Read news in NepalBhasa text-- www.hamroschool.com back 𑐩𑐶𑐳 𑐣𑐾𑐰𑐵𑑅 𑐖𑐶𑐐𑐸 𑐮𑐸𑐩𑐣𑑂𑐟𑐶 𑐰 𑐀𑐣𑐸𑐨𑐰


𑐩𑐶𑐳 𑐣𑐾𑐰𑐵𑑅 𑐖𑐶𑐐𑐸 𑐮𑐸𑐩𑐣𑑂𑐟𑐶 𑐰 𑐀𑐣𑐸𑐨𑐰



𑐊𑐘𑑂𑐖𑐶𑐮𑐵 𑐀𑐰𑐵𑐮𑐾

𑐖𑐶 𑐩𑐔𑐵𑐧𑐮𑐫𑑂 beauty pageant 𑐮𑐵 𑐳𑑂𑐰𑐫𑐾𑐐𑐸 𑐫𑐵𑐣𑐵 𑐟𑐬 𑐖𑐶𑐎𑐾 𑐫𑐎𑐡𑐩 𑐴𑐾 𑐬𑐸𑐔𑐷 𑐢𑐵𑑅𑐳𑐵 𑐩𑐡𑐸𑑋 𑐦𑐾𑐳𑐣 𑐱𑐾𑐣𑑂𑐳 𑐟𑐎 𑐴𑐾 𑐥𑐚𑐎𑑂𑐎 𑐩𑐡𑐸𑐩𑑂𑐴 𑐖𑐶 𑐠𑐾𑑄 𑐣𑑂𑐫𑐵𑐩𑑂𑐴𑐾𑐳𑑂𑐫𑐵𑑄 𑐧𑑂𑐰𑐟𑐶 𑐎𑐵𑐫𑐾𑐐𑐸 𑐮𑐵 𑐩𑑂𑐴𑐐𑐳𑐫𑐾 𑐣𑑄 𑐴𑐾 𑐩𑐡𑐸𑑋 𑐟𑐬 𑐕𑐣𑑂𑐴𑐸 𑐮𑐶𑐎𑑂𑐎 𑐔𑑂𑐰𑑃𑐩𑑂𑐴 𑐎𑐵𑐎𑐷𑑄 "Miss Newa 𑐖𑐸𑐃 𑐟𑑂𑐫𑑄𑐐𑐸 𑐡𑐸 𑐕 𑐧𑐵𑑃𑐮𑐵 𑐧𑑂𑐰𑐟𑐶 𑐎𑐵 𑐮𑐾" 𑐢𑐫𑐵𑐡𑐶𑐮𑑋 𑐖𑐶 𑐮𑐵 𑐦𑐸𑐬𑐒𑑂𑐐, 𑐧𑐵𑑃𑐮𑐵𑐮𑐵 𑐖𑐶? 𑐟𑐸𑐬𑐣𑑂𑐟 𑐰𑐣𑐵 𑐣𑑂𑐴𑐵𑐫𑐾𑐎𑑄 𑐳𑑂𑐰𑑀 𑐰𑐣𑐵𑑋 𑐧𑐵 𑐩𑐵𑑃 𑐥𑐶𑐣𑑂𑐟 𑐣𑑂𑐫𑐾𑐣𑐵𑑋 𑐖𑐶𑐩𑐶 𑐟𑐟𑐵 𑐥𑐶𑑄𑐟 𑐣𑑄 𑐣𑑂𑐫𑐾𑐣𑐵𑑋 𑐧𑐶𑐱𑐾𑐲 𑐫𑐵𑐣𑐵 𑐩𑐮𑐶𑐎𑐵 𑐟𑐟𑐵𑑄 𑐮𑐵 𑐫𑐎𑑂𑐰 𑐐𑑂𑐰𑐵𑐴𑐵𑐮𑐶 𑐰 𑐴𑐥𑐵𑑅 𑐧𑐶𑐫𑐵𑐡𑐶𑐮𑑋 𑐟𑐬 𑐖𑐶 𑐠𑐾𑑄 𑐣𑑂𑐫𑐵𑐩𑑂𑐴 𑐮𑑂𑐴𑑂𑐰𑐩𑑂𑐴 𑐕𑐵𑐣𑐫𑐾 𑐴𑐾 𑐩𑐖𑐸𑐮 𑐢𑐵𑑅𑐳𑐵 𑐕𑐸𑐫𑐵𑐫𑐾𑐐𑐸 𑐢𑐿𑐐𑐸 𑐐𑑂𑐫𑐵 𑐔𑐶𑐎𑐸 𑐔𑐵𑐴𑐶𑑄 𑐡𑐫𑐵 𑐔𑑂𑐰𑐣𑑋 𑐩𑐶𑐮𑐾 𑐖𑐹𑐥𑐶𑑄 𑐥𑐵𑐳𑐵 𑐥𑐶𑑄𑐟 𑐳𑐮𑑂𑐮𑐵𑐴 𑐎𑐫𑐵, 𑐩𑐮𑐶𑐎𑐵 𑐟𑐟𑐵 𑐠𑐵𑐫𑐾 𑐴𑐵𑐣𑑄 𑐰𑐣𑐵𑑋 𑐐𑑂𑐫𑐵𑐫𑐾 𑐩𑑂𑐰𑐵 𑐖𑐶 𑐡𑐸 𑐢𑐫𑐵𑐡𑐶𑐮, 𑐖𑐶 𑐢𑐸𑐎𑑂𑐎𑑋 𑐡𑐎𑑂𑐰𑐳𑑂𑐫𑐵𑑃 𑐥𑑂𑐬𑑀𑐟𑑂𑐳𑐵𑐴𑐣 𑐧𑐶𑐳𑐾𑑄 𑐣𑐵𑑃 𑐔𑑂𑐰𑐎𑐵𑑋 𑐖𑐶 𑐮𑐵 𑐳𑐾𑐮𑐾𑐎𑑂𑐚 𑐖𑐸𑐮𑑋

𑐁 𑐖𑐶𑐐𑐸 𑐧𑑂𑐫𑐳𑑂𑐟 𑐃 𑐱𑐸𑐬𑐸 𑐖𑐸𑐮𑑋 𑐱𑐸𑐬𑐸𑐃 𑐟𑐳𑐎𑑄 𑐣𑐬𑑂𑐨𑐳 𑐖𑐶, 𑐠𑐵 𑐣𑑄 𑐠𑐵𑐎𑐸𑐮𑑋 𑐟𑐬 𑐣𑑂𑐴𑐸 𑐣𑑂𑐴𑐸𑐐𑐸 𑐏𑑃 𑐳𑐫𑐾𑐎𑐾 𑐣𑑂𑐴𑑂𑐫𑐵 𑐖𑐶, 𑐟𑐳𑐎𑑃 𑐣𑑂𑐴𑑂𑐫𑐾𑐫𑐥𑐸𑐮𑑋 𑐧𑑂𑐫𑐸𑐚𑐶 𑐥𑐵𑐫𑐖𑐾𑐣𑑂𑐚𑐫𑑂 𑐧𑑂𑐫𑐰𑐳𑑂𑐠𑐵 𑐫𑐵𑐣𑐵 𑐟𑐥𑐶𑑄 𑐐𑐸𑐬𑐸𑐥𑐶𑑄𑐳𑑃 𑐡𑐵𑐃, 𑐟𑐟𑐵 𑐠𑐾 𑐀𑐗 𑐢𑐵𑐫𑐾 𑐀𑐨𑐶𑐰𑐵𑐎𑑄 𑐠𑐾𑑄 𑐩𑐵𑐫𑐵 𑐫𑐵𑐣𑐵 𑐳𑑂𑐫𑐣𑐾𑐎𑐣𑐾 𑐫𑐵𑐣𑐵 𑐡𑐶𑐮𑑋 𑐫𑐵𑑅 𑐮𑐶𑐳𑐾 𑐣𑑂𑐴𑑂𑐫𑐵𑐐𑐸 𑐣𑑄 𑐀𑐥𑐸𑐃𑐐𑐸 𑐖𑐸𑐫𑐵 𑐔𑑂𑐰𑑀𑐣𑑋 𑐖𑐶𑐐𑐸 𑐁𑐟𑑂𑐩𑐧𑐶𑐱𑑂𑐰𑐵𑐳 𑐧𑐮𑑂𑐮𑐵𑐣𑐵 𑐰𑐮𑑋 𑐐𑐧𑐮𑐾 𑐟𑐖𑐵𑑅𑐐𑐸 𑐮𑐵𑐎𑐵𑑄 𑐣𑑂𑐴𑑂𑐫𑐵𑐫𑐾 𑐩𑐣𑑄𑐩𑑂𑐴𑐾𑐳𑑂𑐫𑐵𑑃 𑐟𑐖𑐵𑑅𑐐𑐸 𑐮𑐵𑐎𑐵𑑄 𑐣𑑂𑐴𑑂𑐫𑐵𑐣𑐵 𑐀𑐥𑐸𑐎𑑂𑐎 𑐴𑐾 𑐖𑐸𑐃𑐦𑐟𑑋 𑐦𑐾𑐱𑐣 𑐱𑐾𑐣𑑂𑐳 𑐡𑐫𑐵𑐰𑐮𑑋 𑐟𑐶𑐳𑐵 𑐰𑐳𑑅𑐐𑐫𑐾𑐫𑐵𑐣𑐵𑑄 𑐦𑐶𑐃𑐐𑐸 𑐳𑐶𑐫𑐵 𑐰𑐮𑑋 𑐣𑑂𑐴𑐶𑐫𑐵𑐣𑑂𑐴𑐶𑐠𑑄 𑐳𑑁𑐣𑑂𑐡𑐬𑑂𑐫𑐫𑐵 𑐠𑐶𑐠𑐶 𑐖𑑂𑐘𑐵𑐣 𑐡𑐫𑐵𑐰𑐮𑑋 𑐱𑐸𑐬𑐸𑐃𑐮𑐵 𑐎𑑂𑐫𑐵𑐩𑐾𑐬𑐵 𑐏𑐣 𑐎𑐶 𑐴𑐾 𑐖𑐶 𑐣𑐬𑑂𑐨𑐳𑑋 𑐮𑐶𑐥𑐵 𑐎𑑂𑐫𑐵𑐩𑐾𑐬𑐵 𑐦𑐾𑐳 𑐀𑐥𑑂𑐥𑐸𑐎 𑐴𑐾 𑐫𑐵𑐫𑐾𑐦𑐟, 𑐎𑑂𑐫𑐵𑐩𑐾𑐬𑐵 𑐣𑑂𑐴𑑂𑐫𑐾𑐣𑐾 𑐣𑐰𑐵𑐫𑐾𑐐𑐸, 𑐎𑑂𑐫𑐵𑐚 𑐰𑐵𑐎, 𑐳𑑅 𑐳𑐵𑑄 𑐩𑐳𑐳𑐵𑑄 𑐥𑑂𑐫𑐵𑐏𑑃 𑐮𑑂𑐴𑐸𑐃𑐐𑐸 𑐰 𑐔𑐶𑐣𑐵𑐏𑑃 𑐰𑐵𑐔𑐣 𑐫𑐵𑐫𑐾𑐐𑐸 𑐟𑐎𑑃 𑐫𑐵𑐫𑐾𑐦𑐟𑑋 Practice make you perfect 𑐢𑐵𑑅𑐠𑐾𑑄 𑐀𑐨𑑂𑐫𑐵𑐳 𑐫𑐵𑑅𑐳𑐵 𑐣𑑂𑐴𑑂𑐫𑐵𑐐𑐸𑑄 𑐀𑐥𑐸𑐃𑐐𑐸 𑐖𑐸𑐫𑐵 𑐔𑑂𑐰𑐣𑑋 𑐦𑑀𑐚𑑀 𑐱𑐾𑐳𑐣 𑐴𑐾 𑐣𑐶𑐎𑑅 𑐳𑑂𑐰𑐎𑑅 𑐫𑐵𑐣𑐵 𑐣𑑂𑐴𑑂𑐫𑐾𑐃𑐥𑐸𑐳𑐾 𑐔𑑂𑐰𑐣𑑋

𑐚𑑂𑐬𑐾𑐣𑐶𑐒𑑂𑐐 𑐱𑐾𑐳𑐣𑐫𑐾 𑐫𑐎𑑂𑐰 𑐥𑐵𑐳𑐶𑐥𑐶𑑄 𑐣𑐵𑐥 𑐴𑐾𑐮𑐩𑐾𑐮 𑐖𑐸𑐃𑐐𑐸 𑐀𑐰𑐳𑐬 𑐡𑐟𑑋 𑐕𑐎𑐾𑑄 𑐥𑑂𑐬𑐟𑐶𑐳𑑂𑐥𑐬𑑂𑐢𑐵, 𑐕𑐎𑐾𑑄 𑐥𑐵𑐳𑐵𑐥𑐶𑑄 𑐣𑐵𑐥 𑐥𑐬𑐳𑑂𑐥𑐬 𑐳𑐶𑐎𑐾 𑐳𑐫𑐾𑐎𑐾𑐐𑐸 𑐰 𑐩𑐶𑐟𑑂𑐬𑐟𑐵𑐫𑐵 𑐀𑐰𑐳𑐬𑑋 𑐟𑐳𑐎𑑄 𑐣𑑂𑐴𑑂𑐫𑐾𑐃𑐥𑐸𑐳𑐾 𑐔𑑂𑐰𑐣𑑋 𑐩𑐾𑐩𑐾𑐐𑐸 𑐧𑑂𑐫𑐸𑐚𑐶 𑐎𑐣𑑂𑐚𑐾𑐲𑑂𑐚𑐫𑐾 𑐨𑐵𑐐 𑐎𑐵𑐫𑐾 𑐢𑐸𑑄𑐎𑐸𑐥𑐶𑑄 𑐰 𑐠𑐶𑐠𑐶 𑐄𑐥𑐵𑐢𑐶 𑐟𑑂𑐫𑐵𑐎𑐾 𑐢𑐸𑑄𑐎𑐸𑐥𑐶𑑄 𑐣𑑄 𑐣𑐵𑐥𑐮𑐵𑐟𑑋

𑐳𑐫𑐾𑐎𑐾𑐐𑐸 𑐳𑐶𑐎𑐾𑐐𑐸 𑐫𑐎𑑂𑐰 𑐀𑐰𑐱𑐬 𑐡𑐟𑑋 𑐏𑐵𑐳𑐫𑐵𑐣𑐵 𑐖𑐶 𑐣𑐾𑐰𑐵𑑅𑐫𑐵 𑐩𑑂𑐴𑑂𑐫𑐵𑐫𑐩𑐔𑐵, 𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶, 𑐟𑐖𑐶𑐮𑐖𑐶 𑐰 𑐠𑐶𑐠𑐶 𑐏𑑃 𑐳𑐫𑐾𑐎𑐾 𑐡𑐫𑐵 𑐟𑐳𑐎𑑃 𑐮𑐫𑐾𑐟𑐵𑑅𑑋
𑐖𑐶𑐐𑐸 𑐣𑐾𑐥𑐵𑐮 𑐨𑐵𑐲𑐵 𑐣𑑂𑐴𑐵𑐥𑐵 𑐳𑑂𑐰𑐫𑐵 𑐧𑐵𑑃𑐮𑐵𑐟𑑋 𑐣𑐾𑐥𑐵𑐮 𑐮𑐶𑐥𑐶 𑐳𑐫𑐾𑐎𑐵, 𑐫𑑀 𑐩𑐬𑑂𑐴𑐶 𑐡𑐫𑐾𑐎𑐾 𑐳𑐫𑐾𑐎𑐵, 𑐠𑐶𑐠𑐶 𑐣𑐾𑐰𑐵𑑅 𑐣𑐳𑐵 𑐡𑐫𑐾𑐎𑐾 𑐳𑐫𑐾𑐎𑐵𑑋 𑐀𑐴𑑀 𑐣𑐾𑐰𑐵 𑐣𑐳𑐵𑐮𑐵 𑐰𑐿𑐖𑑂𑐘𑐵𑐣𑐶𑐎 𑐬𑐸𑐥𑑄 𑐣𑑄 𑐥𑑁𑐲𑑂𑐚𑐶𑐎 𑐰 𑐧𑐵𑑃𑐮𑐵𑐐𑐸 𑐖𑐸𑐫𑐵 𑐔𑑂𑐰𑐣𑑋 𑐣𑐾𑐰𑐵𑑅 𑐟𑐶𑐳𑐵 𑐰𑐳𑑅 𑐰 𑐣𑐏𑑅 𑐔𑐏𑑅 𑐧𑐵𑐬𑐾 𑐫𑐎𑑂𑐰 𑐏𑑃 𑐳𑐶𑐮𑑋 𑐥𑑂𑐬𑐟𑐶𑐫𑑀𑐐𑐶𑐟𑐵𑐫𑐵 𑐣𑐶𑐩𑑂𑐟𑐶𑑄 𑐠𑐩𑑂𑐴 𑐣𑑄 self-study 𑐣𑑄 𑐫𑐵𑐣𑐵𑑋 𑐣𑐾𑐥𑐵𑐮 𑐳𑑄𑐧𑐟 𑐰 𑐠𑐶𑐠𑐶 𑐣𑐾𑐰𑐵 𑐮𑐵𑐫𑐵 𑐣𑐵𑑄 𑐳𑐶𑐮𑑋 𑐠𑑂𑐰 𑐴𑐾 𑐗𑑂𑐰𑐮𑐫𑐾 𑐩𑐴𑐵𑑃𑐎𑐵𑑅 𑐡𑑂𑐫𑑀𑐫𑐵𑐠𑐵𑐫 𑐮𑐵𑐏𑐧𑐟𑑂𑐟𑐷 𑐔𑑂𑐫𑐵𑐎𑐾𑐐𑐸, 𑐟𑐾 𑐧𑐴𑐵𑐮𑐫𑐾 𑐣𑐾𑐰𑐵𑑅 𑐨𑑂𑐰𑐫𑐮𑐫𑐾 𑐥𑑂𑐬𑐟𑑂𑐫𑐎𑑂𑐲 𑐳𑐴𑐨𑐵𑐐𑐶 𑐖𑐸𑐃𑐐𑐸 𑐀𑐰𑐳𑐬 𑐣𑑄 𑐡𑐟𑑋

𑐚𑑂𑐬𑐾𑐣𑐶𑐒𑑂𑐐 𑐗𑑂𑐰𑐮𑐫𑐾 𑐴𑐾 𑐠𑐶𑐠𑐶 𑐀𑐟𑐶𑐠𑐶 𑐥𑐶𑐣𑐶𑐐𑐸 𑐮𑐾𑐎𑑂𑐔𑐬 𑐥𑐵𑐏𑐾𑑄 𑐣॔ 𑐫𑐎𑑂𑐰 𑐏𑑃 𑐳𑐶𑐮𑑋 𑐰𑐫𑐾𑐎𑐣𑐶𑐐𑐸 𑐄𑐥𑐮𑐮𑐧𑑂𑐢𑐷, 𑐖𑐷𑐰𑐣𑐫𑐾 𑐫𑐵𑐫𑐾𑐩𑐵𑑅𑐐𑐸 𑐳𑐩𑐳𑑂𑐫𑐵 𑐰 𑐫𑐵𑐣𑐵 𑐡𑐶𑐄𑐐𑐸 𑐳𑐩𑐵𑐠𑐵𑐣 𑐣𑑄 𑐥𑑂𑐬𑐾𑐬𑐞𑐵𑐡𑐵𑐫𑐷 𑐖𑐸𑐮𑑋

𑐳𑐩𑐳𑑂𑐟𑐶𑐐𑐟 𑐬𑐸𑐥𑑄 𑐢𑐵𑐫𑐾𑐐𑐸 𑐏𑑅 𑐳𑐵 𑐖𑐶𑑄 𑐕𑐸𑑄 𑐧𑐶𑐱𑐾𑐲 𑐄𑐥𑐵𑐢𑐷 𑐟𑑂𑐫𑐵𑐎𑐾 𑐩𑐦𑐸𑐳𑐵𑑄 𑐖𑐶 𑐱𑐣𑑂𑐟𑐸𑐲𑑂𑐚 𑐴𑐾 𑐡𑐸𑑋 𑐕𑐵𑐫𑐾𑐢𑐵𑑅𑐳𑐵 𑐖𑐶𑐐𑐸 𑐧𑑂𑐫𑐎𑑂𑐟𑐶𑐟𑑂𑐰 𑐧𑐶𑐎𑐵𑐳 𑐖𑐹𑐐𑐸 𑐡𑐸, 𑐁𑐟𑑂𑐩 𑐧𑐶𑐱𑑂𑐰𑐵𑐳 𑐧𑐝𑐾 𑐖𑐸𑐮, 𑐳𑐵𑐩𑐸𑐴𑐶𑐎 𑐬𑐸𑐥𑑄 𑐣𑐰𑐵𑐫𑐾𑐐𑐸 𑐰 𑐎𑑂𑐫𑐵𑐩𑐾𑐬𑐵 𑐦𑐾𑐳 𑐫𑐵𑐫𑐾𑐟 𑐁 𑐡𑑅 𑐳𑐵𑐩𑐵𑐣𑑂𑐫 𑐖𑐸𑐃 𑐢𑐸𑑄𑐎𑐮𑑋 𑐡𑐎𑑂𑐰𑐮𑐫𑐾 𑐟𑑅𑐢𑑄𑐐𑐸 𑐩𑐶𑐳𑐵 𑐕𑐸 𑐏𑑅, 𑐩𑐶𑐳𑐵 𑐖𑐵𑐟𑐶𑐫𑐵 𑐳𑐩𑐵𑐖𑐫 𑐫𑑀𑐐𑐡𑐵𑐣 𑐰 𑐐𑐬𑑂𑐰 𑐕𑐸 𑐏𑑅 𑐢𑐿𑐐𑐸 𑐳𑐶𑐄𑐐𑐸 𑐡𑐸𑑋 𑐖𑐶𑐐𑐸 𑐠𑑂𑐰 𑐧𑐝𑐾 𑐖𑐸𑐐𑐸 𑐎𑑂𑐲𑐩𑐟𑐵 𑐰 𑐴𑑁𑐳𑐮𑐵𑑄 𑐗𑐷𑐐𑐸 𑐨𑐵𑐫, 𑐳𑐩𑐵𑐖 𑐰 𑐣𑐵𑐬𑐷 𑐔𑐾𑐟𑐣𑐵 𑐠𑐎𑐵𑐫𑐾𑐐𑐸 𑐰 𑐣𑐾𑐥𑐵𑑅 𑐩𑐵𑑃𑐫𑐵 𑐳𑐾𑐰𑐵 𑐫𑐵𑐫𑐾𑐐𑐸 𑐖𑐶𑐐𑐸 𑐮𑐎𑑂𑐲𑐫𑐵𑐟 𑐀𑑅𑐥𑐸𑐐𑐸 𑐡𑐸𑑋

(𑐩𑐫𑑂​𑐖𑐸 𑐀𑐰𑐵𑐮𑐾 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑑂 𑐧𑑂𑐰𑐟𑐶 𑐎𑐫𑐵 𑐩𑐶𑐳 𑐜𑐶𑐳𑐶𑐥𑑂𑐮𑐶𑐣 𑐚𑐵𑐂𑐚𑐮 𑐟𑑂𑐫𑐵𑐎𑐵𑐡𑐷𑐩𑑂𑐴 𑐏𑑅 𑑋 )

More Stories Like this

𑐩𑐶𑐳 𑐣𑐾𑐰𑐵𑑅𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐶𑐣𑐵𑐮𑐾) 𑐱𑐣𑐶𑐰𑐵𑑅 𑐖𑐸𑐂𑐐𑐸
𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸
𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄
𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅