Read news in NepalBhasa text-- www.hamroschool.com back 𑐡𑐬𑐰𑐵𑐬 𑐴𑐟𑑂𑐫𑐵𑐎𑐵𑐞𑑂𑐜𑐫𑑂 ‘𑐬𑐀’ 𑐩𑐏𑐸 ‘𑐳𑐶𑐁𑐃𑐊’ 𑐣𑐵𑐫: 𑐴𑑃




𑐡𑐬𑐰𑐵𑐬 𑐴𑐟𑑂𑐫𑐵𑐎𑐵𑐞𑑂𑐜𑐫𑑂 ‘𑐬𑐀’ 𑐩𑐏𑐸 ‘𑐳𑐶𑐁𑐃𑐊’ 𑐣𑐵𑐫: 𑐴𑑃



𑐖𑐸𑐖𑐸 𑐰𑐷𑐬𑐾𑐣𑑂𑐡𑑂𑐬 𑐰 𑐬𑐵𑐖𑐷𑐰 𑐐𑐵𑐣𑑂𑐢𑐷𑐫𑐵 𑐡𑐠𑐸𑐂 𑐳𑐵𑐬𑑂𑐎 𑐳𑐩𑑂𑐩𑐾𑐮𑐣𑐫𑐵 𑐗𑑂𑐰𑐮𑐫𑑂 𑐖𑐹𑐐𑐸 𑐰𑐶𑐰𑐵𑐡, 𑐨𑐵𑐬𑐟𑑄 𑐣𑐵𑐎𑐵𑐧𑐣𑑂𑐡𑐷 𑐟:𑐐𑐸, 𑐬𑐵𑐖𑐷𑐰 𑐐𑐵𑐣𑑂𑐢𑐷𑐫𑐵 𑐴𑐟𑑂𑐫𑐵𑐫𑑂 𑐖𑐿𑐣 𑐁𑐫𑑀𑐐𑐫𑐵 𑐬𑐶𑐥𑑀𑐬𑑂𑐚𑐫𑑂 𑐮𑐵𑐣𑐶 𑐋𑐱𑑂𑐰𑐬𑑂𑐫𑐫𑐵 𑐣𑐵𑑄 𑐰:𑐐𑐸 𑐂𑐟𑑂𑐫𑐵𑐡𑐶 𑐑𑐚𑐣𑐵𑐎𑑂𑐬𑐩𑑄 𑐫𑐵𑐣𑐵: 𑑒𑑐𑑕𑑘 𑐖𑐾𑐛 𑑑𑑙 𑐐𑐟𑐾 𑐔𑐵𑐣𑑂𑐴𑐫𑑂 𑐖𑐸𑐖𑐸 𑐰𑐷𑐬𑐾𑐣𑑂𑐡𑑂𑐬𑐫𑐵 𑐰𑑄𑐱𑐣𑐵𑐱 𑐖𑐸𑐂𑐎 𑐖𑐹𑐐𑐸 𑐡𑐬𑐰𑐵𑐬 𑐴𑐟𑑂𑐫𑐵𑐎𑐵𑐞𑑂𑐜𑐫𑑂 𑐩𑐹𑐮𑐟 𑐨𑐵𑐬𑐟𑐷𑐫 𑐖𑐵𑐳𑐹𑐳𑐷 𑐳𑑄𑐳𑑂𑐠𑐵 ‘𑐬𑐀’𑐫𑐵 𑐥𑑂𑐬𑐩𑐸𑐏 𑐮𑑂𑐴𑐵: 𑐡𑐫𑐾𑐩𑐵: 𑐢𑐂𑐐𑐸 𑐥𑑂𑐬𑐳𑑂𑐠𑐵𑐥𑐣𑐵 𑐁𑐥𑐵: 𑐔𑐮𑐾 𑐖𑐸𑐫𑐵𑐔𑑂𑐰𑑄𑐐𑐸 𑐏: 𑑋 𑐰𑐶𑐰𑐾𑐎 𑐎𑐸𑐩𑐵𑐬 𑐱𑐵𑐴𑑄 𑐔𑑂𑐰:𑐐𑐸 ‘𑐩𑐿𑐮𑐾 𑐡𑐾𑐏𑐾𑐎𑑀 𑐡𑐬𑐰𑐵𑐬’ 𑐢𑐂𑐐𑐸 𑐳𑐦𑐸𑐟𑐷 𑐣𑑄 𑐨𑐵𑐬𑐟𑐥𑐵𑐏𑐾 𑐴𑐾 𑐳𑑄𑐎𑐾𑐟 𑐫𑐵𑐣𑐵𑐟:𑐐𑐸 𑐡𑐸 𑑋 𑐠𑑂𑐰 𑐮𑑂𑐫𑐵𑐏𑑄 ‘𑐬𑐀’ 𑐣𑐵𑐫: 𑐰 ‘𑐳𑐶𑐁𑐃𑐊’ 𑐁𑐡𑐶 𑐔𑐵𑐴𑐶𑑄 𑐩𑐟𑐶𑐫𑐵𑐬 𑐖𑐎 𑐖𑐸𑐂𑐩𑐵: 𑐢𑐂𑐐𑐸 𑐥𑑂𑐬𑐳𑑂𑐠𑐵𑐥𑐣𑐵 𑐴𑐾 𑐁𑐥𑐵: 𑐣𑑂𑐫𑐣𑐵𑐔𑑂𑐰𑑄𑐐𑐸 𑐏: 𑑋
𑐟𑐬 𑐁: 𑐢𑐵:𑐳𑐵 𑐠𑐸𑐎𑐷 𑐳𑐶𑐁𑐃𑐊 𑐣𑐵𑐫: 𑐰 ‘𑐬𑐀’ 𑐩𑐟𑐶𑐫𑐵𑐬 𑐖𑐎 𑐖𑐹𑐐𑐸 𑐣𑑂𑐴𑐹𑐐𑐸 𑐥𑑂𑐬𑐳𑑂𑐠𑐵𑐥𑐣𑐵 𑐥𑐶𑐴𑐵𑑄 𑐰:𑐐𑐸 𑐡𑐸 𑑋 𑐨𑐵𑐬𑐟𑑄 𑐴𑐾 𑐡𑐬𑐰𑐵𑐬 𑐴𑐟𑑂𑐫𑐵𑐎𑐵𑐞𑑂𑐜𑐫𑑂 ‘𑐬𑐀’ 𑐰 𑐨𑐵𑐬𑐟 𑐥𑑂𑐬𑐫𑑀𑐐 𑐖𑐎 𑐖𑐹𑐐𑐸 𑐰 𑐠𑐸𑐐𑐸 𑐴𑐟𑑂𑐫𑐵𑐎𑐵𑐞𑑂𑐜 𑐟𑐶𑐧𑑂𑐧𑐟𑐫𑐵𑐟 𑐑𑐾𑐬𑐵𑐧𑐣𑑂𑐡𑐷 𑐫𑐵𑐫𑐾𑐐𑐸 𑐀𑐩𑐾𑐬𑐶𑐎𑐷 𑐬𑐞𑐣𑐷𑐟𑐶𑐫𑐵 𑐕𑐐𑐹 𑐫𑑀𑐖𑐣𑐵 𑐖𑐹𑐐𑐸 𑐏𑑃 𑐥𑐶𑐴𑐵𑑄 𑐰:𑐐𑐸 𑐡𑐸 𑑋 𑐨𑐵𑐬𑐟 𑐥𑑂𑐬𑐫𑑀𑐐 𑐖𑐎 𑐖𑐹𑐐𑐸 𑐰 𑐣𑐾𑐥𑐵𑐮𑐫𑑂 𑐀𑐩𑐾𑐬𑐶𑐎𑐵 𑐰 𑐂𑐫𑐹𑐫𑐵 𑐐𑐟𑐶𑐰𑐶𑐢𑐶 𑐟𑐔𑑂𑐰:𑐐𑐸 𑐖𑐹𑐐𑐸𑐮𑐶𑑄 𑐨𑐵𑐬𑐟𑐷𑐫𑐟𑐳𑐾𑑄 𑐧𑐵𑑄𑐮𑐵𑐎𑑂𑐎 𑐧𑐶𑐔𑐵: 𑐫𑐵𑐂𑐐𑐸 𑐖𑐸𑐫𑐵𑐔𑑂𑐰𑑄𑐐𑐸 𑐏𑑃 𑐁: 𑐣𑑂𑐫𑐣𑐾𑐡𑐫𑐵 𑐰:𑐐𑐸 𑐡𑐸 𑑋
𑐣𑐾𑐥𑐵𑐮𑐫𑑂 𑐬𑐵𑐖𑐡𑐹𑐟 𑐖𑐸𑐫𑐵𑐰𑑄𑐩𑑂𑐴 𑐣𑐵𑐣𑑂𑐳𑐷 𑐥𑐵𑐰𑐾𑐮 𑐨𑐵𑐬𑐟𑐫𑑂 𑐬𑐵𑐖𑐡𑐹𑐟 𑐖𑐹𑐰𑑄𑐐𑐸 𑐰 𑐰𑑄 𑐬𑐵𑐖𑐷𑐣𑐵𑐩𑐵 𑐧𑐷𑐩𑐵:𑐐𑐸, 𑐠𑑂𑐰𑐫𑐵𑑄 𑐣𑑂𑐴𑑂𑐫: 𑐨𑐵𑐬𑐟𑐷𑐫 𑐖𑐵𑐳𑐸𑐳𑐷 𑐳𑑄𑐳𑑂𑐠𑐵 ‘𑐬𑐀’𑐫𑐵 𑐣𑐵𑐫: 𑐥𑐡𑐫𑑂 𑐣𑑂𑐴𑐵𑐥𑐵 𑐣𑐾𑐥𑐵: 𑐴𑐾 𑐳𑑂𑐰𑐫𑐵𑐔𑑂𑐰𑑄𑐩𑑂𑐴 𑐁𑐮𑑀𑐎 𑐖𑑀𑐱𑐷 𑐰:𑐐𑐸, 𑐴𑐵𑐣𑑄 𑐎𑐣𑐎𑐩𑐞𑐶 𑐡𑐶𑐎𑑂𑐲𑐶𑐟𑐫𑐵 𑐏𑐵𑐟𑐵𑐫𑑂 𑑖 𑐎𑐬𑑀𑐜 𑐡𑐵𑑄 𑐨𑐵𑐬𑐟𑐷𑐫 𑐥𑐎𑑂𑐲𑑄 𑐦𑑀𑐚𑑀𑐎𑐥𑐶 𑐧𑐶𑐫𑐵: 𑐣𑐵𑑄𑐐𑐵𑑄 𑐫𑐵𑐣𑐵𑐧𑑂𑐫𑐹𑐐𑐸 𑐨𑐐𑐟𑐳𑐶𑑄𑐴 𑐎𑑀𑐱𑑂𑐫𑐵𑐬𑐷 𑐰𑐫𑐵: 𑐀𑐩𑐾𑐬𑐶𑐎𑐵 𑐰 𑐂𑐫𑐹 𑐣𑑄 𑐣𑐾𑐥𑐵𑐮𑐫𑑂 𑐫𑐵𑐣𑐵𑐔𑑂𑐰𑑄𑐐𑐸 𑐐𑑂𑐰𑐵𑐴𑐵𑐮𑐶𑐫𑐵 𑐮𑑂𑐫𑐹𑐣𑐾 𑐣𑐶𑐴𑐶𑐟 𑐳𑑂𑐰𑐵𑐬𑑂𑐠 𑐡𑐸 𑐢𑐎𑐵: 𑐢𑐵:𑐐𑐸 𑐴𑐵𑐣𑑄 𑐣𑑂𑐴𑐹𑐩𑑂𑐴 𑐨𑐵𑐬𑐟𑐷𑐫 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐬𑐾𑐣𑑂𑐡𑑂𑐬 𑐩𑑀𑐡𑐷𑑄 𑐣𑑄 𑐣𑐾𑐥𑐵:𑐮𑐶𑐳𑐾𑐫𑐵 𑐳𑑂𑐰𑐵𑐥𑐹 𑐎𑑂𑐰𑐵𑐟𑐸𑐎𑐾𑐟 𑐧: 𑐧𑐶𑐫𑐵𑐔𑑂𑐰𑑄𑐐𑐸 𑐁𑐡𑐶𑑄 𑐫𑐵𑐣𑐵: 𑐠𑑂𑐰 𑐏𑑃𑐫𑐵𑐟 𑐴𑐾 𑐥𑐸𑐚 𑐖𑐹𑐰𑑄𑐐𑐸 𑐡𑐸 𑑋
𑐣𑑂𑐴𑑂𑐫𑐵𑐐𑑂𑐐𑐸 𑐠𑐖𑐸, 𑐠𑐸𑐖𑑂𑐰:𑐐𑐸 𑐥𑑂𑐬𑐳𑑂𑐠𑐵𑐥𑐣𑐵𑐟 𑐣𑑄 𑐀𑐖𑐷𑐰 𑐀𑐖𑐷𑐰 𑐥𑐴𑐮𑑄 𑐣𑑂𑐫𑐣𑐾𑐡𑐂𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐟𑐬 𑐠𑑂𑐰 𑐏𑑃 𑐳𑐟𑑂𑐫 𑐏: 𑐎𑐶 𑑒𑑐𑑔𑑖 𑐳𑐵𑐮𑐫𑐵 𑐁𑐣𑑂𑐡𑑀𑐮𑐣 𑐮𑐶𑐥𑐵 𑐡𑐬𑐰𑐵𑐬𑑄 𑐀𑐩𑐾𑐬𑐶𑐎𑐵𑐣𑐵𑐥 𑐴𑐾 𑐳𑑂𑐰𑐵𑐥𑐹 𑐧𑐮𑑂𑐮𑐵𑐎𑐹𑐐𑐸 𑐏: 𑑋 𑐰𑐴𑐾 𑐀𑐩𑐾𑐬𑐶𑐎𑐵𑑄 𑐡𑐬𑐰𑐵𑐬 𑐳𑐶𑐢𑐫𑐾𑐎𑐮 𑑋 𑐴𑐵𑐣𑑄 𑑒𑑐𑑔𑑖 𑐳𑐵𑐮𑐫𑐵 𑐁𑐣𑑂𑐡𑑀𑐮𑐣𑐮𑐶𑐥𑐵 𑐡𑐬𑐰𑐵𑐬𑑄 𑐐𑐶𑐬𑐶𑐖𑐵𑐫𑐵 𑐧𑑂𑐰𑐴𑐮𑐫𑑂 𑐐𑐫𑐵: 𑐣𑐾𑐰𑐵:𑐟𑐫𑑂𑐟 𑐣𑑄 𑐎𑑂𑐰𑐦𑐵:𑐐𑐸 𑐏:, 𑐁: 𑐰𑐴𑐾 𑐧𑐩𑑂𑐬𑑂𑐴𑐹𑐟𑐳𑐾𑑄 𑐣𑐾𑐚𑐰𑐬𑑂𑐎 𑐧𑐮𑑂𑐮𑐵𑐎𑐵: 𑐬𑐵𑐖𑐟𑐣𑑂𑐟𑑂𑐬 𑐣𑐫𑐵𑐧𑐶𑐮 𑑋 𑐬𑐵𑐖𑐣𑐷𑐟𑐶𑐂 𑐠𑐸𑐖𑑂𑐰:𑐐𑐸 𑐮𑐵 𑐖𑐸𑐫𑐵𑐔𑑂𑐰𑐣𑐷𑐐𑐸 𑐖𑐸𑐫𑐵𑐔𑑂𑐰𑐣 𑑋

More Stories Like this

𑐥𑐴𑐶𑐔𑐵𑐣𑐳𑐴𑐶𑐟𑐫𑐵 𑐳𑑄𑐑𑐶𑐫𑐟𑐵𑐫𑑂 𑐣𑐾𑐟𑐵𑐟𑐫𑑂𑐐𑐸 𑐐𑑂𑐫𑐵𑐔𑐶𑐎𑐸
𑐎𑑀𑐂𑐬𑐵𑐮𑐵 𑐳𑐬𑐎𑐵𑐬 𑐣 𑐏𑑂𑐫𑐾𑑃𑐫𑑂 𑐔𑐵𑐮 𑐣 𑐴𑑃𑐫𑑂𑐫𑐵 𑐔𑐵𑐮
𑐣𑐶𑐬𑑂𑐰𑐵𑐔𑐣𑐫𑐵 𑐣𑐶𑐲𑑂𑐥𑐎𑑂𑐲𑐟𑐵𑐫𑑂 𑐧𑑂𑐰𑐮𑑄𑐐𑐸 𑐣𑑂𑐴𑑂‍𑐫𑐳:
𑐀𑐢𑐶𑐰𑐾𑐱𑐣𑑄 𑐧𑑂𑐫𑐹𑐐𑐸 𑐳𑐣𑑂𑐡𑐾𑐱
𑐣𑑂𑐫𑐵𑐫𑐵𑐢𑐶𑐱 𑐖𑐸𑐂𑐟 𑐢𑑂𑐫𑐰𑐵 𑐣𑐎𑐾𑐟 𑐰𑑄𑐐𑐸 𑐣𑑂𑐫𑐵𑐫𑐥𑐵𑐮𑐶𑐎𑐵 𑐣𑑂𑐴𑑂‍𑐫𑐳: