Read news in NepalBhasa text-- www.hamroschool.com BACK 𑐩𑐾𑐳𑐷𑐫𑐵 𑑕𑑐 𑐍𑑄 𑐴𑑂𑐫𑐵𑐚𑑂𑐬𑐶𑐎 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑐾𑐳𑐷𑐫𑐵 𑑕𑑐 𑐍𑑄 𑐴𑑂𑐫𑐵𑐚𑑂𑐬𑐶𑐎

𑐳𑑂𑐥𑐾𑐣𑐶𑐳 𑐮𑐵 𑐮𑐶𑐐𑐵 𑐀𑐣𑑂𑐬𑑂𑐟𑐐𑐟 𑐖𑐹𑐐𑐸 𑐎𑐵𑐳𑐵𑐫𑑂𑑂 𑐎𑐥𑑂𑐟𑐵𑐣 𑐮𑐶𑐫𑑀𑐣 𑐩𑐾𑐳𑐷𑐫𑐵 𑐴𑑂𑐫𑐵𑐚𑑂𑐬𑐶𑐎𑑄 𑐧𑐵𑐬𑑂𑐳𑐶𑐮𑑀𑐣𑐵𑑄 𑐳𑐾𑐨𑐶𑐮𑑂𑐮𑐵𑐫𑐵𑐟 𑐧𑐸𑐎𑐹𑐐𑐸 𑐡𑐸𑐸 𑑋 𑐱𑐷𑐬𑑂𑐲 𑐠𑐵𑐳𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐧𑐵𑐬𑑂𑐳𑐵𑑄 𑐳𑐾𑐨𑐶𑐮𑑂𑐮𑐵𑐫𑐵𑐟 𑑔–𑑒 𑐐𑑀𑐮𑑄 𑐧𑐹𑐎𑐸𑐐𑐸 𑐏𑑅 𑑋 𑐧𑐵𑐬𑑂𑐳𑐶𑐮𑑀𑐣𑐵𑐫𑐵 𑐣𑐶𑑄𑐟𑐶𑑄 𑐩𑐾𑐳𑐷𑑄 𑐳𑑂𑐰𑑄𑐐𑐹 𑐐𑑀𑐮 𑐫𑐵𑑅𑐐𑐸 𑐏𑑅𑐳𑐵 𑐕𑐐𑐹 𑐐𑑀𑐮 𑐮𑐸𑐂𑐳 𑐳𑑂𑐰𑐵𑐬𑐾𑐖𑑄 𑐫𑐵𑑅𑐐𑐸 𑐏𑑅 𑑋 𑐩𑐾𑐳𑐷𑑄 𑐫𑐵𑑅𑐐𑐸 𑐠𑑂𑐰 𑐴𑑂𑐫𑐵𑐚𑑂𑐬𑐶𑐎 𑐰𑐫𑐵𑐐𑐸 𑐎𑐬𑐶𑐫𑐬𑐫𑐵 𑑕𑑐 𑐍𑑄 𑐴𑑂𑐫𑐵𑐚𑑂𑐬𑐶𑐎 𑐏𑑅 𑑋

𑐀𑐠𑐾𑐴𑐾 𑐧𑐵𑐬𑑂𑐳𑐶𑐮𑑀𑐣𑐵𑐫𑐵 𑐣𑐶𑑄𑐟𑐶𑑄 𑐩𑐾𑐳𑐷𑑄 𑐫𑐵𑑅𑐐𑐸 𑐐𑑀𑐮 𑐮𑑂𑐫𑐵𑑅 𑑕𑑘𑑕 𑐠𑑂𑐫𑑄𑐐𑐸 𑐡𑐸 𑑋 𑐳𑐾𑐨𑐶𑐮𑑂𑐮𑐵𑐫𑐵 𑐣𑐶𑑄𑐟𑐶𑑄 𑐣𑐵𑐨𑐵𑐳 𑐰 𑐩𑐾𑐬𑑂𑐎𑐵𑐜𑑀𑑄 𑐕𑐐𑐹 𑐕𑐐𑐹 𑐐𑑀𑐮 𑐫𑐵𑑅𑐐𑐸 𑐏𑑅𑑋𑐳𑐾𑐨𑐶𑐮𑑂𑐮𑐵𑐫𑐵 𑐩𑐿𑐡𑐵𑐣𑐫𑑂 𑐖𑐹𑐐𑐸 𑐎𑐵𑐳𑐵𑐫𑑂 𑑒𑑒 𑐍𑑄 𑐩𑐶𑐣𑐾𑐚𑐫𑑂 𑐣𑐵𑐨𑐵𑐳𑑄 𑐐𑑀𑐮 𑐫𑐵𑐣𑐵𑑅 𑐧𑐵𑐬𑑂𑐳𑐶𑐮𑑀𑐣𑐵 𑐰𑐶𑐬𑐸𑐡𑑂𑐢 𑐀𑐐𑑂𑐬𑐟𑐵 𑐎𑐵𑑅𑐐𑐸 𑐏𑑅 𑐟𑐬 𑐠𑑂𑐰𑐫𑐵𑑄 𑐥𑑂𑐫𑑄𑐐𑐹 𑐩𑐶𑐣𑐾𑐚 𑐮𑐶𑐥𑐵 𑐴𑐾 𑐩𑐾𑐳𑐷𑑄 𑐐𑑀𑐮 𑐫𑐵𑐣𑐵𑑅 𑐎𑐵𑐳𑐵 𑐧𑐬𑐵𑐧𑐬𑐷𑐂 𑐴𑐫𑐵𑐧𑐶𑐮 𑑋 𑐣𑑂𑐴𑐵𑐥𑐵𑑄𑐐𑐸 𑐴𑐵𑐦𑐫𑐵 𑑔𑑒𑐍𑑄 𑐩𑐶𑐣𑐾𑐚𑐫𑑂 𑐴𑐵𑐎𑐣𑑄 𑐩𑐾𑐬𑑂𑐎𑐵𑐜𑐵𑐾𑑄 𑐐𑑀𑐮 𑐫𑐵𑐣𑐵𑑅 𑐳𑐾𑐨𑐶𑐮𑑂𑐮𑐵𑐫𑐵𑐟 𑐀𑐐𑑂𑐬𑐟𑐵 𑐧𑐶𑐮 𑑋

𑐣𑐶𑐐𑐹𑐐𑐸 𑐴𑐵𑐦𑐫𑑂 𑐧𑐵𑐬𑑂𑐳𑐶𑐮𑑀𑐣𑐵𑑄 𑐳𑑂𑐰𑑄𑐐𑐹 𑐐𑑀𑐮 𑐫𑐵𑐟 𑑋 𑐎𑐵𑐳𑐵𑐫𑐵 𑑖𑑗 𑐁𑑄𑐿 𑐩𑐶𑐣𑐾𑐚𑐫𑑂 𑐩𑐾𑐳𑐷𑑄 𑐴𑐵𑐎𑐣𑑄 𑐧𑐬𑐵𑐧𑐬𑐷𑐫𑐵 𑐐𑑀𑐮 𑐫𑐵𑐟 𑑋 𑑘𑑕 𑐍𑑄 𑐩𑐶𑐣𑐾𑐚𑐫𑑂 𑐴𑑂𑐫𑐵𑐚𑑂𑐬𑐶𑐎 𑐫𑐵𑐟 𑑋 𑐠𑐥
𑐕𑐐𑐹 𑐐𑑀𑐮 𑐮𑐸𑐂𑐳 𑐳𑑂𑐰𑐵𑐬𑐾𑐖𑑄 𑐂𑐣𑑂𑐖𑐹𑐬𑐷 𑐃𑐫𑐵 𑐳𑑂𑐰𑑄𑐐𑐹𑐐𑐸 𑐩𑐶𑐣𑐾𑐚𑐫𑑂 𑐫𑐵𑑅𑐐𑐸 𑐏𑑅 𑑋 𑐱𑐷𑐬𑑂𑐲 𑐠𑐵𑐳𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐧𑐵𑐬𑑂𑐳𑐶𑐮𑑀𑐣𑐵𑐫𑐵 𑑕𑑗 𑐀𑑄𑐎 𑐠𑑂𑐫𑑄𑐐𑐸 𑐡𑐸 𑑋 𑐮𑐶𑐐𑐫𑐵 𑐣𑐶𑐐𑐹𑐐𑐸 𑐠𑐵𑐳𑐫𑑂 𑐊𑐠𑑂𑐮𑐾𑐚𑐶𑐎𑑀 𑐩𑑂𑐫𑐵𑐜𑑂𑐬𑐶𑐜 𑐰 𑐳𑑂𑐰𑑄𑐐𑐹𑐐𑐸 𑐠𑐵𑐳𑐫𑑂 𑐬𑐶𑐫𑐮 𑐩𑑂𑐫𑐵𑐜𑑂𑐬𑐶𑐜 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS