𑐐𑐸𑑄𑐮𑐵𑐢𑐬𑑂𑐩 𑐎𑐾𑐣𑑂𑐡𑑂𑐬𑐶𑐟 𑐁𑐣𑑂𑐡𑑀𑐮𑐣
𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐎𑑂𑐲𑐾𑐟𑑂𑐬 𑐑𑑀𑐲𑐞𑐵 𑐫𑐵𑐎𑐾𑐟 𑐰𑐶𑐱𑐾𑐲 𑐀𑐨𑐶𑐫𑐵𑐟
𑐫𑐾𑑃 – 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟 𑐮𑐵𑐐𑐵 𑐑𑑀𑐲𑐞𑐵 𑐫𑐵𑐎𑐾𑐐𑐸 𑐁𑐣𑑂𑐡𑑀𑐮𑐣 𑐣𑑂𑐴𑑂𑐫𑐵𑐎𑐾𑐐𑐸 𑐮𑐵𑐐𑐶𑑄 𑐁𑐣𑑂𑐡𑑀𑐮𑐣𑐎𑐵𑐬𑐷𑐟𑐫𑑂𑐳𑑄 𑐣𑐾𑐰𑐵𑑅𑐟𑐫𑑂 𑐳𑐵𑑄𑐳𑑂𑐎𑐺𑐟𑐶𑐎 𑐥𑐬𑑂𑐰 𑐐𑐸𑑄𑐮𑐵𑐫𑐵𑐟 𑐮𑐎𑑂𑐲𑐶𑐟 𑐫𑐵𑑅𑐐𑐸 𑐡𑐸 𑑋 𑐠𑐸𑐎𑐶𑐫𑐵 𑐮𑐵𑐐𑐶𑑄 𑐠𑑁𑑄 𑐱𑐸𑐎𑑂𑐬𑐰𑐵𑑅𑐣𑐶𑐳𑐾𑑄 𑐱𑐸𑐬𑐸 𑐖𑐸𑐂𑐐𑐸 𑐐𑐸𑑄𑐮𑐵 𑐥𑐬𑑂𑐰𑐫𑐵𑐟 𑐢𑑂𑐫𑐵𑐣𑐫𑑂 𑐟𑐫𑐵𑑅 𑐩𑐣𑐹𑐟 𑐩𑐸𑐣𑐷𑐐𑐸 𑐠𑐵𑐳𑐫𑑂 𑐥𑑂𑐬𑐔𑐵𑐬𑐵𑐟𑑂𑐩𑐎 𑐁𑐣𑑂𑐡𑑀𑐮𑐣 𑐫𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑑅 𑐥𑐶𑐟 𑐴𑑅𑐐𑐸 𑐡𑐸 𑑋
𑐠𑑂𑐰 𑐗𑑂𑐰𑐮𑐫𑑂 𑐐𑐸𑐬𑐸𑐖𑐸𑐥𑐶𑐣𑐶𑐐𑐸 𑐣𑐾𑐟𑐺𑐟𑑂𑐰𑐫𑑂 𑐐𑐸𑑄𑐮𑐵 𑐮𑐕𑐶𑐫𑑄𑐎𑑄 𑐣𑑂𑐴𑐶𑑄𑐣𑑂𑐴𑐶𑑄 𑐳𑐸𑐠𑐫𑑂 𑑖𑑅𑑓𑑐 𑐧𑐖𑐾𑐣𑐶𑐳𑐾𑑄 𑐣𑐾𑐰𑐵𑑅 𑐊𑐎𑐟𑐵, 𑐣𑐾𑐥𑐵𑐮𑐩𑐞𑑂𑐜𑐮 𑐰 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟 𑐎𑑂𑐲𑐾𑐟𑑂𑐬𑐫𑐵 𑐣𑐶𑑄𑐟𑐶𑑄 𑐐𑑄 𑐠𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑑅 𑐡𑐫𑐾𑐎𑐹𑐐𑐸 𑐡𑐸 𑑋 𑐣𑑂𑐴𑐶𑑄𑐣𑑂𑐴𑐶𑑄 𑐳𑐸𑐠𑐫𑑂 𑐳𑐎𑐮 𑐣𑐾𑐰𑐵𑑅𑐟𑐫𑑂𑐟 𑐳𑑄𑐎𑐚 𑐩𑑀𑐔𑐣𑐫𑐵 𑐣𑐶𑑄𑐟𑐶𑑄 𑐐𑑄 𑐠𑐵𑐫𑐾𑐐𑐸 𑐖𑑂𑐫𑐵 𑐖𑐸𑐂 𑑋𑐕𑐏𑐾 𑐐𑑄 𑐠𑐵𑐣𑐵𑐔𑑂𑐰𑐣𑐷𑐐𑐸 𑐂𑐮𑐫𑑂 𑐩𑐾𑐏𑐾 𑐴𑐵𑐬𑐟𑐶𑐩𑐵𑑄𑐫𑐵 𑐠𑐵𑐫𑑂 𑐥𑐸𑐖𑐵 𑐧𑐷𑐐𑐸 𑐖𑑂𑐫𑐵 𑐣𑑂𑐴𑑂𑐫𑐵𑐣𑐵𑐔𑑂𑐰𑐣𑐷 𑑋
𑐴𑐵𑐬𑐟𑐷 𑐩𑐵𑑄𑐫𑐵𑐟 𑐥𑐸𑐖𑐵 𑐫𑐵𑐣𑐵𑐔𑑂𑐰𑑄𑐐𑐸 𑐴𑐾 𑐂𑐮𑐫𑑂 𑐳𑐎𑐮𑐾𑑄 𑐖𑐵𑐣𑐵𑑅 𑐳𑑂𑐰𑐫𑐩𑑂𑐨𑐹𑐂 𑐣𑐾𑐰𑐵𑑅 𑐊𑐎𑐟𑐵, 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟 𑐎𑑂𑐲𑐾𑐟𑑂𑐬𑐫𑐵 𑐩𑐵𑐐 𑐫𑐵𑐣𑐵𑑅 𑐣𑐵𑐬𑐵𑐧𑐵𑐖𑐷 𑐣𑑄 𑐖𑐸𑐂 𑑋
𑐀𑐠𑐾 𑐴𑐾 𑐣𑑂𑐴𑐶𑑄𑐣𑑂𑐴𑐶𑑄 𑐐𑐸𑐬𑐸𑐖𑐸𑐥𑐶𑑄𑐳𑑄 𑐟𑐸𑐟𑑅 𑐧𑑂𑐰𑐣𑐷𑐐𑐸 𑐂𑐮𑐫𑑂 𑐣𑑄 𑐣𑐾𑐰𑐵𑑅 𑐀𑐢𑐶𑐎𑐵𑐬, 𑐣𑐾𑐥𑐵𑐮– 𑐩𑐞𑑂𑐜𑐮, 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟 𑐎𑑂𑐲𑐾𑐟𑑂𑐬𑐫𑐵 𑐏𑑃 𑐡𑐸𑐠𑑂𑐫𑐵𑐎𑐵𑑅 𑐥𑐵𑐛 𑐫𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑑅 𑐡𑐫𑐾𑐎𑐹𑐐𑐸 𑐡𑐸 𑑋
𑐀𑐠𑐾 𑐴𑐾 𑐠𑐾𑐬𑐰𑐵𑐡𑐷 𑐨𑐣𑑂𑐟𑐾𑐥𑐶𑑄𑐥𑐵𑐏𑐾𑑄 𑐣𑑄 𑐣𑐾𑐰𑐵𑑅 𑐀𑐢𑐶𑐎𑐵𑐬, 𑐣𑐾𑐥𑐵𑐮𑐩𑐞𑑂𑐜𑐮, 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟 𑐎𑑂𑐲𑐾𑐟𑑂𑐬𑐫𑐵 𑐏𑑃 𑐢𑐬𑑂𑐩 𑐡𑐾𑐱𑐣𑐵𑐫𑑂 𑐡𑐸𑐠𑑂𑐫𑐵𑐎𑐵𑑅 𑐎𑐣𑐾𑐐𑐸 𑐖𑑂𑐫𑐵𑐗𑑂𑐰𑑅 𑐡𑐫𑐾𑐎𑐹𑐐𑐸 𑐡𑐸 𑑋𑐴𑐵𑐬𑐟𑐶 𑐡𑑂𑐫𑑅𑐩𑐵𑑄𑐠𑐵𑐫𑑂 𑐣𑑄 𑐣𑐾𑐰𑐵𑑅 𑐀𑐢𑐶𑐎𑐵𑐬, 𑐣𑐾𑐥𑐵𑐮𑐩𑐞𑑂𑐜𑐮, 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟 𑐎𑑂𑐲𑐾𑐟𑑂𑐬𑐫𑐵 𑐏𑑃 𑐡𑐸𑐠𑑂𑐫𑐵𑐎𑐵𑑅 𑐥𑐵𑐛 𑐫𑐵𑐎𑐾𑐐𑐸 𑐖𑑂𑐫𑐵𑐗𑑂𑐰𑑅 𑐡𑐸 𑑋
𑐱𑐣𑐶𑐰𑐵𑑅𑐥𑐟𑐶𑐎𑑄 𑐠𑐵𑐫𑑂𑐠𑐵𑐳𑐫𑑂 𑐔𑑂𑐰𑑄𑐐𑐸 𑐏𑐮𑑅𑐥𑐸𑐔𑑅𑐟 𑐖𑐵𑐣𑐵𑑅 𑐣𑐵𑐬𑐵 𑐠𑑂𑐰𑐫𑐾𑐎𑐵 𑐳𑑂𑐰𑐫𑐩𑑂𑐨𑐹 𑐔𑐵𑑅𑐴𑐶𑐮𑐵𑑅 𑐨𑐸𑐂𑐏𑑂𑐫𑐮𑐫𑑂 𑐰𑐫𑐵𑑅 𑐎𑑀𑐞𑐳𑐨𑐵 𑐫𑐵𑐫𑐾𑐐𑐸 𑑋
𑐣𑑂𑐴𑐶𑐫𑐵𑐣𑑂𑐴𑐶𑐠𑑄 𑐐𑐸𑑄𑐮𑐵𑐧𑐵𑐖𑑄 𑐠𑐵𑐣𑐵𑑅 𑐰𑐂𑐐𑐸 𑐂𑐮𑐫𑑂 𑐣𑐾𑐰𑐵𑑅 𑐊𑐎𑐟𑐵, 𑐣𑐾𑐰𑐵𑑅 𑐳𑑂𑐰𑐵𑐫𑐟𑑂𑐟 𑐳𑐵𑑄𑐳𑑂𑐎𑐺𑐟𑐶𑐎 𑐎𑑂𑐲𑐾𑐟𑑂𑐬 𑐮𑐐𑐵𑐫𑐟𑐫𑐵 𑐣𑐵𑐬𑐵 𑐣𑑄 𑐔𑑂𑐰𑐫𑐵𑑅 𑐧𑐵𑐖𑐣𑐫𑑂 𑐟𑐶𑐎𑐵 𑐫𑑄𑐎𑐾𑐟 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋
𑐳𑑂𑐰𑐫𑐩𑑂𑐨𑐹 𑐰𑐣𑐷𑐥𑐶𑑄 𑐳𑐎𑐳𑑂𑐫𑐵𑑄 𑐣𑑂𑐴𑐶𑑄𑐣𑑂𑐴𑐶𑑄
‘𑐗𑐷𑐐𑐸 𑐳𑐨𑑂𑐫𑐟𑐵 𑐩𑑂𑐰𑐵𑐎𑐾𑐣𑐸, 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟 𑐀𑐨𑐶𑐫𑐵𑐣’ 𑐢𑐎𑐵𑑅 𑐔𑑂𑐰𑐫𑐵𑐟𑑅𑐐𑐸 𑐚𑐶 𑐳𑐬𑑂𑐚 𑐦𑐶𑐣𑐵𑑅 𑐔𑐵𑑅𑐴𑐶𑐮𑐾𑐐𑐸 𑐣𑑄 𑐐𑑂𑐰𑐳𑐵𑑅 𑐫𑐵𑑅𑐐𑐸 𑐡𑐸 𑑋𑐐𑐸𑑄𑐮𑐵𑐫𑐵 𑐀𑐣𑑂𑐟𑐶𑐩 𑐱𑐣𑐶𑐰𑐵𑑅 𑐣𑐾𑐰𑐵𑑅 𑐳𑐵𑑄𑐳𑑂𑐎𑐺𑐟𑐶𑐎 𑐳𑑂𑐰𑐵𑐫𑐟𑑂𑐟𑐟𑐵𑐫𑐵 𑐩𑐵𑐐 𑐫𑐵𑐳𑐾𑑄 𑐣𑐵𑐬𑐵 𑐠𑑂𑐰𑐫𑐾𑐎𑐵𑑅 𑐧𑐳𑐣𑑂𑐟𑐥𑐸𑐮𑐷 𑐳𑐨𑐵 𑐫𑐵𑐫𑐾𑐐𑐸 𑐖𑑂𑐫𑐵𑐗𑑂𑐰𑑅 𑐡𑐸 𑑋
𑐳𑑂𑐰𑐣𑐶𑐐𑑅𑐫𑐵𑐟 𑐣𑐾𑐰𑐵𑑅 𑐳𑑂𑐰𑐵𑐫𑐟𑑂𑐟 𑐳𑐵𑑄𑐳𑑂𑐎𑐺𑐟𑐶𑐎 𑐎𑑂𑐲𑐾𑐟𑑂𑐬 𑐑𑑀𑐲𑐞𑐵 𑐫𑐵, 𑐳𑑂𑐰𑐣𑐶𑐐𑑅𑐫𑐵 𑐳𑑂𑐠𑐵𑐣𑐷𑐫 𑐟𑐴𑐮𑐫𑑂 𑐳𑑂𑐠𑐵𑐣𑐷𑐫 𑐥𑐵𑐛𑑂𑐫𑐎𑑂𑐬𑐩 𑐮𑐵𑐐𑐹 𑐫𑐵, 𑐩𑐵𑑄𑐨𑐵𑐳𑑄 𑐱𑐶𑐎𑑂𑐲𑐵 𑐧𑐷𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵, 𑐐𑐸𑐠𑐶 𑐰𑐶𑐢𑐾𑐫𑐎 𑐏𑐵𑐬𑐾𑐖 𑐫𑐵, 𑐐𑐿𑐬 𑐣𑑂𑐫𑐵𑐫𑐶𑐎 𑐳𑐟𑐎𑐰𑐶𑐳𑑂𑐟𑐵𑐬 𑐧𑐣𑑂𑐡 𑐫𑐵, 𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶 𑐳𑐨𑑂𑐫𑐟𑐵𑐫𑐵𑐟 𑐫𑐵𑐣𑐵𑐔𑑂𑐰𑑄𑐐𑐸 𑐀𑐟𑐶𑐎𑑂𑐬𑐩𑐞 𑐧𑐣𑑂𑐡𑐫𑐵 𑐢𑐎𑐵𑑅 𑐣𑐵𑐬𑐵 𑐔𑑂𑐰𑐫𑐵𑑅 𑐠𑐵𑐫𑑂 𑐠𑐵𑐳𑐫𑑂 𑐧𑑂𑐫𑐵𑐣𑐬 𑐧𑑂𑐰𑐫𑐾𑐐𑐸 𑐖𑑂𑐫𑐵 𑐣𑑄 𑐣𑑂𑐴𑑂𑐫𑐵𑐎𑐾𑐟𑑂𑐫𑑄𑐐𑐸 𑐡𑐸 𑑋
LEAVE YOUR COMMENTS