Read news in NepalBhasa text-- www.hamroschool.com BACK 𑐟𑐵𑐩𑑂𑐬𑐎𑐵𑐬 𑐦𑐸𑐚𑐳𑐮𑐫𑐵 𑐦𑐵𑐂𑐣𑐮 𑐱𑐣𑐶𑐰𑐵𑑅 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐟𑐵𑐩𑑂𑐬𑐎𑐵𑐬 𑐦𑐸𑐚𑐳𑐮𑐫𑐵 𑐦𑐵𑐂𑐣𑐮 𑐱𑐣𑐶𑐰𑐵𑑅

𑐫𑐮 – 𑐟𑐵𑐩𑑂𑐬𑐎𑐵𑐬 𑐳𑐩𑐵𑐖𑐫𑐵 𑐐𑑂𑐰𑐳𑐵𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐳𑑂𑐰𑐎𑑂𑐰𑑅𑐐𑐸 𑐟𑐵𑐩𑑂𑐬𑐎𑐵𑐬 𑐦𑐸𑐚𑐳𑐮 𑐎𑐵𑐳𑐵–𑑒𑑐𑑗𑑕 𑐫𑐵 𑐳𑐾𑐩𑐷𑐦𑐵𑐂𑐣𑐮𑐫𑐵 𑐳𑐩𑐷𑐎𑐬𑐞 𑐥𑐹𑐬𑐵 𑐖𑐹𑐐𑐸 𑐡𑐸 𑑋 𑐰𑑄𑐐𑐸 𑐱𑐣𑐶𑐰𑐵𑑅 𑐖𑐹𑐐𑐸 𑐳𑑂𑐰𑑄𑐐𑐹𑐐𑐸 𑐰 𑐥𑑂𑐫𑑄𑐐𑐹𑐐𑐸 𑐔𑐬𑐞𑐫𑐵 𑐎𑐵𑐳𑐵 𑐮𑐶𑐥𑐵 𑐧𑐐𑐮𑐵𑐩𑐸𑐏𑐷 𑐦𑐬𑑂𑐣𑐶𑐔𑐬𑑂𑐳, 𑐳𑐵𑐴𑐶𑐮 𑐩𑐾𑐚𑐮 𑐎𑑂𑐬𑐵𑐦𑑂𑐚, 𑐦𑑀𑐬𑐾𑐐𑑀 𑐦𑐵𑐂𑐚𑐬𑑂𑐳 𑐰 𑐎𑐬𑐸𑐞𑐵𑐩𑐫 𑐩𑐾𑐚𑐮 𑐎𑑂𑐬𑐵𑐦𑑂𑐚 𑐳𑐾𑐩𑐷𑐦𑐵𑐂𑐣𑐮𑐫𑑂 𑐠𑑂𑐫𑑄𑐐𑐸 𑐡𑐸 𑑋

𑐱𑐣𑐶𑐰𑐵𑑅 𑐖𑐹𑐐𑐸 𑐣𑐶𑐐𑐸𑐮𑐶𑑄 𑐔𑐬𑐞𑐫𑐵 𑐎𑐵𑐳𑐵𑐫𑑂 𑐦𑑀𑐬𑐾𑐐𑑀 𑐰 𑐮𑐮𑐶𑐟𑐥𑐸𑐬 𑐖𑐶𑐮𑑂𑐮𑐵 𑐏𑐾𑐮𑐎𑐸𑐡 𑐰𑐶𑐎𑐵𑐳 𑐳𑐩𑐶𑐟𑐶𑑄 𑐰𑐶𑐖𑐫 𑐥𑑂𑐬𑐵𑐥𑑂𑐟 𑐫𑐵𑑅𑐐𑐸 𑐏𑑅 𑑋 𑐦𑑀𑐬𑐾𑐐𑑀𑑄 𑐬𑐵𑐂𑐚 𑐊𑐞𑑂𑐜 𑐊𑐱𑑀𑐳𑐶𑐫𑐳𑐣 𑐰 𑐨𑐿𑐬𑐰𑐣𑐵𑐠 𑐁𑐂𑐬𑐣𑐫𑐵𑐟 𑐰 𑐳𑐩𑐶𑐟𑐶𑑄 𑐎𑐬𑐸𑐞𑐵𑐩𑐫 𑐰 𑐬𑐵𑐂𑐚𑐳𑑂𑐫𑐵𑐟 𑐧𑐸𑐎𑐹𑐐𑐸 𑐏𑑅 𑑋 𑐳𑑂𑐰𑑄𑐐𑐹𑐐𑐸 𑐰 𑐥𑑂𑐫𑑄𑐐𑐹𑐐𑐸 𑐔𑐬𑐞𑐫𑐵 𑐩𑐾𑐐𑐸 𑐎𑐵𑐳𑐵𑐫𑑂 𑐧𑐶𑐎𑐾 𑐳𑐸𑐣𑐔𑐵𑑃𑐡𑐷 𑐥𑐳𑐮𑑄 𑐥𑐵𑐣𑐵𑐔𑑀 𑐧𑑂𑐫𑐹𑐚𑐷 𑐥𑐵𑐬𑑂𑐮𑐬𑐫𑐵𑐟, 𑐎𑐬𑐸𑐞𑐵𑐩𑐫𑑄 𑐨𑐿𑐬𑐰𑐣𑐵𑐠𑐫𑐵𑐟 𑐧𑐐𑐮𑐵𑐩𑐸𑐏𑐷𑑄 𑐥𑐵𑐣𑐵𑐔𑑀𑐫𑐵𑐟 𑐧𑐸𑐎𑐹𑐐𑐸 𑐏𑑅 𑑋

𑐰𑑄𑐐𑐸 𑐨𑐡𑑁 𑑒𑑓 𑐐𑐟𑐾𑐣𑐶𑐳𑐾𑑄 𑐣𑑂𑐴𑑂𑐫𑐵𑑅𑐐𑐸 𑐳𑑂𑐰𑑄𑐐𑐹𑐐𑐸 𑐳𑑄𑐳𑑂𑐎𑐬𑐞𑐫𑐵 𑐠𑐸𑐐𑐸 𑐎𑐵𑐳𑐵𑐫𑐵 𑐳𑐾𑐩𑐷𑐦𑐵𑐂𑐣𑐮 𑐰 𑐦𑐵𑐂𑐣𑐮 𑐎𑐵𑐳𑐵 𑐰𑐂𑐐𑐸 𑐀𑐳𑑀𑐖 𑑖 𑐐𑐟𑐾 𑐱𑐣𑐶𑐰𑐵𑑅 𑐖𑐸𑐂 𑑋 𑐄𑐎𑐸𑐣𑑂𑐴𑐸 𑐴𑐾 𑐩𑐶𑐳𑐵𑐟𑐫𑑂𑐐𑐸 𑐏𑐸𑐮𑑂𑐮𑐵 𑐰 𑐀𑐞𑑂𑐜𑐬 𑑑𑑔𑐫𑐵 𑐎𑐵𑐳𑐵 𑐣𑑄 𑐖𑐸𑐂𑐐𑐸 𑐐𑑂𑐰𑐳𑐵𑑅 𑐏𑐮𑐎𑑄 𑐖𑐵𑐣𑐎𑐵𑐬𑐷 𑐧𑐶𑐄𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS