Read news in NepalBhasa text-- www.hamroschool.com BACK 𑐣𑐾𑐥𑐵𑑅𑐫𑐵𑐟 𑐐𑑂𑐬𑐸𑐥 ‘𑐧𑐷’𑐫𑐵 𑐄𑐥𑐵𑐢𑐶 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐾𑐥𑐵𑑅𑐫𑐵𑐟 𑐐𑑂𑐬𑐸𑐥 ‘𑐧𑐷’𑐫𑐵 𑐄𑐥𑐵𑐢𑐶

𑐣𑐾𑐥𑐵𑐮𑑄 𑐰𑐬𑑂𑐮𑑂𑐜𑐎𑐥 𑐎𑑂𑐰𑐵𑐮𑐶𑐦𑐵𑐫𑐬 𑐚𑐷–𑑒𑑐 𑐊𑐳𑐶𑐫𑐵 𑐬𑐶𑐖𑐣𑐫𑐵 𑐐𑑂𑐬𑐸𑐥 ‘𑐧𑐷’𑐫𑐵 𑐄𑐥𑐵𑐢𑐶 𑐟𑑂𑐫𑐵𑐎𑐹𑐐𑐸 𑐡𑐸 𑑋 𑐮𑐶𑐥𑐵𑑄𑐐𑐸 𑐎𑐵𑐳𑐵𑐫𑑂 𑐳𑐶𑑄𑐐𑐵𑐥𑐸𑐬 𑐣𑐵𑐥 𑐧𑐬𑐵𑐧𑐬𑐷 𑐖𑐸𑐂𑐰𑑄 𑐣𑐶𑐐𑐹𑐮𑐶𑑄 𑐚𑐶𑐩𑑄 𑑑–𑑑 𑐀𑑄𑐎 𑐎𑐵𑑅𑐐𑐸 𑐏𑑅 𑑋 𑐣𑐾𑐥𑐵𑑅 𑐰 𑐳𑐶𑑄𑐐𑐵𑐥𑐸𑐬 𑐣𑐶𑐐𑐹𑐮𑐶𑑄 𑐚𑐶𑐩𑐫𑐵 𑐳𑐩𑐵𑐣 𑑑𑑑–𑑑𑑑 𑐀𑑄𑐎 𑐖𑐹𑐳𑐵𑑄 𑐣𑐾𑐚 𑐬𑐣 𑐬𑐾𑐚𑐫𑐵 𑐮𑐶𑐢𑑄𑐳𑐵𑐫𑑂 𑐣𑐾𑐥𑐵𑐮𑑄 𑐠𑑂𑐰 𑐄𑐥𑐵𑐢𑐶 𑐟𑑂𑐫𑐵𑐎𑐹𑐐𑐸 𑐏𑑅 𑑋 𑐣𑐾𑐥𑐵𑑅𑐫𑐵 𑐬𑐣𑐬𑐾𑐚 𑑗.𑑗𑑘𑑒 𑐡𑐸𑐐𑐸 𑐏𑑅𑐳𑐵 𑐳𑐶𑑄𑐐𑐵𑐥𑐸𑐬𑐫𑐵 𑑔.𑑗𑑗𑑒 𑐖𑐎 𑐡𑐸𑐐𑐸 𑐏𑑅 𑑋

𑐱𑐸𑐎𑑂𑐬𑐰𑐵𑑅 𑐖𑐹𑐐𑐸 𑐎𑐵𑐳𑐵𑐫𑑂 𑐳𑐶𑑄𑐐𑐵𑐥𑐸𑐬𑑄 𑐣𑑂𑐴𑐵𑐥𑐵𑑄𑐐𑐸 𑐧𑑂𑐫𑐵𑐚𑐶𑐒 𑐫𑐵𑐣𑐵𑑅 𑐣𑐾𑐥𑐵𑑅𑐫𑐵𑐟 𑑘𑑒 𑐬𑐣𑐫𑐵 𑐮𑐎𑑂𑐲𑑂𑐫 𑐧𑐶𑐄𑐐𑐸 𑐏𑑅 𑑋 𑐣𑑂𑐴𑐵𑐥𑐵𑑄 𑐧𑐮𑐶𑐒 𑐫𑐵𑑅𑐐𑐸 𑐣𑐾𑐥𑐵𑑅𑐫𑐵 𑐣𑐶𑑄𑐟𑐶𑑄 𑐳𑐣𑑂𑐡𑐶𑐥 𑐮𑐵𑐩𑐶𑐕𑐵𑐣𑐾𑑄 𑑔, 𑐎𑐬𑐞 𑐎𑐾𑐳𑐷 𑐰 𑐳𑑀𑐩𑐥𑐵𑐮 𑐎𑐵𑐩𑐷𑑄 𑑒–𑑒 𑐰 𑐧𑐳𑐣𑑂𑐟 𑐬𑐾𑐐𑑂𑐩𑐷 𑐰 𑐮𑐮𑐮𑐶𑐟 𑐬𑐵𑐖𑐰𑑄𑐱𑐷 𑑑–𑑑 𑐰𑐶𑐎𑐾𑐚 𑐎𑐵𑑅𑐐𑐸 𑐏𑑅 𑑋

𑐖𑐰𑐵𑐦𑐷 𑐧𑑂𑐫𑐵𑐚𑐶𑐒 𑐫𑐵𑑅𑐐𑐸 𑐣𑐾𑐥𑐵𑐮𑑄 𑐩𑐸𑐎𑑂𑐎𑑄 𑐳𑑂𑐰𑑄𑐐𑐹 𑐧𑐮𑐫𑐵 𑐖𑐎 𑐳𑐵𑐩𑐣𑐵 𑐫𑐵𑐫𑐾𑐏𑐣 𑑋 𑐳𑑂𑐰𑑄𑐐𑐹 𑐧𑐮𑐫𑑂 𑐕𑐐𑐹 𑐰𑐶𑐎𑐾𑐚 𑐟𑑄𑐎𑐵𑑅 𑐕𑐐𑐹 𑐖𑐎 𑐬𑐣 𑐡𑐫𑐾𑐎𑐹𑐰𑐮𑐫𑑂 𑐰𑐵𑑅 𑐰𑐫𑐵𑑅 𑐎𑐵𑐳𑐵 𑐡𑐶𑐎𑐾𑐩𑐵𑑅𑐐𑐸 𑐏𑑅 𑑋

𑐳𑐣𑑂𑐡𑐷𑐥𑐫𑐵 𑐬𑐾𑐎𑐬𑑂𑐜
𑐕𑐐𑐹 𑐴𑐾 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐢𑐾𑑄𑐢𑐾𑑄𑐧𑐮𑑂𑐮𑐵𑐫𑑂 𑐡𑐎𑐮𑐫𑑂 𑐀𑐥𑑂𑐰 𑐰𑐶𑐎𑐾𑐚 𑐎𑐵𑐂𑐩𑑂𑐴 𑐣𑐾𑐥𑐵𑑅𑐫𑐵 𑐎𑐵𑐳𑐵𑐩𑐶𑐫𑐵 𑐎𑐠𑑄 𑐳𑐣𑑂𑐡𑐷𑐥 𑐮𑐵𑐩𑐶𑐕𑐵𑐣𑐾𑑄 𑐣𑑂𑐴𑐹𑐐𑐸 𑐬𑐾𑐎𑐬𑑂𑐜 𑐡𑐫𑐾𑐎𑐹𑐐𑐸 𑐡𑐸 𑑋 𑐳𑐣𑑂𑐡𑐷𑐥𑑄 𑐠𑐸𑐐𑐸 𑐢𑐾𑑄𑐢𑐾𑑄𑐧𑐮𑑂𑐮𑐵𑐫𑑂 𑐏𑐐𑐹 𑐎𑐵𑐳𑐵 𑐩𑑂𑐴𑐶𑐟𑐵𑑅 𑑒𑑔 𑐰𑐶𑐎𑐾𑐚 𑐎𑐵𑑅𑐐𑐸 𑐏𑑅 𑑋 𑐠𑑂𑐰𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐠𑐸𑐐𑐸 𑐬𑐾𑐎𑐬𑑂𑐜 𑐧𑐳𑐣𑑂𑐟 𑐬𑐾𑐐𑑂𑐩𑐷 𑐰 𑐰𑐶𑐣𑑀𑐡 𑐡𑐵𑐳𑐫𑐵 𑐣𑐵𑑄𑐩𑐫𑑂 𑐡𑐸𑐐𑐸 𑐏𑑅 𑑋 𑐬𑐾𑐐𑑂𑐩𑐷 𑐰 𑐡𑐵𑐳𑑄 𑑒𑑑–𑑒𑑑 𑐰𑐶𑐎𑐾𑐚 𑐎𑐫𑐵𑑅 𑐬𑐾𑐎𑐬𑑂𑐜 𑐡𑐫𑐾𑐎𑐵𑐟𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS