Read news in NepalBhasa text-- www.hamroschool.com back "𑐴𑐵𑐂𑐎𑐸 𑐧𑐵𑐬𑐾 𑐳𑐴𑐮𑐴 𑐰 𑐴𑐵𑐂𑐎𑐸 𑐣𑑂𑐫𑐣𑐾𑐧𑑂𑐰𑐣𑐾" 𑐖𑑂𑐫𑐵𑐗𑑂𑐰𑑅 𑐖𑐸𑐮


"𑐴𑐵𑐂𑐎𑐸 𑐧𑐵𑐬𑐾 𑐳𑐴𑐮𑐴 𑐰 𑐴𑐵𑐂𑐎𑐸 𑐣𑑂𑐫𑐣𑐾𑐧𑑂𑐰𑐣𑐾" 𑐖𑑂𑐫𑐵𑐗𑑂𑐰𑑅 𑐖𑐸𑐮



𑐥𑑂𑐬𑐟𑐶𑐨𑐵 𑐳𑐩𑐵𑐖𑐫𑐵 𑐡𑑃𑐩𑐸𑐖𑑂𑐫𑐵 𑐰 𑐳𑐵𑐟𑑀𑐁𑐎𑐶 𑐂𑐟𑑀 𑐳𑑂𑐩𑐺𑐟𑐶 𑐡𑐶𑐰𑐳𑐫𑐵 𑐮𑐳𑐟𑐵𑐫𑑂 '𑐣𑑅𑐮𑐶' 𑐳𑐵𑐴𑐶𑐟𑑂𑐫𑐶𑐎 𑐥𑑁𑐫𑐵 𑐥𑐶𑐠𑐣𑐵𑐫𑐵 𑐐𑑂𑐰𑐳𑐵𑐮𑐫𑑂 𑐧𑐸𑐢𑐰𑐵𑑅 "𑐴𑐵𑐂𑐎𑐸 𑐧𑐵𑐬𑐾 𑐳𑐴𑐮𑐴 𑐰 𑐴𑐵𑐂𑐎𑐸 𑐣𑑂𑐫𑐣𑐾𑐧𑑂𑐰𑐣𑐾" 𑐖𑑂𑐫𑐵𑐗𑑂𑐰𑑅 𑐖𑐸𑐮 𑑋

𑐥𑑂𑐬𑐟𑐶𑐨𑐵 𑐳𑐩𑐵𑐖𑐫𑐵 𑐣𑐵𑐫𑑅 𑐥𑐡𑑂𑐩𑐬𑐟𑑂𑐣 𑐟𑐸𑐮𑐵𑐢𑐬𑐫𑐵 𑐳𑐨𑐵𑐢𑑂𑐫𑐎𑑂𑐲𑐟𑐵𑐫𑑂 𑐖𑐹𑐐𑐸 𑐄𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐴𑐵𑐂𑐖𑐶𑐣𑐥𑐶𑑄 𑐨𑐹𑐲𑐞𑐥𑑂𑐬𑐳𑐵𑐡 𑐱𑑂𑐬𑐾𑐲𑑂𑐛, 𑐰𑐶𑐩𑐮 𑐟𑐵𑐩𑑂𑐬𑐎𑐵𑐬, 𑐳𑑁𑐬𑐨 𑐱𑐵𑐎𑑂𑐫, 𑐧𑐡𑑂𑐬𑐷 𑐧𑐾𑐡𑐣𑐵, 𑐡𑐫𑐵 𑐏𑐜𑑂𑐐𑐷 𑐧𑐾𑐔𑐿𑐣, 𑐬𑐾𑐞𑐸 𑐱𑑂𑐬𑐾𑐲𑑂𑐛, 𑐟𑐸𑐫𑐸 𑐥𑐸𑑄, 𑐬𑐵𑐖𑐹 𑐳𑑂𑐫𑐳𑑂𑐫𑑅, 𑐳𑐸𑐬𑐖𑐧𑐷𑐬 𑐧𑐖𑑂𑐬𑐵𑐔𑐵𑐬𑑂𑐫, 𑐰𑐶𑐖𑐫𑐬𑐟𑑂𑐣 𑐀𑐳𑑄𑐧𑐬𑐾, 𑐩𑑄𑐐𑐮𑐩𑐵𑐣 𑐩𑐵𑐣𑐣𑑂𑐢𑐬, 𑐩𑑀𑐎𑑂𑐲 𑐧𑐴𑐵𑐡𑐸𑐬 𑐀𑐩𑐵𑐟𑑂𑐫, 𑐥𑐸𑐲𑑂𑐥𑐬𑐟𑑂𑐣 𑐳𑑂𑐰𑐷𑐚𑐴𑐬𑑂𑐚, 𑐩𑐴𑐾𑐱𑐩𑐵𑐣 𑐮𑑃𑐖𑐸𑐰𑐵𑑅 𑐣𑐵𑐥𑑄 𑐣𑐷𑐣𑑂𑐫𑐵𑐩𑑂𑐴𑐾𑐳𑐶𑐣𑑄 𑐠𑑅𑐥𑐶𑐣𑐶𑐐𑐸 𑐴𑐵𑐂𑐎𑐸 𑐥𑐵𑐛 𑐫𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐴𑐵𑐂𑐎𑐸𑐫𑐵 𑐳𑐿𑐡𑑂𑐢𑐵𑐣𑑂𑐟𑐶𑐎 𑐥𑐎𑑂𑐲 𑐰 𑐠𑐸𑐎𑐶𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐀𑐰𑐳𑑂𑐠𑐵𑐫𑐵 𑐧𑐵𑐬𑐾 𑐳𑐩𑐵𑐖𑐫𑐵 𑐣𑑂𑐰𑐎𑐹 𑐜𑐵. 𑐧𑐖𑑂𑐬𑐬𑐵𑐖 𑐱𑐵𑐎𑑂𑐫𑑄 𑐣𑑂𑐰𑐰𑐵𑐣𑐵𑐡𑐷𑐐𑐸 𑐏𑑅 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐧𑑂𑐰𑐣𑐵 𑐣𑑂𑐫𑑄𑐎𑐹𑐐𑐸 𑐴𑐵𑐂𑐎𑐸 𑐰 𑐣𑐾𑐥𑐵𑐮𑐫𑑂 𑐴𑐵𑐂𑐎𑐸𑐫𑐵 𑐥𑑂𑐬𑐰𑐾𑐱𑐫𑐵 𑐧𑐵𑐬𑐾 𑐣𑐵𑑄𑐖𑐵𑑅𑐩𑑂𑐴 𑐳𑐩𑐵𑐮𑑀𑐔𑐎 𑐃𑐣𑑂𑐡𑑂𑐬 𑐩𑐵𑐮𑐷𑑄 𑐳𑐩𑐷𑐎𑑂𑐲𑐵 𑐫𑐵𑐣𑐵𑐡𑐷𑐐𑐸 𑐏𑑅 𑑋

'𑐣𑑅𑐮𑐶' 𑐳𑐵𑐴𑐶𑐟𑑂𑐫𑐶𑐎 𑐮𑐫𑑂𑐥𑑁𑐫𑐵 𑐥𑑂𑐬𑐢𑐵𑐣 𑐳𑐩𑑂𑐥𑐵𑐡𑐎 𑐣𑐬𑐾𑐱𑐰𑐷𑐬 𑐱𑐵𑐎𑑂𑐫𑑄 𑐖𑑂𑐫𑐵𑐗𑑂𑐰𑑅𑐫𑐵 𑐟𑐵𑐟𑐸𑐣𑐵𑐫𑐵𑐟 𑐎𑐫𑐵𑑅 𑐢𑑂𑐰𑐵𑐠𑐸𑐂𑐎𑐹𑐳𑐾𑑄 𑐠𑐸𑐎𑐶𑑄 𑐴𑐵𑐂𑐎𑐸𑐫𑐵 𑐰𑐶𑐎𑐵𑐳𑐫𑑂 𑐟𑐶𑐧𑑅 𑐖𑐸𑐂𑐐𑐸 𑐢𑐫𑐵𑐡𑐷𑐐𑐸 𑐡𑐸 𑑋

𑐖𑑂𑐫𑐵𑐗𑑂𑐰𑐮𑐫𑑂 𑐳𑐵𑐟𑑀𑐁𑐎𑐶 𑐂𑐟𑑀𑐫𑐵 𑐀𑐧𑐸𑑄 𑐖𑐵𑐥𑐵𑐣𑐷𑐨𑐵𑐳𑑄 𑐴𑐵𑐂𑐎𑐸 𑐧𑑂𑐰𑐣𑐵𑐡𑐷𑐐𑐸 𑐏𑑅 𑑋

(𑐎𑐶𑐥𑐵: 𑐣𑐺𑐥𑐾𑐣𑑂𑐡𑑂𑐬𑐮𑐵𑐮 𑐱𑑂𑐬𑐾𑐲𑑂𑐛​)

More Stories Like this

𑐎𑐵𑐾𑐬𑐶𑐫𑐵𑐫𑑂 𑐣𑐾𑐰𑐵𑑅 𑐨𑑂𑐰𑐫𑑂, 𑐣𑐩𑑂𑐬𑐟𑐵 𑐱𑑂𑐬𑐾𑐲𑑂𑐛𑐫𑐵𑐟 𑐴𑐣
𑐣𑑂𑐫𑐹𑐫𑐵𑐾𑐬𑑂𑐎𑐫𑑂 𑐂𑐴𑐶
𑐬𑐵𑐖𑐣𑐷𑐟𑐶𑐎 𑐡𑐮𑐟𑐫𑑂 𑐑𑑀𑐲𑐞𑐵𑐥𑐟𑑂𑐬 𑐰 𑐣𑐾𑐰𑐵𑑅 𑐡𑐺𑐲𑑂𑐚𑐶𑐎𑑀𑐞
𑐎𑐶𑐥𑐸𑐮𑐷 𑐩𑑄𑐎𑐵𑑅 𑐧𑐵𑐏𑑄 𑐐𑑀𑐲𑑂𑐛𑐶
"𑐰𑐬𑑂𑐟𑐩𑐵𑐣 𑐬𑐵𑐖𑐣𑐷𑐟𑐶𑐎 𑐳𑑄𑐣𑑂𑐡𑐬𑑂𑐨𑐫𑑂 𑐣𑐾𑐰𑐵𑑅 𑐳𑑂𑐰𑐵𑐫𑐟𑑂𑐟 𑐬𑐵𑐖𑑂𑐫" 𑐳𑐩𑑂𑐧𑐣𑑂𑐢𑐶 𑐐𑑀𑐲𑑂𑐛𑐷