Read news in NepalBhasa text-- www.hamroschool.com back 𑐎𑐶𑐥𑐹 𑐣𑐐𑐬𑐫𑐵𑐟 𑐥𑐹𑐰𑑄𑐎 𑐩𑐵𑐳𑑂𑐎 𑐎𑑂𑐲𑐾𑐟𑑂𑐬 𑐡𑐫𑐾𑐎𑐾𑐐𑐸 𑐀𑐨𑐶𑐫𑐵𑐣


𑐎𑐶𑐥𑐹 𑐣𑐐𑐬𑐫𑐵𑐟 𑐥𑐹𑐰𑑄𑐎 𑐩𑐵𑐳𑑂𑐎 𑐎𑑂𑐲𑐾𑐟𑑂𑐬 𑐡𑐫𑐾𑐎𑐾𑐐𑐸 𑐀𑐨𑐶𑐫𑐵𑐣



𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵𑐟 𑐥𑐹𑐬𑑂𑐞 𑐩𑐵𑐳𑑂𑐎 𑐎𑑂𑐲𑐾𑐟𑑂𑐬 𑐡𑐫𑐾𑐎𑐾𑐣𑐸, 𑐎𑐶𑐥𑐸𑐮𑐶𑐂 𑐩𑐵𑐳𑑂𑐎 𑐧𑐿𑑄𑐎 𑐥𑐮𑐶𑐳𑑂𑐠𑐵 𑐫𑐵𑐫𑐾𑐣𑐸, 𑐎𑑀𑐬𑑀𑐣𑐵𑑄 𑐠𑑅𑐣𑑄 𑐧𑐔𑐾 𑐖𑐸𑐂𑐣𑐸 𑐰 𑐩𑐾𑐥𑐶𑑄𑐟 𑐣𑑄 𑐧𑐔𑐾 𑐫𑐵𑐫𑐾𑐣𑐸 𑐮𑐶𑐳𑐾𑑄 𑐕𑐶𑐐𑐸 𑐩𑐵𑐳𑑂𑐎 𑐐𑑂𑐰? 𑐢𑐂𑐐𑐸 𑐩𑐹 𑐣𑐵𑐬𑐵 𑐖𑑂𑐰𑐣𑐵 𑐬𑑀𑐚𑐬𑐷 𑐎𑑂𑐮𑐧 𑐀𑐦 𑐎𑐷𑐬𑑂𑐟𑐶𑐥𑐸𑐬, 𑐃𑐣𑐬 𑐴𑑂𑐰𑐷𑐮 𑐎𑑂𑐮𑐧 𑐀𑐦 𑐎𑐷𑐬𑑂𑐟𑐶𑐥𑐸𑐬, 𑐮𑐵𑐫𑐣𑑂𑐳 𑐎𑑂𑐮𑐧 𑐀𑐦 𑐎𑐷𑐬𑑂𑐟𑐶𑐥𑐸𑐬𑐫𑐵 𑐩𑑄𑐎𑐵𑑅 𑐐𑑂𑐰𑐳𑐵𑐮𑐫𑑂 𑐎𑐶𑐥𑐸𑐮𑐶𑐂 𑐩𑐵𑐳𑑂𑐎 𑐀𑐨𑐶𑐫𑐵𑐣 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄. 𑑑, 𑐧𑐵𑐑 𑐨𑐿𑐬𑐧𑐮𑐵𑐐𑐵𑐫𑑂 𑐩𑐵𑐳𑑂𑐎 𑐟𑐫𑐾𑐩𑐵𑑅 𑐢𑐎𑐵𑑅 𑐖𑐣𑐔𑐾𑐟𑐣𑐵 𑐫𑐵𑐫𑐾𑐐𑐸 𑐰 𑐩𑐟𑑅𑐥𑐶𑑄𑐟 𑐩𑐵𑐳𑑂𑐎 𑐂𑐣𑐾𑐐𑐸 𑐖𑑂𑐫𑐵𑐗𑑂𑐰𑑅 𑐫𑐵𑑅𑐐𑐸 𑐏𑑅 𑑋

𑐰𑑄𑐐𑐸 𑐐𑐸𑑄𑐥𑐸𑐣𑑂𑐴𑐶𑐏𑐸𑐣𑑂𑐴𑐸 𑐧𑐵𑐴𑐵𑑅𑐔𑐵𑑅𑐴𑐶𑐮𑐾𑐐𑐸 𑐣𑑂𑐴𑐶𑐳𑑄 𑐠𑐸𑐐𑐸 𑐖𑑂𑐫𑐵𑐗𑑂𑐰𑑅 𑐫𑐵𑑅𑐐𑐸 𑐏𑑅 𑑋𑐖𑑂𑐫𑐵𑐗𑑂𑐰𑐮𑐫𑑂 𑐬𑑀𑐚𑐬𑐷 𑐎𑑂𑐮𑐧 𑐀𑐦 𑐎𑐷𑐬𑑂𑐟𑐶𑐥𑐸𑐬𑐫𑐵 𑐣𑐎𑐶𑑄 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐧𑐿𑐡𑐵𑐬𑑄 𑐗𑐷𑐐𑐸 𑐟𑐖𑐶𑐮𑐖𑐶 𑐰 𑐳𑐩𑑂𑐥𑐡𑐵 𑐮𑑂𑐫𑑄𑐎𑐵𑑅 𑐟𑐫𑐾𑐐𑐸 𑐗𑐷 𑐳𑐎𑐳𑐶𑐐𑐸𑑄 𑐡𑐵𑐫𑐶𑐟𑑂𑐰 𑐖𑐹𑐐𑐸 𑐢𑐫𑐵𑐡𑐶𑐳𑐾𑑄 𑐁𑑅𑐫𑐵 𑐠𑐸𑐐𑐸 𑐎𑑀𑐬𑑀𑐣𑐵 𑐩𑐴𑐵𑐩𑐵𑐬𑐷𑐫𑐵 𑐂𑐮𑐫𑑂 𑐠𑑅𑐣𑑄 𑐧𑐔𑐾 𑐖𑐸𑐫𑐵 𑐩𑐾𑐥𑐶𑑄𑐟 𑐣𑑄 𑐧𑐔𑐾𑐫𑐵𑐫𑐾𑐐𑐸 𑐗𑐷 𑐳𑐎𑐳𑐶𑐐𑐸𑑄 𑐎𑐬𑑂𑐟𑐧𑑂𑐫 𑐏𑑅 𑐄𑐎𑐶𑑄 𑐗𑐷 𑐳𑐎𑐮𑐾𑑄 𑐳𑐔𑐾𑐟 𑐖𑐸𑐫𑐵𑑅𑐩𑐾𑐥𑐶𑑄𑐟 𑐣𑑄 𑐳𑐔𑐾𑐟 𑐫𑐵𑐫𑐾𑐐𑐸 𑐖𑐬𑐸𑐬𑐷 𑐖𑐹𑐐𑐸 𑐢𑐫𑐵𑐡𑐶𑐮 𑑋

𑐬𑑀𑐚𑐬𑐶𑐫𑐣 𑐬𑐰𑐶𑐣𑑂𑐡𑑂𑐬 𑐧𑐴𑐵𑐡𑐸𑐬 𑐥𑑂𑐬𑐢𑐵𑐣𑐫𑐵 𑐎𑐖𑐶𑐳𑐸𑐂 𑐕𑐶𑐐𑐸 𑐩𑐵𑐳𑑂𑐎 𑐐𑑂𑐰? 𑐢𑐂𑐐𑐸 𑐀𑐨𑐶𑐫𑐵𑐣𑐫𑐵𑐟 𑐩𑐡𑑂𑐡𑐶𑐎𑑂𑐎 𑐣𑑂𑐴𑑂𑐫𑐵𑐎𑐵 𑐩𑐵𑐳𑑂𑐎 𑐧𑐿𑑄𑐎 𑐴𑐾 𑐥𑐮𑐶𑐳𑑂𑐠𑐵 𑐫𑐵𑐫𑐾𑐐𑐸 𑐫𑑀𑐖𑐣𑐵𑐮𑐶𑐳𑐾𑑄 𑐬𑑀𑐚𑐬𑐷 𑐎𑑂𑐮𑐧𑐫𑐵 𑐣𑐎𑐶𑑄 𑐧𑐿𑐡𑐵𑐬, 𑐃𑐣𑐬 𑐴𑑂𑐰𑐷𑐮 𑐎𑑂𑐮𑐧 𑐀𑐦 𑐎𑐷𑐬𑑂𑐟𑐶𑐥𑐸𑐬𑐫𑐵 𑐣𑐎𑐶𑑄 𑐳𑐸𑐱𑐷𑐮𑐵 𑐩𑐵𑐣𑐣𑑂𑐢𑐬, 𑐬𑑀𑐚𑐬𑑂𑐫𑐵𑐎 𑐎𑐷𑐬𑑂𑐟𑐶𑐥𑐸𑐬𑐫𑐵 𑐣𑐎𑐶𑑄 𑐬𑐸𑐧𑐷 𑐱𑐵𑐴, 𑐮𑐵𑐫𑐣𑑂𑐳 𑐎𑑂𑐮𑐧 𑐎𑐵𑐛𑐩𑐵𑐜𑑁𑑄 𑐎𑐷𑐬𑑂𑐟𑐶𑐥𑐸𑐬𑐫𑐵 𑐣𑐵𑐫𑑅 𑐱𑐶𑐰 𑐎𑐸𑐩𑐵𑐬 𑐱𑑂𑐬𑐾𑐲𑑂𑐛, 𑐮𑐶𑐫𑑀 𑐎𑑂𑐮𑐧 𑐎𑐷𑐬𑑂𑐟𑐶𑐥𑐸𑐬𑐮𑐐𑐵𑐫𑐟 𑐎𑑂𑐮𑐧𑐫𑐵 𑐡𑐸𑐖𑑅𑐥𑐶𑑄𑐳𑑄 𑐠𑑅𑐠𑑅𑐐𑐸 𑐣𑐸𑐐𑑅𑐏𑑃 𑐟𑐫𑐵𑐡𑐷𑐐𑐸 𑐏𑑅 𑑋 𑐠𑑁𑑄𑐎𑐣𑑂𑐴𑐫𑑂𑐫𑐵 𑐰𑐶𑐲𑐩 𑐥𑐬𑐶𑐳𑑂𑐠𑐶𑐟𑐶𑐂 𑐩𑐵𑐳𑑂𑐎 𑐂𑐣𑐾𑐐𑐸 𑐰 𑐧𑐿𑑄𑐎 𑐥𑐮𑐶𑐳𑑂𑐠𑐵 𑐫𑐵𑐫𑐾𑐐𑐸 𑐧𑐵𑑄𑐮𑐵𑑅𑐐𑐸 𑐖𑑂𑐫𑐵 𑐖𑐸𑐂𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐢𑐫𑐵𑐡𑐷𑐐𑐸 𑐡𑐸 𑑋 𑐬𑑀𑐚𑐬𑐶𑐫𑐣 𑐱𑑂𑐫𑐵𑐩 𑐱𑐵𑐴𑐫𑐵 𑐎𑐖𑐶𑐳𑐸𑐂 𑐖𑐹𑐐𑐸 𑐖𑑂𑐫𑐵𑐗𑑂𑐰𑑅𑐫𑐵𑐟 𑐳𑐸𑐬𑐾𑐣𑑂𑐡𑑂𑐬 𑐧𑐖𑑂𑐬𑐵𑐔𑐵𑐬𑑂𑐫𑑄 𑐳𑐴𑐖𑐷𑐎𑐬𑐞 𑐫𑐵𑐣𑐵𑐡𑐷𑐐𑐸 𑐏𑑅 𑑋

News Location: