𑐮𑐵 𑐮𑐶𑐐𑐵𑐫𑑂 𑐚𑑂𑐬𑐵𑐣𑑂𑐳𑐦𑐬𑐫𑐵 𑐃 𑐢𑐵𑑅𑐳𑐵 𑐰𑐂𑐐𑐸 𑐳𑑀𑐩𑐰𑐵𑑅 𑐟𑐎 𑐖𑐎 𑐡𑐸𑑋 𑐧𑐵𑐬𑑂𑐳𑐵 𑐣𑐾𑐫𑐩𑐵𑐬𑐫𑐵𑐟 𑐡𑐕𑐶𑐫𑐵 𑐮𑑀𑐣𑐫𑑂 𑐴𑐫𑐵𑑅 𑐄 𑐎𑐶𑐫𑐵 𑐥𑐮𑐾𑐳𑐵 𑐜𑐶𑐦𑐾𑐣𑑂𑐜𑐬 𑐖𑐾 𑐎𑑂𑐮𑐾𑐬 𑐚𑑀𑐜𑐶𑐧𑑀, 𑐩𑐶𑐜𑐶𑐦𑐶𑐮𑑂𑐜𑐬 𑐂𑐨𑐵𑐣 𑐬𑐵𑐎𑐵𑐚𑐶𑐎 𑐰 𑐦𑐬𑐰𑐵𑐬𑑂𑐜𑐬 𑐌𑐳𑐩𑐵𑐣 𑐜𑐾𑐩𑑂𑐧𑐮𑐾𑐫𑐵𑐟 𑐥𑐶𑐊𑐳𑐖𑐷𑐂 𑐮𑑀𑐣𑐫𑑂 𑐕𑑂𑐰𑐫𑐾𑐐𑐸 𑐥𑑂𑐬𑐳𑑂𑐟𑐵𑐰 𑐣𑑄 𑐟𑑅𑐐𑐸 𑐏𑑅, 𑐟𑐬 𑐠𑑂𑐰 𑐥𑑂𑐬𑐳𑑂𑐟𑐵𑐰𑐫𑐵𑐟 𑐳𑑂𑐰𑐩𑑂𑐴𑑄 𑐎𑐵𑐳𑐵𑐩𑐶𑐟𑐫𑑂𑐳𑑄 𑐣𑑄 𑐀𑐳𑑂𑐰𑐷𑐎𑐵𑐬 𑐫𑐵𑑅𑐐𑐸 𑐡𑐸 𑑋

𑐮𑐶𑐫𑑀𑐣𑐵𑐬𑑂𑐜𑑀𑑄 𑐢𑐵𑑅𑐐𑐸 𑐡𑐸, ‘𑐣𑐾𑐫𑐬𑐩𑐵𑐬𑐫𑐵𑐟 𑐕𑑂𑐰𑐫𑐾𑐐𑐸 𑐣𑐶𑑄𑐟𑐶𑑄 𑐖𑐶𑐩𑐶𑐐𑐸 𑐩𑐵𑐐 𑐧𑐵𑐬𑐾 𑐳𑐎𑐳𑐶𑐣𑑄 𑐳𑐶𑐄 𑑋 𑐟𑐬 𑐁𑑅𑐟𑐎 𑐰𑑅𑐐𑐸 𑐥𑑂𑐬𑐳𑑂𑐟𑐵𑐰 𑐖𑐶𑐩𑐶𑐐𑐸 𑐣𑐶𑑄𑐟𑐶𑑄 𑐩𑐵𑐣𑑂𑐫 𑐎𑐠𑑄 𑐰𑑅𑐐𑐸 𑐩𑐡𑐸𑑋 𑐁𑑅 𑐚𑑂𑐬𑐵𑐣𑑂𑐳𑐦𑐬𑐫𑐵 𑐣𑐶𑑄𑐟𑐶𑑄 𑐳𑑂𑐰𑐣𑑂𑐴𑐸 𑐖𑐎 𑐮𑑂𑐫𑑄 𑐡𑐣𑐶, 𑐟𑐬 𑐁𑑅 𑐟𑐎 𑐕𑐸𑑄 𑐳𑐩𑑂𑐗𑑁𑐟𑐵 𑐢𑐵𑑅𑐳𑐵 𑐖𑐹𑐐𑐸 𑐩𑐡𑐸𑐣𑐶 𑑋’

𑐣𑐾𑐫𑐬𑐩𑐵 𑐳𑐣𑑂 𑑒𑑐𑑑𑑗 𑐫𑑂 𑐧𑐵𑐬𑑂𑐳𑐶𑐮𑑀𑐣𑐵 𑐥𑐵𑐏𑐾𑑄 𑑒𑑒𑑒 𑐩𑐶𑐮𑐶𑐫𑐣 𑐫𑐸𑐬𑑀𑑄 𑐥𑐶𑐊𑐳𑐖𑐷 𑐰𑑄𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS