Read news in NepalBhasa text-- www.hamroschool.com back 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮


𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮



𑐣𑐾𑐰𑐵𑑅 𑐨𑐵𑐫𑑂, 𑐟𑐖𑐶𑐮𑐖𑐶𑐮𑐶𑐳𑐾𑑄 𑐣𑐾𑐰𑐵𑑅𑐫𑐵 𑐳𑐎𑐟𑐵𑑄 𑐏𑑃𑐫𑐵 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐫𑐵𑐫𑐾𑐐𑐸, 𑐣𑑂𑐴𑐹𑐥𑐸𑐳𑑂𑐟𑐵𑐫𑐵𑐟 𑐳𑑂𑐫𑐣𑐾𑐎𑐣𑐾 𑐫𑐵𑐫𑐾𑐐𑐸𑐮𑐶𑐳𑐾𑑄 𑐮𑑂𑐫𑑄𑐎𑐵 𑐟𑐫𑐾𑐐𑐸 𑐟𑐵𑐟𑐸𑐣𑐵𑑄 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑑂𑐰𑐔𑐵𑑅𑐐𑐸 𑐡𑐸 𑑋 𑐣𑐾𑐥𑑂𑐮𑐶𑐖 𑐦𑐾𑐳𑐣 𑐴𑑀𑐩𑐫𑐵 𑐐𑑂𑐰𑐳𑐵𑐮𑐫𑑂 𑐡𑑃𑐫𑑂​𑐡𑐳𑑄 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐩𑐶𑐳 𑐣𑐾𑐰𑐵𑑅 𑐎𑐵𑐳𑐵 𑐠𑐸𑐐𑐸𑐳𑐷 𑐗𑐶𑑄𑐣𑑂𑐫𑐵𑐎𑑂𑐰𑑅𑐐𑐸 𑐏𑑅𑐳𑐵 𑐠𑐸𑐎𑐶𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐹𑐫𑐵 𑐣𑐎𑐟𑐶𑐣𑐶 𑐡𑐫𑐾𑐎𑐵𑐔𑑂𑐰𑑄𑐐𑐸 𑐳𑐳𑑅𑐟𑑂𑐰𑐵𑐮𑐫𑑂 𑐎𑑂𑐰𑐔𑐵𑑅𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐬𑐩𑐾𑐱 𑐩𑐴𑐬𑑂𑐖𑐣𑑄 𑐟𑑂𑐰𑐵𑑅𑐡𑐾𑐰𑐵𑐫𑑂 𑐩𑐟 𑐔𑑂𑐫𑐵𑐎𑐵 𑐄𑐮𑐾𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑑂 𑐧𑑂𑐰𑐟𑐶 𑐎𑐫𑐵𑐡𑐷𑐥𑐶𑑄 𑐗𑐶𑑄𑐥𑑂𑐫𑐩𑑂𑐴𑐾𑐳𑐶𑐣𑑄 𑐠𑑅𑐠𑑅𑐐𑐸 𑐥𑑂𑐬𑐟𑐶𑐨𑐵 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋 𑐧𑑂𑐰𑐟𑐶 𑐎𑐫𑐵𑐡𑐷𑐥𑐶𑑄 𑐩𑐢𑑂𑐫𑐾 𑐣𑑂𑐴𑐫𑑂​𑐩𑑂𑐴𑐳𑐶𑐣𑑄 𑐁𑐢𑐸𑐣𑐶𑐎 𑐣𑐾𑐥𑐵𑐮𑐨𑐵𑐲𑐵𑐫𑐵 𑐩𑑂𑐫𑐾𑐫𑑂 𑐴𑐸𑐮𑐵 𑐥𑑂𑐫𑐵𑐏𑑄 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅𑐳𑐵 𑐕𑐩𑑂𑐴𑐾𑐳𑐶𑐣𑑄 𑐎𑐸𑐩𑐵𑐬𑐷 𑐔𑐬𑑂𑐫𑐵 𑐥𑑂𑐫𑐵𑐏𑑄 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅 𑑋 𑐀𑐠𑐾𑐴𑐾 𑐀𑑄𑐐𑑂𑐬𑐾𑐖𑐷 𑐨𑐵𑐳𑑄 𑐕𑐩𑑂𑐴 𑐰 𑐣𑐾𑐰𑐵𑑅 𑐨𑐵𑐳𑑄 𑐕𑐩𑑂𑐴 𑐫𑐵𑐣𑐵 𑐣𑐶𑐩𑑂𑐴𑐾𑐳𑐶𑐣𑑄 𑐔𑐶𑐣𑐵𑐏𑑃 𑐣𑑂𑐴𑑂𑐫𑐧𑑂𑐰𑑅𑐐𑐸 𑐏𑑅𑐳𑐵 𑐧𑐵𑑃𑐎𑐷𑐥𑐶𑑄𑐳𑑄 𑐁𑐬𑑂𑐚, 𑐧𑐵𑑃𑐳𑐸𑐬𑐷𑐫𑐵 𑐢𑐹𑐣, 𑐳𑐶𑐟𑐶𑑄 𑐰𑐣𑐵𑐔𑑂𑐰𑑄𑐐𑐸 𑐥𑑂𑐮𑐵𑐲𑑂𑐚𑐶𑐎𑐥𑐵𑐏𑐾𑑄 𑐳𑑂𑐰𑐵𑑄 𑐡𑐫𑐾𑐎𑐾𑐐𑐸 𑐎𑐮𑐵 𑐰 𑐨𑑂𑐰𑐵𑐂𑐮𑐶𑐣𑐫𑐵 𑐢𑐹𑐣 𑐣𑑂𑐴𑑂𑐫𑐧𑑂𑐰𑐫𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑑅𑐫𑐵 𑐩𑐹𑐥𑐵𑐴𑐵𑑄 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵𑐫𑐵 𑐥𑑂𑐬𑐩𑐸𑐏 𑐩𑐴𑐬𑑂𑐖𑐣𑑄 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐮𑑂𑐫𑐖𑑂𑐫𑐵𑐩𑐶𑐥𑐶𑑄𑐟 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅𑐳𑐵 𑐥𑐵𑐴𑐵𑑄𑐥𑐶𑑄 𑐎𑐶𑐥𑐹 𑐣𑐐𑐬𑐥𑐵𑐮𑐶𑐎𑐵 𑐰𑐜𑐵 𑐣𑑄 𑑑𑑐 𑐫𑐵 𑐀𑐢𑑂𑐫𑐎𑑂𑐲 𑐀𑐩𑐣 𑐩𑐴𑐬𑑂𑐖𑐣, 𑐎𑐷𑐬𑑂𑐟𑐶𑐥𑐸𑐬 𑐄𑐡𑑂𑐫𑑀𑐐 𑐧𑐵𑐞𑐶𑐖𑑂𑐫 𑐳𑑄𑐑𑐫𑐵 𑐀𑐢𑑂𑐫𑐎𑑂𑐲 𑐬𑐵𑐖𑑂𑐫𑐮𑐎𑑂𑐲𑑂𑐩𑐷 𑐱𑐵𑐎𑑂𑐫, 𑐳𑐳𑑅𑐟𑑂𑐰𑐵𑑅𑐫𑐵 𑐀𑐢𑑂𑐫𑐎𑑂𑐲 𑐦𑐶𑐬𑑀𑐖 𑐳𑐶𑑄𑐴𑐫𑐵𑐟 𑐣𑑄 𑐩𑐟𑐶𑐣𑐵𑐫𑐵 𑐔𑐶𑑄 𑐮𑑅𑐮𑑂𑐴𑐵𑐣𑐵𑐡𑐷𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑐮𑐫𑑂 𑐠𑑅𑐐𑐸 𑐣𑐸𑐐𑑅 𑐏𑑃 𑐟𑐫𑐵𑐡𑐶𑐳𑐾𑑄 𑐩𑐹𑐥𑐴𑐵𑑃 𑐩𑐴𑐬𑑂𑐖𑐣𑑄 𑐣𑐾𑐥𑐵𑐮𑐨𑐵𑐲𑐵𑐫𑐵 𑐄𑐟𑑂𑐠𑐵𑐣𑐫𑐵 𑐮𑐵𑐐𑐶 𑐩𑐡𑑂𑐡𑐶𑐎𑑂𑐎 𑐣𑑂𑐴𑑂𑐫𑐔𑐶𑐮𑐵 𑐔𑑂𑐰𑐣𑐵𑐡𑐷𑐐𑐸𑐮𑐶𑑄 𑐣𑐾𑐥𑑂𑐮𑐶𑐖 𑐦𑐾𑐳𑐣 𑐴𑑀𑐩𑐫𑐵𑐟 𑐳𑐸𑐨𑐵𑐫𑑂 𑐧𑐶𑐫𑐵𑐡𑐶𑐮 𑑋 𑐩𑐹𑐥𑐵𑐴𑐵𑑄 𑐩𑐴𑐬𑑂𑐖𑐣𑑄 𑐣𑐾𑐰𑐵𑑅 𑐩𑐶𑐳𑐵𑐟𑐫𑑂𑐐𑐸 𑐥𑑂𑐬𑐟𑐶𑐨𑐵 𑐧𑑂𑐰𑐫𑐾𑐐𑐸 𑐂𑐨𑐾𑐣𑑂𑐚 𑐎𑐠𑑄 𑐕𑐐𑐹 𑐩𑑄𑐎𑐵𑑅 𑐡𑐧𑐹 𑐡𑐫𑐾𑐎𑐵𑐔𑑂𑐰𑑄𑐐𑐸 𑐟𑐳𑐎𑑄 𑐩𑐴𑐟𑑂𑐰 𑐡𑐸𑐐𑐸 𑐏𑑃 𑐢𑐫𑐵𑐡𑐶𑐳𑐾𑑄 𑐠𑐸𑐎𑐷 𑐧𑑂𑐰𑐟𑐶 𑐎𑐫𑐵𑐡𑐷𑐥𑐶𑑄 𑐳𑐎𑐮𑐳𑐶𑐟 𑐨𑐶𑑄𑐟𑐸𑐣𑐵 𑐡𑐾𑐕𑐵𑐣𑐵𑐡𑐶𑐮 𑑋

𑐐𑑂𑐰𑐳𑐵𑑅 𑐏𑐮𑑅 𑐣𑐾𑐥𑑂𑐮𑐶𑐖 𑐦𑐾𑐳𑐣 𑐴𑑀𑐩𑐫𑐵 𑐀𑐢𑑂𑐫𑐎𑑂𑐲 𑐴𑐾𑐩𑐵 𑐩𑐵𑐣𑐣𑑂𑐢𑐬𑑄 𑐠𑑂𑐰 𑐳𑐴𑐶𑐟 𑐗𑐶𑑄𑐣𑑂𑐫𑐵𑐎𑑂𑐰𑑅𑐏𑐸𑐳𑐷 𑐩𑐶𑐳 𑐣𑐾𑐰𑐵𑑅 𑐫𑐵𑐫𑐾 𑐢𑐸𑐣𑐵𑐐𑐸 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐶𑐳𑐾𑑄 𑐩𑐶𑐳 𑐣𑐾𑐰𑐵𑑅 𑐫𑐵𑐫𑐾𑐩𑐵𑑅𑐐𑐸 𑐁𑐰𑐱𑑂𑐫𑐎𑐟𑐵 𑐰 𑐩𑐴𑐟𑑂𑐰𑐫𑐵 𑐧𑐵𑐬𑐾 𑐢𑑂𑐰𑐵𑐠𑐸𑐂𑐎𑐵 𑐡𑐷𑐐𑐸 𑐏𑑅 𑑋 𑐠𑐸𑐐𑐸 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀𑐫𑐵𑐟 𑐐𑑂𑐰𑐳𑐵𑑅 𑐏𑐮𑑅𑐫𑐵 𑐀𑐦𑐶𑐳𑐶𑐫𑐮 𑐳𑐵𑐩𑐵𑐖𑐶𑐎 𑐳𑑄𑐖𑐵𑐮 𑐣𑐾𑐰𑐵𑑅 𑐥𑑂𑐬𑐵𑐂𑐜𑐥𑐵𑐏𑐾𑑄 𑐟𑐥𑑂𑐫𑑄𑐎 𑐥𑑂𑐬𑐱𑐵𑐬𑐞 𑐖𑐹𑐐𑐸 𑐏𑑅 𑑋 𑐖𑑂𑐫𑐵𑐗𑑂𑐰𑑅 𑐳𑐣𑑂 𑑒𑑐𑑑𑑑 𑐫𑐵 𑐩𑐶𑐳 𑐣𑐾𑐰𑐵𑑅 𑐚𑐵𑐂𑐚𑐮 𑐟𑑂𑐫𑐵𑐎𑐵𑐡𑐷𑐩𑑂𑐴 𑐩𑐫𑑂​𑐖𑐸 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐣𑑂𑐴𑑂𑐫𑐵𑐎𑐵𑐡𑐷𑐐𑐸 𑐏𑑅 𑑋

𑐠𑐸𑐐𑐸 𑐚𑑂𑐫𑐵𑐮𑐾𑐣𑑂𑐚 𑐱𑑀𑐫𑐵 𑐰𑐶𑐖𑐫𑐷 𑐠𑑂𑐰𑐴𑐾 𑐰𑐂𑐐𑐸 𑑑𑑑𑑔𑑑 𑐳𑐶𑐮𑑂𑐮𑐵𑐠𑑂𑐰 𑐳𑐥𑑂𑐟𑐩𑐶 (𑑒𑑐𑑗𑑗 𑐦𑐵𑐐𑐸𑐣 𑑗 𑐐𑐟𑐾) 𑐖𑐸𑐂𑐐𑐸 𑐩𑐶𑐳 𑐣𑐾𑐰𑐵𑑅𑑑𑑑𑑔𑑑 𑐫𑐵 𑐧𑐶𑐖𑑄 𑐎𑐵𑐳𑐵𑐫𑑂 𑐑𑑀𑐲𑐞𑐵 𑐫𑐵𑐂𑐐𑐸 𑐏𑑅 𑑋

Related Stories

𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅
𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸

More Stories Like this

𑐩𑐶𑐳 𑐣𑐾𑐰𑐵𑑅 𑐖𑐶𑐐𑐸 𑐮𑐸𑐩𑐣𑑂𑐟𑐶 𑐰 𑐀𑐣𑐸𑐨𑐰
𑐩𑐶𑐳 𑐣𑐾𑐰𑐵𑑅𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐶𑐣𑐵𑐮𑐾) 𑐱𑐣𑐶𑐰𑐵𑑅 𑐖𑐸𑐂𑐐𑐸
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸
𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄
𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅