Read news in NepalBhasa text-- www.hamroschool.com back 𑐴𑐮𑐶𑐩𑐫𑐵 𑐮𑑂𑐴𑑀𑐩𑑂𑐴 𑐩𑐣𑐹 𑐬𑐶𑐎𑐷 𑐩𑐣𑑂𑐟


𑐴𑐮𑐶𑐩𑐫𑐵 𑐮𑑂𑐴𑑀𑐩𑑂𑐴 𑐩𑐣𑐹 𑐬𑐶𑐎𑐷 𑐩𑐣𑑂𑐟



𑐊𑐖𑐾𑐣𑑂𑐳𑐷/ 𑐴𑐮𑐶𑐩𑐫𑐵 𑐴𑐾 𑐡𑐎𑐮𑐾 𑐮𑑂𑐴𑑀𑑄𑐩𑑂𑐴 𑐩𑐣𑐹𑐫𑐵 𑐢𑐮𑐏𑐫𑑂 𑐮𑐵𑑅𑐩𑑂𑐴 𑐬𑐶𑐎𑐷 𑐣𑐵𑐥𑐸𑐟𑐷 𑐩𑐣𑑂𑐟 𑑋 𑐊𑐖𑐾𑐣𑑂𑐳𑐷𑐫𑐵𑐎𑐠𑑄 𑐥𑑂𑐫𑐳𑑅 𑐎𑐶𑐮𑑀 𑐟𑑁𑐮 𑐡𑐸𑐩𑑂𑐴 𑐳𑑂𑐰𑐷𑐐𑐸𑐡𑑃𑐫𑐵 𑐬𑐶𑐎𑐷 𑐰𑑄𑐐𑐸 𑐣𑑂𑐴𑑂𑐫𑐡𑑃 𑐣𑑂𑐴𑑂𑐫𑑅𑐣𑐶𑐳𑐾𑑄 𑐮𑐵𑐳𑐵𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐏𑑅 𑑋

𑐩𑐵𑑅𑐐𑐸 𑐳𑑂𑐰𑐫𑐵𑑅 𑐁𑐥𑐵𑐮𑑄 𑐣𑐳𑐵 𑐣𑐫𑐾𑐐𑐸 𑐧𑐵𑐣𑐷𑐫𑐵 𑐴𑐸𑐣𑐶𑑄 𑐬𑐶𑐎𑐷 𑐩𑐡𑐸𑐐𑐸 𑐣𑑂𑐴𑑂𑐫𑐠𑑄𑐐𑐸 𑐡𑐸 𑑋 𑐰𑐫𑐵𑐟 𑐖𑐴𑐵𑐣 𑐔𑐾𑐬𑐶𑐮𑑄 𑐣𑐎𑐟𑐶𑐣𑐶𑐩𑑂𑐴 𑐩𑐔𑐵𑐫𑐵𑐟 𑐧𑐶𑐔𑐵𑑅 𑐫𑐵𑐫𑐾𑐠𑐾𑑄 𑐫𑐵𑐣𑐵𑑅 𑐧𑐶𑐔𑐵𑑅 𑐫𑐵𑐣𑐵𑑅 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐬𑐶𑐎𑐷 𑐴𑐮𑐶𑐩𑐫𑐵 𑐡𑐎𑐮𑐾 𑐮𑑂𑐴𑑀𑑄𑐥𑐶𑑄 𑐗𑐶𑐩𑑂𑐴𑐩𑑂𑐴 𑐩𑐣𑐹𑐩𑐢𑑂𑐫𑐾 𑐏𑐸𑐩𑑂𑐴𑐩𑑂𑐴 𑐩𑐣𑐹 𑐟𑐫𑐵𑐟𑑅𑐐𑐸 𑐠𑐵𑐫𑑂 𑐐𑐸𑐁𑐩𑐫𑑂 𑐔𑑂𑐰𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

𑐬𑐶𑐎𑐷𑐫𑐵𑐟 𑐔𑐶𑐎𑐶𑐟𑑂𑐳𑐎𑑄 𑐣𑐳𑐵 𑐣𑐫𑐾𑐐𑐸𑐮𑐶𑐂 𑐩𑑂𑐴𑑀 𑐫𑐵𑐫𑐾𑐟 𑐰 𑐠𑑅𑐐𑐸 𑐟𑑁𑐮 𑐩𑑂𑐴𑑀 𑐫𑐵𑐫𑐾𑐟 𑐂𑐮𑐫𑑂 𑐧𑑂𑐫𑐮𑐫𑑂 𑐳𑐸𑐗𑐵𑐧 𑐧𑐶𑐫𑐵𑑅 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋 𑐟𑐬, 𑐰𑐫𑐵𑐐𑐸 𑐩𑑂𑐴𑐢𑐶𑐎𑐮𑐫𑑂 𑐏𑐵𑐳𑐿 𑐎𑐩𑐷 𑐰𑑅𑐐𑐸 𑐩𑐡𑐸, 𑐄𑐎𑐶𑑄 𑐬𑐶𑐎𑐷 𑐟𑐣𑐵𑐰𑐫𑑂 𑐮𑐵𑐣𑐵𑑅 𑐰𑐫𑐵𑐔𑑂𑐰𑑄𑐐𑐸 𑐏𑑅𑐳𑐵 𑐐𑐿𑐳𑑂𑐚𑑂𑐬𑐷𑐎𑐫𑐵 𑐳𑐬𑑂𑐖𑐬𑐷𑐫𑐵 𑐣𑐶𑐟𑐶𑑄 𑐀𑐩𑐾𑐬𑐶𑐎𑐵𑐫𑐵 𑐚𑐾𑐎𑑂𑐳𑐵𑐳𑐩𑐵 𑐕𑐩𑑂𑐴 𑐩𑐶𑐳𑐵 𑐊𑐣𑑂𑐖𑐷 𑐦𑑂𑐮𑑀𑐬𑑂𑐳𑐠𑐵𑐫𑑂 𑐣𑑄 𑐰𑑄𑐐𑐸 𑐏𑑅 𑑋 𑐀𑐣𑑄𑐮𑐶𑐥𑐵 𑐰𑐫𑐵𑐐𑐸 𑐧𑐖𑐣 𑑘𑑐 𑐎𑐶𑐮𑑀𑐐𑑂𑐬𑐵𑐩𑐟𑐎𑑂𑐎 𑐩𑑂𑐴𑑀 𑐖𑐹𑐐𑐸 𑐣𑑄 𑐏𑑅 𑑋

𑐳𑐬𑑂𑐖𑐬𑐷𑐫𑐵 𑐴𑐸𑐣𑐶𑑄 𑐰𑐫𑐵𑐐𑐸 𑐥𑑂𑐰𑐵 𑑘𑑐 𑐥𑑂𑐬𑐟𑐶𑐱𑐟 𑐩𑑂𑐴𑑀 𑐖𑐹𑐐𑐸 𑐏𑑅 𑑋 𑐀𑐗 𑐡𑐸𑑅𑐏𑐫𑐵 𑐏𑑃 𑐠𑑅𑐐𑐸 𑐩𑑂𑐴𑐢𑐶𑐎𑑅𑐫𑐵𑐟 𑐩𑑂𑐴𑑀 𑐩𑐫𑐵𑑅𑐐𑐸 𑐴𑐾 𑐴𑐸𑐣𑐶𑑄 𑐮𑐶𑐥𑐵𑐰𑐣𑐵 𑐬𑐶𑐎𑐷 𑐰 𑐔𑐾𑐬𑐶𑐮𑐫𑐵 𑐳𑑂𑐰𑐵𑐥𑐹 𑐣𑐵𑐥𑑄 𑐟𑑂𑐰𑐵𑑅𑐡𑐐𑐸 𑐣𑐵𑐥𑑄 𑐣𑑂𑐴𑑂𑐫𑑅𑐠𑑄𑐐𑐸 𑐡𑐸 𑑋 𑐀𑐣𑑄𑐮𑐶𑐥𑐵 𑐫𑐵𑐎𑑅𑐔𑐵 𑐖𑐹𑐩𑑂𑐴 𑐬𑐶𑐎𑐷 𑐰𑐵𑐳𑑅𑐫𑐵 𑐩𑐵𑐢𑑂𑐫𑐩𑑄 𑐖𑐎 𑐩𑑂𑐰𑐵𑐣𑐵𑑅 𑐰𑐫𑐵𑐔𑑂𑐰𑑄𑐐𑐸 𑐏𑑅 𑑋

More Stories Like this

𑐔𑐶𑐎𑑄𑐫𑐵 𑐨𑐵𑑅 𑐎𑐸𑐴𑐵𑑄 𑐰𑐣𑐵𑑅 𑐆𑐞𑐵𑐟𑑂𑐩𑐎
𑐧𑐾𑐮𑐵𑐫𑐟𑑄 𑐔𑐷𑐣𑐥𑐵𑐏𑐾𑑄 𑐣𑑂𑐫𑐵𑑅𑐐𑐸 𑐚𑐾𑐳𑑂𑐚𑐶𑐒 𑐎𑐶𑐚𑑄 𑐖𑑂𑐫𑐵 𑐩𑐧𑐶𑐮
𑐧𑐾𑐮𑐵𑐫𑐟𑐫𑐵 𑐥𑑂𑐬𑐩 𑐧𑑀𑐬𑐶𑐳 𑐖𑑀𑐣𑑂𑐳𑐣 𑐁𑐂𑐳𑐷𑐫𑐹𑐮𑐫𑑂
𑐀𑐩𑐾𑐬𑐶𑐎𑐵𑐫𑑂 𑑒 𑐮𑐵𑐏 𑑔𑑐 𑐴𑐖𑐵𑐬𑐟𑐎 𑐳𑐶𑐂𑐦𑐸𑐐𑐸 𑐰𑑂𑐴𑐵𑐂𑐚 𑐴𑐵𑐄𑐳𑐫𑐵 𑐀𑐣𑐸𑐩𑐵𑐣
𑐳𑐵𑐩𑐵𑐖𑐶𑐎 𑐡𑐹𑐬𑐷 𑐀𑐰𑐖𑑂𑐘𑐵 𑐫𑐵𑑅𑐥𑐶𑐣𑑂𑐟 𑐳𑐶𑑄𑐐𑐵𑐥𑐸𑐬𑐫𑑂 𑐏𑐸𑐮𑐵𑐟𑐎 𑐖𑐾𑐮