Read news in NepalBhasa text-- www.hamroschool.com back 𑐦𑐾𑐳𑐧𑐸𑐎𑐫𑑂 𑐁𑑅 𑑕𑑐 𑐩𑑂𑐴𑐟𑐎 𑐨𑐶𑐜𑐶𑐫𑑀 𑐏𑑃 𑐮𑑂𑐴𑐵𑐫𑐾 𑐦𑐂𑐐𑐸


𑐦𑐾𑐳𑐧𑐸𑐎𑐫𑑂 𑐁𑑅 𑑕𑑐 𑐩𑑂𑐴𑐟𑐎 𑐨𑐶𑐜𑐶𑐫𑑀 𑐏𑑃 𑐮𑑂𑐴𑐵𑐫𑐾 𑐦𑐂𑐐𑐸



𑐦𑐾𑐳𑐧𑐸𑐎𑐫𑑂 𑐁𑑅 𑑕𑑐 𑐩𑑂𑐴𑐟𑐎 𑐨𑐶𑐜𑐶𑐫𑑀𑐫𑑂 𑐏𑑃 𑐮𑑂𑐴𑐵𑐫𑐾 𑐦𑐂𑐐𑐸 𑐖𑐹𑐐𑐸 𑐡𑐸 𑑋 𑐦𑐾𑐳𑐧𑐸𑐎𑐫𑐵 𑐳𑑄𑐳𑑂𑐠𑐵𑐥𑐎 𑐰 𑐳𑐶𑐂𑐌 𑐩𑐵𑐬𑑂𑐎 𑐖𑐎𑐬𑐰𑐬𑑂𑐐𑑄 𑐠𑑁𑑄 𑐱𑐸𑐎𑑂𑐬𑐰𑐵𑑅 𑐦𑐾𑐳𑐧𑐸𑐎 𑐮𑐵𑐂𑐨 𑐩𑐵𑐬𑑂𑐦𑐟 𑐠𑐸𑐐𑐸 𑐏𑑃𑐫𑐵 𑐖𑐵𑐣𑐎𑐵𑐬𑐷 𑐧𑑂𑐫𑐹𑐐𑐸 𑐏𑑅 𑑋 𑐦𑐾𑐳𑐧𑐸𑐎𑑄 𑐠𑐸𑐐𑐸 𑐣𑑂𑐴𑐹𑐐𑐸 𑐦𑐶𑐔𑐬𑐫𑐵𑐟 𑐦𑐾𑐳𑐧𑐸𑐎 𑐬𑐸𑐩𑑂𑐳 𑐢𑐎𑐵𑑅 𑐣𑐵𑑄 𑐧𑑂𑐫𑐹𑐐𑐸 𑐡𑐸 𑑋

𑐠𑑂𑐰 𑐳𑑂𑐰𑐫𑐵𑑄 𑐣𑑂𑐴𑑂𑐫𑑅 𑐦𑐾𑐳𑐧𑐸𑐎 𑐩𑑂𑐫𑐵𑐳𑐾𑐣𑑂𑐖𑐬𑐫𑑂 𑐔𑑂𑐫𑐵𑐩𑑂𑐴𑐟𑐎 𑐨𑐶𑐜𑐶𑐫𑑀𑐫𑑂 𑐏𑑃 𑐮𑑂𑐴𑐵𑐫𑐾 𑐦𑐂𑐐𑐸 𑐖𑐸𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐦𑐾𑐳𑐧𑐸𑐎𑐫𑐵 𑐩𑐾𑐳𑐾𑐘𑑂𑐖𑐬 𑐬𑐸𑐩𑑂𑐳𑐫𑑂 𑑕𑑐 𑐩𑑂𑐴𑐟𑐎 𑐨𑐶𑐜𑐶𑐫𑑀𑐫𑑂 𑐏𑑃 𑐮𑑂𑐴𑐵𑐫𑐾 𑐦𑐂 𑐢𑐎𑐵𑑅 𑐢𑐵𑑅𑐳𑐵𑑄 𑐠𑐠𑐾 𑑕𑑐 𑐩𑑂𑐴𑐟𑐎 𑐨𑐶𑐜𑐶𑐫𑑀𑐫𑑂 𑐏𑑃 𑐮𑑂𑐴𑐵𑐫𑐾𑐟 𑐕𑐸𑑄 𑐃 𑐥𑐶𑐂𑐩𑐵𑐮𑐷𑐐𑐸 𑐢𑐵𑑅𑐐𑐸 𑐡𑐸 𑑋 𑐩𑐾𑐬𑐾𑐣𑑂𑐖𑐬 𑐬𑐸𑐩𑑂𑐳𑐫𑑂 𑐊𑐜𑐩𑐶𑐣𑑄 𑐩𑐣𑐹 𑐮𑐶𑐎𑐵𑐫𑐾 𑐰 𑐟𑐣𑐾 𑐦𑐂𑐐𑐸, 𑐏𑑂𑐰𑐵𑐮𑐫𑑂 𑐠𑐷𑐠𑐷 𑐩𑐵𑐳𑑂𑐎 𑐟𑐫𑐾 𑐦𑐂𑐐𑐸 𑐁𑐡𑐶 𑐢𑐵𑑅𑐐𑐸 𑐡𑐸 𑑋 𑐦𑐾𑐳𑐧𑐸𑐎 𑐀𑐎𑐵𑐄𑐣𑑂𑐚 𑐩𑐡𑐸𑐥𑐶𑐣𑑂𑐳𑑄 𑐣𑑄 𑐬𑐸𑐩𑑂𑐳 𑐕𑑂𑐫𑐮𑐾 𑐦𑐂𑐐𑐸 𑐢𑐵𑑅𑐐𑐸 𑐡𑐸 𑑋

𑐎𑑀𑐬𑑀𑐣𑐵 𑐨𑐵𑐂𑐬𑐳 𑐳𑑄𑐎𑑂𑐬𑐩𑐞𑐫𑐵 𑐎𑐵𑐬𑐞𑑄 𑐴𑐮𑐶𑑄𑐣𑑂𑐫𑑄𑐎 𑐴𑐾 𑐥𑑂𑐬𑐵𑐫𑑅 𑐩𑐣𑐹𑐟 𑐕𑐾𑑃𑐫𑑂 𑐔𑑂𑐰𑐣𑐵𑐔𑑂𑐰𑑄𑐐𑐸 𑐂𑐮𑐫𑑂 𑐠𑐰𑑄𑐠𑐰𑐫𑑂 𑐳𑐩𑑂𑐥𑐬𑑂𑐎 𑐟𑐫𑐵𑐔𑑂𑐰𑐣𑐾𑐐𑐸 𑐮𑐵𑐐𑐶 𑐨𑐶𑐜𑐶𑐫𑑀 𑐎𑐣𑑂𑐦𑐬𑐾𑐣𑑂𑐳𑐶𑑄𑐐 𑐠𑑂𑐰𑐂𑐮𑐫𑑂 𑐟𑐳𑐎𑑄 𑐮𑑀𑐎𑑄𑐰𑑂𑐴𑐵𑑅𑐐𑐸 𑐡𑐸 𑑋 𑐨𑐶𑐜𑐶𑐫𑑀 𑐎𑐣𑑂𑐦𑐬𑐾𑐣𑑂𑐳𑐶𑑄𑐐𑐸 𑐫𑐵𑐫𑐾𑐐𑐸 𑐳𑐦𑑂𑐚𑐰𑐾𑐫𑐬 𑐁𑐫𑑂‌𑐥 𑐖𑐹𑐩 𑐕𑑂𑐫𑐮𑐷𑐥𑐶𑑄 𑐰𑑄𑐐𑐸 𑐜𑐶𑐳𑐾𑐩𑑂𑐰𑐬𑐟𑐎 𑑑 𑐎𑐬𑑀𑐜 𑐡𑐸𑐐𑐸 𑐏𑑅𑐳𑐵 𑐁𑑅 𑐖𑐹𑐩 𑐕𑑂𑐫𑐮𑐷𑐥𑐶𑐣𑐶𑐐𑐸 𑐮𑑂𑐫𑐵𑑅 𑑓𑑐 𑐎𑐬𑑀𑐜 𑐠𑑂𑐫𑑄𑐐𑐸 𑐡𑐸 𑑋 𑐀𑐠𑐾 𑐴𑐾 𑐣𑑂𑐴𑐶𑐫𑐵𑐣𑑂𑐴𑐶𑐠𑑄 𑑗𑑐 𑐎𑐬𑑀𑐜 𑐩𑐣𑐹𑐟𑐫𑑂‌𑐳𑑄 𑐦𑐾𑐳𑐧𑐸𑐎 𑐩𑑂𑐫𑐵𑐳𑐾𑐣𑑂𑐖𑐬 𑐰 𑐰𑑂𑐴𑐵𑐚𑑂𑐳𑐁𑐫𑑂‌𑐥 𑐕𑑂𑐫𑐮𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐱𑐾𑐫𑐬 𑐧𑐖𑐵𑐬𑐫𑑂 𑐖𑐹𑐩𑐫𑐵 𑐨𑐵𑑅 𑐰𑑄𑐐𑐸 𑐖𑐣𑐰𑐬𑐷𑐣𑐶𑐳𑐾𑑄 𑐩𑑂𑐴𑐶𑐐𑑅𑐟𑐎𑐫𑐵 𑐡𑐸𑐣𑐾 𑑑𑑔𑑖 𑐥𑑂𑐬𑐟𑐶𑐱𑐟 𑐀𑐥𑑂𑐰𑑅𑐐𑐸 𑐏𑑅𑐳𑐵 𑐠𑑁𑑄 𑐦𑐾𑐳𑐧𑐸𑐎𑑄 𑐩𑐾𑐳𑐾𑐘𑑂𑐖 𑐬𑐸𑐩 𑐥𑐶𑐎𑐵𑑅𑐐𑐸 𑐧𑐸𑐏𑑃 𑐮𑐶𑐥𑐵 𑐖𑐹𑐩𑐫𑐵 𑐨𑐵𑑅 𑑖 𑐥𑑂𑐬𑐟𑐶𑐱𑐟 𑐎𑐸𑐴𑐵𑑄𑐰𑑅𑐐𑐸 𑐡𑐸 𑑋

More Stories Like this

𑐎𑑀𑐬𑑀𑐣𑐵 𑐨𑐵𑐂𑐬𑐳 𑐳𑐩𑑂𑐰𑐣𑑂𑐢𑐷 𑐩𑐏𑐸𑐐𑐸 𑐏𑑃 𑐮𑐵𑐂𑐎 𑐫𑐵𑐂𑐥𑐶𑐣𑑂𑐟 𑐦𑐾𑐳𑐧𑐸𑐎𑑄 𑐔𑐾𑐟𑐵𑐰𑐣𑐷 𑐧𑐶𑐂𑐐𑐸
𑐦𑐾𑐳𑐧𑐸𑐎𑑄 𑐧𑑂𑐫𑐹𑐐𑐸 𑐧𑐸𑐡𑐶𑑄𑐫𑐵 𑐄𑐥𑐴𑐵𑐬
𑐦𑐾𑐳𑐧𑐸𑐎𑑄 '𑐣𑐾𑐰𑐵𑐬𑐷' 𑐏𑑃𑐐𑑂𑐰𑑅 𑐮𑐶𑐎𑐵𑐮
'𑐣𑐾𑐥𑐵𑐮𑐩𑐞𑑂𑐜𑐮 𑐜𑐚 𑐎𑐩 𑐨𑐾𑐚𑐶𑐎𑐣 𑐳𑐶𑐚𑐷 𑐳𑑂𑐰𑐫𑐵𑑄 𑐟𑑅𑐢𑑄'
𑐦𑐾𑐳𑐧𑐸𑐎𑐫𑐵 𑐳𑑄𑐳𑑂𑐠𑐵𑐥𑐎 𑐖𑐎𑐬𑐰𑐬𑑂𑐐 𑐣𑐾𑐥𑐵𑑅 𑐰𑑅𑐐𑐸 𑐥𑐸𑐲𑑂𑐚𑐶