Read news in NepalBhasa text-- www.hamroschool.com back 𑐩𑐶𑐳 𑐣𑐾𑐰𑐵𑑅𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐶𑐣𑐵𑐮𑐾) 𑐱𑐣𑐶𑐰𑐵𑑅 𑐖𑐸𑐂𑐐𑐸


𑐩𑐶𑐳 𑐣𑐾𑐰𑐵𑑅𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐶𑐣𑐵𑐮𑐾) 𑐱𑐣𑐶𑐰𑐵𑑅 𑐖𑐸𑐂𑐐𑐸



𑐣𑐾𑐥𑑂𑐮𑐶𑐖 𑐦𑐾𑐱𑐣 𑐴𑑀𑐩𑐫𑐵 𑐐𑑂𑐰𑐳𑐵𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐶𑐣𑐵𑐮𑐾) 𑐱𑐣𑐶𑐰𑐵𑑅 𑐖𑐸𑐂𑐐𑐸 𑐖𑐹𑐐𑐸 𑐡𑐸 𑑋 𑐰𑑄𑐐𑐸 𑐗𑐶𑑄𑐏𑐸𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐣𑐾𑐰𑐵𑑅 𑐨𑐵𑐫𑑂, 𑐎𑐮𑐵, 𑐟𑐖𑐶𑐮𑐖𑐶 𑐁𑐡𑐶 𑐫𑐵𑐟 𑐮𑑂𑐫𑑄𑐎𑐵𑑅𑐟𑐫𑐾𑐐𑐸 𑐰 𑐣𑑂𑐴𑐹𑐥𑐸𑐳𑑂𑐟𑐵𑐫𑐵𑐟 𑐮𑑅𑐮𑑂𑐴𑐵𑐫𑐾𑐐𑐸 𑐁𑐖𑐸𑐎𑐠𑑄 𑐮𑑂𑐫𑐵𑐫𑐩𑑂𑐴𑐟𑐫𑐐𑐸 𑐣𑐸𑐐𑑅 𑐳𑐵𑐮𑐾𑐟 𑐟𑐵𑑅𑐮𑐵𑐣𑐵𑐔𑑂𑐰𑑄𑐐𑐸 𑐠𑐸𑐐𑐸 𑐎𑐵𑐳𑐵 𑐠𑐸𑐐𑐸𑐳𑐷𑐫𑐵 𑐗𑐶𑑄𑐣𑑂𑐫𑐵𑐎𑑂𑐰𑑅𑐏𑐸𑐳𑐷 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐐𑐸𑐣𑐾 𑐴𑐮𑐶𑑄𑐣𑑂𑐫𑑄𑐎 𑐩𑐴𑐵𑐩𑐵𑐬𑐷𑐫𑐵 𑐬𑐸𑐥𑑄 𑐣𑑂𑐫𑐣𑐵𑐔𑑂𑐰𑑄𑐐𑐸 𑐎𑑀𑐬𑐵𑐣𑐵 𑐨𑐵𑐂𑐬𑐳 (𑐎𑑀𑐨𑐶𑐜–𑑑𑑙) 𑐫𑐵 𑐴𑐸𑐣𑐶𑑄 𑐠𑐸𑐐𑐸 𑐎𑐵𑐳𑐵 𑐖𑐸𑐂𑐩𑐦𑐸𑐐𑐸 𑐏𑑅 𑑋

𑐎𑑀𑐨𑐶𑐜𑐫𑐵 𑐴𑐸𑐣𑐶𑑄 𑐴𑐾 𑐖𑐸𑐂𑐩𑐵: 𑐠𑐸𑐐𑐸𑐳𑐷 𑐧𑑂𑐰𑐟𑐶 𑐎𑐫𑐵𑐡𑐷𑐥𑐶𑑄 𑐣𑑄 𑐟𑐳𑐎𑑄 𑐩𑑂𑐴𑑀 𑐖𑐎 𑐡𑐸 𑑋 𑐩𑐸𑐎𑑂𑐎𑑄 𑐗𑐶𑑄𑐏𑐸𑐩𑑂𑐴𑐾𑐳𑐶𑐣𑑄 𑐧𑑂𑐰𑐟𑐶 𑐎𑐫𑐵 𑐟𑐵𑐮𑐶𑐩𑐫𑑂 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐏𑑅𑐳𑐵𑑄 𑐧𑐶𑐖𑑄𑐎𑐵𑐳𑐵 𑐮𑐶𑐎𑑂𑐎 𑐰𑑅𑐮𑐶𑐳𑐾𑑄 𑐩𑐾𑐥𑐶𑑄 𑐳𑑂𑐰𑐩𑑂𑐴 𑐣𑑄 𑐎𑐵𑐳𑐵𑐫𑑂 𑐡𑐸𑐠𑑂𑐫𑐵𑐎𑐾 𑐩𑐦𑐂𑐐𑐸 𑐢𑐵𑑅𑐐𑐸 𑐡𑐸 𑑋 𑐁𑑅 𑐩𑐸𑐎𑑂𑐎𑑄 𑐗𑐶𑑄𑐳𑑂𑐰𑐩𑑂𑐴 𑐩𑐫𑐖𑐸𑐥𑐶𑑄𑐳𑑄 𑐠𑐸𑐐𑐸𑐳𑐷 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐧𑐶𑐖𑑄 𑐎𑐵𑐳𑐵𑐫𑑂 𑐢𑐾𑑄𑐢𑐾𑑄𑐧𑐮𑑂𑐮𑐵 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋

𑐨𑐵𑐖𑐸 𑐬𑑀𑐖𑐾𑐣 𑐱𑐵𑐎𑑂𑐫 𑐰 𑐩𑐶𑐳 𑐣𑐾𑐰𑐵𑑅 𑑒𑑐𑑑𑑑 𑐟𑑂𑐫𑐵𑐎𑐵𑐡𑐷𑐩𑑂𑐴 𑐩𑐫𑐖𑐸 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐥𑑂𑐬𑐱𑐶𑐎𑑂𑐲𑐞 𑐧𑐶𑐫𑐵𑐡𑐷𑐐𑐸 𑐠𑐸𑐐𑐸𑐳𑐷𑐫𑐵 𑐎𑐵𑐳𑐵 𑐰𑑄𑐐𑐸 𑐳𑐶𑐮𑑂𑐮𑐵𑐠𑑂𑐰 𑐳𑐥𑑂𑐟𑐩𑐶 (𑐦𑐵𑐐𑐸𑐣 𑑗 𑐐𑐟𑐾) 𑐏𑐸𑐣𑑂𑐴𑐸 𑐧𑐶𑐖𑑄 𑐎𑐵𑐳𑐵 𑐖𑐸𑐂𑐐𑐸 𑐢𑐎𑐵𑑅 𑐳𑐸𑐔𑑄 𑐧𑑂𑐫𑐹𑐐𑐸 𑐏𑑅 𑑋 𑐟𑐬 𑐰𑐏𑐸𑐣𑑂𑐴𑐸 𑐥𑑂𑐬𑐖𑐵𑐟𑐣𑑂𑐟𑑂𑐬 𑐡𑐶𑐰𑐳 𑐖𑐸𑐫𑐵 𑐧𑐶𑐖𑑄 𑐎𑐵𑐳𑐵 𑐖𑐸𑐂𑐐𑐸 𑐠𑐵𑐫𑑂 𑐥𑑂𑐬𑐖𑑂𑐘𑐵 𑐥𑑂𑐬𑐟𑐶𑐲𑑂𑐛𑐵𑐣𑐫𑑂 𑐣𑐾𑐥𑐵𑐮 𑐳𑐬𑐎𑐵𑐬𑑄 𑐠𑑅𑐐𑐸 𑐖𑑂𑐫𑐵𑐗𑑂𑐰𑑅 𑐟𑑅𑐐𑐸𑐮𑐶𑑄 𑐴𑐮 𑐩𑐡𑐫𑐵 𑐕𑐰𑐵𑑅 𑐮𑐶𑐖𑑂𑐫𑐵𑑅𑐐𑐸 𑐏𑑅 𑑋 𑐟𑐵𑐮𑐶𑐩 𑐖𑑂𑐰𑑅𑐕𑐶 𑐥𑑂𑐬𑐱𑐶𑐎𑑂𑐲𑐎𑐥𑐶𑑄𑐳𑑄 𑐠𑐷𑐠𑐷 𑐣𑐾𑐰𑐵𑑅 𑐣𑐳𑐵 (𑐨𑑂𑐰𑐫𑑂) 𑐟𑐵𑑅𑐮𑐵𑐎𑐾𑐐𑐸, 𑐳𑐰𑐵𑑅𑐮𑐵𑐏 𑐩𑐟 𑐔𑑂𑐫𑐵𑐎𑐾𑐐𑐸, 𑐠𑐷𑐠𑐷 𑐣𑐾𑐰𑐵𑑅 𑐧𑐳𑑂𑐟𑐶 𑐔𑐵𑑅𑐴𑐶𑐮𑐾𑐐𑐸𑐮𑐶𑐳𑐾𑑄 𑐠𑑅𑐎𑐾 𑐡𑐸𑐐𑐸 𑐥𑑂𑐬𑐟𑐶𑐨𑐵 𑐣𑑂𑐴𑑂𑐫𑐧𑑂𑐰𑐫𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐏𑑅𑑋

𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐧𑐶𑐖𑑄 𑐎𑐵𑐳𑐵𑐫𑑂 𑐫𑐮 𑐮𑐸𑑃𑐴𑐶𑐟𑐶𑐫𑐵 𑐥𑑂𑐬𑐶𑐫𑐵 𑐟𑐞𑑂𑐜𑐸𑐎𑐵𑐬, 𑐫𑐾𑑃𑐫𑑂 𑐣𑐎𑑂𑐳𑐵𑐮𑐫𑐵 𑐳𑑂𑐰𑐷𑐎𑐺𑐟𑐶 𑐩𑐴𑐬𑑂𑐖𑐣, 𑐫𑐾𑑃𑐫𑑂 𑐩𑐿𑐟𑐶𑐫𑐵 𑐩𑐣𑐶𑐎𑐵 𑐏𑐜𑑂𑐐𑐷, 𑐫𑐮 𑐎𑐸𑐩𑐵𑐬𑐷𑐥𑐵𑐚𑐷𑐫𑐵 𑐩𑐣𑐶𑐲𑐵 𑐩𑐴𑐬𑑂𑐖𑐣, 𑐫𑐾𑑃𑐫𑑂 𑐎𑐵𑐚𑐾𑐱𑑂𑐰𑐬𑐫𑐵 𑐊𑐣𑑂𑐖𑐶𑐮𑐵 𑐀𑐰𑐵𑐮𑐾, 𑐫𑐮 𑐏𑑂𑐰𑐣𑐵𑐫𑐵 𑐬𑑀𑐴𑐶𑐣𑐵 𑐩𑐴𑐬𑑂𑐖𑐣, 𑐫𑐾𑑃𑐫𑑂 𑐥𑐸𑐟𑐮𑐶 𑐳𑐟𑐎𑐫𑐵 𑐬𑐸𑐔𑐶𑐎𑐵 𑐟𑐞𑑂𑐜𑐸𑐎𑐵𑐬, 𑐫𑐾𑑃𑐫𑑂 𑐜𑐮𑑂𑐮𑐸𑐫𑐵 𑐎𑐺𑐲𑐵 𑐩𑐴𑐬𑑂𑐖𑐣, 𑐫𑐾𑑃𑐫𑑂 𑐎𑐮𑑄𑐎𑐷𑐫𑐵 𑐎𑐺𑐲𑑂𑐚𑐶𑐣𑐵 𑐩𑐴𑐬𑑂𑐖𑐣, 𑐫𑐮 𑐳𑐸𑐣𑐵𑐎𑐸𑐠𑐶𑐫𑐵 𑐬𑐶𑐣𑐵 𑐩𑐴𑐬𑑂𑐖𑐣, 𑐫𑐾𑑃𑐫𑑂 𑐧𑐵𑐮𑐵𑐖𑐸𑐫𑐵 𑐱𑑂𑐬𑐺𑐖𑐵 𑐬𑐘𑑂𑐖𑐶𑐟𑐎𑐵𑐬, 𑐫𑐾𑑃𑐫𑑂 𑐀𑐳𑑄𑐫𑐵 𑐳𑑁𑐬𑑂𑐫 𑐱𑐵𑐴𑐷 𑐰 𑐫𑐾𑑃𑐫𑑂 𑐐𑐞𑐧𑐴𑐵𑑅𑐫𑐵 𑐮𑐾𑐣𑐶𑐎𑐵 𑐜𑑄𑐐𑑀𑐮 𑐡𑐠𑐸𑐂 𑐢𑐾𑑄𑐢𑐾𑑄𑐧𑐮𑑂𑐮𑐵 𑐖𑐸𑐂𑐐𑐸 𑐏𑑅𑑋

𑐱𑐣𑐶𑐰𑐵𑑅 𑐣𑑂𑐴𑐶𑐣𑐳𑐶𑐫𑐵 𑑓 𑐟𑐵𑑅𑐂𑐮𑑄𑐣𑐶𑐳𑐾𑑄 𑐫𑐾𑑃𑐫𑑂 𑐥𑑂𑐬𑐖𑑂𑐘𑐵 𑐨𑐰𑐣𑐫𑑂 𑐣𑑂𑐴𑑂𑐫𑐵𑐂𑐐𑐸 𑐠𑐸𑐐𑐸 𑐎𑐵𑐳𑐵𑐫𑐵 𑐀𑐦𑐶𑐳𑐶𑐫𑐮 𑐳𑐵𑐩𑐵𑐖𑐶𑐎 𑐳𑐘𑑂𑐖𑐵𑐮 “𑐣𑐾𑐰𑐵𑑅 𑐥𑑂𑐬𑐵𑐂𑐜" 𑐦𑐾𑐳𑐧𑐸𑐎 𑐥𑐾𑐖𑐥𑐵𑐏𑐾𑑄 𑐟𑐥𑑂𑐫𑑄𑐎 𑐥𑑂𑐬𑐱𑐵𑐬𑐞 𑐫𑐵𑐂𑐐𑐸 𑐖𑐹𑐐𑐸 𑐡𑐸 𑑋

Related Stories

𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅
𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸
𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮
𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐧𑐶𑐖𑑄𑐎𑐵𑐳𑐵 𑐮𑐶𑐖𑑂𑐫𑐵𑐟

More Stories Like this

𑐩𑐶𑐳 𑐣𑐾𑐰𑐵𑑅 𑐖𑐶𑐐𑐸 𑐮𑐸𑐩𑐣𑑂𑐟𑐶 𑐰 𑐀𑐣𑐸𑐨𑐰
𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸
𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄
𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅