Read news in NepalBhasa text-- www.hamroschool.com BACK 𑐣𑐐𑐬𑐥𑐵𑐮𑐶𑐎𑐵𑑄 𑐰𑐶𑐰𑐵𑐡𑐵𑐳𑑂𑐥𑐡 𑐎𑐮𑐾𑐖 𑐳𑑄𑐔𑐵𑐮𑐣 𑐫𑐵𑐂𑐐𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐐𑐬𑐥𑐵𑐮𑐶𑐎𑐵𑑄 𑐰𑐶𑐰𑐵𑐡𑐵𑐳𑑂𑐥𑐡 𑐎𑐮𑐾𑐖 𑐳𑑄𑐔𑐵𑐮𑐣 𑐫𑐵𑐂𑐐𑐸

𑐫𑐾𑑃 –  𑐔𑐵𑑃𑐐𑐸𑐣𑐵𑐬𑐵𑐫𑐞 𑐣𑐐𑐬𑐥𑐵𑐮𑐶𑐎𑐵𑑄 𑐰𑐶𑐰𑐵𑐡𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐔𑐵𑑃𑐐𑐸𑐣𑐵𑐬𑐵𑐫𑐞 𑐂𑐣𑑂𑐖𑐶𑐣𑐶𑐫𑐬𑐶𑑄𑐐 𑐎𑐮𑐾𑐖 𑐳𑑄𑐔𑐵𑐮𑐣 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋 𑐣𑐐𑐬𑐥𑐵𑐮𑐶𑐎𑐵𑐫𑐵 𑐣𑐎𑐟𑐶𑐣𑐶 𑐎𑑂𑐰𑐔𑐵𑑅𑐐𑐸 𑐥𑑂𑐫𑐎𑑂𑐰𑑅𑐐𑐸 𑐣𑐐𑐬𑐳𑐨𑐵𑑄 𑐰𑐶𑐰𑐵𑐡𑐵𑐳𑑂𑐥𑐡 𑐂𑐣𑑂𑐖𑐶𑐣𑐶𑐫𑐬𑐶𑑄𑐐 𑐎𑐮𑐾𑐖 𑐠𑐩𑑂𑐴𑑄 𑐳𑑄𑐔𑐵𑐮𑐣 𑐫𑐵𑐫𑐾𑐐𑐸 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐏𑑅 𑑋 𑐣𑐐𑐬𑐳𑐨𑐵𑐫𑑂 𑐄𑐐𑐸 𑐎𑐮𑐾𑐖 𑐣𑐐𑐬𑐥𑐵𑐮𑐶𑐎𑐵 𑐠𑑅𑐥𑐶𑑄𑐳𑑄 𑐴𑐾 𑐳𑑄𑐔𑐵𑐮𑐣 𑐫𑐵𑐫𑐾𑐐𑐸 𑐎𑐠𑑄 𑐎𑐵𑐬𑑂𑐫𑐫𑑀𑐖𑐣𑐵 𑐟𑐎𑑄 𑐥𑐵𑐬𑐶𑐟 𑐫𑐵𑐫𑐾𑐢𑐸𑑄𑐐𑐸 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐳𑑀𑐩𑐥𑑂𑐬𑐳𑐵𑐡 𑐩𑐶𑐱𑑂𑐬𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐮 𑑋

𑐰𑐫𑑂𑐎𑐮𑑄 𑐎𑐮𑐾𑐖𑐫𑐵 𑐥𑐹𑐬𑑂𑐰 𑐳𑑄𑐔𑐵𑐮𑐎𑐮𑐶𑐳𑐾 𑐎𑐮𑐾𑐖 𑐣𑐐𑐬𑐥𑐵𑐮𑐶𑐎𑐵𑐫𑐵𑐟 𑐴𑐳𑑂𑐟𑐵𑐣𑑂𑐟𑐬𑐞 𑐫𑐵𑐫𑐾𑐟 𑐥𑐟𑑂𑐬𑐵𑐔𑐵𑐬 𑐫𑐵𑐫𑐾𑐐𑐸 𑐏𑑃 𑐣𑑂𑐴𑑂𑐫𑐠𑑃𑐳𑐾𑑄 𑐎𑐮𑐾𑐖𑐫𑐵 𑐡𑐎𑑂𑐰𑑄 𑐳𑑂𑐰𑐵𑐩𑐶𑐟𑑂𑐰 𑐁𑑅 𑐣𑐐𑐬𑐥𑐵𑐮𑐶𑐎𑐵𑑄 𑐐𑑂𑐬𑐴𑐞 𑐫𑐵𑐫𑐾𑐐𑐸 𑐖𑐸𑐂 𑐢𑐫𑐵𑐡𑐶𑐮 𑑋 𑐠𑐷𑐠𑐷 𑐰𑐶𑐢𑐾𑐫𑐎 𑐥𑐵𑐬𑐶𑐟 𑐫𑐵𑐳𑐾𑑄 𑐎𑑂𑐰𑐔𑐵𑑅𑐐𑐸 𑐣𑐐𑐬𑐳𑐨𑐵𑑄 𑐣𑐐𑐬𑐥𑐵𑐮𑐶𑐎𑐵 𑐎𑑂𑐲𑐾𑐟𑑂𑐬 𑐡𑐸𑐣𑐾𑐫𑐵 𑐥𑐬𑑂𑐫𑐚𑐣 𑐰𑐶𑐎𑐵𑐳𑐫𑐵 𑐣𑐶𑑄𑐟𑐶𑑄 𑐠𑐷𑐠𑐷 𑐥𑐬𑐶𑐫𑑀𑐖𑐣𑐵 𑐳𑑄𑐔𑐵𑐮𑐣 𑐫𑐵𑐫𑐾𑐐𑐸 𑐥𑑂𑐬𑐳𑑂𑐟𑐵𑐰 𑐣𑑄 𑐥𑐵𑐬𑐶𑐟 𑐫𑐵𑑅𑐐𑐸 𑐡𑐸 𑑋

𑐀𑐠𑐾 𑐴𑐾 𑐣𑐐𑐬𑐳𑐨𑐵𑑄 𑐔𑐵𑑃𑐐𑐸𑐣𑐵𑐬𑐵𑐫𑐞 𑐣𑐐𑐬 𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑔 𑐫𑑂 𑐳𑐕𑐶𑐥𑐶 𑐎𑑂𑐲𑐾𑐟𑑂𑐬𑐦𑐮𑐫𑑂 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐏𑐾𑐮𑐎𑐸𑐡 𑐩𑐿𑐡𑐵𑐣 𑐡𑐫𑐾𑐎𑐾𑐐𑐸 𑐥𑑂𑐬𑐳𑑂𑐟𑐵𑐰 𑐣𑑄 𑐥𑐵𑐬𑐶𑐟 𑐫𑐵𑑅𑐐𑐸 𑐏𑑅𑐳𑐵 𑐣𑐐𑐬𑐥𑐵𑐮𑐶𑐎𑐵 𑐎𑑂𑐲𑐾𑐟𑑂𑐬 𑐡𑐸𑐣𑐾𑐫𑐵 𑐧𑐣𑑂𑐡 𑐖𑐸𑐫𑐵𑐔𑑂𑐰𑑄𑐐𑐸 𑐥𑑂𑐬𑐵𑐎𑐺𑐟𑐶𑐎 𑐳𑑂𑐬𑑀𑐟 𑐰 𑐏𑐵𑐣𑐷 𑐳𑑄𑐔𑐵𑐮𑐣𑐫𑐵 𑐣𑐶𑑄𑐟𑐶𑑄 𑐩𑐵𑑅𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐟 𑐣𑑄 𑐣𑐐𑐬 𑐎𑐵𑐬𑑂𑐫𑐥𑐵𑐮𑐶𑐎𑐵𑐫𑐵𑐟 𑐣𑐶𑐬𑑂𑐡𑐾𑐱𑐣 𑐧𑐶𑐄𑐐𑐸 𑐡𑐸 𑑋

𑐄𑐐𑐸 𑐣𑐐𑐬𑐳𑐨𑐵𑑄 𑐰𑐶𑐣𑐶𑐫𑑀𑐖𑐶𑐟 𑐋𑐣𑐫𑐵𑐟 𑐳𑑄𑐱𑑀𑐢𑐣 𑐫𑐵𑐫𑐾𑐟 𑐡𑐫𑐾𑐎𑐹𑐐𑐸 𑐰𑐶𑐢𑐾𑐫𑐎, 𑐱𑐶𑐎𑑂𑐲𑐵 𑐋𑐣 𑑒𑑐𑑗𑑔 𑐳𑑄𑐱𑑀𑐢𑐣 𑐫𑐵𑐫𑐾𑐟 𑐡𑐫𑐾𑐎𑐹𑐐𑐸 𑐰𑐶𑐢𑐾𑐫𑐎, 𑐎𑐬 𑐰 𑐐𑐿𑐬 𑐎𑐬 𑐬𑐵𑐖𑐳𑑂𑐰 𑐮𑐐𑐾 𑐫𑐵𑐫𑐾𑐐𑐸 𑐰 𑐩𑑂𑐴𑐫𑐾𑐐𑐸 𑐰𑐶𑐢𑐾𑐫𑐎 𑐮𑐐𑐵𑐫𑐟 𑐣𑑄 𑐥𑐵𑐬𑐶𑐟 𑐫𑐵𑑅𑐐𑐸 𑐏𑑅 𑑋

 

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS