Read news in NepalBhasa text-- www.hamroschool.com back 𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄


𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄



𑐩𑑂𑐴𑐫𑐵 𑐳𑐸𑐣𑑂𑐡𑐬𑐟𑐵𑐮𑐶𑐳𑐾𑑄 𑐧𑑁𑐡𑑂𑐢𑐶𑐎 𑐰 𑐩𑐾𑐩𑐾𑐐𑐸 𑐣𑑄 𑐏𑑃𑐫𑑂 𑐣𑑄 𑐰𑐶𑐖𑑂𑐘𑐟𑐵 𑐡𑐫𑐾𑐎𑐾𑐫𑐵 𑐣𑐶𑐟𑐶𑑄 𑐣𑐾𑐰𑐵𑑅 𑐏𑑂𑐫𑐮𑐫𑑂 𑐣𑑂𑐴𑑂𑐫𑐵𑐣𑐵𑐔𑑂𑐰𑑄𑐐𑐸 𑐕𑐐𑐹 𑐖𑑂𑐰𑑅𑐩𑐡𑐸𑐐𑐸 𑐖𑑂𑐫𑐵𑐗𑑂𑐰𑑅𑐏𑑅 𑐩𑐶𑐳 𑐣𑐾𑐰𑐵𑑅 𑑋 𑐣𑐾𑐥𑐮𑐶𑐖 𑐦𑐾𑐱𑐣 𑐴𑑀𑐩𑐫𑐵 𑐐𑑂𑐰𑐳𑐵𑐮𑐫𑑂 𑐡𑑃𑐫𑑂𑐡𑐳𑑄 𑐫𑐵𑐣𑐵𑐔𑑂𑐰𑑄𑐐𑐸 𑐩𑐶𑐳 𑐣𑐾𑐰𑐵𑑅 𑐎𑐵𑐳𑐵 𑐠𑐐𑐸𑐣𑐾 𑐢𑐵𑑅𑐳𑐵 𑐰𑐶𑐱𑑂𑐰 𑐩𑐴𑐵𑐩𑐵𑐬𑐷𑐫𑐵 𑐬𑐸𑐥𑑄 𑐣𑑂𑐫𑐣𑐵𑐰𑑄𑐐𑐸 𑐎𑑀𑐬𑑀𑐣𑐵 𑐨𑐵𑐂𑐬𑐳 (𑐎𑑀𑐨𑐶𑐜–𑑑𑑙)𑐫𑐵 𑐴𑐸𑐣𑐶𑑄 𑐡𑐶𑐎𑐾𑐩𑐵𑑅𑐐𑐸 𑐏𑑅𑐳𑐵 𑐠𑑂𑐰 𑐡𑑃𑐫𑑂 𑐢𑐵𑑅𑐳𑐵 𑐴𑐵𑐎𑐣𑑄 𑐣𑑂𑐴𑑂𑐫𑐵𑐎𑐹𑐐𑐸 𑐡𑐸 𑑋

𑐠𑐸𑐐𑐸 𑐡𑑃𑐫𑑂 𑐩𑐸𑐎𑑂𑐎𑑄 𑐗𑐶𑑄𑐏𑐸𑐩𑑂𑐴𑐾𑐳𑐶𑐣𑑄 𑐖𑐎 𑐠𑑂𑐰 𑐢𑐾𑑄𑐢𑐾𑑄 𑐧𑐮𑑂𑐮𑐵 𑐎𑐵𑐳𑐵𑐫𑑂 𑐧𑑂𑐰𑐟𑐶 𑐎𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐣𑐾𑐰𑐵𑑅𑐟𑐫𑑂​𑐐𑐸 𑐩𑑁𑐮𑐶𑐎 𑐳𑑄𑐳𑑂𑐎𑐵𑐬, 𑐮𑐶𑐥𑐶, 𑐟𑐖𑐶𑐮𑐖𑐶 𑐡𑐎𑑂𑐰𑑄 𑐧𑐿𑐖𑑂𑐘𑐵𑐣𑐶𑐎𑐟𑐵 𑐡𑐸𑐐𑐸 𑐠𑐸𑐐𑐸 𑐏𑑃𑐫𑐵𑐟 𑐴𑐮𑐶𑑄𑐣𑑂𑐫𑑄𑐎 𑐥𑑂𑐬𑐔𑐵𑐬 𑐥𑑂𑐬𑐳𑐵𑐬 𑐫𑐵𑐫𑐾𑐐𑐸 𑐕𑐐𑐹 𑐧𑐵𑑄𑐮𑐵𑑅𑐐𑐸 𑐖𑑂𑐫𑐵𑐗𑑂𑐰𑑅 𑐠𑑂𑐰 𑐩𑐶𑐳 𑐣𑐾𑐰𑐵𑑅 𑐎𑐵𑐳𑐵 𑐏𑑅 𑑋 𑐣𑐾𑐰𑐵𑑅𑐟𑐫𑑂​𑐐𑐸 𑐩𑑁𑐮𑐶𑐎 𑐳𑑄𑐳𑑂𑐎𑐵𑐬 𑐳𑐴𑐶𑐟 𑐠𑐷𑐠𑐷 𑐏𑑃𑐟 𑐣𑑂𑐴𑐹 𑐥𑐸𑐳𑑂𑐟𑐵𑐫𑐵𑐟 𑐳𑑂𑐫𑐣𑐾𑐟 𑐠𑑁𑑄𑐎𑐣𑑂𑐴𑐫𑑂 𑐐𑑂𑐰𑐳𑐵𑑅 𑐏𑐮𑑅 𑐣𑐾𑐥𑐮𑐶𑐖 𑐦𑐾𑐱𑐣 𑐴𑑀𑐩𑐫𑐵 𑐠𑑅𑐐𑐸 𑐴𑐾 𑐖𑑂𑐫𑐵𑐎𑐹 𑐫𑐾𑑃𑐫𑐵 𑐜𑐶𑐮𑑂𑐮𑐷𑐧𑐖𑐵𑐬𑐫𑑂 𑐩𑐶𑐳 𑐣𑐾𑐰𑐵𑑅 𑐎𑐵𑐳𑐵𑐫𑑂 𑐧𑑂𑐰𑐟𑐶𑐎𑐫𑐵𑐔𑑂𑐰𑑄𑐥𑐶𑑄 𑐩𑐫𑑂​𑐖𑐸𑐥𑐶𑑄𑐟 𑐟𑐵𑐮𑐶𑐩 𑐧𑐷𑐐𑐸 𑐖𑑂𑐫𑐵 𑐣𑑂𑐴𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐐𑐸 𑐟𑐵𑐮𑐶𑐩𑐫𑑂 𑐨𑐵𑐖𑐸 𑐬𑑀𑐖𑐾𑐣 𑐱𑑂𑐬𑐾𑐲𑑂𑐛 𑐰 𑐩𑐶𑐳 𑐣𑐾𑐰𑐵𑑅 𑐳𑐣𑑂 𑑒𑑐𑑑𑑑 𑐟𑑂𑐫𑐵𑐎𑐵𑐡𑐷𑐩𑑂𑐴 𑐩𑐫𑑂𑐖𑐸 𑐳𑐸𑐣𑐶𑐟𑐵 𑐜𑑄𑐐𑑀𑐮𑑄 𑐠𑐷𑐠𑐷 𑐣𑐾𑐰𑐵𑑅 𑐳𑑄𑐳𑑂𑐎𑐵𑐬𑐫𑐵 𑐏𑑃 𑐟 𑐣𑑄 𑐳𑑂𑐫𑐣𑐵𑐔𑑂𑐰𑑄𑐐𑐸 𑐏𑑅 𑑋

𑐠𑑂𑐰𑐴𑐾 𑐗𑑂𑐰𑐮𑐫𑑂 𑐣𑐾𑐥𑐵𑑅 𑐮𑐐𑐵𑐫𑐟 𑐴𑐮𑐶𑑄𑐣𑑂𑐫𑑄𑐎 𑐀𑐗𑑄 𑐡𑐫𑐵𑐔𑑂𑐰𑐣𑑄𑐐𑐸 𑐎𑑀𑐬𑑀𑐣𑐵 𑐨𑐵𑐂𑐬𑐳𑐫𑐵 𑐩𑐴𑐵𑐩𑐵𑐬𑐷 𑐔𑐶𑐮𑐵 𑐰𑐣𑐾𑐩𑐵 𑐰 𑐴𑐮𑐶𑑄𑐣𑑂𑐫𑑄𑐎 𑐴𑐾 𑐱𑐵𑐣𑑂𑐟𑐶 𑐡𑐫𑐾𑐩𑐵 𑐢𑐎𑐵𑑅 𑐰𑑄𑐐𑐸 𑐰𑐵𑐮𑐫𑑂 𑐮𑐵𑐏 𑐩𑐟 𑐔𑑂𑐫𑐵𑐎𑐾𑐐𑐸 𑐖𑑂𑐫𑐵𑐗𑑂𑐰𑑅 𑐖𑐹𑐐𑐸 𑐏𑑅 𑑋 𑐮𑐵𑐏 𑐩𑐟 𑐔𑑂𑐫𑐵𑐎𑐾𑐐𑐸 𑐕𑐐𑐹 𑐣𑐾𑐰𑐵𑑅𑐟𑐫𑑂​𑐐𑐸 𑐩𑑁𑐮𑐶𑐎 𑐳𑑄𑐳𑑂𑐎𑐵𑐬 𑐣𑑄 𑐏𑑅 𑑋 𑐠𑐠𑐾 𑐫𑐵𑐟 𑐢𑐵𑑅𑐳𑐵 𑐩𑐟𑐶𑐂 𑐟𑑅𑐐𑐸 𑐏𑑃 𑐥𑐹𑐰𑐣𑐷 𑐢𑐂𑐐𑐸 𑐖𑐣𑐰𑐶𑐱𑑂𑐰𑐵𑐳 𑐣𑑄 𑐡𑐸 𑑋 𑐰𑑄𑐐𑐸 𑐰𑐵𑑅𑐱𑐸𑐎𑑂𑐬𑐰𑐵𑑅 𑐰 𑐱𑐣𑐶𑐰𑐵𑑅 𑐣𑐶𑐣𑑂𑐴𑐸 𑐴𑐾 𑐮𑐵𑐏 𑐩𑐟 𑐔𑑂𑐫𑐵𑐎𑐾𑐐𑐸 𑐖𑑂𑐫𑐵 𑐖𑐹𑐐𑐸 𑐡𑐸 𑑋 𑐱𑐸𑐎𑑂𑐬𑐰𑐵𑑅 𑐫𑐾𑑃𑐫𑑂 𑐩𑐴𑐵𑑃𑐎𑐵𑐮 𑐡𑑂𑐫𑑅𑐫𑐵𑐠𑐵𑐫𑑂 𑐮𑐵𑐏 𑐩𑐟 𑐔𑑂𑐫𑐵𑐎𑐹𑐐𑐸 𑐏𑑅 𑐳𑐵 𑐱𑐣𑐶𑐰𑐵𑑅 𑐫𑐾𑑃𑐫𑐵 𑐟𑐾𑐧𑐴𑐵𑐮𑐫𑑂 𑐔𑑂𑐰𑑄𑐐𑐸 𑐳𑑄𑐎𑐟𑐵 𑐡𑑂𑐫𑑅𑐫𑐵𑐠𑐵𑐫𑑂 𑐮𑐵𑐏 𑐩𑐟 𑐔𑑂𑐫𑐵𑐎𑐹𑐐𑐸 𑐏𑑅𑑋

𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐠𑐸𑐐𑐸 𑐳𑑄𑐳𑑂𑐎𑐬𑐞 𑐗𑐶𑑄𑐣𑑂𑐫𑐵𑐎𑑂𑐰𑑅𑐐𑐸 𑐏𑑅𑐳𑐵 𑐠𑐸𑐎𑐷𑐫𑐵 𑐧𑐶𑐖𑑄𑐎𑐵𑐳𑐵 –𑐦𑐵𑐂𑐣𑐮𑑐 𑐠𑑂𑐰𑐴𑐾 𑐰𑐂𑐐𑐸 𑐣𑐾𑐥𑐵𑐮 𑐳𑑄𑐰𑐟𑑂 𑑑𑑑𑑔𑑑 𑐳𑐶𑐮𑑂𑐮𑐵𑐠𑑂𑐰 𑐳𑐥𑑂𑐟𑐩𑐶 (𑑒𑑐𑑗𑑗 𑐦𑐵𑐐𑐸𑐣 𑑗 𑐐𑐟𑐾) 𑐫𑐾𑑃𑐫𑐵 𑐥𑑂𑐬𑐖𑑂𑐘𑐵𑐨𑐰𑐣𑐫𑐵 𑐡𑐧𑐸𑐮𑐶𑐂 𑐖𑐸𑐂𑐐𑐸 𑐰 𑐣𑐾𑐥𑐵𑐮 𑐚𑐾𑐮𑐶𑐨𑐶𑐖𑐣𑑄 𑐟𑐥𑑂𑐫𑐎𑑄 𑐥𑑂𑐬𑐱𑐵𑐬𑐞 𑐫𑐵𑐂𑐐𑐸 𑐐𑑂𑐰𑐳𑐵𑑅 𑐏𑐮𑐎𑑄 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

Related Stories

𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸

More Stories Like this

𑐩𑐶𑐳 𑐣𑐾𑐰𑐵𑑅 𑐖𑐶𑐐𑐸 𑐮𑐸𑐩𑐣𑑂𑐟𑐶 𑐰 𑐀𑐣𑐸𑐨𑐰
𑐩𑐶𑐳 𑐣𑐾𑐰𑐵𑑅𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐶𑐣𑐵𑐮𑐾) 𑐱𑐣𑐶𑐰𑐵𑑅 𑐖𑐸𑐂𑐐𑐸
𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸
𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅