Read news in NepalBhasa text-- www.hamroschool.com back 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐧𑐶𑐖𑑄𑐎𑐵𑐳𑐵 𑐮𑐶𑐖𑑂𑐫𑐵𑐟


𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐧𑐶𑐖𑑄𑐎𑐵𑐳𑐵 𑐮𑐶𑐖𑑂𑐫𑐵𑐟



𑐣𑐾𑐥𑑂𑐮𑐶𑐖 𑐦𑐾𑐳𑐣 𑐴𑑀𑐩𑐫𑐵 𑐐𑑂𑐰𑐳𑐵𑐮𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐧𑐶𑐖𑑄𑐎𑐵𑐳𑐵 (𑐦𑐵𑐂𑐣𑐮) 𑐫𑐵 𑐣𑑂𑐴𑐶 𑐮𑐶𑐖𑑂𑐫𑐵𑑅𑐐𑐸 𑐡𑐸 𑑋 𑐣𑐾𑐰𑐵𑑅 𑐨𑐵𑐫𑑂, 𑐟𑐖𑐶𑐮𑐖𑐶𑐮𑐶𑐳𑐾𑑄 𑐣𑐾𑐰𑐵𑑅𑐫𑐵 𑐳𑐎𑐟𑐵𑑄 𑐏𑑃𑐫𑐵 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐫𑐵𑐫𑐾𑐐𑐸, 𑐣𑑂𑐴𑐹𑐥𑐸𑐳𑑂𑐟𑐵𑐫𑐵𑐟 𑐳𑑂𑐫𑐣𑐾𑐎𑐣𑐾 𑐫𑐵𑐫𑐾𑐐𑐸𑐮𑐶𑐳𑐾𑑄 𑐮𑑂𑐫𑑄𑐎𑐵 𑐟𑐫𑐾𑐐𑐸 𑐟𑐵𑐟𑐸𑐣𑐵𑑄 𑐡𑑃𑐫𑐡𑐳𑑄 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐩𑐶𑐳 𑐣𑐾𑐰𑐵𑑅 𑐎𑐵𑐳𑐵 𑐠𑐸𑐐𑐸𑐳𑐷 𑑑𑑕 𑐎𑑂𑐰𑑅𑐐𑐸𑐏𑐸𑐱𑐷 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐏𑑅 𑑋

𑐁𑑅 𑐠𑐸𑐐𑐸𑐳𑐷𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐵𑐂𑐣𑐮) 𑐠𑑂𑐰𑐴𑐾 𑐰𑐂𑐐𑐸 𑐳𑐶𑐮𑑂𑐮𑐵𑐠𑑂𑐰 𑐥𑐸𑐣𑑂𑐴𑐶 (𑐦𑐵𑐐𑐸𑐣 𑑑𑑕 𑐐𑐟𑐾) 𑐖𑐸𑐂𑐐𑐸 𑐐𑑂𑐰𑐳𑐵𑑅 𑐏𑐮𑐎𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋 𑐳𑐶𑐮𑑂𑐮𑐵𑐠𑑂𑐰 𑐟𑐺𑐟𑐶𑐫𑐵 (𑐦𑐵𑐐𑐸𑐣 𑑗 𑐐𑐟𑐾) 𑐧𑐶𑐖𑑄 𑐎𑐵𑐳𑐵 𑐫𑐾𑑃𑐫𑐵 𑐥𑑂𑐬𑐖𑑂𑐘𑐵 𑐨𑐰𑐣𑐫𑑂 𑐫𑐵𑐫𑐾𑐐𑐸 𑐢𑐎𑐵𑑅 𑐎𑑂𑐰𑑅𑐕𑐶𑐣𑐵𑐟𑑅𑐐𑐸 𑐏𑑅𑐳𑐵𑑄 𑐰𑐏𑐸𑐣𑑂𑐴𑐸 𑐥𑑂𑐬𑐖𑐵𑐟𑐣𑑂𑐟𑑂𑐬 𑐡𑐶𑐰𑐳 𑐖𑐹𑐐𑐸 𑐰 𑐣𑐾𑐥𑐵𑐮 𑐳𑐬𑐎𑐵𑐬𑑄 𑐥𑑂𑐬𑐖𑐵𑐟𑐣𑑂𑐟𑑂𑐬 𑐡𑐶𑐰𑐳𑐫𑐵 𑐖𑑂𑐫𑐵𑐗𑑂𑐰𑑅 𑐟𑑅𑐐𑐸𑐮𑐶𑑄 𑐠𑑅𑐐𑐸 𑐖𑑂𑐫𑐵𑐗𑑂𑐰𑑅 𑐮𑐶𑐖𑑂𑐫𑐵𑐎𑐾𑐩𑐵𑑅𑐐𑐸 𑐐𑑂𑐰𑐳𑐵: 𑐏𑐮𑑅 𑐣𑐾𑐥𑑂𑐮𑐶𑐖 𑐦𑐾𑐳𑐣 𑐴𑑀𑐩𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐏𑑅 𑑋

𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑑂 𑐧𑑂𑐰𑐟𑐶𑐎𑐵𑑅𑐩𑐶𑐥𑐶𑑄𑐟 𑐣𑑂𑐴𑐶𑐫𑐵𑐣𑑂𑐴𑐶𑐠𑑄 𑐴𑐾 𑐟𑐵𑐮𑐶𑐩 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐠𑐸𑐐𑐸 𑐎𑐵𑐳𑐵𑐫𑐵 𑐠𑐷𑐠𑐷 𑐰𑐶𑐢𑐵𑐟 𑐩𑐢𑑂𑐫𑐾 𑐰𑑄𑐐𑐸 𑐥𑑀𑐴𑐾𑐮𑐵𑐐𑐵 𑐡𑐸𑐟𑐶𑐫𑐵 (𑐩𑐵𑐑 𑑑𑑗 𑐐𑐟𑐾) 𑐎𑐶𑐥𑐹𑐫𑐵 𑐳𑐳𑑅𑐟𑑂𑐰𑐵𑐮𑐫𑑂 "𑐚𑑂𑐫𑐵𑐮𑐾𑐣𑑂𑐚 𑐱𑑀" 𑐎𑑂𑐰𑐔𑐵𑐫𑐾𑐎𑐾 𑐢𑐸𑑄𑐎𑐹𑐐𑐸 𑐡𑐸 𑑋

Related Stories

𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮
𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅
𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸