Read news in NepalBhasa text-- www.hamroschool.com BACK 𑐎𑐵𑐣𑐸𑐣 𑐩𑐣𑑂𑐟𑑂𑐬𑐷𑐫𑐵 𑐬𑐵𑐖𑐷𑐣𑐵𑐩𑐵 𑐩𑐵𑐐 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐎𑐵𑐣𑐸𑐣 𑐩𑐣𑑂𑐟𑑂𑐬𑐷𑐫𑐵 𑐬𑐵𑐖𑐷𑐣𑐵𑐩𑐵 𑐩𑐵𑐐

𑐫𑐾𑑃 – 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳 𑐳𑑄𑐳𑐡𑐷𑐫 𑐡𑐮𑑄 𑐎𑐵𑐣𑐸𑐣 𑐣𑑂𑐫𑐵𑐫 𑐟𑐠𑐵 𑐳𑑄𑐳𑐡𑐷𑐫 𑐰𑑂𑐫𑐰𑐳𑑂𑐠𑐵𑐩𑐣𑑂𑐟𑑂𑐬𑐷 𑐱𑐾𑐬𑐧𑐴𑐵𑐡𑐸𑐬 𑐟𑐵𑐩𑐵𑐒𑐫𑐵𑐟 𑐧𑐬𑑂𑐏𑐵𑐳𑑂𑐟 𑐫𑐵𑐫𑐾𑐟 𑐩𑐵𑐐 𑐫𑐵𑑅𑐐𑐸 𑐡𑐸 𑑋
𑐧𑑄𑐐𑐮𑐵𑐡𑐾𑐱𑐫𑑂 𑐔𑐶𑐎𑐶𑐟𑑂𑐳𑐵 𑐱𑐶𑐎𑑂𑐲𑐵 𑐀𑐢𑑂𑐫𑐫𑐣 𑐫𑐵𑐂𑐥𑐶𑑄 𑐣𑐾𑐥𑐵𑑅𑐩𑐶 𑐕𑐵𑐟𑑂𑐬𑐵 𑐧𑐵𑐬𑐾 𑐫𑐵𑑅𑐐𑐸 𑐚𑐶𑐥𑑂𑐥𑐞𑐷𑐫𑐵 𑐰𑐶𑐲𑐫𑐫𑐵𑐟 𑐎𑐫𑐵𑑅 𑐎𑐵𑑄𑐐𑑂𑐬𑐾𑐳 𑐳𑑄𑐳𑐡𑐷𑐫 𑐡𑐮𑑄 𑐎𑐵𑐣𑐸𑐣𑐩𑐣𑑂𑐟𑑂𑐬𑐷𑐫𑐵𑐟 𑐧𑐬𑑂𑐏𑐵𑐳𑑂𑐟 𑐫𑐵𑐫𑐾𑐩𑐵𑑅𑐐𑐸 𑐩𑐵𑐐 𑐫𑐵𑑅𑐐𑐸 𑐏𑑅 𑑋

𑐰𑑄𑐐𑐸 𑐱𑐸𑐎𑑂𑐬𑐰𑐵𑑅 𑐫𑐾𑑃𑐫𑑂 𑐐𑑂𑐰𑐳𑐵𑑅 𑐐𑑂𑐰𑑅𑐐𑐸 𑐕𑐐𑐹 𑐖𑑂𑐫𑐵𑐗𑑂𑐰𑐮𑐫𑑂 𑐣𑑂𑐰𑐰𑐵𑐫𑐾𑐐𑐸 𑐗𑑂𑐰𑐮𑐫𑑂 𑐎𑐵𑐣𑐸𑐣𑐩𑐣𑑂𑐟𑑂𑐬𑐷 𑐟𑐵𑐩𑐵𑐒𑑄 𑐧𑑄𑐐𑐮𑐵𑐡𑐾𑐱𑐫𑑂 𑐔𑐶𑐎𑐶𑐟𑑂𑐳𑐵 𑐱𑐶𑐎𑑂𑐲𑐵𑐫𑐵 𑐳𑐬𑑂𑐚𑐶𑐦𑐶𑐎𑐾𑐚 𑐎𑐵𑐫𑐾𑐐𑐸 𑐣𑐶𑑄𑐟𑐶𑑄 𑐣𑐾𑐥𑐵𑑅𑐩𑐶 𑐕𑐵𑐟𑑂𑐬𑐵𑑄 𑐠𑑅𑐐𑐸 𑐱𑐬𑐷𑐬 𑐮𑑅𑐮𑑂𑐴𑐵𑐫𑐾𑐩𑐵𑑅𑐐𑐸 𑐀𑐰𑐳𑑂𑐠𑐵 𑐡𑐸 𑐢𑐂𑐐𑐸 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐎𑐵𑑄𑐐𑑂𑐬𑐾𑐳 𑐳𑑄𑐳𑐡𑐷𑐫 𑐡𑐮𑑄 𑐎𑐵𑐣𑐸𑐣𑐩𑐣𑑂𑐟𑑂𑐬𑐷𑐫𑐵 𑐠𑑂𑐰 𑐢𑐵𑐥𑐸𑐟𑐶𑑄 𑐣𑐾𑐥𑐵𑑅 𑐰 𑐧𑑄𑐐𑐮𑐵𑐡𑐾𑐱𑐫𑐵 𑐳𑑂𑐰𑐵𑐥𑐸𑐟𑐶𑐂 𑐟𑐎𑑄 𑐮𑐶𑐔𑑂𑐰𑑅 𑐮𑐵𑐫𑐾𑐦𑐂𑐐𑐸 𑐏𑑃 𑐢𑐵𑑅𑐐𑐸 𑐡𑐸 𑑋

𑐀𑐠𑐾 𑐴𑐾 𑐣𑐾𑐥𑐵𑐮𑐷 𑐎𑐵𑑄𑐐𑑂𑐬𑐾𑐳 𑐳𑐩𑐬𑑂𑐠𑐶𑐟 𑐣𑐾𑐥𑐵𑐮 𑐩𑐴𑐶𑐮𑐵 𑐳𑑄𑐑𑑄 𑐣𑑄 𑐩𑑂𑐴𑐶𑐐𑑅 𑐕𑐐𑐹 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣 𑐫𑐵𑐳𑐾𑑄 𑐫𑐡𑐶 𑐎𑐵𑐣𑐸𑐣 𑐩𑐣𑑂𑐟𑑂𑐬𑐷 𑐟𑐵𑐩𑐵𑐒𑐫𑐵𑐟 𑐎𑐵𑐬𑐰𑐵𑐴𑐷 𑐩𑐫𑐵𑐟 𑐢𑐵𑑅𑐳𑐵 𑐳𑐟𑐎 𑐁𑐣𑑂𑐡𑑀𑐮𑐣 𑐫𑐵𑐫𑐾𑐐𑐸 𑐖𑐸𑐂 𑐢𑐎𑐵𑑅 𑐏𑑂𑐫𑐵𑐔𑑂𑐰𑑅 𑐧𑐶𑐄𑐐𑐸 𑐡𑐸 𑑋 𑐎𑐵𑑄𑐐𑑂𑐬𑐾𑐳𑐫𑐵 𑐩𑐶𑐳𑐵 𑐳𑐵𑑄𑐳𑐡𑐟𑐫𑑂𑐳𑑄 𑐟𑐎𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐄𑐐𑐸 𑐥𑐟𑑂𑐬𑐎𑐵𑐬 𑐳𑐩𑑂𑐩𑐾𑐮𑐣𑐫𑑂 𑐎𑐵𑐣𑐸𑐣 𑐩𑐣𑑂𑐟𑑂𑐬𑐷𑐫𑐵𑐟 𑐳𑐬𑐎𑐵𑐬𑑄 𑐄𑐔𑐶𑐟 𑐎𑐵𑐬𑐰𑐵𑐴𑐷 𑐫𑐵𑐫𑐾𑐩𑐵𑑅𑐐𑐸 𑐩𑐵𑐐 𑐫𑐵𑑅𑐐𑐸 𑐡𑐸 𑑋

𑐮𑐶𑐳𑐾𑑄 𑐣𑐾𑐥𑐵𑑅𑐩𑐶 𑐕𑐵𑐟𑑂𑐬𑐵𑐟𑐫𑑂𑐐𑐸 𑐥𑑂𑐬𑐟𑐶𑐲𑑂𑐛𑐵𑐫𑑂 𑐑𑐵𑑅 𑐮𑐵𑐂𑐐𑐸 𑐀𑐨𑐶𑐰𑑂𑐫𑐎𑑂𑐟𑐶 𑐧𑐶𑐄𑐐𑐸𑐮𑐶𑑄 𑐩𑐾𑐜𑐶𑐎𑐮 𑐎𑐮𑐾𑐖 𑐳𑐘𑑂𑐔𑐵𑐮𑐎 𑐡𑐸𑐬𑑂𑐐𑐵 𑐥𑑂𑐬𑐳𑐵𑐂𑑃𑐫𑐵𑐟 𑐣𑑄 𑐟𑐸𑐬𑐸𑐣𑑂𑐟 𑐎𑐵𑐬𑐰𑐵𑐴𑐷 𑐫𑐵𑐫𑐾𑐩𑐵𑑅𑐐𑐸 𑐩𑐵𑐐 𑐩𑐴𑐶𑐮𑐵 𑐳𑑄𑐑𑑄 𑐫𑐵𑑅𑐐𑐸 𑐡𑐸 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS