Read news in NepalBhasa text-- www.hamroschool.com BACK 𑐱𑐶𑐎𑑂𑐲𑐎 𑐐𑐩𑑂𑐨𑐷𑐬𑐩𑐵𑐣 𑐩𑐵𑐳𑑂𑐎𑐾 𑐩𑑄𑐟 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐱𑐶𑐎𑑂𑐲𑐎 𑐐𑐩𑑂𑐨𑐷𑐬𑐩𑐵𑐣 𑐩𑐵𑐳𑑂𑐎𑐾 𑐩𑑄𑐟

𑐫𑐾𑑃 – 𑐣𑐾𑐥𑐵𑐮 𑐨𑐵𑐲𑐵𑐫𑐵 𑐧𑐵𑐏𑑄 𑐔𑑂𑐰𑐩𑐶 𑐮𑐶𑐳𑐾𑑄 𑐰𑐶𑐱𑑂𑐰 𑐣𑐶𑐎𑐾𑐚𑐣 𑐴𑐵𑐂𑐳𑑂𑐎𑐸𑐮𑐫𑐵 𑐥𑐸𑐮𑐵𑑄𑐩𑑂𑐴 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐐𑐩𑑂𑐨𑐷𑐬𑐩𑐵𑐣 𑐩𑐵𑐳𑑂𑐎𑐾 𑐩𑑂𑐴𑐶𑐐𑑅 𑐩𑑄𑐟 𑑋 𑐩𑑂𑐴𑐶𑐐𑑅 𑐥𑐱𑐸𑐥𑐟𑐶𑐫𑐵 𑐁𑐬𑑂𑐫𑐑𑐵𑐚𑐫𑑂 𑐰𑐫𑑂𑐎𑑅𑐫𑐵 𑐡𑐵𑐴𑐳𑑄𑐳𑑂𑐎𑐵𑐬 𑐫𑐵𑐫𑐾𑐐𑐸 𑐖𑑂𑐫𑐵 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐰𑐫𑑂𑐎𑑅𑐫𑐵𑐟 𑐟𑑅𑐢𑐷𑐩𑑂𑐴 𑐎𑐵𑐫 𑐳𑐶𑐡𑑂𑐢𑐵𑐬𑑂𑐠𑑄 𑐩𑐶 𑐟𑑅𑐐𑐸 𑐏𑑅 𑑋 𑐩𑐡𑐸𑐩𑑂𑐴 𑐩𑐵𑐳𑑂𑐎𑐾𑑄 𑑒𑑐𑑐𑑙 𑐳𑐵𑐮𑐥𑐵𑐏𑐾 𑐜𑐵. 𑐎𑐩𑐮𑐥𑑂𑐬𑐎𑐵𑐱 𑐩𑐮𑑂𑐮𑐮𑐶𑐳𑐾 𑐖𑐵𑐣𑐵𑑅 𑐰𑐶𑐡𑑂𑐫𑐵𑐬𑑂𑐠𑐷 𑐳𑐵𑐴𑐶𑐟𑑂𑐫 𑐩𑐞𑑂𑐜𑐮 𑐣𑐷𑐳𑑂𑐰𑐣𑐵𑐡𑐷𑐐𑐸 𑐏𑑅𑐳𑐵 𑐄𑐎𑐶𑐫𑐵 𑐀𑐢𑑂𑐫𑐎𑑂𑐲 𑐩𑐡𑐸𑐩𑑂𑐴 𑐩𑐵𑐳𑑂𑐎𑐾 𑐴𑐾 𑐏𑑅 𑑋

𑐰𑐶𑐡𑑂𑐫𑐵𑐬𑑂𑐠𑐷 𑐳𑐵𑐴𑐶𑐟𑑂𑐫 𑐩𑐞𑑂𑐜𑐮𑑄 𑐐𑑂𑐰𑐳𑐵𑑅 𑐐𑑂𑐰𑐂𑐐𑐸 𑐳𑐵𑐴𑐶𑐟𑑂𑐫𑐶𑐎 𑐖𑑂𑐫𑐵𑐗𑑂𑐰𑑅𑐥𑐵𑐏𑐾𑑄 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛 𑐰 𑐦𑐞𑐷𑐣𑑂𑐡𑑂𑐬𑐬𑐟𑑂𑐣 𑐰𑐖𑑂𑐬𑐵𑐔𑐵𑐬𑑂𑐫𑐥𑐶𑑄𑐳𑑄 𑐳𑐵𑐴𑐶𑐟𑑂𑐫𑐶𑐎 𑐫𑐵𑐟𑑂𑐬𑐵 𑐱𑐸𑐬𑐸 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐩𑐡𑐸𑐩𑑂𑐴 𑐩𑐵𑐳𑑂𑐎𑐾 𑐟𑑅𑐡𑑃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐳𑐶𑐣𑐵𑐫𑐮 𑐮𑑂𑐰𑑅𑐩𑐣𑐶𑐐𑐸 𑐰 𑐩𑐣𑐹 𑐩𑑂𑐴𑐳𑐷𑐎𑐾 𑐩𑐦𑐂𑐐𑐸 𑐮𑑂𑐰𑐔𑑂𑐰𑑄 𑐎𑐫𑐵𑐔𑑂𑐰𑑄𑐩𑑂𑐴 𑐏𑑅 𑑋 𑐰𑐫𑑂𑐎𑑅𑐫𑐵 𑐣𑐾𑐥𑐵𑐮𑐨𑐵𑐲𑐵𑐫𑐵 ‘𑐩𑑂𑐴𑐐𑐳𑐫𑑂 𑐮𑐸𑐫𑐵 𑐰𑐂𑐩𑑂𑐴’ 𑐧𑐵𑐏𑑄 𑐳𑐦𑐹 𑐥𑐶𑐡𑑄𑐐𑐸 𑐏𑑅 𑑋 𑐩𑐡𑐸𑐩𑑂𑐴 𑐩𑐵𑐳𑑂𑐎𑐾𑐫𑐵 𑐎𑐵𑐫 𑐣𑐶𑐩𑑂𑐴 𑐰 𑐩𑑂𑐴𑑂𑐫𑐵𑐫𑑂 𑐕𑐩𑑂𑐴 𑐡𑐷 𑑋 𑐰𑐫𑑂𑐎𑑅 𑐣𑐵𑑄𑐖𑐵𑑅𑐩𑑂𑐴 𑐎𑐮𑐵𑐎𑐵𑐬 𑐔𑐣𑑂𑐡𑑂𑐬𑐩𑐵𑐣 𑐩𑐵𑐳𑑂𑐎𑐾𑐫𑐵 𑐎𑐵𑐫 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS