Read news in NepalBhasa text-- www.hamroschool.com BACK 𑐴𑐾𑐚𑑁𑑄𑐜𑐵𑐫𑐵 𑐣𑐾𑐰𑐵𑑅𑐟𑐫𑑂 𑐦𑐸𑐎𑑂𑐎𑑄 𑐐𑐸𑐠𑐶 𑐳𑑄𑐐𑐛𑐶𑐟 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐴𑐾𑐚𑑁𑑄𑐜𑐵𑐫𑐵 𑐣𑐾𑐰𑐵𑑅𑐟𑐫𑑂 𑐦𑐸𑐎𑑂𑐎𑑄 𑐐𑐸𑐠𑐶 𑐳𑑄𑐐𑐛𑐶𑐟

𑐴𑐾𑐚𑑁𑑄𑐜𑐵 – 𑐳𑐬𑐎𑐵𑐬𑑄 𑐐𑐸𑐠𑐶 𑐳𑐩𑑂𑐧𑐣𑑂𑐢𑐷 𑐰𑐶𑐢𑐾𑐫𑐎 𑐴𑐫𑐵𑑅 𑐣𑐾𑐰𑐵𑑅𑐟𑐫𑑂𑐐𑐸 𑐐𑐸𑐠𑐶 𑐥𑐬𑐩𑑂𑐥𑐬𑐵 𑐴𑐾 𑐣𑑂𑐴𑑄𑐎𑐾𑐐𑐸 𑐎𑐸𑐟𑑅 𑐫𑐵𑐣𑐵𑐔𑑂𑐰𑑄𑐐𑐸 𑐗𑑂𑐰𑐮𑐫𑑂 𑐴𑐾𑐚𑑁𑑄𑐜𑐵𑐫𑐵 𑐣𑐾𑐰𑐵𑑅𑐟𑐫𑑂𑐐𑐸 𑐠𑐷𑐠𑐷 𑐐𑐸𑐠𑐶𑐟 𑐳𑑄𑐐𑐛𑐶𑐟 𑐖𑐹𑐐𑐸 𑐡𑐸 𑑋 𑐣𑐎𑐟𑐶𑐣𑐶 𑐖𑐹𑐐𑐸 𑐠𑐷𑐠𑐷 𑐐𑐸𑐠𑐶𑐫𑐵 𑐕𑐐𑐹 𑐨𑐾𑐮𑐵𑑄 ‘𑐣𑐾𑐰𑐵𑑅 𑐐𑐸𑐠𑐶 𑐏𑐮𑑅’ 𑐣𑐵𑑄𑐐𑐸 𑐳𑑄𑐐𑐛𑐣 𑐳𑐩𑐾𑐟 𑐣𑐷𑐳𑑂𑐰𑑄𑐐𑐸 𑐡𑐸 𑑋

𑐥𑑂𑐬𑐡𑐾𑐱 𑑓 𑐫𑐵 𑐳𑐨𑐵𑐩𑐸𑐏 𑐳𑐵𑐣𑐸𑐎𑐸𑐩𑐵𑐬 𑐱𑑂𑐬𑐾𑐲𑑂𑐛 𑐩𑐹𑐥𑐵𑐴𑐵𑑄 𑐎𑐠𑑄 𑐗𑐵𑑅𑐐𑐸 𑐄𑐐𑐸 𑐨𑐾𑐮𑐵𑑄 𑐀𑐣𑐶𑐮 𑐏𑐜𑑂𑐐𑐷𑐫𑐵 𑐀𑐢𑑂𑐫𑐎𑑂𑐲𑐟𑐵𑐫𑑂 𑑒𑑑 𑐩𑑂𑐴 𑐡𑐸𑐖𑑅 𑐡𑐸𑐐𑐸 𑐟𑐡𑐬𑑂𑐠 𑐳𑐩𑐶𑐟𑐶 𑐣𑐷𑐳𑑂𑐰𑑄𑐐𑐸 𑐏𑑅 𑑋 𑐏𑐮𑑅𑐫𑐵 𑐣𑑂𑐰𑐎𑐸 𑐧𑐶𑐲𑑂𑐞𑐸𑐮𑐵𑐮 𑐱𑑂𑐬𑐾𑐲𑑂𑐛, 𑐬𑐵𑐩𑐎𑐸𑐩𑐵𑐬 𑐩𑐵𑐣𑐣𑑂𑐢𑐬 𑐰 𑐩𑐾𑐣𑐎𑐵 𑐱𑑂𑐬𑐾𑐲𑑂𑐛 𑐔𑑂𑐰𑐣𑐵𑐡𑐷𑐐𑐸 𑐡𑐸𑐳𑐵 𑐩𑐹𑐕𑑂𑐫𑐵𑑄𑐖𑑂𑐫𑐾 𑐱𑐸𑐎𑑂𑐬𑐬𑐵𑐖 𑐖𑑀𑐱𑐷, 𑐕𑑂𑐫𑐵𑑄𑐖𑑂𑐫𑐾 𑐧𑐶𑐲𑑂𑐞𑐸𑐎𑐸𑐩𑐵𑐬𑐷 𑐱𑑂𑐬𑐾𑐲𑑂𑐛, 𑐡𑐵𑑄𑐨𑐬𑐶 𑐧𑐶𑐲𑑂𑐞𑐸 𑐱𑑂𑐬𑐾𑐲𑑂𑐛 𑐰 𑐮𑐶𑐄𑐡𑐵𑑄𑐨𑐬𑐶 𑐨𑐸𑐰𑐣 𑐖𑑀𑐱𑐷 𑐖𑐸𑐫𑐵𑐡𑐷𑐐𑐸 𑐡𑐸 𑑋 𑐀𑐠𑐾 𑐴𑐾 𑐡𑐸𑐖𑐮𑐫𑑂 𑐎𑐺𑐲𑑂𑐞𑐧𑐴𑐵𑐡𑐸𑐬 𑐣𑐐𑐬𑐎𑑀𑐚𑐷, 𑐬𑐵𑐩𑐱𑐬𑐞 𑐧𑐮𑐵𑐩𑐷, 𑐨𑐷𑐩 𑐱𑑂𑐬𑐾𑐲𑑂𑐛, 𑐀𑐩𑑂𑐧𑐶𑐎𑐵 𑐡𑐾𑐄𑐮𑐵, 𑐔𑐣𑑂𑐡𑑂𑐬 𑐱𑐵𑐴𑐷, 𑐬𑐸𑐥𑐎 𑐧𑐖𑑂𑐬𑐵𑐔𑐵𑐬𑑂𑐫, 𑐨𑐸𑐰𑐣 𑐖𑑀𑐱𑐷, 𑐎𑐾𑐱𑐧 𑐣𑐎𑐬𑑂𑐩𑐷, 𑐢𑐬𑑂𑐩𑐮𑐵𑐮 𑐬𑐵𑐖𑐠𑐮𑐵, 𑐎𑐺𑐲𑑂𑐞 𑐩𑐴𑐬𑑂𑐖𑐣, 𑐬𑐸𑐥𑐎 𑐎𑐬𑑂𑐩𑐵𑐔𑐵𑐬𑑂𑐫 𑐰 𑐐𑐞𑐾𑐱 𑐩𑐵𑐣𑐣𑑂𑐢𑐬 𑐔𑑂𑐰𑐣𑐵𑐡𑐷𑐐𑐸 𑐡𑐸 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐣𑐾𑐰𑐵𑑅 𑐡𑐾𑐫𑑂 𑐡𑐧𑐹 𑐩𑐎𑐰𑐵𑐣𑐥𑐸𑐬𑐫𑐵 𑐣𑐶𑐰𑐬𑑂𑐟𑐩𑐵𑐣 𑐣𑐵𑐫𑑅 𑐡𑐾𑐰𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛, 𑐣𑐾𑐰𑐵𑑅 𑐳𑐵𑑃𑐳𑑂𑐎𑐺𑐟𑐶𑐎 𑐥𑐸𑐔𑑅 𑐩𑐎𑐰𑐵𑐣𑐥𑐸𑐬𑐫𑐵 𑐣𑐵𑐫𑑅 𑐧𑐶𑐲𑑂𑐞𑐸𑐐𑑀𑐥𑐵𑐮 𑐩𑐴𑐬𑑂𑐖𑐣, 𑐀𑐢𑐶𑐰𑐎𑑂𑐟𑐵 𑐬𑐵𑐩𑐎𑐺𑐲𑑂𑐞 𑐡𑐾𑐄𑐮𑐵𑐥𑐶𑐣𑐶 𑐣𑑄 𑐄𑐥𑐳𑑂𑐠𑐶𑐟𑐶 𑐡𑐸𑐐𑐸 𑐏𑑅 𑑋 𑐨𑐾𑐮𑐵𑐫𑑂 𑐩𑐎𑐰𑐵𑐣𑐥𑐸𑐬 𑐖𑐶𑐮𑑂𑐮𑐵𑐫𑑂 𑐥𑐬𑐩𑑂𑐥𑐬𑐵𑑄𑐣𑐶𑐳𑐾𑑄 𑐔𑐮𑐾 𑐖𑐸𑐫𑐵 𑐰𑐫𑐵𑐔𑑂𑐰𑑄𑐐𑐸 𑐠𑐷𑐠𑐷 𑐖𑐵𑐟𑐶𑐫𑐵 𑐐𑐸𑐠𑐶𑐫𑐵 𑐥𑑂𑐬𑐟𑐶𑐣𑐶𑐢𑐶𑐟𑐫𑑂𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋 𑐬𑐵𑐖𑑂𑐫𑑄 𑐐𑐸𑐠𑐶 𑐥𑐬𑐩𑑂𑐥𑐬𑐵 𑐴𑐾 𑐣𑑂𑐴𑑄𑐎𑐾𑐐𑐸 𑐎𑐠𑑄 𑐎𑐵𑐣𑐹𑐣 𑐴𑐫𑐵𑐔𑑂𑐰𑑄𑐐𑐸 𑐰𑐶𑐲𑐫𑐫𑑂 𑐨𑐾𑐮𑐵𑐫𑑂 𑐔𑐶𑐣𑑂𑐟𑐵 𑐥𑑂𑐰𑑄𑐎𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS