Read news in NepalBhasa text-- www.hamroschool.com BACK 𑐀𑐩𑐾𑐬𑐶𑐎𑐷 𑐀𑐡𑐵𑐮𑐟𑐫𑑂 𑐣𑐾𑐰𑐵𑑅 𑐨𑐵𑐫𑑂 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐩𑐾𑐬𑐶𑐎𑐷 𑐀𑐡𑐵𑐮𑐟𑐫𑑂 𑐣𑐾𑐰𑐵𑑅 𑐨𑐵𑐫𑑂

𑐫𑐾𑑃 – 𑐀𑐩𑐾𑐬𑐶𑐎𑐵𑐫𑐵 𑐕𑐐𑐹 𑐀𑐡𑐵𑐮𑐟𑑄 𑐨𑐵𑐫𑑂 𑐩𑐳𑑅𑐥𑐶𑑄 𑐩𑐣𑐹𑐟𑐫𑑂𑐟 𑐣𑐾𑐰𑐵𑑅 𑐨𑐵𑐳𑑄 𑐴𑐾 𑐀𑐡𑐵𑐮𑐟𑐫𑑂 𑐧𑐫𑐵𑐣 𑐧𑐷 𑐡𑐂𑐐𑐸 𑐀𑐢𑐶𑐎𑐵𑐬 𑐥𑑂𑐬𑐡𑐵𑐣 𑐫𑐵𑑅𑐐𑐸 𑐡𑐸 𑑋 𑐀𑐣𑐫𑐵 𑐌𑐬𑐾𑐐𑐣 𑐬𑐵𑐖𑑂𑐫𑐫𑐵 𑐀𑐡𑐵𑐮𑐟𑑄 𑐠𑑂𑐰 𑐀𑐢𑐶𑐎𑐵𑐬 𑐧𑐶𑐄𑐐𑐸 𑐏𑑅 𑑋

𑐠𑑂𑐰𑐴𑐾 𑐰𑑄𑐐𑐸 𑐳𑐾𑐥𑑂𑐚𑐾𑐩𑑂𑐧𑐬 𑑑𑑑 𑐣𑐶𑐳𑐾𑑄 𑑑𑑘 𑐟𑐎 𑐖𑐹𑐐𑐸 𑐌𑐬𑐾𑐐𑐣 𑐬𑐵𑐖𑑂𑐫𑐫𑐵 𑐰𑑂𑐫𑐧𑐳𑐵𑐫𑐶𑐎 𑐡𑑀𑐨𑐵𑐳𑐾𑐟𑐫𑑂𑐐𑐸 𑐳𑐩𑑂𑐩𑐾𑐮𑐣𑐫𑑂 𑐟𑐵𑑅 𑐃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐌𑐬𑐾𑐐𑐣 𑐬𑐵𑐖𑑂𑐫𑐫𑑂 𑐔𑑂𑐰𑐣𑐵𑐡𑐷𑐩𑑂𑐴 𑐨𑐵𑐲𑐵𑐰𑐶𑐡𑑂 𑐡𑐫𑐵𑐬𑐟𑑂𑐣 𑐱𑐵𑐎𑑂𑐫𑐫𑐵 𑐥𑐴𑐮𑐫𑑂 𑐌𑐬𑐾𑐐𑐣 𑐬𑐵𑐖𑑂𑐫𑐫𑑂 𑐔𑑂𑐰𑐣𑐵𑐔𑑂𑐰𑑄𑐥𑐶𑑄 𑐣𑐾𑐰𑐵𑑅𑐟𑐫𑑂𑐟 𑐀𑐡𑐵𑐮𑐟𑐷 𑐳𑐩𑐳𑑂𑐫𑐵 𑐰𑐮 𑐢𑐵𑑅𑐳𑐵 𑐣𑐾𑐰𑐵𑑅𑐟𑐫𑑂𑐐𑐸 𑐠𑑅𑐐𑐸 𑐴𑐾 𑐨𑐵𑐫𑑂 𑐡𑐸𑐐𑐸𑐮𑐶𑑄 𑐄𑐩𑐶𑐳𑑄 𑐣𑐾𑐰𑐵𑑅 𑐨𑐵𑐫𑑂 𑐴𑐾 𑐕𑑂𑐫𑐮𑐾 𑐡𑐫𑐾𑐩𑐵𑑅 𑐢𑐎𑐵𑑅 𑐟𑐫𑐵𑐡𑐷𑐐𑐸 𑐩𑐵𑐐𑐫𑐵𑐟 𑐳𑐎𑐵𑐬𑐵𑐟𑑂𑐩𑐎 𑐬𑐸𑐥𑑄 𑐎𑐵𑐳𑐾𑑄 𑐠𑑂𑐰 𑐀𑐢𑐶𑐎𑐵𑐬 𑐧𑐷𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐠𑑂𑐰 𑐀𑐢𑐶𑐎𑐵𑐬 𑐮𑐶𑐥𑐵 𑐀𑐣 𑐁𑐰𑑄𑐮𑐶 𑐣𑐾𑐰𑐵𑑅 𑐨𑐵𑐫𑑂 𑐕𑑂𑐫𑐮𑐵𑑅 𑐀𑐡𑐵𑐮𑐟𑐫𑑂 𑐠𑑅𑐐𑐸 𑐏𑑃 𑐎𑐣𑐾 𑐡𑐂𑐐𑐸 𑐖𑐹𑐐𑐸 𑐡𑐸 𑑋 𑐁𑑅 𑐀𑐡𑐵𑐮𑐟𑐫𑑂 𑐣𑑂𑐫𑐵𑐫𑐵𑐢𑐷𑐱𑐫𑐵 𑐣𑑂𑐴𑑂𑐫𑑅𑐣𑐾 𑐠𑑅𑐟 𑐥𑐬𑐾 𑐖𑐹𑐐𑐸 𑐏𑑃 𑐠𑑅𑐐𑐸 𑐴𑐾 𑐨𑐵𑐳𑑄 𑐎𑐣𑐾 𑐡𑐂𑐐𑐸 𑐳𑑄𑐰𑐿𑐢𑐵𑐣𑐶𑐎 𑐀𑐢𑐶𑐎𑐵𑐬 𑐥𑐵𑐮𑐣𑐵 𑐫𑐵𑐣𑐵𑑅 𑐣𑐾𑐰𑐵𑑅 𑐨𑐵𑐳𑑄 𑐧𑐫𑐵𑐣 𑐧𑐷 𑐡𑐂𑐐𑐸 𑐖𑐹𑐐𑐸 𑐡𑐸 𑑋 𑐣𑐾𑐰𑐵𑑅𑐟𑐫𑑂 𑐮𑐵𑐐𑐶𑑄 𑐠𑑂𑐰 𑐕𑐐𑐹 𑐄𑐥𑐮𑐧𑑂𑐢𑐷 𑐏𑑅 𑐢𑐵𑐳𑐾𑑄 𑐨𑐵𑐖𑐸 𑐱𑐵𑐎𑑂𑐫𑑄 𑐌𑐬𑐾𑐐𑐣 𑐬𑐵𑐖𑑂𑐫𑑄 𑐧𑐶𑐄𑐐𑐸 𑐠𑑂𑐰 𑐳𑑂𑐰𑐷𑐎𑐺𑐟𑐶𑐫𑐵𑐟 𑐁𑑅 𑐀𑐩𑐾𑐬𑐶𑐎𑐵𑐫𑐵 𑐩𑐾𑐩𑐾𑐐𑐸 𑐬𑐵𑐖𑑂𑐫𑐫𑑂 𑐣𑑄 𑐠𑑂𑐫𑑄𑐎𑐾𑐐𑐸 𑐮𑐵𑐐𑐶𑑄 𑐥𑐴𑐮 𑐫𑐵𑐫𑐾𑐐𑐸 𑐏𑑃 𑐣𑑄 𑐎𑐣𑐵𑐡𑐶𑐮 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS