Read news in NepalBhasa text-- www.hamroschool.com back 𑐳𑑂𑐰𑐫𑐩𑑂𑐨𑐸𑐂 𑐳𑑂𑐠𑐮𑐐𑐟 𑐥𑐟𑑂𑐬𑐎𑐵𑐬𑐶𑐟𑐵 𑐎𑐎𑑂𑐲𑐵


𑐳𑑂𑐰𑐫𑐩𑑂𑐨𑐸𑐂 𑐳𑑂𑐠𑐮𑐐𑐟 𑐥𑐟𑑂𑐬𑐎𑐵𑐬𑐶𑐟𑐵 𑐎𑐎𑑂𑐲𑐵



𑐣𑐾𑐰𑐵𑑅 𑐥𑐟𑑂𑐬𑐎𑐵𑐬 𑐬𑐵𑐲𑑂𑐚𑑂𑐬𑐶𑐫 𑐡𑐧𑐹 𑐫𑐾𑑃 𑐎𑐔𑐵𑐫𑐵 𑐐𑑂𑐰𑐳𑐵𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑑑𑑕 𑐣𑑂𑐴𑐸𑐫𑐵 𑐁𑐢𑐵𑐬𑐨𑐹𑐟 𑐥𑐟𑑂𑐬𑐎𑐵𑐬𑐶𑐟𑐵 𑐟𑐵𑐮𑐶𑐩𑐫𑐵 𑐗𑑂𑐰𑐮𑐫𑑂 𑐳𑑂𑐰𑐫𑐩𑑂𑐨𑐸𑐂 𑐳𑑂𑐠𑐮𑐐𑐟 𑐎𑐎𑑂𑐲𑐵 𑐖𑐹𑐐𑐸 𑐡𑐸 𑑋 𑐦𑐶𑐔𑐬 𑐮𑐾𑐏𑐫𑐵 𑐮𑐵𑐐𑐶 𑐁𑐂𑐟𑐰𑐵𑑅 𑐀𑐣 𑐳𑑂𑐠𑐮𑐐𑐟 𑐨𑑂𑐬𑐩𑐞 𑐫𑐵𑐎𑐵𑑅 𑐎𑐎𑑂𑐲𑐵 𑐎𑐵𑑅𑐐𑐸 𑐏𑑅 𑑋

𑐕𑐸𑑄 𑐣𑑄 𑐑𑐚𑐣𑐵𑐫𑐵 𑐳𑐩𑐵𑐔𑐵𑐬 𑐡𑐫𑐾𑐎𑐾𑐐𑐸 𑐦𑐶𑐔𑐬 𑐔𑑂𑐰𑐫𑐾𑐐𑐸, 𑐣𑐵𑐐𑐬𑐶𑐎 𑐥𑐟𑑂𑐬𑐎𑐵𑐬𑐶𑐟𑐵, 𑐁𑐔𑐵𑐬 𑐳𑑄𑐴𑐶𑐟𑐵, 𑐱𑐸𑐡𑑂𑐢𑐵 𑐱𑐸𑐡𑑂𑐢𑐶 𑐁𑐡𑐶 𑐰𑐶𑐲𑐫𑐫𑐵 𑐣𑐵𑐥𑐣𑐵𑐥𑑄 𑐦𑑀𑐚𑑀 𑐥𑐟𑑂𑐬𑐎𑐵𑐬𑐶𑐟𑐵𑐫𑐵 𑐰𑐶𑐲𑐫𑐳 𑐟𑐵𑐮𑐶𑐩 𑐖𑐸𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐠𑑂𑐰𑐴𑐾 𑐗𑑂𑐰𑐮𑐫𑑂 𑐐𑐸𑐎𑐠𑑄 𑐊𑑄𑐐𑐮 𑐮𑑂𑐫𑐫𑐾𑐐𑐸 𑐰 𑐮𑐾𑐏 𑐟𑐫𑐵𑐬 𑐫𑐵𑐫𑐾𑐐𑐸 𑐣𑐵𑐥𑑄 𑐎𑐶𑐥𑐵 𑐎𑐵𑐫𑐾𑐧𑐮𑐫𑑂 𑐣𑑄 𑐐𑐸𑐎𑐠𑑄 𑐧𑐵𑑄𑐮𑐎 𑐎𑐶𑐥𑐵 𑐎𑐵𑐫𑐾𑐐𑐸 𑐢𑐂𑐐𑐸 𑐧𑐵𑐬𑐾 𑐳𑑂𑐰𑐫𑐩𑑂𑐨𑐸𑐂 𑐥𑑂𑐬𑐫𑑀𑐐𑐵𑐟𑑂𑐩𑐎 𑐬𑐸𑐥𑑄 𑐳𑑂𑐫𑐣𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅 𑑋 𑐠𑐸𑐐𑐸 𑐳𑑂𑐫𑐣𑐾𑐖𑑂𑐫𑐵𑐗𑑂𑐰𑑅𑐫𑐵 𑐩𑐹 𑐥𑑂𑐬𑐱𑐶𑐎𑑂𑐲𑐎 𑐣𑐾𑐥𑐵𑐮𑐨𑐵𑐲𑐵 𑐚𑐵𑐃𑐩𑑂𑐳𑐫𑐵 𑐳𑐩𑑂𑐥𑐵𑐡𑐎 𑐳𑐸𑐬𑐾𑐱 𑐎𑐶𑐬𑐞 𑐩𑐵𑐣𑐣𑑂𑐢𑐬𑑄 𑐟𑐵𑐮𑐶𑐩 𑐧𑐶𑐫𑐵 𑐔𑑂𑐰𑐣𑐵𑐡𑐷𑐐𑐸 𑐏𑑅𑐳𑐵 𑐦𑑀𑐚𑑀 𑐥𑐟𑑂𑐬𑐎𑐵𑐬𑐶𑐟𑐵𑐫𑐵 𑐧𑐵𑐬𑐾 𑐐𑑀𑐬𑐏𑐵𑐥𑐟𑑂𑐬𑐫𑐵 𑐩𑐣𑑀𑐖 𑐬𑐟𑑂𑐣 𑐱𑐵𑐴𑐷𑑄 𑐟𑐵𑐮𑐶𑐩 𑐧𑐶𑐫𑐵 𑐔𑑂𑐰𑐣𑐵𑐡𑐷𑐐𑐸 𑐏𑑅 𑑋

𑐰𑑄𑐐𑐸 𑐁𑐂𑐟𑐰𑐵𑑅 𑐖𑐐𑐟 𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐂 𑐫𑐾𑑃 𑐩𑐣𑐥𑐵𑐫𑐵 𑐰𑐜𑐵 𑐣𑑄. 𑑑𑑕 𑐫𑑂 𑐴𑐵𑐎𑐣𑑄 𑐟𑑂𑐫𑐵𑐎𑐵𑐡𑐷𑐩𑑂𑐴 𑐰𑐜𑐵𑐀𑐢𑑂𑐫𑐎𑑂𑐲 𑐃𑐱𑑂𑐰𑐬𑐩𑐵𑐣 𑐜𑑄𑐐𑑀𑐮𑑄 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐠𑐸𑐐𑐸 𑐟𑐵𑐮𑐶𑐩𑐫𑑂 𑐣𑐾𑐰𑐵𑑅 𑐰 𑐐𑐿𑐬 𑐣𑐾𑐰𑐵𑑅𑐟 𑐫𑐵𑐣𑐵 𑐠𑑂𑐫𑑄𑐩𑐠𑑂𑐫𑑄 𑑕𑑕 𑐩𑑂𑐴𑐾𑐳𑐶𑐣𑑄 𑐧𑑂𑐰𑐟𑐶𑐎𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐟𑐵𑐮𑐶𑐩 𑐠𑑂𑐰𑐴𑐾 𑐖𑐾𑐛𑐫𑐵 𑑓𑑐 𑐐𑐟𑐾 𑐎𑑂𑐰𑐔𑐵𑐂𑐐𑐸 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

News Location: