Read news in NepalBhasa text-- www.hamroschool.com back 𑐎𑐶𑐥𑐸𑐮𑐶𑐂 𑐴𑐵𑐠𑐸 𑐡𑑂𑐫𑑅 𑐥𑐮𑐶𑐳𑑂𑐠𑐵


𑐎𑐶𑐥𑐸𑐮𑐶𑐂 𑐴𑐵𑐠𑐸 𑐡𑑂𑐫𑑅 𑐥𑐮𑐶𑐳𑑂𑐠𑐵



𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑑𑑐 𑐔𑐷𑐠𑐸𑐮𑐶𑐂 𑐴𑐵𑐠𑐸 𑐡𑑂𑐫𑑅 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐡𑐸 𑑋 𑐳𑑂𑐠𑐵𑐣𑐷𑐫 𑐳𑐣 𑐳𑑂𑐚𑐬 𑐎𑑂𑐮𑐰𑐫𑐵 𑐎𑐸𑐟𑐮𑐫𑑂 𑐠𑐸𑐐𑐸 𑐴𑐵𑐠𑐸 𑐡𑑂𑐫𑑅 𑐠𑑁𑑄 𑐳𑐶𑐮𑐵𑐔𑑅𑐬𑑂𑐴𑐾 (𑐩𑑄𑐐𑐮𑐰𑐵𑑅) 𑐏𑐸𑐣𑑂𑐴𑐸 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋 𑐠𑐸𑐐𑐸 𑐴𑐵𑐠𑐸 𑐡𑑂𑐫𑑅 𑐣𑑂𑐴𑐵𑐥𑐵 𑐩𑐮𑑂𑐮𑐎𑐵𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐏𑑅𑐳𑐵 𑐱𑐵𑐴𑐎𑐵𑐮𑐫𑑂 𑐠𑐸𑐐𑐸 𑐟𑐖𑐶𑐮𑐖𑐶 𑐎𑐶𑐥𑐸𑐮𑐶𑐂 𑐣𑑂𑐴𑐣𑐵𑐰𑑄𑐐𑐸 𑐏𑑅 𑑋

𑐁𑑅 𑐰𑐫𑐵 𑐳𑐣 𑐳𑑂𑐚𑐵𑐬 𑐎𑑂𑐮𑐰𑐫𑐵 𑐎𑐸𑐟𑐮𑐫𑑂 𑐰𑑄𑐐𑐸 𑐫𑐾𑐫𑐵𑑅 𑐥𑐸𑐣𑑂𑐴𑐶 𑐏𑐸𑐣𑑂𑐴𑐸 𑐴𑐾 𑐥𑐮𑐶𑐳𑑂𑐠𑐵 𑐫𑐵𑐫𑐾𑐐𑐸 𑐎𑐸𑐟𑑅 𑐖𑐹𑐐𑐸 𑐏𑑅𑐳𑐵𑑄 𑐡𑑂𑐫𑑅 𑐎𑐷𑐐𑐸 𑐳𑐶𑐩𑐠𑑅𑐐𑐸 𑐴𑐸𑐣𑐶𑑄 𑐠𑑁𑑄 𑐳𑐶𑐮𑐵𑐔𑑅𑐬𑑂𑐴𑐾 𑐏𑐸𑐣𑑂𑐴𑐸 𑐖𑐵𑐟𑑂𑐬𑐵 𑐫𑐵𑐣𑐵 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐏𑑅 𑑋 𑐡𑑂𑐫𑑅 𑐡𑐫𑐾𑐎𑐹𑐐𑐸 𑐠𑐵𑐫𑑂 𑐧𑐸𑑄𑐐𑐫𑑂 𑐳𑐸𑐠𑐫 𑐴𑐾 𑐧𑐵𑐖𑑄 𑐳𑐴𑐶𑐟 𑐰𑑄𑐐𑐸 𑐏𑑅𑐳 𑐀𑐣 𑐥𑐸𑐖𑐵 𑐫𑐵𑐣𑐵 𑐐𑐵𑐜𑐶𑐂 𑐟𑐫𑐵 𑐎𑐶𑐥𑐹𑐫𑐵 𑐟𑐵𑐴𑐵𑑃𑐮𑑂𑐔𑐵𑐫𑑂 𑐟𑐎 𑐴𑑅𑐐𑐸 𑐏𑑅 𑑋 𑐟𑐵𑐴𑐵𑑃𑐮𑑂𑐔𑐵𑑄𑐣𑐶𑐳𑐾𑑄 𑐎𑐵𑐴𑐵𑑃𑐧𑐵𑐖𑐵, 𑐣𑐵𑐫𑐏𑐶𑑄 𑐧𑐵𑐖𑐵, 𑐢𑐶𑐩𑐾 𑐧𑐵𑐖𑐵, 𑐢𑐵𑑅 𑐧𑐵𑐖𑐵 𑐰 𑐧𑐵𑑃𑐳𑐸𑐬𑐷 𑐧𑐵𑐖𑐵 𑐳𑐴𑐶𑐟 𑐳𑐵𑑃𑐳𑑂𑐎𑐺𑐟𑐶𑐎 𑐬𑑂𑐫𑐵𑐮𑐷𑐫𑐵𑐣𑐵 𑐔𑐷𑐠𑐸 𑐦𑐮𑑂𑐔𑐵𑐫𑑂 𑐴𑑅𑐐𑐸 𑐏𑑅 𑑋

𑐟𑐵𑐴𑐵𑑃𑐮𑑂𑐔𑐵𑐫𑑂 𑐠𑑂𑐫𑑄𑐧𑐮𑐫𑑂 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐬𑐩𑐾𑐱 𑐩𑐴𑐬𑑂𑐖𑐣, 𑐄𑐥–𑐥𑑂𑐬𑐩𑐸𑐏 𑐳𑐬𑐳𑑂𑐰𑐟𑐷 𑐏𑐜𑑂𑐎𑐵, 𑑙 𑐣𑑄. 𑐰𑐜𑐵 𑐀𑐢𑑂𑐫𑐎𑑂𑐲 𑐐𑑄𑐐𑐵𑐬𑐵𑐩 𑐩𑐴𑐬𑑂𑐖𑐣𑑄 𑐮𑑃 𑐳𑑂𑐰𑑅𑐰𑑅𑐐𑐸 𑐏𑑅𑐳𑐵 𑐰𑐜𑐵 𑐣𑑄. 𑑑𑑐 𑐫𑐵 𑐀𑐢𑑂𑐫𑐎𑑂𑐲 𑐀𑐩𑐣 𑐩𑐴𑐬𑑂𑐖𑐣 𑐧𑐸𑑄𑐐𑑄𑐣𑐶𑐳𑐾𑑄 𑐴𑐾 𑐧𑑂𑐰𑐟𑐶 𑐎𑐫𑐵𑐡𑐷𑐐𑐸 𑐏𑑅 𑑋

𑐔𑐷𑐠𑐸𑐮𑐶𑐂 𑐥𑐮𑐶𑐳𑑂𑐠𑐵 𑐫𑐵𑑅𑐐𑐸 𑐠𑐸𑐐𑐸 𑐴𑐵𑐠𑐸 𑐡𑑂𑐫𑑅𑐫𑐵 𑐄𑐮𑐾𑐖𑑂𑐫𑐵 𑐖𑑂𑐫𑐵𑐗𑑂𑐰𑑅 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐬𑐩𑐾𑐱 𑐩𑐴𑐬𑑂𑐖𑐣 𑐰 𑐄𑐥– 𑐥𑑂𑐬𑐩𑐸𑐏 𑐳𑐬𑐳𑑂𑐰𑐟𑐷 𑐏𑐜𑑂𑐎𑐵𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋 𑐩𑐹 𑐥𑐵𑐴𑐵𑑃 𑐏𑑂𑐫𑐵𑐮𑐶 𑐖𑐸𑐖𑐸 𑐩𑐡𑐣𑐎𑐺𑐲𑑂𑐞 𑐱𑑂𑐬𑐾𑐲𑑂𑐛𑑄 𑐴𑐵𑐠𑐸 𑐡𑑂𑐫𑑅𑐫𑐵𑐟 𑐬𑐶𑐰𑐣 𑐔𑐵𑐣𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐡𑑂𑐫𑑅 𑐥𑐮𑐶𑐳𑑂𑐠𑐵 𑐫𑐵𑐫𑐾𑐟 𑐁𑐬𑑂𑐠𑐶𑐎 𑐐𑑂𑐰𑐴𑐵𑐮𑐶 𑐫𑐵𑐣𑐵𑐡𑐷𑐥𑐶𑑄 𑐳𑐎𑐳𑐶𑐟𑑄 𑐩𑐹 𑐥𑐵𑐴𑐵𑑃 𑐱𑑂𑐬𑐾𑐲𑑂𑐛𑑄 𑐳𑐸𑐨𑐵𑐫𑑂 𑐥𑑁 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅𑐳𑐵 𑐣𑐐𑐬 𑐥𑑂𑐬𑐩𑐸𑐏 𑐩𑐴𑐬𑑂𑐖𑐣 𑐰 𑐄𑐥–𑐥𑑂𑐬𑐩𑐸𑐏 𑐏𑐜𑑂𑐎𑐵𑑄 𑐏𑐵𑐡𑐵 𑐎𑑂𑐰𑐏𑐵𑐫𑐾𑐎𑐵 𑐴𑐣𑐵𑐡𑐷𑐐𑐸 𑐏𑑅 𑑋

𑐳𑐣 𑐳𑑂𑐚𑐵𑐬 𑐎𑑂𑐮𑐰𑐫𑐵 𑐣𑐵𑐫𑑅 𑐴𑐶𑐬𑐵𑐎𑐵𑐖𑐷 𑐩𑐴𑐬𑑂𑐖𑐣𑐫𑐵 𑐳𑐨𑐵𑐥𑐟𑐶𑐟𑑂𑐰𑐫𑑂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅 𑐨𑐬𑐟 𑐩𑐴𑐬𑑂𑐖𑐣𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋

News Location: