Read news in NepalBhasa text-- www.hamroschool.com back 𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅


𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑅𑐐𑐸 𑐩𑐶𑐳 𑐣𑐾𑐰𑐵𑑅



𑐠𑑂𑐰 𑐴𑐾 𑐰𑐂𑐐𑐸 𑐦𑐵𑐐𑐸𑐣 𑑗 𑐐𑐟𑐾 𑐗𑐶𑑄𑐣𑑂𑐫𑐵𑐎𑑂𑐰𑑅𑐐𑐸 𑐩𑐶𑐳 𑐣𑐾𑐰𑐵𑑅 𑐖𑑂𑐫𑐵𑐗𑑂𑐰𑑅 𑐖𑐸𑐂𑐟𑑂𑐫𑑄𑐐𑐸 𑐡𑐸 𑑋 𑐰𑑄𑐐𑐸 𑐮𑐵𑐫𑑂 𑐩𑐶𑐳 𑐣𑐾𑐰𑐵𑑅𑑑𑑑𑑔𑑑 𑐫𑐵 𑐫𑐵 𑐮𑐵𑐐𑐶 𑐦𑐵𑐬𑐩 𑐡𑐸𑐟𑐎𑐵𑑅𑐐𑐸 𑐏𑑅𑐳𑐵 𑐁𑑅 𑐡𑐸𑐟𑐶𑐄𑑃𑐥𑐶𑑄 𑐩𑐫𑑂𑐖𑐸𑐥𑐶𑐣𑐶𑐟 𑐠𑐷𑐠𑐷 𑐟𑐵𑐮𑐶𑐩 𑐧𑐶𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐣𑑂𑐴𑐵𑐥𑐵 𑐣𑑂𑐴𑐵𑐥𑐵 𑐖𑐹𑐳𑐵 𑐎𑐵𑐳𑐵𑐫𑑂 𑐳𑐸𑐂𑐏𑐸𑐩𑑂𑐴𑐟𑐶 𑐴𑐾 𑐡𑐂𑐐𑐸 𑐏𑑅𑐳𑐵 𑐠𑐸𑐐𑐸𑐳𑐷 𑐢𑐵𑑅𑐳𑐵 𑐩𑐸𑐎𑑂𑐎𑑄 𑐗𑐶𑑄𑐏𑐸𑐩𑑂𑐴𑐾𑐳𑐶𑐣𑑄 𑐖𑐎 𑐧𑑂𑐰𑐟𑐶 𑐎𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐎𑑀𑐨𑐶𑐜–𑑑𑑙𑐫𑐵 𑐐𑑂𑐫𑐵𑑅𑐔𑐶𑐎𑐸 𑐀𑐗𑑄 𑐮𑑂𑐫𑑄 𑐡𑐣𑐶𑐐𑐸 𑐰 𑐠𑐸𑐎𑐶𑐫𑐵 𑐴𑐾 𑐴𑐸𑐣𑐶𑑄 𑐠𑐸𑐐𑐸𑐳𑐷 𑐧𑑂𑐰𑐟𑐶𑐎𑐵𑑅𑐥𑐶𑑄 𑐢𑐵𑑅𑐳𑐵 𑐧𑐔𑑂𑐕𑐶 𑐩𑑂𑐴𑑀 𑐖𑐹𑐳𑐵𑑄 𑐐𑑂𑐰𑐳𑐵𑑅 𑐏𑐮𑑅 𑐣𑐾𑐥𑐖𑐶𑐮 𑐦𑐾𑐳𑐣 𑐴𑑀𑐩𑐫𑐵 𑐖𑑂𑐫𑐵𑐎𑐹 𑐫𑐾𑑃𑐫𑐵 𑐜𑐶𑐮𑑂𑐮𑐷𑐧𑐖𑐵𑐬 𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐮𑐵𑐐𑐶 𑐟𑐵𑐮𑐶𑐩 𑐢𑐵𑑅𑐳𑐵 𑐄𑐮𑐶 𑐴𑐾 𑐄𑐟𑑂𑐳𑐵𑐴𑐖𑐣𑐎 𑐬𑐸𑐥𑑄 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋

𑐳𑐣𑑂 𑑒𑑐𑑑𑑑 𑐫𑐵 𑐩𑐶𑐳 𑐣𑐾𑐰𑐵𑑅 𑐟𑑂𑐫𑐵𑐎𑐵𑐩𑐶 𑐩𑐫𑑂𑐖𑐸 𑐳𑐸𑐣𑐶𑐟𑐵 𑐜𑑄𑐐𑑀𑐮 𑐰 𑐬𑑀𑐖𑐾𑐣 𑐱𑑂𑐬𑐾𑐲𑑂𑐛𑑄 𑐧𑑂𑐰𑐟𑐶 𑐎𑐫𑐵𑐡𑐷𑐥𑐶𑑄 𑐩𑐫𑑂𑐖𑐸𑐥𑐶𑑄𑐟 𑐧𑐶𑐫𑐵𑐔𑑂𑐰𑑄𑐐𑐸 𑐟𑐵𑐮𑐶𑐩𑐫𑑂 𑐁𑑅𑐟𑐎 ¥𑐫𑐵𑐩𑑂𑐥𑐫𑑂 𑐰𑐣𑐾𑐐𑐸, 𑐠𑑅𑐐𑐸 𑐩𑑂𑐴𑐳𑐶𑐎𑐵 𑐢𑐵𑐫𑐾𑐐𑐸𑐫𑐵 𑐮𑐶𑐳𑐾𑑄 𑐣𑐾𑐥𑐵𑑅𑐫𑐵 𑐩𑑁𑐮𑐶𑐎 𑐮𑐶𑐥𑐶 𑐬𑐘𑑂𑐖𑐣𑐵 𑐮𑐶𑐥𑐶𑐫𑐵 𑐧𑐵𑐬𑐾 𑐟𑐵𑐮𑐶𑐩 𑐖𑐸𑐂 𑐢𑐸𑑄𑐎𑐹𑐐𑐸 𑐐𑑂𑐰𑐳𑐵𑑅 𑐏𑐮𑐎𑑄 𑐣𑐾𑐥𑐵𑐮𑐩𑐞𑑂𑐜𑐮 𑐜𑐚 𑐎𑐩𑐫𑐵𑐟 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐡𑐸 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐩𑐶𑐳 𑐚𑑂𑐫𑐵𑐮𑐾𑐣𑑂𑐚, 𑐩𑐶𑐳 𑐥𑐬𑑂𑐳𑐣𑐵𑐮𑐶𑐚𑐷, 𑐩𑐶𑐳 𑐥𑐧𑑂𑐮𑐶𑐎 𑐔𑑂𑐰𑐵𑐂𑐳 𑐁𑐡𑐶 𑐠𑐾𑑄𑐖𑐵𑑅𑐐𑐸 𑐂𑐨𑐾𑐣𑑂𑐚 𑐣𑑄 𑐖𑐸𑐂𑐐𑐸 𑐏𑑅𑐳𑐵 𑐠𑐷𑐠𑐷 𑐠𑐵𑐳𑐫𑑂 𑐣𑐾𑐰𑐵𑑅 𑐧𑐳𑑂𑐟𑐶 𑐔𑐵𑑅𑐴𑐶𑐮𑐾𑐐𑐸 𑐖𑑂𑐫𑐵𑐗𑑂𑐰𑑅 𑐣𑐶𑐫𑐩𑐶𑐟 𑐎𑐠𑑄 𑐡𑐸𑐐𑐸 𑐰 𑐎𑑂𑐰𑐔𑐵𑐫𑐾𑐎𑐵 𑐦𑐵𑐐𑐸𑐣 𑑗 𑐐𑐟𑐾𑐫𑐵 𑐦𑐶𑐣𑐵𑐮𑐾 𑐥𑑂𑐬𑐖𑑂𑐘𑐵𑐨𑐰𑐣𑐫𑐵 𑐡𑐧𑐸𑐮𑐶𑐂 𑐖𑐸𑐂𑐐𑐸 𑐰 𑐣𑐾𑐥𑐵𑐮 𑐚𑐾𑐮𑐶𑐨𑐶𑐖𑐣𑑄 𑐟𑐥𑑂𑐫𑑄𑐎 𑐥𑑂𑐬𑐱𑐵𑐬𑐞 𑐳𑐩𑐾𑐟 𑐖𑐸𑐂𑐐𑐸 𑐢𑐵𑑅𑐐𑐸 𑐡𑐸 𑑋

Related Stories

𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸

More Stories Like this

𑐩𑐶𑐳 𑐣𑐾𑐰𑐵𑑅 𑐖𑐶𑐐𑐸 𑐮𑐸𑐩𑐣𑑂𑐟𑐶 𑐰 𑐀𑐣𑐸𑐨𑐰
𑐩𑐶𑐳 𑐣𑐾𑐰𑐵𑑅𑐫𑐵 𑐧𑐶𑐖𑑄 𑐎𑐵𑐳𑐵 (𑐦𑐶𑐣𑐵𑐮𑐾) 𑐱𑐣𑐶𑐰𑐵𑑅 𑐖𑐸𑐂𑐐𑐸
𑐩𑐶𑐳 𑐣𑐾𑐰𑐵𑑅 𑑑𑑑𑑔𑑑 𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐎𑑂𑐰𑐔𑐵𑐮
𑐩𑐶𑐳 𑐣𑐾𑐰𑐵𑑅𑐫𑐵 𑐚𑑂𑐫𑐵𑐮𑐾𑐣𑑂𑐚 𑐱𑑀 𑐱𑐣𑐶𑐰𑐵𑑅 𑐎𑐶𑐥𑐸𑐮𑐶𑐂 𑐖𑐸𑐂𑐐𑐸
𑐣𑐾𑐰𑐵𑑅 𑐳𑑄𑐳𑑂𑐎𑐺𑐟𑐶𑐮𑐶𑐳𑐾 𑐩𑐶𑐳 𑐣𑐾𑐰𑐵𑑅𑐫𑐵 𑐩𑐫𑑂​𑐖𑐸𑐥𑐶𑑄