Read news in NepalBhasa text-- www.hamroschool.com BACK 𑐩𑑀𑐡𑐷𑐰𑐶𑐬𑐸𑐡𑑂𑐢 𑐀𑐰𑐶𑐱𑑂𑐰𑐵𑐳 𑐥𑑂𑐬𑐳𑑂𑐟𑐵𑐰 𑐰𑐶𑐦𑐮 – 𑐣𑐾𑐥𑐵𑐮𑐨𑐵𑐲𑐵 𑐚𑐵𑐂𑐩𑑂𑐳

𑐩𑑀𑐡𑐷𑐰𑐶𑐬𑐸𑐡𑑂𑐢 𑐀𑐰𑐶𑐱𑑂𑐰𑐵𑐳 𑐥𑑂𑐬𑐳𑑂𑐟𑐵𑐰 𑐰𑐶𑐦𑐮

𑐨𑐵𑐬𑐟𑐷𑐫 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐬𑐾𑐣𑑂𑐡𑑂𑐬 𑐩𑑀𑐡𑐷 𑐰𑐶𑐬𑐸𑐡𑑂𑐢 𑐳𑑄𑐳𑐡𑐫𑑂 𑐟𑑅𑐐𑐸 𑐀𑐰𑐶𑐱𑑂𑐰𑐵𑐳𑐫𑐵 𑐥𑑂𑐬𑐳𑑂𑐟𑐵𑐰 𑐀𑐳𑐦𑐮 𑐖𑐹𑐐𑐸 𑐡𑐸 𑑋 𑐱𑐸𑐎𑑂𑐬𑐰𑐵𑑅 𑐗𑐶𑑄𑐕𑐑𑑁𑐫𑐵 𑐧𑐴𑐳 𑐮𑐶𑐥𑐵 𑐱𑐣𑐶𑐰𑐵𑑅 𑐖𑐹𑐐𑐸 𑐩𑐟𑐡𑐵𑐣𑐫𑑂 𑐩𑑀𑐡𑐷𑑄 𑐧𑐴𑐸𑐩𑐟 𑐎𑑂𑐫𑑄𑐐𑐸 𑐏𑑅 𑑋 𑐩𑐟𑐡𑐵𑐣𑐫𑑂 𑐀𑐰𑐶𑐱𑑂𑐰𑐵𑐳𑐫𑐵 𑐥𑑂𑐬𑐳𑐟𑐵𑐰𑐫𑐵 𑐥𑐎𑑂𑐲𑐫𑑂 𑐩𑐸𑐎𑑂𑐎𑑄 𑑑𑑒𑑖 𑐩𑐟 𑐰𑑄𑐐𑐸 𑐏𑑅𑐳𑐵 𑐰𑐶𑐥𑐎𑑂𑐲𑐫𑑂 𑑓𑑒𑑕 𑐩𑐟 𑐰𑑄𑐐𑐸 𑐏𑑅 𑑋

𑐩𑐟𑐡𑐵𑐣 𑐖𑐸𑐂 𑐣𑑂𑐴𑑂𑐫𑑅 𑐳𑑄𑐳𑐡𑐫𑑂 𑐣𑑂𑐰𑐰𑐵𑐳𑐾𑑄 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐩𑑀𑐡𑐷𑑄 𑐰𑐶𑐥𑐎𑑂𑐲𑐷𑐫𑐵𑐎𑐾 ‘𑐩𑑀𑐡𑐶𑐫𑐵𑐟 𑐔𑐶𑐂𑐎𑐾’ 𑐢𑐫𑐵𑐐𑐸 𑐊𑐎𑐳𑐹𑐟𑑂𑐬𑐷𑐫 𑐩𑐵𑐐 𑐖𑐎 𑐡𑐸𑐐𑐸𑐮𑐶𑑄 𑐠𑑂𑐰 𑐀𑐰𑐶𑐱𑑂𑐰𑐵𑐳𑐫𑐵 𑐥𑑂𑐬𑐳𑑂𑐟𑐵𑐰 𑐰𑑅𑐐𑐸 𑐏𑑃 𑐢𑐫𑐵𑐡𑐷𑐐𑐸 𑐏𑑅 𑑋 𑐩𑑀𑐡𑐷𑑄 𑐨𑐵𑐲𑐞 𑐫𑐵𑐣𑐵𑐔𑑂𑐰𑑄𑐐𑐸 𑐂𑐮𑐫𑑂 𑐢𑐵𑑅𑐳𑐵 𑐰𑐶𑐥𑐎𑑂𑐲𑐷 𑐳𑐵𑑄𑐳𑐡𑐟𑐫𑑂𑐳𑑄 𑐳𑑄𑐳𑐡𑐫𑑂 𑐣𑐵𑐬𑐵𑐧𑐵𑐖𑐷 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅 𑑋𑐳𑑄𑐳𑐡𑐫𑑂 𑐎𑐵𑑄𑐐𑑂𑐬𑐾𑐳𑐫𑐵 𑐳𑐩𑐬𑑂𑐠𑐣𑐫𑑂 𑐟𑐾𑐮𑐹𑐐𑐸 𑐡𑐾𑐱𑐩 𑐥𑐵𑐬𑑂𑐚𑐷𑐥𑐵𑐏𑐾𑑄 𑐠𑑂𑐰 𑐀𑐰𑐶𑐱𑑂𑐰𑐵𑐳𑐫𑐵 𑐥𑑂𑐬𑐳𑑂𑐟𑐵𑐰 𑐡𑐬𑑂𑐟𑐵 𑐫𑐵𑑅𑐐𑐸 𑐏𑑅 𑑋

𑐩𑑀𑐡𑐷𑐫𑐵 𑐨𑐵𑐲𑐞 𑐮𑐶𑐥𑐵 𑐣𑑂𑐰𑐰𑐵𑐳𑐾𑑄 𑐟𑐾𑐮𑐹𑐐 𑐡𑐾𑐱𑐩𑐫𑐵 𑐣𑐾𑐟𑐵 𑐱𑑂𑐬𑐷𑐣𑐶𑐰𑐵𑐳 𑐎𑐾𑐳𑐶𑐣𑐾𑐣𑐷𑑄 𑐩𑑀𑐡𑐷𑐫𑐵 𑐨𑐵𑐲𑐞 𑐜𑐾𑐝 𑐡𑐸𑐃 𑐑𑐣𑑂𑐚𑐵𑐫𑐵 𑐕𑐐𑐹 𑐧𑑂𑐮𑐎𑐧𑐳𑑂𑐚𑐬 𑐦𑐶𑐮𑑂𑐩 𑐳𑑂𑐰𑐫𑐵𑐔𑑂𑐰𑐣𑐵𑐐𑐸 𑐠𑐾𑑄 𑐔𑑂𑐰𑑄 𑐢𑐵𑐳𑐾𑑄 𑐩𑑀𑐡𑐷 𑐳𑑄𑐳𑐵𑐬𑐫𑐵 𑐴𑐾 𑐄𑐟𑑂𑐎𑐺𑐲𑑂𑐚 𑐀𑐨𑐶𑐣𑐾𑐟𑐵 𑐖𑐹𑐐𑐸 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐷𑐐𑐸 𑐏𑑅 𑑋𑐳𑑄𑐳𑐡𑐫𑑂 𑐣𑑂𑐰𑐰𑐵𑐳𑐾𑑄 𑐎𑐵𑑄𑐐𑑂𑐬𑐾𑐳𑐫𑐵 𑐣𑐾𑐟𑐵 𑐬𑐵𑐴𑐸𑐮 𑐐𑐵𑐣𑑂𑐢𑐷𑑄 𑐦𑑂𑐬𑐵𑐣𑑂𑐳𑑄 𑑓𑑖 𑐬𑐦𑐵𑐫𑐮 𑐮𑐜𑐵𑐎𑐸 𑐰𑐶𑐩𑐵𑐣 𑐣𑑂𑐫𑐵𑑅𑐧𑐮𑐫𑑂 𑐩𑑀𑐡𑐷 𑐳𑐬𑐎𑐵𑐬𑑄 𑐨𑑂𑐬𑐲𑑂𑐚𑐵𑐔𑐵𑐬 𑐫𑐵𑑅𑐐𑐸 𑐡𑑂𑐰𑐥𑑄 𑐧𑐶𑐫𑐵𑐡𑐷𑐐𑐸 𑐏𑑅 𑑋

𑐳𑐩𑑂𑐧𑐣𑑂𑐢𑐶𑐟 𑐧𑐸𑐏𑑃

LEAVE YOUR COMMENTS