Read news in NepalBhasa text-- www.hamroschool.com back 𑐣𑐶𑐥𑐵 𑐩𑐶𑐏𑐵𑑄 𑐩𑐏𑑄𑐳𑐵𑑄 𑐕𑐸𑑄 𑐩𑐥𑐵𑑅𑐩𑑂𑐴 𑐢𑑂𑐰𑑄𑐳𑐶𑑄 𑐱𑐵𑐎𑑂𑐫




𑐣𑐶𑐥𑐵 𑐩𑐶𑐏𑐵𑑄 𑐩𑐏𑑄𑐳𑐵𑑄 𑐕𑐸𑑄 𑐩𑐥𑐵𑑅𑐩𑑂𑐴 𑐢𑑂𑐰𑑄𑐳𑐶𑑄 𑐱𑐵𑐎𑑂𑐫



𑐏𑑂𑐰𑐥𑐫𑐵 𑐰𑐜𑐵 𑐣𑑄.-𑑔 𑐧𑐾𑐏𑐵𑐮𑐫𑑂 𑐕𑐩𑑂𑐴 𑐠𑐖𑑂𑐫𑐵𑑅𑐩𑑂𑐴 𑐧𑑂𑐫𑐎𑑂𑐟𑐶𑐟𑑂𑐰 𑐡𑐸 𑐐𑐸𑐩𑑂𑐴 𑐣𑐶𑐥𑐵𑑄 𑐩𑐶𑐏𑐵𑑄 𑐩𑐏𑑄 𑐟𑐬 𑐠𑐷𑐠𑐷 𑐎𑐠𑑄𑐫𑐵 𑐳𑐷𑐥𑐫𑑂 𑐄𑐮𑐶 𑐴𑐾 𑐣𑐶𑐥𑐸𑐞𑑋 𑐰𑐫𑑂𑐎𑑅 𑐩𑐔𑐵𑐧𑐮𑐫𑑂 𑐴𑐾 𑐣𑐶𑐥𑐵𑑄 𑐩𑐶𑐏𑐵𑑄 𑐕𑐸𑑄 𑐣𑑅𑐐𑐸𑐮𑐶𑑄 𑐨𑑂𑐫𑐵𑑅 𑐴𑐾 𑐩𑐶𑐏𑐵𑑄 𑐩𑐏𑑄𑑋 𑐕𑐥𑐵 𑐩𑐶𑐏𑐵 𑐕𑐸𑑄 𑐣𑑅𑐐𑐸𑐫𑐵 𑐕𑐰𑐵𑑅 𑐮𑐶𑐥𑐵 𑐴𑐾 𑐴𑐵𑐎𑐣𑑄 𑐩𑐾𑐐𑐸 𑐩𑐶𑐏𑐵 𑐣𑑄 𑐕𑐸𑑄 𑐣𑐫𑐵 𑐧𑐶𑐄𑐐𑐸 𑐏𑑅𑑋 𑐩𑐵𑑄𑐩𑑂𑐴 𑐔𑐣𑑂𑐡𑑂𑐬𑐩𑐵𑐫𑐵 𑐱𑐵𑐎𑑂𑐫 𑐮𑑅 𑐎𑐵𑐫𑐾𑐟 𑐥𑐶𑐴𑐵𑑄 𑐰𑐣𑐵𑐔𑑂𑐰𑑄𑐐𑐸 𑐂𑐮𑐫𑑂 𑐢𑑂𑐰𑑄𑐳𑐶𑑄𑐫𑐵 𑐩𑐶𑐏𑐵 𑐕𑐸𑑄 𑐣𑑅𑐐𑐸 𑐏𑑅𑑋
𑐢𑑂𑐰𑑄𑐳𑐶𑑄 𑐔𑐣𑑂𑐡𑑂𑐬𑐩𑐵𑐫𑐵𑐫𑐵 𑐟𑑅𑐢𑐶𑐎𑑅𑐩𑑂𑐴 𑐎𑐵𑐫𑑂𑑋 𑐎𑐵𑐫𑑂𑐩𑑂𑐴 𑐩𑐶𑐏𑐵 𑐩𑐏𑑄𑐳𑐵𑑄 𑐩𑐵𑑄𑐩𑑂𑐴𑐾𑐳𑐶𑐣𑑄 𑐫𑐵𑐫𑐾𑐩𑐵𑑅𑐐𑐸 𑐳𑐸𑐳𑐵𑑅𑐎𑐸𑐳𑐵𑑅 𑐢𑐵𑑅𑐳𑐵 𑐧𑐵𑑄𑐮𑐵𑐎 𑐴𑐾 𑐫𑐵𑐣𑐵𑐔𑑂𑐰𑑄𑐐𑐸 𑐏𑑅𑑋 𑐀𑐠𑐾𑐣𑑄 𑐩𑐶𑐏𑐵𑑄 𑐩𑐏𑑄𑐩𑑂𑐴 𑐖𑐸𑐫𑐵 𑐮𑑂𑐫𑐵𑐫𑑂𑐩𑑂𑐴 𑐧𑐿𑑄𑐳𑐫𑑂 𑐣𑑄 𑐰𑐫𑐵𑐐𑐸 𑐳𑐸 𑐣𑐵𑐥𑑄 𑐴𑐾 𑐂𑐴𑐶𑐥𑐵𑑅 𑐣𑑄 𑐩𑐖𑐸𑐮𑑋 𑐁𑑅 𑐫𑐵𑐎𑑅𑐔𑐵 𑐴𑐾 𑐖𑐹𑐳𑐵𑑄 𑐰𑐫𑑂𑐎𑑅 𑐠𑑅𑐐𑐸 𑐕𑐾𑑃𑐫𑑂 𑐔𑑂𑐰𑐣𑐵𑑅 𑐠𑐷𑐠𑐷 𑐎𑐠𑑄𑐫𑐵 𑐳𑐷𑐥 𑐥𑑂𑐬𑐰𑐬𑑂𑐡𑑂𑐢𑐣𑐫𑑂 𑐮𑐐𑐾 𑐖𑐸𑐫𑐵𑐔𑑂𑐰𑐣𑐵𑐡𑐷𑐐𑐸 𑐡𑐸𑑋 𑐏𑐵𑐳 𑐫𑐵𑐣𑐵𑑅 𑐏𑑂𑐰𑐥𑐫𑑂 𑐩𑐶𑐏𑐵𑑄 𑐩𑐏𑑄𑐥𑐶𑑄 𑐣𑐵𑐥𑑄 𑐟𑐵𑑅 𑐃 𑐣𑑂𑐴𑑂𑐫𑐰𑑄𑐣𑐶𑐳𑐾𑑄 𑐳𑑄𑐐𑐟 𑐫𑐵𑐣𑐵𑐔𑑂𑐰𑐣𑐵𑐡𑐷𑐩𑑂𑐴 𑐳𑐩𑐵𑐖𑐳𑐾𑐰𑐷 𑐧𑑂𑐫𑐎𑑂𑐟𑐶𑐟𑑂𑐰 𑐬𑐵𑐩𑐧𑐴𑐵𑐡𑐸𑐬 𑐳𑐶𑑄𑐴 𑐨𑐾𑐮𑐾𑐫𑐵 𑐳𑑄𑐐𑐟𑑄 𑐴𑐾 𑐰𑐫𑑂𑐎𑑅 𑐠𑐣 𑐟𑐎 𑐠𑑂𑐫𑑄𑐎𑐵𑐡𑐷𑐐𑐸 𑐏𑑅𑑋
𑐀𑐥𑐵𑑄𑐐 𑐳𑑂𑐰𑐵𑐧𑐮𑐩𑑂𑐰𑐣 𑐎𑐾𑐣𑑂𑐡𑑂𑐬 𑐣𑐵𑐩𑑄 𑐏𑑂𑐰𑐥𑐫𑑂 𑐔𑐵𑐫𑐾𑐎𑐹𑐐𑐸 𑐕𑐐𑐹 𑐳𑑄𑐳𑑂𑐠𑐵𑐫𑑂 𑐰𑐫𑑂𑐎𑑅 𑐳𑑄𑐮𑐐𑑂𑐣 𑐖𑐸𑐳𑐵𑑄𑐣𑐶𑐳𑐾𑑄 𑐠𑐷𑐠𑐷 𑐎𑐠𑑄𑐫𑐵 𑐳𑐷𑐥 𑐳𑐫𑐾𑐎𑐾𑐐𑐸 𑐴𑑂𑐰𑐟𑐵𑑅 𑐔𑐹𑐮𑐵𑐎𑐵𑐡𑐷𑐐𑐸 𑐏𑑅𑑋 𑐥𑐹𑐬𑑂𑐞 𑐰𑐶𑐡𑑂𑐫𑐵𑐐𑐺𑐴𑐫𑐵 𑐣𑐵𑐩𑑄 𑐔𑐮𑐾 𑐫𑐵𑐣𑐵𑐟𑑅𑐐𑐸 𑐠𑐷𑐠𑐷 𑐎𑐎𑑂𑐲𑐵𑐫𑑂 𑐧𑐳𑑂𑐟𑐸 𑐣𑐶𑐬𑑂𑐩𑐵𑐞 𑐰 𑐥𑑂𑐬𑐡𑐬𑑂𑐱𑐣𑐷𑐂 𑐧𑑂𑐰𑐟𑐶 𑐎𑐫𑐵𑑅 𑐢𑑂𑐰𑑄𑐳𑐶𑑄 𑐱𑐵𑐎𑑂𑐫𑑄 𑐠𑑅𑐐𑐸 𑐥𑑂𑐬𑐟𑐶𑐨𑐵 𑐎𑑂𑐫𑐣𑐾𑐐𑐸 𑐫𑐵𑐣𑐵 𑐔𑑂𑐰𑐣𑐵𑐡𑐷𑐐𑐸 𑐡𑐸𑑋 𑐰𑑄𑐐𑐸 𑐩𑑄𑐳𑐷𑐬 𑑘, 𑑙 𑐰 𑑑𑑐 𑐐𑐟𑐾
𑐥𑐡𑑂𑐩 𑐄𑐔𑑂𑐔 𑐩𑐵𑐰𑐶𑐂 𑐖𑐹𑐐𑐸 𑐰𑐶𑐡𑑂𑐫𑐸𑐟𑐷𑐫 𑐥𑑂𑐬𑐡𑐬𑑂𑐱𑐣𑐷𑐂 𑐣𑑄 𑐠𑑅𑐐𑐸 𑐎𑐮𑐵 𑐥𑑂𑐬𑐡𑐬𑑂𑐱𑐣 𑐫𑐵𑐣𑐵𑑅 𑐢𑑂𑐰𑑄𑐳𑐶𑑄 𑐱𑐵𑐎𑑂𑐫𑑄 𑐩𑐶𑐏𑐵𑑄 𑐏𑑄𑐥𑐶𑑄𑐟 𑐴𑐾 𑐀𑐖𑐹 𑐔𑐵𑐫𑐾𑐎𑐵𑐡𑐷𑐐𑐸 𑐡𑐸𑑋
𑐠𑑅 𑐔𑐶𑐔𑐵𑐢𑐶𑐎𑑅𑐩𑑂𑐴 𑐎𑐵𑐫 𑐥𑐶𑐴𑐵𑑄 𑐰𑐣𑐾𑐰𑑄 𑐕𑐸𑑄 𑐨𑐔𑐵 𑐡𑐸𑑅𑐏 𑐟𑐵𑐫𑐾𑐎𑐵𑐡𑐷𑐩𑑂𑐴 𑐔𑐣𑑂𑐡𑑂𑐬𑐩𑐵𑐫𑐵 𑐱𑐵𑐎𑑂𑐫𑑄 𑐁𑑅 𑐠𑑅 𑐎𑐵𑐫𑐫𑐵𑐐𑐸 𑐳𑐷𑐥𑐥𑐵𑐏𑐾𑑄 𑐣𑑄 𑐕𑐸𑑄 𑐬𑐵𑐴𑐟 𑐔𑐹𑐮𑐵𑐣𑐵𑐔𑑂𑐰𑑄𑐐𑐸 𑐎𑐣𑐵𑐡𑐷𑑋 𑐠𑑅 𑐖𑐴𑐵𑐣 𑑒𑑐𑑔𑑓 𑐳𑐵𑐮𑐫𑑂 𑐩𑐡𑐸𑐳𑐵𑑄𑐣𑐶𑐳𑐾𑑄 𑐴𑐾𑐩𑐔𑐣𑑂𑐡𑑂𑐬, 𑐔𑐣𑑂𑐡𑑂𑐬𑐧𑐖𑑂𑐬, 𑐬𑐵𑐖𑐾𑐣𑑂𑐡𑑂𑐬, 𑐃𑐱𑑂𑐰𑐬𑐷 𑐰 𑐴𑐾𑐬𑐵𑐧𑐖𑑂𑐬 𑐣𑐵𑑄𑐫𑐵 𑐠𑑅 𑐎𑐵𑐫𑐥𑐶𑑄 𑐣𑐵𑐥𑑄 𑐣𑑂𑐴𑐶 𑐕𑑂𑐫𑐵𑐣𑐵 𑐔𑑂𑐰𑐣𑐵𑐡𑐷𑐩𑑂𑐴 𑐔𑐣𑑂𑐡𑑂𑐬𑐩𑐵𑐫𑐵𑑄 𑐠𑑅 𑐎𑐵𑐫 𑐠𑐸𑐮𑐶 𑐳𑐶𑐥𑐵𑐮𑐸 𑐖𑐸𑐂 𑐢𑐎𑐵𑑅 𑐧𑐶𑐔𑐵𑑅 𑐴𑐾 𑐩𑐫𑐵𑑅𑐐𑐸 𑐖𑐸𑐫𑐵𑐔𑑂𑐰𑐣𑑋 𑐁𑑅 𑑘𑑐 𑐡𑑃 𑐡𑐫𑐵𑑅 𑐣𑑄 𑐔𑐣𑑂𑐡𑑂𑐬𑐩𑐵𑐫𑐵𑑄 𑐠𑑅 𑐎𑐵𑐫𑐫𑐵𑐟 𑐧𑐖𑐶 𑐖𑑀𑐬𑐾 𑐫𑐵𑐣𑐵𑑅 𑐣𑐎𑐾𑐐𑐸, 𑐔𑐶𑐫𑐵 𑐟𑑂𑐰𑑄𑐎𑐾𑐐𑐸 𑐰 𑐠𑐷𑐠𑐷 𑐳𑐵𑐩𑐵𑐣 𑐣𑑂𑐴𑑂𑐫𑑅𑐣𑐾 𑐟𑐫𑐾𑐐𑐸 𑐫𑐵𑐣𑐵 𑐔𑑂𑐰𑐣𑐵𑐡𑐷𑐐𑐸 𑐡𑐸𑑋 𑐠𑐠𑐾 𑐠𑐷𑐠𑐷 𑐎𑐠𑑄𑐫𑐵 𑐖𑑂𑐫𑐵 𑐫𑐵𑐣𑐵𑑅 𑐠𑑅𑐐𑐸 𑐳𑐷𑐥 𑐰𑐶𑐎𑐵𑐳𑐫𑑂 𑐩𑐡𑐶𑐎𑑂𑐎 𑐖𑑂𑐫𑐵 𑐫𑐵𑐣𑐵𑐔𑑂𑐰𑐣𑐵𑐡𑐷𑐩𑑂𑐴 𑐢𑑂𑐰𑑄𑐳𑐶𑑄 𑐢𑑂𑐰𑐣𑐫𑑂 𑐩𑐵𑐩𑑄 𑐕𑐵𑐫𑐵𑐟𑑅𑐩𑑂𑐴 𑐎𑐵𑐫 𑐏𑑅𑑋

More Stories Like this

𑐖𑐵𑐟𑐷𑐫 𑐳𑑄𑐑𑐷𑐫𑐟𑐵𑐫𑐵 𑐏𑑃𑐫𑑂 𑐣𑐾𑐩𑐎𑐶𑐥𑐵
𑐥𑑂𑐬𑐵𑐜𑑀, 𑐥𑐵𑐖𑐾𑐬𑑀 𑐧𑑂𑐰𑐵𑐎𑐾𑐐𑐸 𑐏𑑂𑐫𑑅 𑐩𑐏𑐸
𑐬𑐵𑐲𑑂𑐚𑑂𑐬𑐥𑐟𑐶 𑐥𑑂𑐬𑐞𑐵𑐮𑐷 𑐧𑐵𑐬𑐾 𑐰𑐶𑐰𑐵𑐡
𑐣𑐾𑐰𑐵𑑅𑐟𑐫𑑂𑐟 𑐖𑐵𑐐𑐺𑐟 𑐫𑐵𑐂𑐐𑐸 '𑐣𑐾𑐥𑐵𑑅𑐩𑐶𑐫𑐵 𑐣𑐸𑐐𑑅 𑐳𑑅'
𑐏𑑃 𑐳𑑂𑐰𑐣𑐶𑐐𑑅𑐫𑐵