Read news in NepalBhasa text-- www.hamroschool.com back 𑐣𑐾𑐰𑐵𑑅𑐟𑐫𑑂𑐟 𑐖𑐵𑐐𑐺𑐟 𑐫𑐵𑐂𑐐𑐸 '𑐣𑐾𑐥𑐵𑑅𑐩𑐶𑐫𑐵 𑐣𑐸𑐐𑑅 𑐳𑑅'




𑐣𑐾𑐰𑐵𑑅𑐟𑐫𑑂𑐟 𑐖𑐵𑐐𑐺𑐟 𑐫𑐵𑐂𑐐𑐸 '𑐣𑐾𑐥𑐵𑑅𑐩𑐶𑐫𑐵 𑐣𑐸𑐐𑑅 𑐳𑑅'



𑐱𑑂𑐫𑐵𑐩 𑐄𑐡𑐫

𑐔𑑅𑐩𑐟𑐶 𑐣𑐾𑐰𑐵𑑅 𑐏𑐮𑑅 𑐰 𑐔𑑅𑐩𑐟𑐶 𑐧𑐴𑐸𑐄𑐡𑑂𑐡𑐾𑐱𑑂𑐫𑐷𑐫 𑐳𑐴𑐎𑐵𑐬𑐷 𑐳𑑄𑐳𑑂𑐠𑐵 𑐮𑐶.𑐫𑐵 𑐐𑑂𑐰𑐵𑐴𑐵𑐮𑐶𑑄 𑐥𑐹𑐬𑑂𑐞𑐎𑐵𑐖𑐷 𑐖𑑂𑐫𑐵𑐥𑐸𑑄 𑐠𑑅𑐐𑐸 𑐴𑐾 𑐩𑑂𑐫𑐾𑑃𑐫𑑂 𑐳𑑄𑐐𑐷𑐟 𑐟𑐫𑐵𑑅 '𑐣𑐾𑐥𑐵𑑅𑐩𑐶𑐫𑐵 𑐣𑐸𑐐𑑅𑐳𑑅' 𑐊𑐮𑑂𑐧𑐩 𑐥𑐶𑐠𑐣𑐵𑐡𑐷𑐐𑐸 𑐡𑐸𑑋 𑐩𑐸𑐎𑑂𑐎𑑄 𑐣𑑂𑐴𑑂𑐫𑐥𑐸 𑐩𑑂𑐫𑐾𑑃 𑐡𑐸𑐐𑐸 '𑐣𑐾𑐥𑐵𑑅𑐩𑐶𑐫𑐵 𑐣𑐸𑐐𑑅𑐳𑑅' 𑐳𑐷𑐜𑐷𑐫𑐵 𑐩𑑂𑐫𑐾𑑃𑐫𑑂 𑐁𑑅𑐟𑐎 𑐗𑐷𑐐𑐸 𑐨𑐵𑐲𑐵 𑐏𑑂𑐫𑐮𑐫𑑂 𑐖𑐸𑐫𑐵𑐔𑑂𑐰𑑄𑐐𑐸 𑐐𑐟𑐶𑐰𑐶𑐢𑐶 𑐰 𑐗𑐷 𑐐𑐧𑐮𑐾𑑄 𑐥𑐵𑐬 𑐖𑐸𑐂 𑐩𑐦𑐸𑐐𑐸 𑐡𑐸𑑅𑐏 𑐥𑑂𑐰𑑄𑐎𑐵𑐟𑑅𑐐𑐸 𑐡𑐸𑑋 𑐐𑐸𑐮𑐶𑑄 𑐩𑑂𑐫𑐾𑑃𑐫𑑂 𑐨𑐵𑐲𑐵 𑐁𑐣𑑂𑐡𑑀𑐮𑐣𑐫𑐵 𑐣𑑂𑐴𑑂𑐫𑐮𑐸𑐰𑐵𑐟𑐫𑑂 𑐥𑑂𑐬𑐟𑐶 𑐀𑐳𑐣𑑂𑐟𑑀𑐲 𑐰 𑐁𑐎𑑂𑐬𑑀𑐳 𑐥𑑂𑐰𑑄𑐎𑐵𑐟𑑅𑐐𑐸 𑐡𑐸 𑑋

𑐠𑑁𑑄𑐟𑐎 𑐨𑐵𑐲𑐵, 𑐖𑐵𑐟𑐶, 𑐳𑑄𑐳𑑂𑐎𑐵𑐬 𑐳𑑄𑐳𑑂𑐎𑐺𑐟𑐶 𑐠𑐎𑐵𑑅 𑐗𑐷 𑐣𑐾𑐰𑐵𑑅𑐟𑐫𑑂𑐳𑑄 𑐐𑐸𑐮𑐶 𑐏𑐮𑑅 𑐥𑐸𑐔𑑅, 𑐥𑐵𑐬𑑂𑐚𑐷 𑐳𑑂𑐰𑐣𑑋 𑐰 𑐠𑐵𑐥𑐣𑐵 𑐖𑐎 𑐖𑐸𑐮𑑋 𑐏𑐮𑑅 𑐥𑐸𑐔𑑅𑐟𑐫𑑂𑐳𑑄 𑐣𑐰𑐵𑐂𑐐𑐸 𑐨𑐵𑐫𑑂 𑐣𑐾𑐥𑐵𑐮𑐨𑐵𑐲𑐵 𑐏𑑅𑑋 𑐥𑐵𑐬𑑂𑐚𑐷 𑐰 𑐥𑐵𑐬𑑂𑐚𑐷𑐫𑐵 𑐎𑐵𑐬𑑂𑐫𑐎𑐬𑑂𑐟𑐵𑐟𑐫𑑂𑐳𑑄 𑐣𑑂𑐰𑐰𑐵𑐂𑐐𑐸 𑐨𑐵𑐫𑑂 𑐣𑑄 𑐣𑐾𑐥𑐵𑐮𑐨𑐵𑐲𑐵 𑐴𑐾 𑐏𑑅𑑋 𑐀𑐠𑐾 𑐣𑑄 𑐳𑑅 𑐐𑐠𑐾 𑐖𑐸𑐫𑐵𑑅 𑐕𑐶𑐣𑑂𑐣𑐨𑐶𑐣𑑂𑐣 𑐖𑐸𑐮? 𑐗𑐷 𑐣𑐾𑐥𑐵𑑅𑐩𑐶𑐫𑐵 𑐳𑑅 𑐐𑐠𑐾 𑐖𑐸𑐫𑐵𑑅 𑐕𑐐𑐹 𑐴𑐾 𑐮𑐫, 𑐕𑐐𑐹 𑐴𑐾 𑐟𑐵𑐮𑐫𑑂 𑐥𑐶𑐩𑐖𑑂𑐰𑐮? '𑐣𑐾𑐥𑐵𑑅𑐩𑐶𑐫𑐵 𑐣𑐸𑐐𑑅𑐳𑑅' 𑐳𑐶𑐜𑐷𑑄 𑐠𑑂𑐰 𑐣𑑂𑐴𑑂𑐫𑐳𑑅 𑐠𑐣𑐵𑐔𑑂𑐰𑑄𑐐𑐸 𑐡𑐸𑑋 𑐀𑐠𑐾 𑐖𑐸𑐫𑐵𑑅 𑐴𑐾 𑐖𑐸𑐐𑐮 𑐜𑑄𑐐𑑀𑐮𑐫𑐵 𑐮𑐫 𑐳𑐵𑐣𑐸𑐧𑐵𑐧𑐸 𑐩𑐴𑐬𑑂𑐖𑐣, 𑐖𑐸𑐐𑐮 𑐜𑑄𑐐𑑀𑐮, 𑐬𑐟𑑂𑐣𑐱𑑀𑐨𑐵 𑐩𑐴𑐬𑑂𑐖𑐣 𑐰 𑐡𑐷𑐥𑐵 𑐩𑐴𑐬𑑂𑐖𑐣𑐥𑐶𑐣𑐶𑐐𑐸 𑐥𑐸𑐔𑑅 𑐳𑐮𑑄 𑐢𑐵𑐂 - '𑐡𑑃 𑐡𑑃 𑐴𑐾 𑐣𑐾𑐥𑐵𑑅𑐩𑐶'𑑋 𑐳𑐟𑐶𑐳 𑐩𑐴𑐬𑑂𑐖𑐣𑑄 𑐖𑐧 𑐮𑑂𑐴𑐵𑑅 𑐕𑐵𑐟𑐶𑐂 𑐟𑐫𑐵𑑅 𑐖𑐫 𑐣𑐾𑐥𑐵𑐮 𑐢𑐵𑐫𑐾𑐐𑐸 𑐳𑑄𑐳𑑂𑐎𑐵𑐬, 𑐳𑑄𑐳𑑂𑐎𑐵𑐬 𑐖𑐎 𑐩𑐏𑐸 𑐁𑑅 𑐣𑐷 𑐴𑐾 𑐫𑐵𑐣𑐵𑑅 𑐢𑐵𑐫𑐾𑐩𑐵𑑅 𑐢𑐵𑐂 𑑋

'𑐏𑑅 𑐠𑑂𑐰 𑐗𑐷𑐐𑐸 𑐣𑐾𑐥𑐵𑐮 𑐳𑐩𑑂𑐧𑐟' 𑐥𑐸𑐔𑑅 𑐩𑑂𑐫𑐾𑑃 𑐳𑐟𑐶𑐳 𑐩𑐴𑐬𑑂𑐖𑐣, 𑐥𑐰𑐶𑐟𑑂𑐬 𑐎𑐳𑐵𑑅, 𑐬𑐟𑑂𑐣 𑐱𑑀𑐨𑐵, 𑐡𑐷𑐥𑐵 𑐩𑐴𑐬𑑂𑐖𑐣𑑄 𑐴𑐵𑐮𑐵𑐟𑑅𑐐𑐸 𑐡𑐸𑐳𑐵 𑐮𑐫 𑐥𑐣𑑂𑐣𑐵𑐎𑐵𑐖𑐷 𑐱𑐵𑐎𑑂𑐫𑑄 𑐟𑐫𑐵𑐟𑑅𑐐𑐸 𑐡𑐸𑑋 𑐀𑐠𑐾 𑐴𑐾 𑐖𑐸𑐐𑐮 𑐜𑑄𑐐𑑀𑐮𑐫𑐵 𑐮𑐳𑐫𑑂 𑐣𑐶𑐳𑐵 𑐡𑐾𑐳𑐵𑐬𑑄 𑐴𑐵𑐮𑐵𑐟𑑅𑐐𑐸 '𑐡𑐾𑐫𑑂𑐫𑐵 𑐀𑐫𑑂' 𑐩𑑂𑐫𑐾𑑃 𑐣𑑄 𑐠𑐸𑐎𑐷 𑐡𑐸𑐠𑑂𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋

𑐣𑐾𑐥𑐵𑑅𑐫𑐵 𑐠𑐸𑐰𑐵𑑅 𑐖𑐸𑐫𑐵𑑅 𑐣𑑄 𑐣𑐾𑐰𑐵𑑅𑐟 𑐐𑐸𑐧𑐮𑐾𑑄 𑐕𑐥𑑂𑐥𑑃 𑐖𑐸𑐂 𑐩𑐦𑐸𑐐𑐸 𑐏𑐵𑐫𑐹𑐐𑐸 𑐫𑐠𑐵𑐬𑑂𑐠 𑐕𑐏𑐾 𑐡𑐸𑐳𑐵 𑐠𑑅𑐐𑐸 𑐴𑐾 𑐁𑐡𑐶𑐨𑐹𑐩𑐶𑐫𑐵 𑐨𑐹𑐩𑐶𑐥𑐸𑐟𑑂𑐬𑑄 𑐠𑐵𑐥𑐣𑐵 𑐫𑐵𑑅𑐐𑐸 𑐣𑐾.𑐳𑑄. 𑐗𑐷𑐳𑑄 𑐕𑑂𑐫𑐮𑐾 𑐩𑐦𑐸𑐐𑐸 𑐣𑑄 𑐗𑐷𑐐𑐸 𑐴𑐾 𑐎𑐩𑐖𑑀𑐬𑐷 𑐏𑑅𑑋 𑐀𑐠𑐾 𑐖𑐹𑐐𑐸𑐮𑐶 𑐩𑐵𑑄𑐫𑐵 𑐡𑐸𑐬𑐸 𑐟𑑂𑐰𑐣𑐵𑐟𑑅𑐐𑐸𑐫𑐵 𑐟𑑂𑐫𑐵𑐳𑐵 𑐥𑐸𑐮𑐾𑐟 𑐣 𑐏𑐮𑑅, 𑐥𑐸𑐔𑑅𑐟 𑐴𑐾 𑐳𑐫 𑐖𑐸𑐮 𑐣 𑐥𑐵𑐬𑑂𑐚𑐷𑐫𑐵 𑐎𑐵𑐬𑑂𑐫𑐎𑐬𑑂𑐟𑐵 𑐣 𑐥𑐵𑐬𑑂𑐚𑐷𑐫𑐵 𑐣𑐵𑐫𑑅𑐟𑐫𑑂𑐳𑑄 𑐴𑐾 𑐖𑐶𑐩𑑂𑐩𑐾𑐰𑐵𑐬𑐷 𑐎𑑂𑐫𑐣𑑋 𑐀𑐠𑐾 𑐖𑐸𑐫𑐵𑑅 𑐴𑐾 𑐬𑐟𑑂𑐣𑐱𑑀𑐨𑐵𑑄 𑐠𑑂𑐰 𑐳𑐶𑐜𑐶𑐂 𑐥𑐹𑐬𑑂𑐞𑐎𑐵𑐖𑐷 𑐖𑑂𑐫𑐵𑐥𑐸𑑄 𑐮𑐫 𑐟𑑅𑐐𑐸 '𑐗𑐷𑐐𑐸 𑐡𑐾𑐫𑑂𑐫𑐵' 𑐩𑑂𑐫𑐾𑑃 𑐴𑐵𑐮𑐷𑑋 𑐗𑐷 𑐣𑐾𑐰𑐵𑑅𑐟 '𑐨𑐶𑐣𑑂𑐟𑐸𑐣𑐵 𑐨𑐶𑐣𑑂𑐟𑐸𑐣𑐵' 𑐢𑐎𑐵𑑅 𑐨𑐶𑐣𑑂𑐟𑐸𑐣𑐵 𑐎𑐵𑐮𑐧𑐶𑐮 𑐫𑐵𑐫𑐾𑐟 𑐰 𑐨𑐶𑐣𑑂𑐟𑐸𑐣𑐵𑐫𑐵 𑐩𑑂𑐫𑐾 𑐴𑐵𑐮𑐾𑐟 𑐐𑐧𑐮𑐾𑑄 𑐮𑐶𑐄𑐣𑐾 𑐩𑐮𑐵𑑅𑑋 𑐥𑐹𑐬𑑂𑐞𑐎𑐵𑐖𑐷𑐫𑐵 𑐴𑐾 𑐮𑐳𑐫𑑂 '𑐨𑐶𑐣𑑂𑐟𑐸𑐣𑐵' 𑐥𑐸𑐔𑑅 𑐩𑑂𑐫𑐾𑑃 𑐏𑑅𑐳𑐵 𑐳𑑄𑐐𑐷𑐟𑐵 𑐱𑐵𑐎𑑂𑐫𑑄 𑐴𑐵𑐮𑐵𑐟𑑅𑐐𑐸 '𑐳𑐬𑑂𑐐𑐟𑐫𑑂 𑐩𑐸𑐣𑐵𑐔𑑂𑐰𑑄𑐐𑐸' 𑐩𑑂𑐫𑐾𑑃𑐫𑑂 𑐱𑐵𑐣𑑂𑐟𑐶𑐫𑐵 𑐁𑐱𑐵 𑐫𑐵𑐫𑐵𑑄 𑐧𑐸𑐡𑑂𑐢𑑄 𑐏𑑂𑐰𑐧𑐶 𑐴𑐵𑐫𑐾𑐎𑐹𑐐𑐸 𑐔𑐶𑐟𑑂𑐬𑐞 𑐡𑐸 𑑋

'𑐣𑐾𑐥𑐵𑑅𑐩𑐶𑐫𑐵 𑐣𑐸𑐐𑑅𑐳𑑅' 𑐩𑐹𑐮𑐟𑑅 𑐣𑐾𑐰𑐵𑑅 𑐖𑐵𑐟𑐶𑐫𑐵 𑐖𑐵𑐐𑐬𑐞 𑐩𑑂𑐫𑐾𑑃 𑐏𑑅𑑋 𑐴𑐬𑐾𑐎 𑐩𑑂𑐫𑐾𑑃𑐫𑑂 𑐣𑐾𑐥𑐵𑑅𑐫𑐵 𑐴𑐷𑐩𑐷, 𑐡𑐸𑑅𑐏 𑐰 𑐥𑐷𑐜𑐵 𑐳𑐸𑐮𑐵𑐔𑑂𑐰𑑄𑐐𑐸 𑐡𑐸𑑋 𑐠𑑂𑐰 𑐥𑐷𑐜𑐵𑐫𑐵𑐟 𑐧𑑂𑐰𑐫𑐵𑑅 𑐣𑐾𑐰𑐵𑑅𑐟𑐫𑑂𑐟 𑐖𑐵𑐐𑐺𑐟 𑐫𑐵𑐫𑐾𑐐𑐸 𑐄𑐡𑑂𑐡𑐾𑐱𑑂𑐫 𑐠𑐸𑐐𑐸 𑐳𑐷𑐜𑐷𑑄 𑐖𑑂𑐰𑐣𑐵𑐟𑑅𑐐𑐸 𑐡𑐸 𑑋

More Stories Like this

𑐖𑐵𑐟𑐷𑐫 𑐳𑑄𑐑𑐷𑐫𑐟𑐵𑐫𑐵 𑐏𑑃𑐫𑑂 𑐣𑐾𑐩𑐎𑐶𑐥𑐵
𑐥𑑂𑐬𑐵𑐜𑑀, 𑐥𑐵𑐖𑐾𑐬𑑀 𑐧𑑂𑐰𑐵𑐎𑐾𑐐𑐸 𑐏𑑂𑐫𑑅 𑐩𑐏𑐸
𑐬𑐵𑐲𑑂𑐚𑑂𑐬𑐥𑐟𑐶 𑐥𑑂𑐬𑐞𑐵𑐮𑐷 𑐧𑐵𑐬𑐾 𑐰𑐶𑐰𑐵𑐡
𑐏𑑃 𑐳𑑂𑐰𑐣𑐶𑐐𑑅𑐫𑐵
𑐣𑐾𑐥𑐵𑐮 𑐳𑑄𑐰𑐟𑑂𑐫𑐵 𑐁𑐣𑑂𑐡𑑀𑐮𑐣𑐫𑑂 𑐳𑐬𑐎𑐵𑐬𑐫𑐵 𑐧𑐾𑐂𑐩𑐵𑐣𑐷