Read news in NepalBhasa text-- www.hamroschool.com BACK 𑐡𑑂𑐰𑐵𑐡𑐱 𑐳𑐵𑐴𑐶𑐟𑑂𑐫 𑐀𑐨𑐶𑐫𑐵𑐣𑐫𑐵 𑐣𑑂𑐴𑐵𑐥𑐵𑑄𑐐𑐸 𑐳𑐵𑐴𑐶𑐟𑑂𑐫𑐶𑐎 𑐖𑑂𑐫𑐵𑐗𑑂𑐰𑑅 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐡𑑂𑐰𑐵𑐡𑐱 𑐳𑐵𑐴𑐶𑐟𑑂𑐫 𑐀𑐨𑐶𑐫𑐵𑐣𑐫𑐵 𑐣𑑂𑐴𑐵𑐥𑐵𑑄𑐐𑐸 𑐳𑐵𑐴𑐶𑐟𑑂𑐫𑐶𑐎 𑐖𑑂𑐫𑐵𑐗𑑂𑐰𑑅

𑐫𑐮- 𑐣𑑅𑐮𑐶 𑐳𑐵𑐴𑐶𑐟𑑂𑐫 𑐡𑐧𑐹𑐫𑐵 𑐐𑑂𑐰𑐳𑐵𑐮𑐫𑑂 𑐡𑑂𑐰𑐵𑐡𑐱 𑐳𑐵𑐴𑐶𑐟𑑂𑐫 𑐀𑐨𑐶𑐫𑐵𑐣 𑐀𑐣𑑂𑐟𑐬𑑂𑐐𑐟 𑐰𑑄𑐐𑐸 𑐱𑐣𑐶𑐰𑐵𑑅 𑐏𑑂𑐰𑐣𑐵𑐫𑑂 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐶 𑐖𑑂𑐫𑐵𑐗𑑂𑐰𑑅 𑐖𑐸𑐮 𑑋 𑐏𑑂𑐰𑐣𑐵𑐫𑐵 𑐖𑐶𑐟𑐵𑐥𑐸𑐬 𑐐𑐣𑑂𑐢𑐎𑐸𑐚𑐷 𑐰𑐶𑐴𑐵𑐬𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑐴𑐶𑐟𑑂𑐫 𑐐𑑀𑐲𑑂𑐛𑐶 𑐣𑐵𑐥𑑄 𑐠𑐷𑐠𑐷 𑐰𑑂𑐫𑐎𑑂𑐟𑐶𑐟𑑂𑐰𑐥𑐶𑑄𑐟 𑐴𑐣𑐾𑐖𑑂𑐫𑐵 𑐣𑑄 𑐫𑐵𑑅𑐐𑐸 𑐏𑑅 𑑋

𑐫𑐮 𑐩𑐴𑐵𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐔𑐶𑐬𑐶𑐧𑐵𑐧𑐸 𑐩𑐴𑐬𑑂𑐖𑐣 𑐩𑐹𑐥𑐵𑐴𑐵𑑄 𑐖𑐸𑐫𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐰𑐫𑑂𑐎𑐮𑑄 𑐣𑐶𑐎𑑂𑐰𑑅 𑐖𑑂𑐫𑐵𑐖𑑄𑐎𑑂𑐰 𑐎𑑂𑐰𑐔𑐵𑐫𑐾 𑐢𑐸𑑄𑐎𑐹𑐩𑑂𑐴 𑐳𑑂𑐠𑐵𑐣𑐷𑐫 𑐳𑐩𑐵𑐖𑐳𑐾𑐰𑐷 𑐡𑐾𑐰𑐧𑐴𑐵𑐡𑐸𑐬 𑐜𑑄𑐐𑑀𑐮, 𑐎𑐵𑐬𑑂𑐚𑐸𑐣𑐶𑐲𑑂𑐚 𑐩𑑀𑐴𑐣𑐱𑑂𑐫𑐵𑐩 𑐏𑑀𑐎𑐣𑐵, 𑐣𑐾𑐥𑐵𑐮 𑐮𑐶𑐥𑐶 𑐐𑐸𑐠𑐶𑐫𑐵 𑐣𑑂𑐰𑐎𑐸 𑐀𑐣𑐶𑐮 𑐳𑑂𑐠𑐵𑐥𑐶𑐟, 𑐮𑐶𑐥𑐶 𑐥𑑂𑐬𑐱𑐶𑐎𑑂𑐲𑐎 𑐬𑐵𑐖𑐾𑐣𑑂𑐡𑑂𑐬 𑐱𑐵𑐎𑑂𑐫𑐥𑐶𑑄 𑐴𑐣𑐵𑐥𑑁 𑐮𑑅𑐮𑑂𑐴𑐵𑐣𑐵𑑅 𑐳𑐩𑑂𑐩𑐵𑐣 𑐫𑐵𑐣𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐣𑐰𑐵𑐳𑐾𑑄 𑐩𑐹𑐥𑐵𑐴𑐵𑑄 𑐩𑐴𑐬𑑂𑐖𑐣𑑄 𑐁𑑅 𑐣𑑂𑐫𑐵𑐡𑑃𑐟𑐎 𑐕𑐸𑑄𑐎𑐠𑑄𑐫𑐵 𑐰𑐶𑐬𑑀𑐢𑐫𑑂 𑐖𑐸𑐮𑐳, 𑐳𑐨𑐵 𑐁𑐡𑐶 𑐫𑐵𑐫𑐾𑐐𑐸 𑐟𑑂𑐰𑑅𑐟𑐵𑑅 𑐩𑐸𑐎𑑂𑐎𑑄 𑐰𑐶𑐎𑐵𑐳 𑐣𑐶𑐬𑑂𑐩𑐵𑐞𑐫𑐵 𑐖𑑂𑐫𑐵𑐫𑑂 𑐖𑐎 𑐮𑐐𑐾 𑐖𑐸𑐂 𑐦𑐟 𑐢𑐵𑑅𑐳𑐵 𑐫𑐮 𑐣𑐐𑐬𑐫𑐵 𑐳𑑂𑐰𑐬𑐸𑐥 𑐴𑐾 𑐴𑐶𑐮𑐵 𑐫𑑄𑐎𑐾 𑐦𑐂𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸 𑐢𑐫𑐵𑐡𑐶𑐮 𑑋 𑐰𑐫𑑂𑐎𑐮𑑄 𑐠𑑅 𑐣𑑄 𑐨𑐵𑐲𑐵, 𑐳𑐵𑐴𑐶𑐟𑑂𑐫 𑐰 𑐎𑐮𑐵𑐥𑑂𑐬𑐟𑐶 𑐟𑐳𑐎𑑄 𑐀𑐣𑐸𑐐𑑂𑐬𑐴𑐷 𑐖𑐸𑐫𑐵𑐐𑐸 𑐏𑑃 𑐣𑑂𑐴𑑂𑐫𑐠𑑃𑐳𑐾𑑄 𑐏𑑂𑐰𑐣𑐵𑐫𑐵 𑐰𑐶𑐎𑐵𑐳𑐫𑐵 𑐫𑑀𑐖𑐣𑐵 𑐖𑑂𑐰𑐣𑐵𑑅 𑐰𑐮 𑐢𑐵𑑅𑐳𑐵 𑐄𑐎𑐶𑐫𑐵 𑐣𑐶𑑄𑐟𑐶𑑄 𑐖𑑂𑐫𑐵 𑐣𑑂𑐴𑑂𑐫𑐵𑐎𑐾𑐐𑐸 𑐧𑐔𑑄 𑐧𑐶𑐫𑐵𑐡𑐶𑐮 𑑋

𑐮𑐶𑐢𑑄𑐳𑐵 𑐥𑐵𑐳𑐵 𑐥𑐸𑐔𑑅 𑐏𑑂𑐰𑐣𑐵𑐫𑐵 𑐳𑐮𑑂𑐮𑐵𑐴𑐎𑐵𑐬 𑐰 𑐖𑑂𑐫𑐵𑐗𑑂𑐰𑑅𑐫𑐵 𑐳𑑄𑐫𑑀𑐖𑐎 𑐎𑐺𑐲𑑂𑐞𑐴𑐬𑐶 𑐜𑑄𑐐𑑀𑐮𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐳𑐩𑑂𑐩𑐵𑐣𑐶𑐟 𑐰𑑂𑐫𑐎𑑂𑐟𑐶 𑐡𑐾𑐰𑐧𑐴𑐵𑐡𑐸𑐬 𑐰 𑐩𑑀𑐴𑐣𑐱𑑂𑐫𑐵𑐩, 𑐖𑑂𑐫𑐵𑐥𑐸 𑐩𑐴𑐵𑐐𑐸𑐠𑐶𑐫𑐵 𑐣𑐵𑐫𑑅 𑐬𑐵𑐖𑐨𑐵𑐃 𑐖𑐎𑑅𑐩𑐶, 𑑒𑑑 𑐰𑐜𑐵 𑐏𑑂𑐰𑐣𑐵𑐫𑐵 𑐀𑐢𑑂𑐫𑐎𑑂𑐲 𑐬𑐰𑐶𑐣𑑂𑐡𑑂𑐬 𑐩𑐴𑐬𑑂𑐖𑐣, 𑐣𑑅𑐮𑐶 𑐳𑐵𑐴𑐶𑐟𑑂𑐫 𑐡𑐧𑐹𑐫𑐵 𑐳𑐮𑑂𑐮𑐵𑐴𑐎𑐵𑐬 𑐣𑐬𑐾𑐱𑐰𑐷𑐬 𑐱𑐵𑐎𑑂𑐫𑐥𑐶𑑄𑐳𑑄 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋
𑐖𑑂𑐫𑐵𑐗𑑂𑐰𑐮𑐫𑑂 𑐳𑑁𑐬𑐨 𑐱𑐵𑐎𑑂𑐫, 𑐳𑐩𑐵𑐣𑑂𑐟, 𑐮𑐸𑐩𑐣𑑂𑐟𑐶 𑐔𑐶𑐟𑑂𑐬𑐎𑐵𑐬, 𑐥𑑂𑐬𑐾𑐩 𑐎𑐾 𑐣𑐶𑐜𑐬, 𑐡𑐱𑐬𑐠 𑐱𑐵𑐎𑑂𑐫, 𑐬𑐾𑐞𑐹 𑐱𑐵𑐎𑑂𑐫, 𑐡𑐵𑐣𑐡𑐵𑐳 𑐱𑑂𑐬𑐾𑐲𑑂𑐛, 𑐣𑐬𑐾𑐣𑑂𑐡𑑂𑐬𑐩𑐵 𑐎𑐶𑐥𑐹, 𑐎𑐸𑐩𑑂𑐴𑐵𑑅 𑐎𑐺𑐲𑑂𑐞, 𑐡𑐶𑐧𑑂𑐫𑐵 𑐟𑐵𑐩𑑂𑐬𑐵𑐎𑐵𑐬, 𑐩𑐵𑐞𑐶𑐎 𑐄𑐬𑐵𑐫𑑂𑐥𑐶𑑄𑐳𑑄 𑐠𑑅𑐠𑑅𑐐𑐸 𑐔𑑂𑐰𑐳𑐸 𑐧𑑂𑐰𑐣𑐵𑑅 𑐣𑑂𑐫𑑄𑐎𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS