Read news in NepalBhasa text-- www.hamroschool.com back 𑐳𑐵𑐩𑐵𑐖𑐶𑐎 𑐡𑐹𑐬𑐷 𑐀𑐰𑐖𑑂𑐘𑐵 𑐫𑐵𑑅𑐥𑐶𑐣𑑂𑐟 𑐳𑐶𑑄𑐐𑐵𑐥𑐸𑐬𑐫𑑂 𑐏𑐸𑐮𑐵𑐟𑐎 𑐖𑐾𑐮


𑐳𑐵𑐩𑐵𑐖𑐶𑐎 𑐡𑐹𑐬𑐷 𑐀𑐰𑐖𑑂𑐘𑐵 𑐫𑐵𑑅𑐥𑐶𑐣𑑂𑐟 𑐳𑐶𑑄𑐐𑐵𑐥𑐸𑐬𑐫𑑂 𑐏𑐸𑐮𑐵𑐟𑐎 𑐖𑐾𑐮



𑐎𑑀𑐬𑑀𑐣𑐵𑐨𑐵𑐂𑐬𑐳 𑐳𑑄𑐎𑑂𑐬𑐩𑐞𑐫𑐵 𑐂𑐮𑐫𑑂 𑐳𑐶𑑄𑐐𑐵𑐥𑐸𑐬𑐫𑐵 𑐳𑐬𑐎𑐵𑐬𑑄 𑐑𑑀𑐲𑐞𑐵 𑐫𑐵𑐣𑐵𑐟𑑅𑐐𑐸 𑐳𑐵𑐩𑐵𑐖𑐶𑐎 𑐡𑐸𑐬𑐷 𑐎𑐵𑐫𑐩 𑐩𑐫𑐵𑑅𑐥𑐶𑐣𑑂𑐟 𑐏𑐸𑐮𑐵 𑐟𑐎 𑐖𑐾𑐮𑐫𑑂 𑐎𑐸𑐣𑐾 𑐦𑐂𑐐𑐸 𑐖𑐹𑐐𑐸 𑐡𑐸 𑑋 𑐀𑐣𑐫𑐵 𑐳𑑂𑐰𑐵𑐳𑑂𑐠𑑂𑐫 𑐩𑐣𑑂𑐟𑑂𑐬𑐵𑐮𑐫𑑄 𑐖𑐵𑐬𑐷 𑐫𑐵𑑅𑐐𑐸 𑐳𑐸𑐔𑑄 𑐡𑐸𑐣𑐾 𑐠𑑂𑐰 𑐏𑑃 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋

𑐖𑐵𑐬𑐷 𑐳𑐸𑐔𑑄 𑐎𑐠𑑄 𑐕𑐾𑑄𑐥𑐶𑐣𑐾 𑐕𑐩𑑂𑐴 𑐩𑐣𑐹 𑐰 𑐩𑐾𑐩𑑂𑐴 𑐩𑐣𑐹𑐫𑐵 𑐡𑐠𑐸𑐂 𑐕𑐐𑐹 𑐩𑐶𑐚𑐬𑐫𑐵 𑐡𑐸𑐬𑐷 𑐎𑐵𑐫𑐩 𑐩𑐫𑐵𑑅𑐥𑐶𑐣𑑂𑐟 𑐰 𑐳𑑂𑐎𑐹𑐮 𑐰 𑐖𑑂𑐫𑐵𑐫𑐵𑐥𑐶𑐣𑐾 𑐗𑐶𑐩𑑂𑐴 𑐳𑑂𑐰𑐫𑐵𑑄 𑐫𑐎𑑂𑐰 𑐩𑐸𑐣𑐷𑐥𑐶𑐣𑑂𑐟 𑐗𑐶𑐡𑑂𑐰𑑅 𑐳𑐶𑑄𑐐𑐵𑐥𑐸𑐬 𑐜𑐮𑐬 𑐔𑑂𑐫𑐵𑐐𑐹 𑐮𑐵𑐏 𑐣𑑂𑐫𑐫𑑂𑐡𑑂𑐰𑑅 𑐣𑐾𑐥𑐵𑐮𑐷 𑐢𑑂𑐫𑐧𑐵 𑐧𑐬𑐵𑐧𑐬𑐫𑐵 𑐖𑐬𑐶𑐰𑐵𑐣𑐵 𑐫𑐵𑐫𑐾𑐐𑐸 𑐀𑐠𑐰𑐵 𑐏𑐸𑐮𑐵𑐟𑐎 𑐖𑐾𑐮𑐫𑑂 𑐎𑐸𑐣𑐾𑐐𑐸 𑐀𑐠𑐰𑐵 𑐣𑐶𑐟𑐵𑑄 𑐫𑐵𑐫𑐾𑐦𑐂𑐐𑐸 𑐢𑐫𑐵𑐟𑑅𑐐𑐸 𑐡𑐸 𑑋 𑐳𑐬𑐎𑐵𑐬𑑄 𑐮𑐎𑐜𑐵𑐄𑐣 𑐢𑐎𑐵𑑅 𑐑𑑀𑐲𑐞𑐵 𑐫𑐵𑐣𑐵𑐟𑑅𑐐𑐸 𑐂𑐮𑐫𑑂 𑐩𑑂𑐰𑐵𑐫𑐾𑐎 𑐩𑑂𑐰𑐵𑐫𑐾𑐎𑑄 𑐕𑐾𑑃𑐣𑑄 𑐥𑐶𑐴𑐵𑑄 𑐰𑐣𑐷𑐥𑐶𑐣𑑂𑐟 𑐣𑑄 𑐠𑑂𑐰 𑐣𑐶𑐫𑐩 𑐮𑐵𑐐𑐹 𑐖𑐸𑐂𑐐𑐸 𑐏𑑃 𑐳𑐸𑐔𑐣𑐫𑑂 𑐣𑑂𑐴𑑂𑐫𑐠𑐣𑐵𑐟𑑅𑐐𑐸 𑐡𑐸 𑑋 𑐳𑐶𑑄𑐐𑐵𑐥𑐸𑐬𑐫𑑂 𑐁𑑅𑐟𑐎 𑑙𑑒𑑖 𑐩𑑂𑐴 𑐎𑑀𑐬𑑀𑐞𑐵 𑐳𑑄𑐎𑑂𑐬𑐩𑐞 𑐥𑐸𑐲𑑂𑐚𑐶 𑐖𑐹𑐐𑐸 𑐡𑐸𑐳𑐵 𑐳𑑂𑐰𑐩𑑂𑐴 𑐩𑐣𑐹 𑐩𑐡𑐫𑐾 𑐢𑐸𑑄𑐎𑐹𑐐𑐸 𑐡𑐸 𑑋

More Stories Like this

𑐔𑐶𑐎𑑄𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐣𑐵𑑅 𑐆𑐞𑐵𑐟𑑂𑐩𑐎
𑐧𑐾𑐮𑐵𑐫𑐟𑑄 𑐔𑐷𑐣𑐥𑐵𑐏𑐾𑑄 𑐣𑑂𑐫𑐵𑑅𑐐𑐸 𑐚𑐾𑐳𑑂𑐚𑐶𑐒 𑐎𑐶𑐚𑑄 𑐖𑑂𑐫𑐵 𑐩𑐧𑐶𑐮
𑐧𑐾𑐮𑐵𑐫𑐟𑐫𑐵 𑐥𑑂𑐬𑐩 𑐧𑑀𑐬𑐶𑐳 𑐖𑑀𑐣𑑂𑐳𑐣 𑐁𑐂𑐳𑐷𑐫𑐹𑐮𑐫𑑂
𑐀𑐩𑐾𑐬𑐶𑐎𑐵𑐫𑑂 𑑒 𑐮𑐵𑐏 𑑔𑑐 𑐴𑐖𑐵𑐬𑐟𑐎 𑐳𑐶𑐂𑐦𑐸𑐐𑐸 𑐰𑑂𑐴𑐵𑐂𑐚 𑐴𑐵𑐄𑐳𑐫𑐵 𑐀𑐣𑐸𑐩𑐵𑐣
𑐀𑐩𑐾𑐬𑐶𑐎𑐵𑐫𑑂 𑐣𑐶𑐐𑐹 𑐮𑐏 𑐩𑐣𑐹𑐟 𑐩𑐡𑐂𑐐𑐸 𑐁𑐱𑑄𑐎𑐵