Read news in NepalBhasa text-- www.hamroschool.com BACK 𑐧𑐵𑐬𑑂𑐳𑐶𑐮𑑀𑐣𑐵 𑐣𑑂𑐴𑐵𑐥𑐵𑑄𑐐𑐸 𑐎𑐵𑐳𑐵𑐫𑑂 𑐥𑐬𑐵𑐖𑐶𑐟 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐧𑐵𑐬𑑂𑐳𑐶𑐮𑑀𑐣𑐵 𑐣𑑂𑐴𑐵𑐥𑐵𑑄𑐐𑐸 𑐎𑐵𑐳𑐵𑐫𑑂 𑐥𑐬𑐵𑐖𑐶𑐟

𑐊𑐠𑐮𑐾𑐚𑐶𑐎𑑀 𑐧𑐶𑐮𑐧𑐵𑐌𑐫𑐵 𑐳𑑂𑐰𑐷𑐔𑑂𑐫𑐵𑐡𑑃 𑐡𑐸𑐩𑑂𑐴 𑐨𑐾𑐚𑑂𑐬𑐵𑐣 𑐳𑑂𑐚𑑂𑐬𑐵𑐂𑐎𑐬 𑐀𑐬𑐶𑐚𑐾𑑂𑐖 𑐀𑐜𑐸𑐬𑐶𑐖𑑄 𑐀𑐣𑑂𑐟𑐶𑐩 𑐂𑐮𑐫𑑂 𑐫𑐵𑑅𑐐𑐸 𑐕𑐐𑐹 𑐐𑑀𑐮𑑄 𑐮𑐵 𑐮𑐶𑐐𑐵 𑐔𑑂𑐫𑐵𑐩𑑂𑐥𑐶𑐫𑐣 𑐧𑐵𑐬𑑂𑐳𑐶𑐮𑑀𑐣𑐵𑑄 𑐣𑑂𑐴𑐹𑐐𑐸 𑐳𑐶𑐖𑐣𑐫𑐵 𑐣𑑂𑐴𑐵𑐥𑐵𑑄𑐐𑐸 𑐎𑐵𑐳𑐵𑐫𑑂 𑐥𑐬𑐵𑐖𑐫 𑐦𑐫𑐾𑐩𑐵𑑅𑐐𑐸 𑐡𑐸 𑑋 𑐳𑐧𑑂𑐳𑑂𑐚𑐶𑐔𑑂𑐫𑐹𑐚𑐫𑑂 𑐰𑑅𑐩𑑂𑐴 𑐀𑐜𑐸𑐬𑐶𑐖𑑄 𑐎𑐵𑐳𑐵𑐫𑐵 𑑘𑑙 𑐩𑐶𑐣𑐾𑐚𑐫𑑂 𑐊𑐠𑐮𑐾𑐚𑐶𑐎𑑀𑐫𑐵 𑐣𑐶𑑄𑐟𑐶𑑄 𑐕𑐐𑐹 𑐖𑐎 𑐰𑐶𑐖𑐫𑐷 𑐐𑑀𑐮 𑐫𑐵𑑅𑐐𑐸 𑐏𑑅 𑑋

𑐠𑑅𑐐𑐸 𑐣𑑂𑐴𑐵𑐥𑐵𑑄𑐐𑐸 𑐎𑐵𑐳𑐵𑐫𑑂 𑐧𑐵𑐬𑑂𑐳𑐵 𑐔𑑀𑐚𑐐𑑂𑐬𑐳𑑂𑐚 𑐎𑐥𑑂𑐟𑐵𑐣 𑐮𑐶𑐫𑑀𑐣𑐮 𑐩𑐾𑐳𑐷 𑐧𑐶𑐣𑐵 𑐩𑐿𑐡𑐵𑐣𑐫𑑂 𑐎𑐸𑐴𑐵𑑄 𑐰𑑅𑐐𑐸 𑐏𑑅 𑑋 𑐧𑐵𑐬𑑂𑐳𑐵𑐫𑑂 𑐣𑐎𑐟𑐶𑐣𑐶 𑑑𑑐𑑗 𑐩𑐶𑐮𑐶𑐫𑐣 𑐥𑐵𑐄𑐞𑑂𑐜𑑄 𑐡𑐸𑐴𑐵𑑄 𑐰𑑅𑐩𑑂𑐴 𑐦𑑂𑐬𑐾𑐘𑑂𑐔 𑐎𑐵𑐳𑐵𑐩𑐶 𑐊𑐣𑑂𑐚𑑀𑐣 𑐐𑑂𑐬𑐶𑐖𑐩𑑂𑐫𑐵𑐣 𑐮𑐶𑐳𑐾𑑄 𑐮𑐸𑐂𑐳 𑐳𑑂𑐰𑐵𑐬𑐾𑐖, 𑐬𑐵𑐦𑐶𑐣𑑂𑐴𑐵𑑄 𑐢𑐵𑑅𑐳𑐵 𑐧𑐵𑐬𑑂𑐳𑐵𑐫𑐵 𑐣𑐶𑑄𑐟𑐶𑑄 𑐕𑐸𑑄 𑐰𑐶𑐲𑐾𑐱 𑐫𑐵𑐣𑐵 𑐎𑑂𑐫𑐣𑐾𑐩𑐦𑐫𑐾𑐰𑑄 𑐣𑑂𑐴𑐵𑐥𑐵𑑄𑐐𑐸 𑐎𑐵𑐳𑐵𑐫𑑂 𑐥𑐬𑐵𑐖𑐫 𑐦𑐫𑐾𑐩𑐵𑑅𑐐𑐸 𑐏𑑅 𑑋

𑐧𑐵𑐬𑑂𑐳𑐵𑐰𑐶𑐬𑐸𑐡𑑂𑐢 𑐐𑑀𑐮 𑐫𑐵𑑅𑐩𑑂𑐴 𑐀𑐜𑐸𑐬𑐶𑐖𑑄 𑐮𑐵 𑐮𑐶𑐐𑐵𑐫𑐵 𑐗𑐶𑑄𑐣𑑂𑐫𑐵𑐐𑐹 𑐳𑐶𑐖𑐣𑐫𑑂 𑐐𑑀𑐮 𑐫𑐵𑑅𑐩𑑂𑐴 𑐩𑐾𑐳𑑂𑐳𑐷 𑐢𑐸𑑄𑐎𑐵𑑅 𑐕𑐩𑑂𑐴𑐫𑐵𑑄 𑐕𑐩𑑂𑐴 𑐖𑐎 𑐎𑐵𑐳𑐵𑐩𑐶 𑐏𑑅 𑑋 𑐀𑐜𑐸𑐬𑐶𑐖𑐫𑐵 𑐠𑑂𑐰 𑐐𑑀𑐮 𑐮𑐶𑐥𑐵 𑐧𑐶𑐮𑐧𑐵𑐌𑐫𑐵 𑐳𑐩𑐬𑑂𑐠𑐎𑐟𑐫𑑂𑐳𑑄 𑐰𑐫𑐵𑐟 𑐡𑐣𑐵𑑅 𑐳𑐮𑐵𑐩 𑐫𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS