Read news in NepalBhasa text-- www.hamroschool.com BACK 𑐥𑑂𑐬𑐵𑐢𑐶𑐎𑐬𑐞 𑐰 𑐳𑑂𑐠𑐵𑐣𑐷𑐫 𑐟𑐴 𑐡𑐠𑐸𑐂 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑑂 𑐳𑐴𑐎𑐵𑐬𑑂𑐫 𑐩𑐖𑐹 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐥𑑂𑐬𑐵𑐢𑐶𑐎𑐬𑐞 𑐰 𑐳𑑂𑐠𑐵𑐣𑐷𑐫 𑐟𑐴 𑐡𑐠𑐸𑐂 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑑂 𑐳𑐴𑐎𑐵𑐬𑑂𑐫 𑐩𑐖𑐹

𑐫𑐮- 𑐬𑐵𑐲𑑂𑐚𑑂𑐬𑐶𑐫 𑐥𑐸𑐣𑑅𑐣𑐶𑐬𑑂𑐩𑐵𑐞 𑐥𑑂𑐬𑐵𑐢𑐶𑐎𑐬𑐞 𑐰 𑐳𑑂𑐠𑐵𑐣𑐷𑐫 𑐟𑐴 𑐡𑐠𑐸𑐂 𑐟𑑅𑐨𑐸𑐏𑐵𑐔𑑄 𑐎𑑂𑐲𑐟𑐶 𑐖𑐹𑐐𑐸 𑐳𑑄𑐬𑐔𑐣𑐵 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐁𑐟𑐎𑑄 𑐳𑐩𑐣𑑂𑐰𑐫 𑐖𑐸𑐂 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸𑐣𑐶 𑑋 𑐟𑑅𑐨𑐸𑐏𑐵𑐔𑑄 𑐎𑑂𑐲𑐟𑐶 𑐖𑐹𑐐𑐸 𑐳𑐩𑑂𑐥𑐡𑐵, 𑐧𑑂𑐰𑐣𑐾𑐎𑐸𑐠𑐶 𑐰 𑐳𑑂𑐰𑐵𑐳𑑂𑐠𑑂𑐫 𑐔𑑁𑐎𑐷 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐳𑑂𑐠𑐵𑐣𑐷𑐫 𑐟𑐴𑐮𑐶𑐳𑐾𑑄 𑐖𑐸𑐂𑐩𑐵𑑅𑐐𑐸 𑐳𑐩𑐣𑑂𑐰𑐫 𑐁𑐟𑐎𑑄 𑐖𑐸𑐂 𑐩𑐦𑐫𑐵𑐔𑑂𑐰𑑄𑐐𑐸𑐮𑐶𑑄 𑐀𑐖𑑂𑐫𑐵𑑅𑐐𑐸 𑐳𑑄𑐬𑐔𑐣𑐵 𑐥𑐸𑐣𑑅𑐣𑐶𑐬𑑂𑐩𑐵𑐞𑑄 𑐐𑐟𑐶 𑐣𑑄 𑐎𑐵𑐫𑐾 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸 𑑋

𑑒𑑐𑑗𑑒 𑐳𑐵𑐮 𑐧𑐿𑐱𑐵𑐏 𑑑𑑒 𑐐𑐟𑐾 𑐟𑑅𑐨𑐸𑐏𑐵𑐫𑑂 𑐧𑑂𑐰𑑅𑐐𑐸 𑐂𑐮𑐫𑑂 𑐳𑑂𑐠𑐵𑐣𑐷𑐫 𑐟𑐴 𑐖𑐣𑐥𑑂𑐬𑐟𑐶𑐣𑐶𑐢𑐶𑐰𑐶𑐴𑐷𑐣 𑐖𑐸𑐫𑐵𑐔𑑂𑐰𑑄𑐐𑐸 𑐀𑐰𑐳𑑂𑐠𑐵 𑐏𑑅𑐳𑐵 𑐁𑑅 𑐳𑑂𑐠𑐵𑐣𑐷𑐫 𑐟𑐴𑐫𑑂 𑐣𑐶𑐬𑑂𑐰𑐵𑐔𑐶𑐟 𑐖𑐣𑐥𑑂𑐬𑐟𑐶𑐣𑐶𑐢𑐶 𑐰𑑅𑐐𑐸 𑐡𑐟𑑂𑐫𑐵 𑐡𑐫𑐾𑐢𑐸𑑄𑐎𑐹𑐐𑐸 𑐀𑐰𑐳𑑂𑐠𑐵𑐫𑑂 𑐣𑑄 𑐥𑑂𑐬𑐵𑐢𑐶𑐎𑐬𑐞 𑐰 𑐳𑑂𑐠𑐵𑐣𑐷𑐫 𑐟𑐴 𑐡𑐠𑐸𑐂 𑐳𑐴𑐎𑐵𑐬𑑂𑐫 𑐖𑐸𑐂 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸 𑑋 𑐠𑐸𑐎𑐶𑑄 𑐫𑐵𑐣𑐵𑑅 𑐳𑐵𑐬𑑂𑐰𑐖𑐣𑐶𑐎 𑐳𑐩𑑂𑐥𑐟𑑂𑐟𑐶𑐫𑐵 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑐵 𑐖𑐵𑐣𑐎𑐵𑐬𑐷𑐟𑐎𑑄 𑐳𑑂𑐠𑐵𑐣𑐷𑐫 𑐟𑐴𑑄 𑐎𑐵𑐫𑐾 𑐦𑐫𑐵𑐔𑑂𑐰𑑄𑐐𑐸 𑐩𑐡𑐸 𑑋

𑐂𑐮 𑐖𑐶𑐮𑑂𑐮𑐵𑐫𑑂 𑐮𑐵𑑅𑐐𑐸 𑐩𑐴𑐵𑐮𑐎𑑂𑐲𑑂𑐩𑐷 𑐣𑐐𑐬𑐥𑐵𑐮𑐶𑐎𑐵 𑐡𑐸𑐣𑐾 𑐠𑑁𑑄𑐎𑐣𑑂𑐴𑐫𑑂 𑐁𑐥𑐵𑐮𑑄 𑐰𑐶𑐡𑑂𑐫𑐵𑐮𑐫 𑐰 𑐳𑑂𑐰𑐵𑐳𑑂𑐠𑑂𑐫 𑐔𑑁𑐎𑐷 𑐥𑐸𑐣𑑅𑐣𑐶𑐬𑑂𑐩𑐵𑐞 𑐖𑐸𑐫𑐵𑐔𑑂𑐰𑑄𑐐𑐸 𑐢𑐵𑑅𑐳𑐵 𑐡𑐸, 𑐟𑐬 𑐄𑐎𑐶𑐫𑐵 𑐖𑐵𑐣𑐎𑐵𑐬𑐷 𑐳𑑂𑐠𑐵𑐣𑐷𑐫 𑐟𑐴𑐫𑐵𑐟 𑐩𑐡𑐸 𑑋 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑑂 𑐳𑐩𑐳𑑂𑐫𑐵 𑐖𑐸𑐮 𑐢𑐵𑑅𑐳𑐵 𑐖𑐎 𑐠𑑅𑐥𑐶𑑄𑐟 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐫𑐵𑐣𑐵𑐔𑑂𑐰𑑄𑐐𑐸 𑐣𑐐𑐬𑐥𑐵𑐮𑐶𑐎𑐵 𑐥𑑂𑐬𑐩𑐸𑐏 𑐬𑐵𑐩𑐾𑐱𑑂𑐰𑐬 𑐱𑑂𑐬𑐾𑐲𑑂𑐛𑑄 𑐎𑐣𑐵𑐡𑐶𑐮 𑑋 𑐣𑐐𑐬𑐥𑐵𑐮𑐶𑐎𑐵 𑐎𑑂𑐲𑐾𑐟𑑂𑐬𑐫𑑂 𑐴𑐾 𑐖𑐸𑐫𑐵𑐔𑑂𑐰𑑄𑐐𑐸 𑐐𑐸𑐮𑐶𑐏𑐾 𑐳𑑄𑐬𑐔𑐣𑐵 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑑂 𑐳𑐩𑐳𑑂𑐫𑐵 𑐏𑐣𑐾 𑐡𑐫𑐵𑐔𑑂𑐰𑑄𑐐𑐸 𑐡𑐸 𑑋

‘𑐰𑐶𑐡𑑂𑐫𑐵𑐮𑐫𑐫𑐵 𑐣𑐵𑐩𑐫𑑂 𑐖𑐐𑑂𑐐𑐵 𑐩𑐡𑐸𑐳𑐵𑑄 𑐎𑐬𑑀𑐜𑑁𑑄 𑐏𑐬𑑂𑐔 𑐫𑐵𑐣𑐵𑑅 𑐰𑐶𑐡𑑂𑐫𑐵𑐮𑐫 𑐨𑐰𑐣 𑐡𑐫𑐾𑐎𑐵𑐔𑑂𑐰𑑄𑐐𑐸 𑐡𑐸, 𑐟𑐬 𑐔𑑅𑐧𑐶 𑐢𑐵𑑅𑐳𑐵 𑐕𑐐𑐹 𑐣𑑄 𑐩𑐡𑐸 𑑋 𑐠𑐖𑑂𑐫𑐵𑑅𑐐𑐸 𑐁𑐢𑐵𑐬𑐨𑐹𑐟 𑐎𑐩𑐶 𑐎𑐩𑐖𑑀𑐬 𑐏𑑄𑐎𑐏𑑄𑐎 𑐣𑑄 𑐠𑑅𑐥𑐶𑑄 𑐢𑐵𑑅𑐳𑐵 𑐳𑑂𑐰𑐫𑐵 𑐖𑐎 𑐔𑑂𑐰𑐣𑐾𑐩𑐵𑑅𑐐𑐸 𑐧𑐵𑐢𑑂𑐫𑐟𑐵 𑐡𑐸’ 𑐣𑐐𑐬 𑐥𑑂𑐬𑐩𑐸𑐏 𑐱𑑂𑐬𑐾𑐲𑑂𑐛𑑄 𑐢𑐫𑐵𑐡𑐶𑐮 𑑋

𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐣𑐶𑐐𑐹 𑐣𑐶𑐎𑐵𑐫 𑐡𑐠𑐸𑐂 𑐳𑐩𑐣𑑂𑐰𑐫 𑐩𑐖𑐹𑐳𑐵𑑄 𑐳𑑂𑐠𑐵𑐣𑐷𑐫𑐳𑑂𑐟𑐬𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐥𑐸𑐣𑑅𑐣𑐶𑐬𑑂𑐩𑐵𑐞𑐫𑑂 𑐰𑐂𑐐𑐸 𑐳𑐩𑐳𑑂𑐫𑐵 𑐳𑐩𑐵𑐢𑐵𑐣 𑐫𑐵𑐫𑐾𑐟, 𑐳𑐶𑐦𑐵𑐬𑐶𑐳 𑐫𑐵𑐫𑐾𑐟 𑐰 𑐣𑐶𑐬𑑂𑐩𑐵𑐞 𑐳𑐩𑑂𑐥𑐣𑑂𑐣 𑐮𑐶𑐥𑐵 𑐴𑐳𑑂𑐟𑐵𑐣𑑂𑐟𑐬𑐞𑐫𑐵 𑐣𑐶𑑄𑐟𑐶. 𑐖𑐎 𑐳𑑂𑐠𑐵𑐣𑐷𑐫 𑐳𑐬𑐎𑐵𑐬𑐫𑐵𑐟 𑐩𑐵𑐮𑐾𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS