Read news in NepalBhasa text-- www.hamroschool.com BACK 𑐩𑐶𑐳 𑐣𑐾𑐰𑐵𑑅 𑐥𑑀𑐏𑐬𑐵𑐫𑐵 𑐟𑐫𑐵𑐬𑐷 𑐱𑐸𑐬𑐸 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑐶𑐳 𑐣𑐾𑐰𑐵𑑅 𑐥𑑀𑐏𑐬𑐵𑐫𑐵 𑐟𑐫𑐵𑐬𑐷 𑐱𑐸𑐬𑐸

𑐫𑐾𑑃- 𑐣𑐾𑐰𑐵𑑅 𑐏𑐮𑑅 𑐎𑐵𑐳𑑂𑐎𑐷𑐫𑐵 𑐐𑑂𑐰𑐳𑐵𑐮𑐫𑑂 𑐡𑑃𑐫𑑂𑐡𑐳𑑄 𑐠𑐾𑑄 𑐠𑐸𑐐𑐸𑐳𑐷 𑐣𑑄 𑐣𑐾𑐰𑐵𑑅 𑐩𑐶𑐳𑐵𑐟𑐫𑑂 𑐥𑑂𑐬𑐟𑐶𑐨𑐵𑐫𑐵𑐟 𑐣𑑂𑐴𑑂𑐫𑐧𑑂𑐰𑐫𑐾𑐎𑐠𑑄 ‘𑐩𑐶𑐳 𑐣𑐾𑐰𑐵𑑅 𑐥𑑀𑐏𑐬𑐵–𑑑𑑑𑑓𑑘’ 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐏𑐮𑑅𑐫𑐵 𑐐𑑂𑐰𑐳𑐵𑐮𑐫𑑂 𑐠𑐸𑐐𑐸𑐳𑐷 𑐖𑐸𑐂𑐟𑑂𑐫𑑄𑐐𑐸 𑐠𑑂𑐰 𑐔𑑂𑐫𑐵𑐎𑑂𑐰𑑅𑐐𑐸 𑐳𑑄𑐳𑑂𑐎𑐬𑐞 𑐏𑑅 𑑋 𑐣𑐾𑐥𑐵𑐮 𑐳𑑄𑐰𑐟𑑂 𑑑𑑑𑑓𑑑 𑐣𑐶𑐳𑐾𑑄 𑐠𑐸𑐎𑐠𑑄𑐫𑐵 𑐎𑐵𑐳𑐵 𑐡𑑃𑐫𑑂𑐡𑐳𑑄 𑐖𑐸𑐫𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐰𑐶𑐱𑐾𑐲𑐟𑑅 𑐥𑑀𑐏𑐬𑐵𑐫𑑂 𑐔𑑂𑐰𑐣𑐵 𑐰𑐫𑐵𑐔𑑂𑐰𑑄𑐥𑐶𑑄 𑐣𑐾𑐰𑐵𑑅 𑐩𑐶𑐳𑐵𑐟𑐫𑑂𑐟 𑐨𑐵𑐲𑐵, 𑐎𑐮𑐵, 𑐳𑑄𑐳𑑂𑐎𑐺𑐟𑐶, 𑐣𑐳𑐵𑐟𑑂𑐰𑑃𑐳𑐵, 𑐟𑐶𑐳𑐵𑐰𑐳𑑅𑐫𑐵 𑐣𑐵𑐥𑑄 𑐳𑑂𑐰𑐵𑐳𑑂𑐠𑑂𑐫, 𑐱𑐶𑐎𑑂𑐲𑐵, 𑐳𑐶𑐥 𑐁𑐡𑐶𑐫𑐵 𑐧𑐵𑐬𑐾 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐰 𑐂𑐩𑐶𑐎𑐾 𑐡𑐸𑐐𑐸 𑐰𑑂𑐫𑐎𑑂𑐟𑐶𑐟𑑂𑐰 𑐰 𑐥𑑂𑐬𑐟𑐶𑐨𑐵𑐫𑐵𑐟 𑐳𑐩𑐵𑐖𑐫𑐵 𑐣𑑂𑐴𑑂𑐫𑑅𑐣𑐾 𑐥𑐶𑐟 𑐴𑐫𑐾𑐐𑐸 𑐮𑑂𑐫𑐵𑐏𑑄 𑐠𑐸𑐎𑐠𑑄𑐫𑐵 𑐎𑐵𑐳𑐵 𑐫𑐵𑐣𑐵 𑐰𑐫𑐵𑐔𑑂𑐰𑐣𑐵𑐐𑐸 𑐎𑐵𑐳𑐵𑐫𑐵 𑐳𑐴 𑐩𑐹𑐮 𑐳𑑄𑐫𑑀𑐖𑐎 𑐰𑐶𑐩𑐮 𑐱𑑂𑐬𑐾𑐲𑑂𑐛𑑄 ‘𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳’𑐫𑐵𑐟 𑐎𑐣𑐵𑐡𑐷𑐐𑐸 𑐡𑐸 𑑋

𑐠𑐸𑐎𑐠𑑄𑐫𑐵 𑐎𑐵𑐳𑐵𑐫𑐵 𑐁𑐫𑑀𑐖𑐣𑐵 𑐰𑐵𑐳𑑂𑐟𑐰𑐫𑑂 𑐩𑐶𑐳𑐵𑐟𑐫𑑂𑐎𑐾 𑐳𑐸𑐮𑐵𑐔𑑂𑐰𑑄𑐐𑐸 𑐥𑑂𑐬𑐟𑐶𑐨𑐵𑐫𑐵𑐟 𑐣𑑂𑐴𑑂𑐫𑑅𑐣𑐾𑐐𑐸 𑐄𑐡𑑂𑐡𑐾𑐱𑑂𑐫𑑄 𑐖𑐎 𑐫𑐵𑐣𑐵 𑐰𑐫𑐵𑐔𑑂𑐰𑐣𑐵𑐐𑐸 𑐖𑐹𑐐𑐸𑐮𑐶𑑄 𑐠𑐸𑐎𑐷 𑐕𑐸𑑄 𑐎𑐠𑑄𑐫𑐵 𑐰𑑂𑐫𑐰𑐳𑐵𑐫𑐷𑐎 𑐄𑐡𑑂𑐡𑐾𑐱𑑂𑐫 𑐩𑐡𑐸𑐐𑐸 𑐰𑐫𑑂𑐎𑐮𑑄 𑐥𑑂𑐬𑐲𑑂𑐚 𑐫𑐵𑐣𑐵𑐡𑐷𑐐𑐸 𑐡𑐸 𑑋

𑐎𑐵𑐳𑐵 𑐳𑐩𑑂𑐧𑐣𑑂𑐢𑐷 𑐖𑐵𑐣𑐎𑐵𑐬𑐷 𑐧𑐷𑐐𑐸 𑐮𑑂𑐫𑐵𑐏𑑄 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣𑐫𑑂 𑐔𑑂𑐫𑐵𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐠𑐸𑐎𑐠𑑄𑐫𑐵 𑐎𑐵𑐳𑐵 𑐫𑐵𑐣𑐵 𑐰𑐫𑐵𑐔𑑂𑐰𑐣𑐵𑐐𑐸𑐮𑐶𑐂 𑐠𑐸𑐐𑐸𑐳𑐷 𑐧𑑂𑐰𑐟𑐶 𑐎𑐵𑐂𑐥𑐶𑐣𑐶𑐐𑐸 𑐮𑑂𑐫𑐵𑑅 𑐢𑐵𑑅𑐳𑐵 𑐕𑐸𑑄 𑐨𑐔𑐵 𑐩𑑂𑐴𑑀 𑐏𑐣𑐾 𑐡𑐫𑐵𑐔𑑂𑐰𑑄𑐐𑐸 𑐏𑑅𑐳𑐵𑑄 𑐣𑐵𑑄 𑐡𑐸𑐠𑑂𑐫𑐵𑐎𑐾𑐐𑐸 𑐮𑐶𑐥𑐵𑑄𑐐𑐸 𑐣𑑂𑐴𑐶 𑐟𑐎𑐫𑐵 𑐡𑐸𑐣𑐾 𑐧𑑂𑐰𑐟𑐶 𑐎𑐵𑐂𑐥𑐶𑐣𑐶𑐐𑐸 𑐮𑑂𑐫𑐵𑑅 𑐀𑐥𑑂𑐰𑑅𑐐𑐸 𑐐𑑂𑐰𑐳𑐵𑑅 𑐏𑐮𑐎𑑄 𑐀𑐣𑐸𑐩𑐵𑐣 𑐫𑐵𑑅𑐐𑐸 𑐡𑐸 𑑋

𑐠𑐸𑐐𑐸𑐳𑐷𑐫𑐵 𑐎𑐵𑐳𑐵 𑐟𑐫𑐵𑐬𑐷𑐫𑐵 𑐣𑐶𑑄𑐟𑐶𑑄 𑐨𑐵𑐖𑐸 𑐐𑐖𑐾𑐣𑑂𑐡𑑂𑐬𑐩𑐵𑐣 𑐱𑑂𑐬𑐾𑐲𑑂𑐛𑐫𑐵 𑐩𑐹𑐮 𑐳𑑄𑐫𑑀𑐖𑐎𑐟𑑂𑐰𑐫𑑂 𑐕𑐐𑐹 𑐎𑐩𑐶𑐚𑐷 𑐣𑑄 𑐐𑐛𑐣 𑐫𑐵𑑅𑐐𑐸 𑐡𑐸 𑑋 𑐎𑐵𑐳𑐵𑐫𑑂 𑐥𑑀𑐏𑐬𑐵𑐮𑐶𑐳𑐾𑑄 𑐡𑐾𑐫𑑂𑐣𑑂𑐫𑑄𑐎𑑄𑐫𑐵 𑑑𑑘 𑐡𑑃 𑐣𑐶𑐳𑐾𑑄 𑑒𑑒 𑐟𑐎 𑐡𑐸𑐥𑐶𑑄 𑐩𑐶𑐳𑐵𑐥𑐶𑑄𑐳𑑄 𑐧𑑂𑐰𑐟𑐶 𑐎𑐵𑐫𑐾 𑐦𑐂𑐐𑐸 𑐰𑑂𑐫𑐰𑐳𑑂𑐠𑐵 𑐡𑐸𑐐𑐸 𑐳𑐴 𑐳𑑄𑐫𑑀𑐖𑐎 𑐱𑑂𑐬𑐾𑐲𑑂𑐛𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋 𑐣𑐵𑑄 𑐡𑐬𑑂𑐟𑐵 𑐫𑐵𑐫𑐾𑐐𑐸 𑐀𑐣𑑂𑐟𑐶𑐩 𑐣𑑂𑐴𑐶 𑐩𑐵𑐑 𑑑𑑕 𑐐𑐟𑐾 𑐟𑐎 𑐏𑑅𑐳𑐵 𑐰𑐫𑐵𑑄 𑐎𑐣𑑂𑐴𑐫𑑂𑐎𑐸𑐣𑑂𑐴𑐸 ‘𑐀𑐜𑐶𑐳𑐣’ 𑐮𑐶𑐥𑐵 𑐕𑐣𑑁𑐚 𑐖𑐹𑐥𑐶𑑄𑐟 𑐩𑐵𑐑 𑑑𑑘 𑐐𑐟𑐾𑐣𑐶𑐳𑐾𑑄 𑐎𑑀𑐬𑐶𑐫𑑀𑐐𑑂𑐬𑐵𑐦𑐷, 𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶, 𑐨𑐵𑐲𑐵 𑐎𑐮𑐵𑐫𑐵 𑐧𑐵𑐬𑐾 𑐥𑑂𑐬𑐱𑐶𑐎𑑂𑐲𑐞 𑐧𑐷𑐐𑐸, 𑐳𑑂𑐰𑐵𑐳𑑂𑐠𑑂𑐫, 𑐱𑐶𑐎𑑂𑐲𑐵, 𑐳𑐷𑐥𑐫𑐵 𑐣𑐵𑐥𑑄 𑐥𑑀𑐏𑐬𑐵𑐫𑐵 𑐨𑑁𑐐𑑀𑐮𑐶𑐎 𑐳𑑂𑐠𑐶𑐟𑐶𑐫𑐵 𑐧𑐵𑐬𑐾 𑐥𑑂𑐬𑐱𑐶𑐎𑑂𑐲𑐞 𑐧𑐷𑐐𑐸 𑐣𑐵𑐥𑑄 𑐁𑐰𑐱𑑂𑐫𑐎 𑐖𑐸𑐮 𑐢𑐵𑑅𑐳𑐵 𑐫𑐾𑑃𑐫𑑂 𑐣𑑄 𑐥𑑂𑐬𑐱𑐶𑐎𑑂𑐲𑐎 𑐳𑑅𑐟𑐵 𑐟𑐵𑐮𑐶𑐩 𑐧𑐷𑐐𑐸 𑐰 𑐫𑐾𑑃𑐫𑑂 𑐣𑑄 𑐠𑐷𑐠𑐷 𑐠𑐵𑐳𑐫𑑂 𑐨𑑂𑐬𑐩𑐞 𑐫𑐵𑐎𑐾𑐐𑐸 𑐐𑑂𑐰𑐳𑐵𑑅 𑐡𑐸𑐐𑐸 𑐰𑐫𑑂𑐎𑐮𑑄 𑐎𑐣𑐵𑐡𑐷𑐐𑐸 𑐡𑐸 𑑋

𑐔𑐿𑐟 𑑓 𑐐𑐟𑐾 𑐥𑑀𑐏𑐬𑐵 𑐳𑐨𑐵𑐐𑐺𑐴𑐫𑑂 𑐖𑐸𑐂𑐐𑐸 𑐎𑐵𑐳𑐵𑐫𑑂 𑐩𑐸𑐏𑑂𑐫 𑐄𑐥𑐵𑐢𑐶, 𑐦𑐳𑑂𑐚 𑐬𑐣𑐬𑐀𑐥, 𑐳𑐾𑐎𑐾𑐣𑑂𑐜 𑐬𑐣𑐬𑐀𑐥 𑐣𑐵𑐥𑑄 𑐠𑐷𑐠𑐷 𑐰𑐶𑐢𑐵𑐫𑑂 𑐣𑑄 𑐰𑐶𑐖𑐾𑐟𑐵 𑐖𑐹𑐥𑐶𑑄𑐟 𑐳𑐶𑐬𑐥𑐵𑑅𑐫𑐵 𑐰𑑂𑐫𑐰𑐳𑑂𑐠𑐵 𑐫𑐵𑐣𑐵𑐟𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS