Read news in NepalBhasa text-- www.hamroschool.com BACK 𑐳𑐶𑐣𑐵𑐰𑐵𑐟𑑂𑐬𑐵𑐫𑐵 𑐱𑐵𑐴𑐷 𑐥𑐡𑐰𑐷 𑐮𑐶𑐟𑐎𑐵𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐳𑐶𑐣𑐵𑐰𑐵𑐟𑑂𑐬𑐵𑐫𑐵 𑐱𑐵𑐴𑐷 𑐥𑐡𑐰𑐷 𑐮𑐶𑐟𑐎𑐵𑐮

𑐠𑐵𑐂𑐮𑑂𑐫𑐵𑐣𑑂𑐜𑐫𑐵 𑐖𑐸𑐖𑐸 𑐩𑐵𑐴𑐵 𑐰𑐵𑐖𑐶𑐬𑐵𑐮𑑀𑐒𑐎𑑀𑐬𑑂𑐣𑑄 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐠𑐵𑐎𑑂𑐳𑐶𑐣 𑐳𑐶𑐣𑐵𑐰𑐵𑐟𑑂𑐬𑐵𑐫𑐵𑐟 𑐧𑐶𑐫𑐵𑐟𑑅𑐐𑐸 𑐱𑐵𑐴𑐷 𑐩𑐣𑐥𑐡𑐰𑐷 𑐮𑐶𑐟 𑐎𑐫𑐵𑐧𑐶𑐖𑑂𑐫𑐵𑑅𑐐𑐸 𑐖𑐹𑐐𑐸 𑐡𑐸 𑑋 𑐨𑑂𑐬𑐲𑑂𑐚𑐵𑐔𑐵𑐬𑐫𑐵 𑐡𑑂𑐰𑐥𑑄 𑐮𑐵𑐣𑐵𑐔𑑂𑐰𑑄𑐐𑐸𑐮𑐶𑑄 𑐳𑐶𑐣𑐵𑐰𑐵𑐟𑑂𑐬𑐵𑐫𑐵𑐟 𑐧𑐶𑐫𑐵𑐟𑑅𑐐𑐸 𑐩𑐵𑐣𑐥𑐡𑐰𑐷 𑐮𑐶𑐟 𑐎𑐵𑐫𑐾𑐩𑐵𑑅𑐐𑐸 𑐏𑑃 𑐬𑐵𑐖𑐡𑐬𑐰𑐵𑐬 𑐖𑑂𑐫𑐵𑐎𑐸𑐠𑐶𑐂 𑐥𑐶𑐟𑐧𑐶𑐄𑐐𑐸 𑐰𑐎𑑂𑐟𑐰𑑂𑐫𑐫𑑂 𑐢𑐫𑐵𑐟𑑅𑐐𑐸 𑐡𑐸 𑑋 𑐰𑐎𑑂𑐟𑐰𑑂𑐫𑐫𑑂 𑐢𑐫𑐵𑐟𑑅𑐐𑐸 𑐡𑐸, ‘𑐖𑐸𑐖𑐸 𑐩𑐵𑐴𑐵 𑐰𑐵𑐖𑐶𑐬𑐵𑐮𑑀𑐒𑐬𑑂𑐎𑑀𑐬𑑂𑐣𑑄 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐠𑐵𑐎𑑂𑐳𑐶𑐣 𑐳𑐶𑐣𑐵𑐰𑐵𑐟𑑂𑐬𑐵𑐫𑐵𑐟 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐱𑐵𑐴𑐷 𑐩𑐵𑐣𑐥𑐡𑐰𑐷 𑐮𑐶𑐟 𑐎𑐵𑐫𑐾𑐐𑐸 𑐱𑐵𑐴𑐷 𑐣𑐶𑐬𑑂𑐡𑐾𑐱𑐣 𑐖𑐵𑐬𑐷 𑐫𑐵𑑅𑐐𑐸 𑐡𑐸 𑑋’

𑐠𑐵𑐂𑐮𑑂𑐫𑐵𑐣𑑂𑐜𑐫𑑂 𑐳𑑄𑐳𑐡𑐷𑐫 𑐣𑐶𑐬𑑂𑐰𑐵𑐔𑐣 𑐎𑑂𑐰𑐔𑐵𑑅𑐐𑐸 𑐕𑐰𑐵𑑅 𑐮𑐶𑐥𑐵 𑐴𑐾 𑐖𑐸𑐖𑐸 𑐠𑐵𑐎𑑂𑐳𑐶𑐣𑑄 𑐠𑑂𑐰 𑐩𑐵𑐣𑐥𑐡𑐰𑐷 𑐮𑐶𑐟𑐎𑐵𑑅𑐐𑐸 𑐏𑑅 𑑋 𑐠𑐵𑐎𑑂𑐳𑐶𑐣 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐖𑐸𑐫𑐵𑐔𑑂𑐰𑑄𑐐𑐸 𑐂𑐮𑐫𑑂 𑐳𑐣𑑂 𑑒𑑐𑑐𑑘 𑐫𑑂 𑐨𑑂𑐬𑐲𑑂𑐚𑐵𑐔𑐵𑐬𑐫𑐵 𑐡𑑂𑐰𑐥𑑄 𑐮𑐵𑐫𑐾𑐰𑑄 𑐰𑐫𑑂𑐎𑑅𑐫𑐵𑐟 𑐳𑐾𑐣𑐵𑑄 𑐳𑐟𑑂𑐟𑐵𑐔𑑂𑐫𑐹𑐟 𑐫𑐵𑑅𑐐𑐸 𑐏𑑅 𑑋 𑐄𑐧𑐮𑐫𑑂 𑐣𑐶𑐳𑐾𑑄 𑐰𑐫𑑂𑐎𑑅 𑐳𑑂𑐰𑐾𑐔𑑂𑐕𑐶𑐎 𑐣𑐶𑐬𑑂𑐰𑐵𑐳𑐣𑐫𑑂 𑐔𑑂𑐰𑐣𑐵 𑐰𑐫𑐵𑐔𑑂𑐰𑐣𑐵𑐡𑐷𑐐𑐸 𑐡𑐸 𑑋 𑐨𑑂𑐬𑐲𑑂𑐚𑐵𑐔𑐵𑐬𑐫𑐵 𑐡𑑂𑐰𑐥𑐣𑐫𑑂 𑐰𑐫𑑂𑐎𑑅𑐫𑐵𑐟 𑐀𑐡𑐵𑐮𑐟𑑄 𑐩𑑂𑐴𑑀𑐟𑐶𑑄 𑐣𑑄 𑐣𑐶𑐡𑑃𑐫𑐵 𑐖𑐾𑐮 𑐳𑐖𑐵𑐫 𑐣𑑂𑐫𑑄𑐎𑐵𑐟𑑅𑐐𑐸 𑐡𑐸𑐳𑐵 𑐰𑐫𑑂𑐎𑐮𑑄 𑐢𑐵𑑅𑐳𑐵 𑐠𑑅𑐟 𑐧𑐶𑐄𑐐𑐸 𑐡𑑂𑐰𑐥𑑄 𑐀𑐳𑑂𑐰𑐷𑐎𑐵𑐬 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐠𑐵𑐂𑐮𑑂𑐫𑐵𑐣𑑂𑐜𑐫𑑂 𑐰𑑄𑐐𑐸 𑐁𑐂𑐟𑐰𑐵𑑅 𑐖𑐹𑐐𑐸 𑐣𑐶𑐬𑑂𑐰𑐵𑐔𑐣𑐫𑑂 𑐢𑐵𑑅𑐳𑐵 𑐠𑐵𑐎𑑂𑐳𑐶𑐣𑐫𑐵 𑐳𑐩𑐬𑑂𑐠𑐣 𑐡𑐸𑐐𑐸 𑐦𑐶𑐄 𑐠𑐵𑐂 𑐥𑐵𑐬𑑂𑐚𑐷𑑄 𑐡𑐎𑐮𑐫𑑂 𑐀𑐥𑑂𑐰𑑅 𑐳𑐶𑐚 𑐴𑑅𑐐𑐸 𑐡𑐸 𑑋 𑐎𑐹𑐮 𑑕𑑐𑑐 𑐳𑐶𑐚𑐫𑐵 𑐣𑐶𑑄𑐟𑐶𑑄 𑐖𑐹𑐐𑐸 𑐔𑐸𑐣𑐵𑐰𑐫𑑂 𑐦𑐶𑐄 𑐠𑐵𑐂 𑐥𑐵𑐬𑑂𑐚𑐷𑑄 𑑑𑑓𑑗 𑐳𑐶𑐚 𑐟𑑂𑐫𑐵𑐎𑐹𑐐𑐸 𑐡𑐸𑐳𑐫𑐵 𑐠𑑂𑐰𑐫𑐵 𑐣𑐶𑐎𑐚𑐩 𑐥𑑂𑐬𑐟𑐶𑐡𑑂𑐰𑐣𑑂𑐡𑑂𑐰𑐷 𑐳𑐾𑐣𑐵𑐫𑐵 𑐳𑐩𑐬𑑂𑐠𑐣 𑐡𑐸𑐐𑐸 𑐥𑐵𑐮𑐒 𑐥𑑂𑐬𑐠𑐵 𑐬𑐠𑑄 𑑑𑑑𑑘 𑐳𑐶𑐚 𑐖𑐎 𑐟𑑂𑐫𑐵𑐎𑐮 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS