Read news in NepalBhasa text-- www.hamroschool.com BACK 𑐣𑐾𑐥𑐵𑐮–𑐎𑑀𑐬𑐶𑐫𑐵𑐩𑐿𑐟𑑂𑐬𑐷 𑐀𑐳𑑂𑐥𑐟𑐵𑐮𑐫𑑂 𑐬𑐾𑐜𑐶𑐫𑑀𑐮𑑀𑐖𑐷 𑐧𑑂𑐮𑐎 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐣𑐾𑐥𑐵𑐮–𑐎𑑀𑐬𑐶𑐫𑐵𑐩𑐿𑐟𑑂𑐬𑐷 𑐀𑐳𑑂𑐥𑐟𑐵𑐮𑐫𑑂 𑐬𑐾𑐜𑐶𑐫𑑀𑐮𑑀𑐖𑐷 𑐧𑑂𑐮𑐎

𑐠𑐶𑐩𑐶 – 𑐣𑐾𑐥𑐵𑐮–𑐎𑑀𑐬𑐶𑐫𑐵𑐩𑐿𑐟𑑂𑐬𑐷 𑐀𑐳𑑂𑐥𑐟𑐵𑐮𑐫𑐵 𑐬𑐾𑐜𑐶𑐫𑑀𑐮𑑀𑐖𑐷 𑐧𑑂𑐮𑐎 𑐣𑐶𑐬𑑂𑐩𑐵𑐞𑐫𑐵 𑐣𑐶𑑄𑐟𑐶𑑄 𑐱𑐶𑐮𑐵𑐣𑑂𑐫𑐵𑐳 𑐫𑐵𑑅𑐐𑐸 𑐡𑐸 𑑋 𑐩𑐢𑑂𑐫𑐥𑐸𑐬 𑐠𑐶𑐩𑐶 𑐣𑐐𑐬𑐥𑐵𑐮𑐶𑐎𑐵𑑄 𑐳𑑄𑐔𑐵𑐮𑐣 𑐫𑐵𑐣𑐵𑐔𑑂𑐰𑑄𑐐𑐸 𑐀𑐳𑑂𑐥𑐟𑐵𑐮𑐫𑐵 𑐬𑐾𑐜𑐶𑐫𑑀𑐮𑑀𑐖𑐷 𑐧𑑂𑐮𑐎 𑐳𑑄𑐰𑐶𑐢𑐵𑐣 𑐡𑐶𑐰𑐳𑐫𑐵 𑐮𑐳𑐟𑐵𑐫𑑂 𑐮𑐵𑐎𑐵𑑅 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐩𑐡𑐣𑐳𑐸𑐣𑑂𑐡𑐬 𑐱𑑂𑐬𑐾𑐲𑑂𑐛𑑄 𑐱𑐶𑐮𑐵𑐣𑑂𑐫𑐵𑐳 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐀𑐠𑐾 𑐴𑐾 𑐀𑐳𑑂𑐥𑐟𑐵𑐮𑑄 𑐳𑐴𑐸𑐮𑐶𑐫𑐟 𑐨𑐵𑐰𑑄 𑐰𑐵𑐳𑑅 𑐩𑐷𑐐𑐸 𑐣𑐶𑑄𑐟𑐶𑑄 𑐦𑐵𑐬𑑂𑐩𑐾𑐳𑐷 𑐣𑑄 𑐳𑑄𑐔𑐵𑐮𑐣𑐫𑑂 𑐴𑑅𑐐𑐸 𑐡𑐸 𑑋 𑐬𑐾𑐜𑐶𑐫𑑀𑐮𑑀𑐖𑐷 𑐧𑑂𑐮𑐎𑐫𑐵 𑐱𑐶𑐮𑐵𑐣𑑂𑐫𑐵𑐳 𑐫𑐵𑐣𑐵𑐡𑐶𑐳𑐾𑑄 𑐣𑐐𑐬𑐥𑑂𑐬𑐩𑐸𑐏 𑐱𑑂𑐬𑐾𑐲𑑂𑐛𑑄 𑐁𑐩 𑐣𑐵𑐐𑐬𑐶𑐎𑐫𑐵 𑐳𑑂𑐰𑐵𑐳𑑂𑐠𑑂𑐫𑐫𑑂 𑐳𑐴𑐖 𑐥𑐴𑐸𑑃𑐔𑐫𑐵𑐟 𑐀𑐨𑐶𑐰𑐺𑐡𑑂𑐢𑐶 𑐫𑐵𑐫𑐾𑐐𑐸 𑐄𑐡𑑂𑐡𑐾𑐱𑑂𑐫𑑄 𑐳𑐾𑐰𑐵 𑐰𑐶𑐳𑑂𑐟𑐵𑐬 𑐫𑐵𑐫𑐾𑐐𑐸 𑐗𑑂𑐰𑐮𑐫𑑂 𑐬𑐾𑐜𑐶𑐫𑐵𑐮𑑀𑐖𑐷 𑐧𑑂𑐮𑐎 𑐣𑐶𑐬𑑂𑐩𑐵𑐞 𑐫𑐵𑐫𑐾𑐟𑑂𑐫𑑄𑐐𑐸 𑐏𑑅 𑐢𑐫𑐵𑐡𑐶𑐮 𑑋

𑐀𑐳𑑂𑐥𑐟𑐵𑐮 𑐥𑐬𑐶𑐳𑐬𑐫𑑂 𑐠𑑂𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐣𑐶𑐳𑐵𑐣 𑐦𑐵𑐬𑑂𑐩𑐾𑐳𑐷𑐫𑐵 𑐣𑐵𑐩𑑄 𑐥𑐳𑑅 𑐎𑐰𑑅 𑐧𑐵𑐮𑑄 𑐎𑐫𑐵𑑅 𑐰𑐵𑐳𑑅 𑐥𑐳𑑅 𑐳𑑄𑐔𑐵𑐮𑐣 𑐖𑐸𑐫𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅𑐳𑐵 𑐁𑑅 𑐀𑐳𑑂𑐥𑐟𑐵𑐮𑑄 𑐴𑐾 𑐳𑐴𑐸𑐮𑐶𑐫𑐟 𑐨𑐵𑐰𑑄 𑐰𑐵𑐳𑑅 𑐰𑐶𑐎𑑂𑐬𑐷 𑐫𑐵𑐫𑐾𑐐𑐸 𑐳𑐾𑐰𑐵 𑐣𑑄 𑐳𑑄𑐔𑐵𑐮𑐣𑐫𑑂 𑐴𑑅𑐐𑐸 𑐡𑐸 𑑋 𑐣𑐐𑐬 𑐥𑑂𑐬𑐩𑐸𑐏 𑐱𑑂𑐬𑐾𑐲𑑂𑐛𑑄 𑐀𑐳𑑂𑐥𑐟𑐵𑐮𑑄 𑐳𑑄𑐔𑐵𑐮𑐣𑐫𑑂 𑐴𑑅𑐐𑐸 𑐦𑐵𑐬𑑂𑐩𑐾𑐳𑐷𑐫𑐵 𑐣𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐠𑑂𑐰 𑐴𑐾 𑐗𑑂𑐰𑐮𑐫𑑂 𑐀𑐳𑑂𑐥𑐟𑐵𑐮𑑄 𑐁𑐢𑐸𑐣𑐶𑐎 𑐳𑐸𑐰𑐶𑐢𑐵𑐳𑐴𑐶𑐟𑐫𑐵 𑐊𑐩𑑂𑐧𑐸𑐮𑐾𑐣𑑂𑐳 𑐰 𑐳𑐶𑐚𑐶𑐳𑑂𑐎𑑂𑐫𑐵𑐣 𑐩𑐾𑐳𑐶𑐣 𑐣𑑄 𑐴𑐫𑐾𑐟𑑂𑐫𑐣𑐵𑐐𑐸 𑐰 𑐄𑐎𑐶𑐫𑐵 𑐣𑐶𑑄𑐟𑐶𑑄 𑐥𑑂𑐬𑐎𑑂𑐬𑐶𑐫𑐵 𑐟𑐎𑑄 𑐣𑑂𑐴𑑂𑐫𑐵𑐫𑐾𑐢𑐸𑑄𑐎𑐹𑐐𑐸 𑐣𑐐𑐬𑐥𑑂𑐬𑐩𑐸𑐏 𑐱𑑂𑐬𑐾𑐲𑑂𑐛𑑄 𑐎𑐣𑐵𑐡𑐶𑐮 𑑋 𑐄𑐐𑐸 𑐀𑐳𑑂𑐥𑐟𑐵𑐮𑑄 𑐣𑐐𑐬𑐥𑐵𑐮𑐶𑐎𑐵𑐫𑐵 𑑘𑑐 𑐥𑑂𑐬𑐟𑐶𑐱𑐟 𑐳𑑂𑐰𑐫𑐵𑑄 𑐀𑐥𑑂𑐰𑑅 𑐣𑐐𑐬𑐰𑐵𑐳𑐷𑐟𑐫𑑂𑐟 𑐳𑑂𑐰𑐵𑐳𑑂𑐠𑑂𑐫 𑐧𑐷𑐩𑐵 𑐖𑑂𑐫𑐵𑐗𑑂𑐰𑐮𑐫𑑂 𑐳𑐴𑐨𑐵𑐐𑐶 𑐫𑐵𑐎𑐵𑑅 𑐱𑐟𑐥𑑂𑐬𑐟𑐶𑐱𑐟 𑐣𑐶𑑅𑐱𑐸𑐮𑑂𑐎 𑐄𑐥𑐔𑐵𑐬 𑐫𑐵𑐫𑐾𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS