Read news in NepalBhasa text-- www.hamroschool.com BACK 𑐀𑐣𑑂𑐟𑐬 𑐩𑐵𑐰𑐶𑐳𑑂𑐟𑐬𑐷𑐫 𑐰𑐵𑐡𑐰𑐶𑐰𑐵𑐡 𑐎𑐵𑐳𑐵 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐀𑐣𑑂𑐟𑐬 𑐩𑐵𑐰𑐶𑐳𑑂𑐟𑐬𑐷𑐫 𑐰𑐵𑐡𑐰𑐶𑐰𑐵𑐡 𑐎𑐵𑐳𑐵

𑐏𑑂𑐰𑐥 – 𑐳𑐵𑐬𑑂𑐰𑐖𑐣𑐶𑐎 𑐩𑐵𑐰𑐶 𑐳𑑄𑐫𑐸𑐎𑑂𑐟 𑐥𑐬𑐷𑐎𑑂𑐲𑐵 𑐳𑐩𑐶𑐟𑐶𑐫𑐵 𑐐𑑂𑐰𑐳𑐵𑐮𑐫𑑂 𑐀𑐣𑑂𑐟𑐬 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫𑐳𑑂𑐟𑐬𑐫𑑂 𑐰𑐵𑐡𑐰𑐶𑐰𑐵𑐡 𑐎𑐵𑐳𑐵 𑐖𑐸𑐮 𑑋 𑐳𑐩𑐶𑐟𑐶𑐫𑐵 𑐡𑐕𑐶𑐫𑑄𑐎𑑄𑐫𑐵 𑐎𑐵𑐬𑑂𑐫𑐟𑐵𑐮𑐶𑐎𑐵𑐎𑐠𑑄 𑐖𑐹𑐐𑐸 𑐄𑐐𑐸 𑐎𑐵𑐳𑐵 𑐡𑐾𑐰𑐷 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫 𑐳𑑁𑐜𑑀𑐮𑐫𑐵 𑐐𑑂𑐰𑐳𑐵𑐮𑐫𑑂 𑐖𑐹𑐐𑐸 𑐏𑑅 𑑋 𑐎𑐵𑐳𑐵𑐫𑑂 𑐩𑐶𑐳𑐵 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐣𑐶𑑄𑐟𑐶𑑄 ‘𑐢𑐣 𑐳𑑂𑐰𑐫𑐵𑑄 𑐩𑐣 𑐟𑑅𑐢𑑄’ 𑐰 𑐩𑐶𑐖𑑄 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐣𑐶𑑄𑐟𑐶𑑄 ‘𑐦𑐾𑐳𑐧𑐸𑐎 𑐄𑐥𑐫𑐸𑐎𑑂𑐟 𑐩𑐏𑐸’ 𑐢𑐂𑐐𑐸 𑐰𑐶𑐲𑐫 𑐧𑐶𑐫𑐵𑐟𑑅𑐐𑐸 𑐏𑑅 𑑋

𑐄𑐐𑐸 𑐰𑐵𑐡𑐰𑐶𑐰𑐵𑐡 𑐎𑐵𑐳𑐵𑐫𑑂 𑐩𑐶𑐖𑑄𑐥𑐵𑐏𑐾 𑐄𑐖𑑂𑐖𑑂𑐰𑐮 𑐳𑐸𑐰𑐾𑐡𑐷 (𑐧𑐵𑐐𑐷𑐱𑑂𑐰𑐬𑐷 𑐩𑐵.𑐰𑐶) 𑐣𑑂𑐴𑐵𑐥, 𑐬𑐵𑐩 𑐡𑐸𑐮𑐵𑐮 (𑐥𑑄𑐔𑐎𑐣𑑂𑐫𑐵 𑐩𑐵.𑐰𑐶.) 𑐮𑐶𑐄 𑐰 𑐣𑐣𑑂𑐡𑐬𑐵𑐩 𑐡𑐵𑐴𑐵𑐮 (𑐔𑐵𑑃𑐐𑐸𑐣𑐵𑐬𑐵𑐫𑐞 𑐩𑐵.𑐰𑐶.) 𑐮𑐶𑐫𑐵𑑄𑐮𑐶𑐄 𑐮𑐵𑑅𑐐𑐸 𑐏𑑅𑐳𑐵 𑐩𑐶𑐳𑐵𑐥𑐵𑐏𑐾 𑐎𑐬𑐸𑐞𑐵 𑐟𑐶𑐩𑐶𑐮𑑂𑐳𑐶𑐣𑐵 (𑐥𑑄𑐔𑐎𑐣𑑂𑐫𑐵 𑐩𑐵𑐰𑐶), 𑐳𑐸𑐲𑑂𑐩𑐵 𑐏𑐟𑑂𑐬𑐷 (𑐖𑑀𑐬𑐥𑐵𑐚𑐷 𑐩𑐵𑐰𑐶) 𑐰 𑐳𑐣𑑂𑐢𑑂𑐫𑐵 𑐝𑐸𑑄𑐐𑐾𑐮 (𑐔𑐵𑑃𑐐𑐬𑐣𑐵𑐬𑐵𑐫𑐞 𑐩𑐵𑐰𑐶) 𑐕𑐳𑐶𑐎𑐠𑑄 𑐣𑑂𑐴𑐵𑐥, 𑐮𑐶𑐄 𑐰 𑐮𑐶𑐫𑐵𑑄𑐮𑐶𑐄 𑐮𑐵𑑅𑐐𑐸 𑐏𑑅 𑑋

𑐎𑐵𑐳𑐵𑐫𑑂 𑐰𑐶𑐖𑐫𑐷 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐳𑐩𑐶𑐟𑐶𑐫𑐵 𑐣𑐵𑐫𑑅 𑐎𑐺𑐲𑑂𑐞𑐥𑑂𑐬𑐳𑐵𑐡 𑐢𑐣𑑂𑐕𑐵𑑄 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐳𑐾𑑄 𑐠𑐖𑑂𑐫𑐵𑑅𑐐𑐸 𑐀𑐟𑐶𑐬𑐶𑐎𑑂𑐟 𑐎𑑂𑐬𑐶𑐫𑐵𑐎𑐮𑐵𑐥𑑄 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐟 𑐥𑐵𑐛𑑂𑑂𑐫𑐥𑐸𑐳𑑂𑐟𑐎𑐫𑑂 𑐖𑐎 𑐳𑐷𑐩𑐶𑐟 𑐩𑐫𑐵𑐳𑐾 𑐰𑑂𑐫𑐰𑐴𑐵𑐬𑐶𑐎 𑐬𑐸𑐥𑑄 𑐖𑐷𑐰𑐣𑑀𑐥𑐫𑑀𑐐𑐷 𑐖𑐸𑐂𑐐𑐸𑐥𑐵𑐏𑐾 𑐣𑑄 𑐫𑐎𑐷𑐐𑐸 𑐰𑐶𑐔𑐵𑑅 𑐟𑐫𑐵𑐡𑐶𑐮 𑑋

𑐐𑐞𑐾𑐱 𑐩𑐵𑐰𑐶 𑐕𑐵𑐮𑐶𑐒𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐂𑐣𑑂𑐡𑑂𑐬𑐧𑐴𑐵𑐡𑐸𑐬 𑐦𑑀𑑄𑐖𑐸𑑄 𑐦𑐾𑐳𑐧𑐸𑐎𑐫𑐵 𑐩𑐴𑐟𑑂𑐰𑐫𑐵𑐟 𑐎𑐫𑐵𑑅 𑐄𑐎𑐶𑐫𑐵 𑐥𑑂𑐬𑐫𑑀𑐐 𑐫𑐵𑐫𑐾𑐧𑐮𑐫𑑂 𑐳𑐔𑐾𑐟 𑐖𑐸𑐂 𑐩𑐦𑐸𑐟 𑐢𑐵𑑅𑐳𑐵 𑐡𑐸𑐬𑐸𑐥𑐫𑑀𑐐 𑐖𑐸𑐂 𑐦𑐂𑐐𑐸 𑐰𑐶𑐔𑐵𑑅 𑐟𑐫𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐟𑐵𑐬𑐵 𑐩𑐵𑐰𑐶𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐬𑐵𑐩𑐐𑑀𑐥𑐵𑐮 𑐟𑑂𑐰𑐵𑐫𑑂𑐣𑐵𑐣𑑄 𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋

𑐡𑐾𑐰𑐷 𑐩𑐵𑐰𑐶𑐫𑐵 𑐥𑑂𑐬𑐢𑐵𑐣𑐵𑐢𑑂𑐫𑐵𑐥𑐎 𑐬𑐵𑐖𑐵𑐬𑐵𑐩 𑐕𑐸𑑄𑐎𑐵𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐎𑐵𑐳𑐵𑐫𑑂 𑐐𑐸𑑄𑐐𑐹 𑐰 𑐗𑐶𑐐𑐹 𑐟𑐐𑐶𑑄𑐫𑐵 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑑂𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS