Read news in NepalBhasa text-- www.hamroschool.com BACK 𑐬𑐸𑐎𑑂𑐩𑐞𑐷𑐫𑐵𑐟 𑐖𑐬𑐶𑐩𑐿𑑄𑐫𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐬𑐸𑐎𑑂𑐩𑐞𑐷𑐫𑐵𑐟 𑐖𑐬𑐶𑐩𑐿𑑄𑐫𑐵

𑐏𑑂𑐰𑐥 – 𑐳𑐵𑐴𑐶𑐟𑑂𑐫𑐎𑐵𑐬 𑐬𑐸𑐎𑑂𑐩𑐞𑐷 𑐱𑑂𑐬𑐾𑐲𑑂𑐛𑐫𑐵𑐟 𑐠𑐸𑐐𑐸𑐳𑐷𑐫𑐵 ‘𑐖𑐬𑐶𑐩𑐿𑐫𑐵 𑐳𑐵𑐏𑑅 𑐎𑐸𑐩𑐵𑐬 𑐮𑐸𑐩𑐣𑑂𑐟𑐶 𑐳𑐶𑐬𑐥𑐵𑑅’ 𑐮𑑅𑐮𑑂𑐴𑐵𑑅𑐐𑐸 𑐡𑐸 𑑋 𑐣𑐾𑐥𑐵𑐮 𑐳𑐵𑐴𑐶𑐟𑑂𑐫 𑐩𑐣𑑂𑐡𑐶𑐬 𑐏𑑂𑐰𑐥𑐫𑐵 𑐏𑑂𑐰𑐷𑐏𑐸𑐎𑑂𑐰𑑅𑐐𑐸 𑐧𑐸𑐣𑑂𑐴𑐶𑐫𑐵 𑐗𑑂𑐰𑐮𑐫𑑂 𑐠𑑂𑐰 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋 𑐮𑐶𑐳𑐾𑑄 𑐳𑐸𑐣𑐶𑐮 𑐰𑐖𑑂𑐬𑐵𑐔𑐵𑐬𑑂𑐫𑐫𑐵𑐟 ‘𑐎𑐸𑐩𑐵𑐬 𑐳𑐵𑐏𑑅 𑐮𑐸𑐩𑐣𑑂𑐟𑐶 𑐳𑐶𑐬𑐥𑐵𑑅’, 𑐱𑑂𑐬𑐷 𑐁𑐎𑐵𑐱 𑐨𑐿𑐰𑐬 𑐣𑑁𑐧𑐵𑐖𑐵 𑐨𑐖𑐣 𑐏𑐮𑑅𑐫𑐵𑐟 ‘𑐳𑐸𑐩𑐣𑐎𑐸𑐩𑐵𑐬 (𑐥𑐬𑐡𑐾𑐱𑐷) 𑐬𑐵𑐖– 𑐨𑐞𑑂𑐜𑐵𑐬𑐷 𑐮𑐸𑐩𑐣𑑂𑐟𑐶 𑐳𑐶𑐬𑐥𑐵𑑅 𑐣𑑄 𑐮𑑅𑐮𑑂𑐴𑐵𑑅𑐐𑐸 𑐏𑑅 𑑋

𑐀𑐠𑐾𑐴𑐾 𑐖𑑂𑐫𑐵𑐗𑑂𑐰𑐮𑐫𑑂 𑐕𑐟𑑂𑐬𑐬𑐵𑐖 𑐱𑐵𑐎𑑂𑐫 𑐰 𑐰𑐶𑐖𑐫 𑐳𑐵𑐐𑐬𑐥𑐶𑑄𑐟 𑐴𑐣𑐾𑐖𑑂𑐫𑐵 𑐣𑑄 𑐫𑐵𑑅𑐐𑐸 𑐡𑐸 𑑋 𑐳𑐵𑐴𑐶𑐟𑑂𑐫 𑐩𑐣𑑂𑐡𑐶𑐬𑐫𑐵 𑐣𑐵𑐫𑑅 𑐟𑐶𑐮𑐎𑐥𑑂𑐬𑐎𑐵𑐱 𑐎𑐵𑐫𑐳𑑂𑐠𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐹 𑐥𑐵𑐴𑐵𑑄 𑐎𑐠𑑄 𑐥𑑂𑐬𑐵. 𑐥𑑂𑐬𑐾𑐩𑐱𑐵𑐣𑑂𑐟𑐶 𑐟𑐸𑐮𑐵𑐢𑐬 𑐗𑐵𑑅𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑐴𑐶𑐟𑑂𑐫 𑐩𑐣𑑂𑐡𑐶𑐬𑑄 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐫𑑀𑐐𑐡𑐵𑐣𑐫𑐵𑐟 𑐎𑐫𑐵𑑅 𑐣𑑂𑐰𑐰𑐵𑐣𑐵𑐡𑐶𑐳𑐾𑑄 𑐩𑐹𑐥𑐵𑐴𑐵𑑄 𑐟𑐸𑐮𑐵𑐢𑐬𑑄 𑐢𑐫𑐵𑐡𑐶𑐮, ‘𑐕𑐸𑑄 𑐣𑑄 𑐖𑐵𑐟𑐶𑐫𑐵𑐟 𑐳𑑂𑐫𑐵𑐫𑐾𑐩𑐵𑐮 𑐢𑐵𑑅𑐳𑐵 𑐄𑐩𑐶𑐐𑐸 𑐨𑐵𑐫𑑂 𑐣𑑂𑐴𑑄𑐎𑐵 𑐧𑐶𑐄 𑐢𑐵𑐂 𑑋

𑐠𑑂𑐰 𑐢𑐵𑐥𑐹 𑐎𑐠𑑄 𑐳𑑂𑐰𑐫𑐾𑐐𑐸 𑐏𑑅𑐳𑐵 𑐣𑐾𑐰𑐵𑑅𑐟 𑐣𑑂𑐴𑐣𑐵𑐰𑐣𑐷𑐐𑐸 𑐀𑐰𑐳𑑂𑐠𑐵𑐫𑑂 𑐠𑑂𑐫𑐣𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐠𑐖𑑂𑐫𑐵𑑅𑐐𑐸 𑐂𑐮𑐫𑑂 𑐣𑐾𑐥𑐵𑐮 𑐳𑐵𑐴𑐶𑐟𑑂𑐫 𑐩𑐣𑑂𑐡𑐶𑐬𑑄 𑐣𑐾𑐥𑐵𑐮𑐨𑐵𑐲𑐵𑐫𑐵𑐟 𑐩𑑂𑐰𑐵𑐎𑐵 𑐟𑐫𑐾𑐟, 𑐣𑐾𑐰𑐵𑑅𑐟𑐫𑑂𑐐𑐸 𑐳𑑄𑐬𑐎𑑂𑐲𑐞 𑐫𑐵𑐫𑐾𑐟 𑐏𑑂𑐰𑐷𑐏𑐸𑐡𑑃 𑐟𑐎 𑐩𑐡𑐶𑐎𑑂𑐎 𑐫𑐵𑐣𑐵𑐔𑑂𑐰𑑄𑐐𑐸 𑐫𑑀𑐐𑐡𑐵𑐣 𑐔𑑂𑐰𑐩𑐕𑐵𑐳𑐾𑑄 𑐩𑐐𑐵𑑅 𑑋’𑐖𑑂𑐫𑐵𑐗𑑂𑐰𑐮𑐫𑑂 𑐰𑐶𑐬𑐵𑐚 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐳𑐩𑑂𑐩𑐾𑐮𑐣 𑐐𑐸𑐠𑐶𑐫𑐵 𑐣𑐵𑐫𑑅 𑐎𑐺𑐲𑑂𑐞𑐨𑐎𑑂𑐟 𑐧𑑀𑐜𑐾, 𑐬𑐵𑐩𑐱𑐾𑐏𑐬 𑐮𑐸𑐩𑐣𑑂𑐟𑐶 𑐡𑐧𑐹𑐫𑐵 𑐣𑐵𑐫𑑅 𑐐𑑀𑐰𑐶𑐣𑑂𑐡 𑐩𑐵𑐣 𑐱𑑂𑐬𑐾𑐲𑑂𑐛, 𑐫𑐵𑐟𑐵𑐖𑑅𑐫𑐵 𑐣𑐵𑐫𑑅 𑐳𑑁𑐬𑐨 𑐱𑐵𑐎𑑂𑐫𑐥𑐶𑑄 𑐥𑐵𑐴𑐵𑑄 𑐎𑐠𑑄 𑐗𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS