Read news in NepalBhasa text-- www.hamroschool.com BACK 𑐎𑑀𑐬𑐶𑐫𑐵𑐮𑐷 𑐥𑑂𑐬𑐵𑐫𑐡𑑂𑐰𑐷𑐥𑐫𑑂 𑐫𑐵𑐎𑐣𑑄 𑐟𑐣𑐵𑐰 𑐎𑑂𑐰𑐔𑐵𑐂𑐐𑐸 𑐂𑐣𑐫𑐵 𑐰𑐶𑐱𑑂𑐰𑐵𑐳 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑑀𑐬𑐶𑐫𑐵𑐮𑐷 𑐥𑑂𑐬𑐵𑐫𑐡𑑂𑐰𑐷𑐥𑐫𑑂 𑐫𑐵𑐎𑐣𑑄 𑐟𑐣𑐵𑐰 𑐎𑑂𑐰𑐔𑐵𑐂𑐐𑐸 𑐂𑐣𑐫𑐵 𑐰𑐶𑐱𑑂𑐰𑐵𑐳

𑐡𑐎𑑂𑐲𑐶𑐞 𑐎𑑀𑐬𑐶𑐫𑐵𑐮𑐷 𑐬𑐵𑐲𑑂𑐚𑑂𑐬𑐥𑐟𑐶 𑐩𑐹 𑐖𑐾 𑐂𑐣𑑄 𑐎𑑀𑐬𑐶𑐫𑐵𑐮𑐷 𑐥𑑂𑐬𑐵𑐫𑐡𑑂𑐰𑐷𑐥𑐫𑑂 𑐫𑐵𑐎𑐣𑑄 𑐴𑐾 𑐟𑐣𑐵𑐰 𑐎𑑂𑐰𑐔𑐵𑐂𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐡𑐸 𑑋 𑐧𑐶𑐧𑐶𑐳𑐷 𑐮𑐶𑐳𑐾 𑐀𑐣𑑂𑐟𑐬𑑂𑐰𑐵𑐬𑑂𑐟𑐵 𑐧𑐶𑐂𑐐𑐸 𑐗𑑂𑐰𑐮𑐫𑑂 𑐬𑐵𑐲𑑂𑐚𑑂𑐬𑐥𑐟𑐶 𑐂𑐣𑑄 𑐀𑐩𑐾𑐬𑐶𑐎𑐵 𑐰 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷𑐫𑐵 𑐎𑐸𑐟𑐮𑑄 𑐫𑐵𑐎𑐣𑑄 𑐴𑐾 𑐎𑑀𑐬𑐫𑐵𑐮𑐷 𑐥𑑂𑐬𑐵𑐫𑐡𑑂𑐰𑐷𑐥𑐫 𑐟𑐣𑐵𑐰 𑐏𑐟𑐩 𑐖𑐸𑐂𑐦𑐂𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐏𑑅 𑑋

𑐄𑐟𑑂𑐟𑐬 𑐰 𑐡𑐎𑑂𑐲𑐶𑐞 𑐎𑑀𑐬𑐶𑐫𑐵 𑐡𑐠𑐸𑐂 𑐳𑐣𑑂 𑑑𑑙𑑕𑑓 𑐫𑑂 𑐫𑐸𑐡𑑂𑐢 𑐎𑑂𑐰𑐔𑐵𑐫𑐾𑐢𑐸𑑄𑐎𑐹𑐐𑐸 𑐏𑑅, 𑐟𑐬 𑐣𑐶𑐐𑐹 𑐡𑐾𑐫𑑂 𑐡𑐠𑐸𑐂 𑐀𑐗 𑐣𑑄 𑐱𑐵𑐣𑑂𑐟𑐶 𑐳𑐩𑑂𑐗𑑁𑐟𑐵 𑐖𑐹𑐐𑐸 𑐩𑐡𑐸𑐣𑐶 𑑋𑐀𑐠𑐾𑐴𑐾 𑐩𑐸𑐣 𑐖𑐾 𑐂𑐣𑑄 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷 𑐣𑐾𑐟𑐵 𑐎𑐶𑐩 𑐖𑑀𑑄𑐐 𑐄𑐣𑐫𑐵𑐟 𑐥𑐬𑐩𑐵𑐞𑐸 𑐴𑐟𑐶𑐫𑐵𑐬 𑐟𑑂𑐰𑐟𑐾𑐟 𑐳𑑂𑐰𑐷𑐎𑐵𑐬 𑐫𑐵𑐎𑐾𑐐𑐸 𑐣𑐶𑑄𑐟𑐶𑑄 𑐮𑐐𑐵𑐟𑐵𑐬 𑐎𑐸𑐟𑑅 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐣𑑄 𑐢𑐫𑐵𑐡𑐷𑐐𑐸 𑐡𑐸 𑑋 𑐠𑑂𑐰 𑐗𑑂𑐰𑐮𑐫𑑂 𑐰𑐫𑑂𑐎𑐮𑑄 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷 𑐣𑐾𑐟𑐵 𑐄𑐣 𑐕𑐩𑑂𑐴 𑐳𑐬𑐮 𑐰𑑂𑐫𑐎𑑂𑐟𑐶 𑐖𑐹𑐐𑐸 𑐏𑑃 𑐣𑑄 𑐢𑐫𑐵𑐡𑐷𑐐𑐸 𑐡𑐸 𑑋

𑐀𑐣𑑂𑐟𑐬𑑂𑐰𑐵𑐬𑑂𑐟𑐵𑐫𑐵 𑐗𑑂𑐰𑐮𑐫𑑂 𑐰𑐫𑑂𑐎𑐮𑑄 𑐀𑐩𑐾𑐬𑐶𑐎𑐷 𑐬𑐵𑐲𑑂𑐚𑑂𑐬𑐥𑐟𑐶 𑐰 𑐄𑐟𑑂𑐟𑐬 𑐎𑑀𑐬𑐶𑐫𑐵𑐮𑐷 𑐣𑐾𑐟𑐵 𑐡𑐠𑐸𑐂 𑐖𑐸𑐂𑐐𑐸 𑐰𑐵𑐬𑑂𑐟𑐵𑐫𑐵 𑐗𑑂𑐰𑐮𑐫𑑂 𑐎𑐸𑐚𑐣𑐷𑐟𑐶𑐎 𑐳𑐩𑐳𑑂𑐫𑐵 𑐰𑐫𑐾𑐦𑐸 𑐢𑐫𑐵𑐡𑐶𑐳𑐾𑑄 𑐫𑐡𑐶 𑐠𑐠𑐾 𑐖𑐸𑐮 𑐢𑐵𑑅𑐳𑐵 𑐫𑐸𑐬𑑀𑐥𑐾𑐮𑐷 𑐡𑐾𑐫𑑂𑐫𑐵 𑐣𑐾𑐟𑐵𑐟𑐫𑑂𑐳𑑄 𑐩𑐢𑑂𑐫𑐳𑑂𑐠𑐟𑐵 𑐫𑐵𑐂𑐐𑐸 𑐏𑑃 𑐣𑑄 𑐢𑐫𑐵𑐡𑐷𑐐𑐸 𑐡𑐸 𑑋

𑐣𑐶𑐐𑐹 𑐥𑐬𑐩𑑂𑐥𑐬𑐵𑐐𑐟 𑐡𑐸𑐱𑑂𑐩𑐣 𑐡𑐾𑐫𑑂𑐟𑐫𑑂 𑐣𑐾𑐟𑐵𑐟 𑐩𑐸𑐣 𑐖𑐾 𑐂𑐣 𑐰 𑐎𑐶𑐩 𑐖𑑀𑑄𑐐 𑐄𑐣 𑐡𑐠𑐸𑐂 𑐠𑑂𑐰 𑐡𑑃𑐫𑑂 𑐖𑐎 𑐳𑑂𑐰𑐎𑑂𑐰 𑐰𑐵𑐬𑑂𑐟𑐵 𑐖𑐸𑐂𑐢𑐸𑑄𑐎𑐹𑐐𑐸 𑐡𑐸 𑑋 𑐡𑐎𑑂𑐲𑐶𑐞 𑐎𑑀𑐬𑐶𑐫𑐵𑐮𑐷 𑐬𑐵𑐲𑑂𑐚𑑂𑐬𑐥𑐟𑐶 𑐂𑐣𑑄 𑐎𑐶𑐩 𑐰 𑐜𑑀𑐣𑐵𑐮𑑂𑐜 𑐚𑑂𑐬𑐩𑑂𑐥 𑐡𑐠𑐸𑐂 𑐰𑐵𑐬𑑂𑐟𑐵𑐫𑐵 𑐣𑐶𑑄𑐟𑐶𑑄 𑐩𑐢𑑂𑐫𑐳𑑂𑐠𑐎𑐬𑑂𑐟𑐵𑐫𑐵 𑐨𑐹𑐩𑐶𑐎𑐵 𑐣𑑄 𑐩𑑂𑐴𑐶𑐟𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS