Read news in NepalBhasa text-- www.hamroschool.com back 𑐣𑑂𑐫𑐵𑐫𑐵𑐢𑐶𑐱 𑐖𑐸𑐂𑐟 𑐢𑑂𑐫𑐰𑐵 𑐣𑐎𑐾𑐟 𑐰𑑄𑐐𑐸 𑐣𑑂𑐫𑐵𑐫𑐥𑐵𑐮𑐶𑐎𑐵 𑐣𑑂𑐴𑑂‍𑐫𑐳:




𑐣𑑂𑐫𑐵𑐫𑐵𑐢𑐶𑐱 𑐖𑐸𑐂𑐟 𑐢𑑂𑐫𑐰𑐵 𑐣𑐎𑐾𑐟 𑐰𑑄𑐐𑐸 𑐣𑑂𑐫𑐵𑐫𑐥𑐵𑐮𑐶𑐎𑐵 𑐣𑑂𑐴𑑂‍𑐫𑐳:



𑐣𑐾𑐥𑐵:𑐫𑐵 𑐣𑑂𑐫𑐵𑐫 𑐢𑐂𑐐𑐸 𑐐𑐸𑐖𑑂𑐰:𑐐𑐸 𑐏: 𑐢𑐂𑐐𑐸 𑐏𑑃 𑐏𑑃𑐫𑑂 𑐨𑐵𑐫𑑂‍𑐫𑐵 𑐕𑐐𑐹 𑐢𑐵𑐥𑐸𑐟𑐶𑑄 𑐎𑑂𑐫𑐣𑐵𑐔𑑂𑐰𑑄𑐐𑐸 𑐡𑐸 – "𑐕𑐶𑐐𑐸 𑐟𑑃𑐫𑑂‍𑐐𑐵 𑐮𑐵 𑐳𑐵𑑄 𑐣𑐫𑐾 𑐢𑐸𑑄𑐎𑐮 𑑋" 𑐀𑐬𑑂𑐠𑐵𑐟𑑂 𑐕𑐩𑑂𑐴 𑐩𑐣𑐸𑐏𑑄 𑐩𑐸𑐡𑑂𑐡𑐵 𑐟𑑂𑐫𑐵𑐎𑐵𑐧𑐷𑐟 𑐟𑑃𑐫𑑂‍𑐐𑐵 𑐢𑐸𑐳 𑐣𑐎𑐮, 𑐩𑐾𑐩𑑂𑐴𑐳𑑂𑐫𑐵𑑄 𑐳𑐵 𑐧𑐶𑐫𑐵𑐧𑐶𑐮 𑑋 𑐟𑑃𑐫𑑂‍𑐐𑐵 𑐧𑑂𑐫𑐹𑐩𑑂𑐴 𑐩𑐸𑐡𑑂𑐡𑐵𑑄 𑐧𑐸𑐟, 𑐀𑐮𑐾 𑐰𑑄 𑐣𑑂𑐫𑐵𑐫𑐵𑐢𑐷𑐱𑑄 𑐠:𑐐𑐸 𑐟𑑃𑐫𑑂‍𑐐𑐵 𑐖𑐎𑑄 𑐮𑑂𑐰:𑐩𑑄𑐎𑐮𑐮𑐵 𑐢𑐎𑐵: 𑐢𑐵𑐮 – 𑐴𑐖𑐸𑐬, 𑐖𑐶𑐐𑐸 𑐟𑑃𑐫𑑂‍𑐐𑐵 𑐐𑐣 𑐰𑐣 ? 𑐣𑑂𑐫𑐵𑐫𑐵𑐢𑐷𑐱𑑄 𑐢𑐵𑐮 – 𑐕𑐶𑐐𑐸 𑐟𑑃𑐫𑑂‍𑐐𑐵 𑐮𑐵 𑐳𑐵𑑄 𑐣𑐫𑐾 𑐢𑐸𑑄𑐎𑐮 𑑋

𑐗𑐷𑐐𑐸 𑐨𑐵𑐲𑐵𑐫𑑂 𑐠𑐸𑐖𑑂𑐰:𑐐𑐸 𑐏𑑃𑐥𑐸 𑐩𑐡𑐸 𑑋 𑐀𑐗 𑐣𑑂𑐫𑐵𑐫𑐵𑐮𑐫 𑐡𑐸𑐣𑐾 𑐠𑐠𑐾 𑐣𑑄 𑐖𑐸𑐂𑐫: 𑐰 𑐠𑐸𑐖𑑂𑐰:𑐐𑐸 𑐣𑑄 𑐥𑐬𑐩𑑂𑐥𑐬𑐵 𑐡𑐸 𑐢𑐂𑐐𑐸 𑐏𑑃 𑐗𑐷𑐐𑐸 𑐎𑐮𑑂𑐥𑐣𑐵 𑐡𑐸𑐣𑐾 𑐟𑐎𑐫𑐵 𑐏𑑃 𑐩𑐏𑐸 𑑋 𑐠𑐸𑐖𑑂𑐰:𑐐𑐸 𑐏𑑃𑐥𑐸 𑐮𑐵 𑐣𑐾𑐰𑐵:𑐟𑐳𑐾𑑄 𑐣𑑂𑐫𑐣 𑐢𑐵:𑐳𑐵 𑐐𑐸𑐮𑐶𑐏𑐾 𑐳𑐶𑐣𑑄 𑐠𑐸𑐂𑐎𑐾 𑐣𑑄 𑐠𑐵𑐎𑐸 𑑋 𑐰𑐵𑐳𑑂𑐟𑐰𑐫𑑂‍ 𑐗𑐷𑐐𑐸 𑐳𑐩𑐵𑐖𑐫𑑂‍ 𑐠𑐸𑐎𑐠𑑄𑐫𑐵 𑐣𑑄 𑐖𑑂𑐫𑐵 𑐖𑐸𑐂𑐫: 𑐢𑐎𑐵: 𑐎𑐮𑑂𑐥𑐣𑐵 𑐟𑐎𑑄 𑐩𑐡𑐸 𑑋 𑐟𑐬 𑐣𑐾𑐥𑐵: 𑐡𑐸𑐣𑐾𑐫𑐵 𑐴𑐾 𑐐𑐸𑐮𑐶𑐏𑐾 𑐳𑐩𑐸𑐡𑐵𑐫 𑐡𑐸𑐣𑐾 𑐠𑐸𑐖𑑂𑐰:𑐐𑐸 𑐡𑐸𑐐𑐸 𑐖𑐸𑐫𑐵𑐔𑑂𑐰𑐣 𑑋 𑐀𑐮𑐾 𑐠𑐸𑐐𑐸 𑐴𑐾 𑐳𑐩𑐸𑐡𑐵𑐫𑐫𑐵 𑐩𑐣𑐹𑐟 𑐣𑑂𑐫𑐵𑐫 𑐎𑑂𑐲𑐾𑐟𑑂𑐬𑐫𑑂 𑐰𑐣𑐾𑐐𑐸 𑐀𑐮𑐾 𑐬𑐵𑐖𑐣𑐷𑐟𑐶𑐎 𑐰𑐵𑐟𑐵𑐰𑐬𑐞 𑐣𑑄 𑐄𑐎𑐠𑑄𑑄 𑐠:𑐥𑐶𑐳𑑄 𑐖𑑂𑐰𑐣𑐵𑐰:𑐐𑐸 𑐳𑑄𑐳𑑂𑐎𑐵𑐬 𑐮𑐵𑐐𑐹 𑐫𑐵𑐫𑐾𑐟 𑐕𑐶𑑄𑐐𑐸 𑐎𑐠𑑄𑐫𑐵 𑐖𑐸𑐳𑐾𑑄𑐮𑐶 𑐠𑐸𑐎𑐠𑑄 𑐴𑐾 𑐖𑐸𑐂𑐐𑐸 𑐮𑐵 𑐖𑐸 𑐴𑐾 𑐖𑐸𑐮 𑑋 𑐣𑑂𑐫𑐵𑐫 𑐎𑑂𑐲𑐾𑐟𑑂𑐬𑐫𑑂 𑐖𑐎 𑐩𑐏𑐸, 𑐩𑐾𑐩𑐾𑐐𑐸 𑐎𑑂𑐲𑐾𑐟𑑂𑐬𑐫𑑂 𑐣𑑄 𑐠𑑁𑑄𑐎𑐣𑑂𑐴𑐫𑑂 𑐖𑐵𑐐𑐶𑐬 𑐣𑐫𑐾𑐟, 𑐳𑐬𑐸𑐰𑐵 𑐖𑐸𑐂𑐟 𑐩𑐣𑑂𑐟𑑂𑐬𑐷𑐫𑐵𑐟 𑐑𑐹𑐳 𑐣𑐎𑐾𑐩𑐵:, 𑐀𑐮𑐾 𑐰𑑄 𑐥𑐡𑐫𑑂 𑐔𑑂𑐰𑐣𑐵: 𑐎𑐩𑐫𑑂 𑐫𑐵𑐂𑐐𑐸 𑐏: 𑑋

𑐠𑑂𑐰 𑐏𑑃 𑐣𑑂𑐫𑐵𑐫 𑐎𑑂𑐲𑐾𑐟𑑂𑐬𑐫𑑂‍ 𑐣𑑄 𑐳𑑂𑐥𑐲𑑂𑐚 𑐏𑐣𑐾𑐡𑐸𑐐𑐸 𑐏𑑃𑐫𑐵 𑐬𑐴𑐳𑑂𑐫𑑀𑐡𑑂‍𑐑𑐵𑐚𑐣 𑐎𑐵𑐣𑐸𑐣𑐩𑐣𑑂𑐟𑑂𑐬𑐷 𑐧𑐺𑐖𑐾𑐱𑐎𑐸𑐩𑐵𑐬 𑐐𑐸𑐥𑑂𑐟𑐵𑑄 𑐥𑐶𑐠𑑄𑐐𑐸 𑐡𑐸 𑑋 𑐁: 𑐑𑐹𑐳 𑐣𑐎𑐵: 𑐣𑑂𑐫𑐵𑐫𑐵𑐢𑐷𑐱 𑐖𑐹𑐥𑐶𑐳𑑄 𑐑𑐸𑐳 𑐣𑐎𑐾 𑐩𑐦𑐸𑐥𑐶𑑄 𑐐𑐵𑑄𑐫𑐵𑐥𑐶𑑄 𑐎𑐩𑐖𑑀𑐬 𑐩𑐣𑐹𑐟𑐳𑐾𑑄 𑐀𑐥𑐬𑐵𑐢 𑐫𑐵𑐟 𑐢𑐵:𑐳𑐵 𑐴𑐡 𑐟𑐎𑐫𑐵 𑐳𑐖𑐵𑑃𑐫 𑐧𑐶𑐫𑐵: 𑐀𑐥𑐬𑐵𑐢𑐷𑐟𑐫𑑂‍𑐟 𑐩𑐟𑑂𑐰:𑐟𑐵 𑐢𑐎𑐵: 𑐢𑐎𑑂𑐎𑐸 𑐟𑑂𑐰:𑐟𑐷𑐐𑐸 𑐖𑐸𑐮 𑐢𑐵:𑐳𑐵 𑐩𑐾𑐏𑐾 𑐳𑑄𑐐𑐛𑐶𑐟 𑐀𑐥𑐬𑐵𑐢 𑐫𑐵𑐂𑐥𑐶𑑄𑐎𑐾 𑐢𑑂𑐫𑐧𑐵 𑐣𑐫𑐵: 𑐳𑐦𑐵𑐂 𑐧𑐷𑐐𑐸 𑐖𑐸𑐮 𑑋 𑐠𑐸𑐎𑐠𑑄 𑐖𑐸𑐫𑐵: 𑐳𑑄𑐐𑐛𑐶𑐟 𑐀𑐥𑐬𑐵𑐢 𑐫𑐵𑐂𑐥𑐶𑑄 𑐬𑐵𑐖𑐣𑐷𑐟𑐶𑐎 𑐥𑑂𑐬𑐱𑑂𑐬𑐫 𑐡𑐸𑐥𑐶𑑄 𑐀𑐥𑐬𑐵𑐢𑐷𑐟𑐳𑐾𑑄 𑐀𑐥𑐬𑐵𑐢 𑐫𑐵𑐂𑐐𑐸, 𑐡𑐞𑑂𑐜𑐴𑐷𑐣𑐟𑐵 𑐀𑐥𑑂𑐰𑐂𑐐𑐸 𑐖𑐸𑐮 𑐢𑐵:𑐳𑐵 𑐔𑐵𑐥𑐵: 𑐀𑐥𑐬𑐵𑐢𑐷𑐟𑐳𑐾𑑄 𑐣𑑄 𑐢𑑂𑐫𑐧𑐵 𑐰 𑐬𑐵𑐖𑐣𑐷𑐟𑐶𑐎 𑐥𑑂𑐬𑐱𑑂𑐬𑐫𑐫𑐵 𑐣𑐶𑐟𑐶𑑄 𑐎𑐸𑐟: 𑐫𑐵𑐂𑐐𑐸 𑐳𑑂𑐰𑐵𑐨𑐵𑐰𑐶𑐎 𑐏𑐣𑐾𑐡𑐸 𑑋

More Stories Like this

𑐥𑐴𑐶𑐔𑐵𑐣𑐳𑐴𑐶𑐟𑐫𑐵 𑐳𑑄𑐑𑐶𑐫𑐟𑐵𑐫𑑂 𑐣𑐾𑐟𑐵𑐟𑐫𑑂𑐐𑐸 𑐐𑑂𑐫𑐵𑐔𑐶𑐎𑐸
𑐡𑐬𑐰𑐵𑐬 𑐴𑐟𑑂𑐫𑐵𑐎𑐵𑐞𑑂𑐜𑐫𑑂 ‘𑐬𑐀’ 𑐩𑐏𑐸 ‘𑐳𑐶𑐁𑐃𑐊’ 𑐣𑐵𑐫: 𑐴𑑃
𑐎𑑀𑐂𑐬𑐵𑐮𑐵 𑐳𑐬𑐎𑐵𑐬 𑐣 𑐏𑑂𑐫𑐾𑑃𑐫𑑂 𑐔𑐵𑐮 𑐣 𑐴𑑃𑐫𑑂𑐫𑐵 𑐔𑐵𑐮
𑐣𑐶𑐬𑑂𑐰𑐵𑐔𑐣𑐫𑐵 𑐣𑐶𑐲𑑂𑐥𑐎𑑂𑐲𑐟𑐵𑐫𑑂 𑐧𑑂𑐰𑐮𑑄𑐐𑐸 𑐣𑑂𑐴𑑂‍𑐫𑐳:
𑐀𑐢𑐶𑐰𑐾𑐱𑐣𑑄 𑐧𑑂𑐫𑐹𑐐𑐸 𑐳𑐣𑑂𑐡𑐾𑐱