Read news in NepalBhasa text-- www.hamroschool.com BACK 𑐖𑐵𑐥𑐵𑐣𑐫𑑂 𑐟𑐔𑑂𑐰𑑅𑐐𑐸 𑐰𑐵𑐦𑐫𑑂 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐖𑐵𑐥𑐵𑐣𑐫𑑂 𑐟𑐔𑑂𑐰𑑅𑐐𑐸 𑐰𑐵𑐦𑐫𑑂

𑐥𑐱𑑂𑐔𑐶𑐩𑐷 𑐖𑐵𑐥𑐵𑐣𑐫𑑂 𑐧𑐶𑐴𑐶𑐰𑐵𑑅 𑐟𑐔𑑂𑐰𑑅𑐐𑐸 𑐰𑐵𑑅𑐦𑐫𑑂 𑐰𑑅𑐐𑐸 𑐡𑐸 𑑋 𑐰𑑄𑐐𑐸 𑐩𑐴𑐶𑐣𑐵𑐫𑑂 𑐖𑐎 𑐟𑐔𑑂𑐰𑑅𑐐𑐸 𑐰𑐵𑐦𑐳𑑄 𑐫𑐵𑐣𑐵𑑅 𑐧𑐵𑑄𑐩𑐮𑐵𑐎 𑐥𑑂𑐬𑐨𑐵𑐰𑐶𑐟 𑐖𑐹𑐐𑐸 𑐠𑐵𑐫𑑂 𑐮𑐐𑐵𑐫𑐟 𑐩𑐾𑐩𑐾𑐐𑐸 𑐠𑐵𑐳𑐫𑑂 𑐣𑑄 𑐟𑐳𑐎𑑄 𑐰𑐵 𑐰𑐂𑐐𑐸 𑐰 𑐔𑐮𑑅 𑐰𑐫𑐾𑐦𑐸𑐐𑐸 𑐔𑐾𑐟𑐵𑐰𑐣𑐷 𑐩𑑁𑐳𑐩 𑐰𑐶𑐖𑑂𑐘𑐵𑐣 𑐰𑐶𑐨𑐵𑐐𑑄 𑐧𑐶𑐄𑐐𑐸 𑐡𑐸 𑑋

𑐐𑑂𑐬𑐷𑐣𑐰𑐷𑐔 𑐃 𑐎𑐠𑑄 𑐧𑐸𑐢𑐰𑐵𑑅 𑐧𑐴𑐣𑐷 𑑑𑑑 𑐧𑐖𑐾 𑐳𑐶𑐩𑐵𑐬𑑀𑐣 𑐣𑐵𑑄𑐫𑐵 𑐰𑐵𑑅𑐦𑐫𑑂 𑐐𑑀𑐚𑑀 𑐡𑑂𑐰𑐷𑐥𑐥𑐵𑐏𑐾𑑄 𑐠𑑂𑐫𑑄𑐩𑐠𑑂𑐫𑑄 𑑑𑑘𑑙 𑐎𑐶𑐮𑑀𑐩𑐶𑐚𑐬 𑐡𑐎𑑂𑐲𑐶𑐞 𑐥𑐱𑑂𑐔𑐶𑐩𑐫𑑂 𑑒𑑑𑑖 𑐎𑐶𑐮𑑀𑐩𑐶𑐚𑐬 𑐥𑑂𑐬𑐟𑐶𑐑𑐞𑑂𑐚𑐵𑐫𑐵 𑐬𑐦𑑂𑐟𑐵𑐬𑑄 𑐣𑑂𑐴𑑂𑐫𑐵𑑅 𑐰𑑅𑐐𑐸 𑐏𑑅 𑑋 𑐠𑑂𑐰 𑐰𑐵𑑅𑐦𑐫𑑂𑐫𑐵 𑐎𑐵𑐬𑐞𑑄 𑐧𑐶𑐴𑐶𑐰𑐵𑑅 𑐔𑐵𑐣𑑂𑐴𑐫𑑂 𑐨𑐹𑐳𑑂𑐏𑐮𑐣 𑐖𑐸𑐂𑐦𑐸𑐐𑐸 𑐁𑐱𑑄𑐎𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐠𑑂𑐰 𑐰𑐵𑑅𑐦𑐫𑑂 𑐱𑐸𑐎𑑂𑐬𑐰𑐵𑑅 𑐳𑐸𑐠𑐫𑑂 𑐡𑐾𑐫𑑂𑐫𑐵 𑐄𑐟𑑂𑐟𑐬𑐷 𑐨𑐸𑐨𑐵𑐐𑐫𑑂 𑐠𑑂𑐫𑐣𑐷𑐐𑐸 𑐀𑐣𑐸𑐩𑐵𑐣 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐰𑐵𑑅𑐦𑐫𑑂𑐫𑐵 𑐮𑐶𑐳𑐾𑑄 𑐟𑐳𑐎𑑄 𑐰𑐵 𑐰𑐫𑐾𑐦𑐸𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸𑐐𑐸 𑐢𑐵𑐳𑐾𑑄 𑐰𑐶𑐨𑐵𑐐𑑄 𑐖𑐵𑐥𑐵𑐣𑐫𑐵 𑐩𑐢𑑂𑐫 𑐨𑐵𑐐𑐫𑑂 𑐱𑐸𑐎𑑂𑐬𑐰𑐵𑑅 𑐣𑑂𑐴𑐶𑐣𑐫𑑂 𑑓𑑑 𑐂𑐘𑑂𑐔 𑐟𑐎 𑐰𑐵 𑐰𑐫𑐾𑐦𑐸𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋 𑐟𑐳𑐎𑑄 𑐰𑐵 𑐰𑐂𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸𑐐𑐸 𑐠𑐵𑐫𑑂 𑐰𑑄𑐐𑐸 𑐩𑐴𑐶𑐣𑐵𑐫𑑂 𑐏𑐸𑐳𑐶𑐧𑐵𑐮𑑄 𑐥𑑂𑐬𑐨𑐵𑐰𑐶𑐟 𑐖𑐹𑐐𑐸 𑐠𑐵𑐫𑑂 𑐣𑑄 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐰𑑄𑐐𑐸 𑐖𑐸𑐮𑐵𑐂𑐮𑐫𑑂 𑐰𑑅𑐐𑐸 𑐏𑐸𑐳𑐶𑐧𑐵𑑅 𑐰 𑐔𑐮𑐏𑑄 𑐫𑐵𑐣𑐵𑑅 𑐖𑐵𑐥𑐵𑐣𑐫𑑂 𑐣𑐶𑐳𑐮𑑄 𑐩𑐮𑑂𑐫𑐵𑐎 𑐩𑐣𑐹𑐟𑐫𑑂 𑐖𑑂𑐫𑐵𑐣 𑐰𑑄𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS