Read news in NepalBhasa text-- www.hamroschool.com back 𑐫𑐸𑐎𑑂𑐬𑐾𑐣𑐫𑑂 𑐳𑑄𑐎𑐚 : <i>𑐡𑑂𑐰𑐮𑑄𑐡𑑂𑐰𑑅 𑐬𑐳𑐶𑐫𑐣𑐟 𑐥𑐹𑐬𑑂𑐰𑐷 𑐎𑑂𑐲𑐾𑐟𑑂𑐬𑐫𑐵 𑐮𑑂𑐰𑐵𑐥𑐸𑐂</i>


𑐫𑐸𑐎𑑂𑐬𑐾𑐣𑐫𑑂 𑐳𑑄𑐎𑐚 : 𑐡𑑂𑐰𑐮𑑄𑐡𑑂𑐰𑑅 𑐬𑐳𑐶𑐫𑐣𑐟 𑐥𑐹𑐬𑑂𑐰𑐷 𑐎𑑂𑐲𑐾𑐟𑑂𑐬𑐫𑐵 𑐮𑑂𑐰𑐵𑐥𑐸𑐂



𑐊𑐖𑐾𑐣𑑂𑐳𑐷/ 𑐬𑐸𑐳 𑐳𑐩𑐬𑑂𑐠𑐶𑐟 𑐥𑐺𑐠𑐎𑐟𑐵𑐰𑐵𑐡𑐷 𑐣𑐾𑐟𑐵𑐟𑐫𑑂𑐳𑑄 𑐥𑐹𑐬𑑂𑐰𑐷 𑐫𑐸𑐎𑑂𑐬𑐾𑐣𑐩𑐵 𑐳𑑂𑐰𑐡𑑂𑐰𑑅𑐣𑐶𑐳𑐾𑑄 𑐥𑑂𑐫𑐡𑑂𑐰𑑅 𑐬𑐳𑐶𑐫𑐣 𑐣𑐵𑐐𑐬𑐶𑐎𑐟 𑐎𑑂𑐬𑐩𑐧𑐡𑑂𑐢 𑐬𑐹𑐥𑑄 𑐮𑑂𑐰𑐵𑐥𑐸𑐂 𑐡𑐸𑐐𑐸 𑐣𑑂𑐴𑑂𑐫𑑅𑐠𑑄𑐐𑐸 𑐡𑐸 𑑋

𑐄𑐐𑐸 𑐮𑑂𑐰𑐵𑐥𑐸𑐂 𑐁𑐥𑐵𑐮𑑄 𑐥𑐹𑐬𑑂𑐰 𑐖𑐵𑐐𑐶𑐬𑐡𑐵𑐬𑐥𑐶𑑄 𑐮𑐶𑐳𑐾 𑐕𑐸𑑄 𑐃 𑐣𑑂𑐴𑑂𑐫𑑅𑐖𑐎 𑐖𑐵𑐐𑐶𑐬 𑐟𑑂𑐰𑑅𑐟𑐹𑐥𑐶𑑄 𑐎𑐬𑑂𑐩𑐔𑐵𑐬𑐷𑐥𑐶𑑄 𑐡𑐸𑐐𑐸 𑐀𑐮𑐾𑐎𑑂𑐖𑐾𑐣𑑂𑐜𑐬 𑐖𑐵𑐬𑑂𑐏𑐔𑐾𑐣𑐎𑑀𑑄 𑐕𑐐𑐹 𑐬𑐸𑐳𑐷 𑐚𑐾𑐮𑐶𑐨𑐶𑐖𑐣𑐫𑐵𑐟 𑐣𑑂𑐴𑑂𑐫𑑅𑐠𑑄𑐐𑐸 𑐡𑐸 𑑋 𑐰𑐫𑑂𑐎𑐮𑑄 𑐰𑐶𑐡𑑂𑐬𑑀𑐴𑐷𑐟𑐫𑑂𑐳𑑄 𑐫𑐸𑐎𑑂𑐬𑐾𑐣𑐫𑐵 𑐩𑐹 𑐱𑐴𑐬𑐮𑐶𑐎𑑂𑐎 𑐡𑐸𑐐𑐸 𑐎𑐾𑐣𑑂𑐡𑑂𑐬𑐷𑐫 𑐧𑐣𑑂𑐡𑐬𑐐𑐵𑐴 𑐣𑐶𑐫𑐣𑑂𑐟𑑂𑐬𑐞𑐫𑑂 𑐎𑐵𑐫𑐾𑐐𑐸 𑐣𑐵𑐥𑑄 𑐣𑑂𑐴𑑂𑐫𑑅𑐠𑑄𑐐𑐸 𑐡𑐸 𑑋

𑐬𑐶𑐥𑑀𑐬𑑂𑐚𑐫𑑂 𑐧𑐶𑐫𑐵𑐟𑑅𑐐𑐸 𑐖𑐵𑐣𑐎𑐵𑐬𑐷𑐎𑐠𑑄 𑐄𑐩𑐶𑐳𑑄 𑐣𑑀𑐨𑑀𑐖𑑀𑐨𑑂𑐳𑑂𑐎 𑐱𑐴𑐬 𑐰 𑐀𑐣𑐫𑐵 𑐧𑐣𑑂𑐡𑐬𑐐𑐵𑐴 𑐣𑐶𑐫𑐣𑑂𑐟𑑂𑐬𑐞𑐫𑑂 𑐎𑐵𑑅𑐐𑐸 𑐧𑐷𑐧𑐷𑐳𑐷𑑄 𑐣𑑂𑐴𑑂𑐫𑑅𑐠𑑄𑐐𑐸 𑐡𑐸 𑑋 𑐬𑐸𑐳𑐷 𑐖𑐣𑐳𑐩𑐹𑐴𑑄 𑐳𑐷𑐩𑐵𑐣𑐵 𑐥𑐵𑐬 𑐫𑐵𑐣𑐵𑑅 𑐁𑐎𑑂𑐬𑐩𑐞 𑐫𑐵𑐣𑐵𑐔𑑂𑐰𑑄𑐥𑐶𑑄 𑐰𑐶𑐡𑑂𑐬𑑀𑐴𑐷𑐟𑐫𑑂𑐟 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐡𑑂𑐰𑐥𑑄 𑐣𑐵𑐥𑑄 𑐧𑑂𑐫𑐹𑐐𑐸 𑐡𑐸 𑐟𑐬, 𑐩𑐳𑑂𑐎𑑀𑑄 𑐮𑑂𑐰𑐵𑐨𑑅𑐢𑐵𑐬𑐷 𑐰𑐶𑐡𑑂𑐬𑑀𑐴𑐷𑐟𑐫𑑂𑐟 𑐖𑐣𑐟𑐵𑑄 𑐐𑑂𑐰𑐵𑐴𑐵𑐮𑐶 𑐫𑐵𑑅𑐐𑐸 𑐢𑐂𑐐𑐸 𑐏𑑃𑐫𑐵 𑐏𑐞𑑂𑐜𑐣 𑐫𑐵𑑅𑐐𑐸 𑐡𑐸 𑑋 𑐬𑐸𑐳𑑄 𑐫𑐸𑐎𑑂𑐬𑐾𑐣𑐷 𑐦𑑀𑐬𑑂𑐳𑐫𑐵𑐟 𑐜𑑀𑐣𑐾𑐚𑑂𑐳 𑐰 𑐮𑐸𑐴𑐵𑐣𑐳𑑂𑐎 𑐱𑐴𑐬𑐥𑐵𑐏𑐾𑑄 𑐀𑐗 𑐄𑐟𑑂𑐟𑐬𑐥𑐵𑐏𑐾 𑐏𑑂𑐫𑐵𑐣𑐵𑑅 𑐕𑑂𑐰𑐫𑐾𑐟 𑐳𑑂𑐰𑑅𑐐𑐸 𑐱𑑄𑐎𑐵 𑐫𑐵𑑅𑐐𑐸 𑐡𑐸 𑑋

𑐠𑐸𑐏𑐾 𑐖𑐬𑑂𑐩𑐣 𑐔𑐵𑐣𑑂𑐳𑐮𑐬 𑐊𑐘𑑂𑐖𑐾𑐮𑐵 𑐩𑐵𑐬𑑂𑐎𑐾𑐮𑑄 𑐬𑐸𑐳𑐷 𑐬𑐵𑐲𑑂𑐚𑑂𑐬𑐥𑐟𑐶 𑐨𑑂𑐮𑐵𑐡𑐶𑐩𑐶𑐬 𑐥𑐸𑐚𑐶𑐣𑑄 𑐮𑐶𑐥𑐵𑑄𑐐𑐸 𑐀𑐰𑐳𑑂𑐠𑐵𑐫𑐵 𑐬𑐶𑐬𑑂𑐥𑑀𑐚𑐧𑐵𑐬𑐾 𑐥𑑂𑐬𑐲𑑂𑐚 𑐫𑐵𑐫𑐾𑐟 𑐂𑐣𑐵𑐥 𑐫𑐵𑑅𑐐𑐸 𑐡𑐸 𑑋 𑐀𑐠𑐾𑐴𑐾 𑐦𑑂𑐬𑐵𑐣𑑂𑐳𑐾𑐮𑐷 𑐬𑐵𑐲𑑂𑐚𑑂𑐬𑐥𑐟𑐶 𑐦𑑂𑐬𑐵𑐣𑑂𑐳𑐶𑐎𑑀 𑐴𑑀𑐮𑑂𑐫𑐵𑐞𑑂𑐜𑑄 𑐬𑐸𑐳𑐷 𑐳𑐾𑐣𑐵 𑐫𑐸𑐎𑑂𑐬𑐾𑐣𑐫𑑂 𑐡𑐟𑑂𑐟𑐮𑐾 𑐧𑐵𑑄𑐩𑐮𑐵𑐂𑐐𑐸 𑐣𑑂𑐴𑑂𑐫𑑅𑐠𑑄𑐐𑐸 𑐡𑐸 𑑋

More Stories Like this

𑐔𑐶𑐎𑑄𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐣𑐵𑑅 𑐆𑐞𑐵𑐟𑑂𑐩𑐎
𑐧𑐾𑐮𑐵𑐫𑐟𑑄 𑐔𑐷𑐣𑐥𑐵𑐏𑐾𑑄 𑐣𑑂𑐫𑐵𑑅𑐐𑐸 𑐚𑐾𑐳𑑂𑐚𑐶𑐒 𑐎𑐶𑐚𑑄 𑐖𑑂𑐫𑐵 𑐩𑐧𑐶𑐮
𑐧𑐾𑐮𑐵𑐫𑐟𑐫𑐵 𑐥𑑂𑐬𑐩 𑐧𑑀𑐬𑐶𑐳 𑐖𑑀𑐣𑑂𑐳𑐣 𑐁𑐂𑐳𑐷𑐫𑐹𑐮𑐫𑑂
𑐀𑐩𑐾𑐬𑐶𑐎𑐵𑐫𑑂 𑑒 𑐮𑐵𑐏 𑑔𑑐 𑐴𑐖𑐵𑐬𑐟𑐎 𑐳𑐶𑐂𑐦𑐸𑐐𑐸 𑐰𑑂𑐴𑐵𑐂𑐚 𑐴𑐵𑐄𑐳𑐫𑐵 𑐀𑐣𑐸𑐩𑐵𑐣
𑐳𑐵𑐩𑐵𑐖𑐶𑐎 𑐡𑐹𑐬𑐷 𑐀𑐰𑐖𑑂𑐘𑐵 𑐫𑐵𑑅𑐥𑐶𑐣𑑂𑐟 𑐳𑐶𑑄𑐐𑐵𑐥𑐸𑐬𑐫𑑂 𑐏𑐸𑐮𑐵𑐟𑐎 𑐖𑐾𑐮