Read news in NepalBhasa text-- www.hamroschool.com back 𑐔𑐷𑐣𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐨𑑂𑐬𑐩𑐞 𑐳𑑂𑐠𑐐𑐶𑐟𑑄 𑐡𑑄𑐐𑐸 𑐣𑑂𑐴𑑂‍𑐫𑐳:




𑐔𑐷𑐣𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐨𑑂𑐬𑐩𑐞 𑐳𑑂𑐠𑐐𑐶𑐟𑑄 𑐡𑑄𑐐𑐸 𑐣𑑂𑐴𑑂‍𑐫𑐳:



𑐔𑐷𑐣𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐧𑐾𑐣 𑐖𑐶𑐫𑐵 𑐧𑐵𑐌 𑐥𑐸𑐳 𑑕 𑐣𑐶𑐳𑐾𑑄 𑑗 𑐟𑐎 𑐣𑐾𑐥𑐵𑐮 𑐨𑑂𑐬𑐩𑐞𑐫𑑂 𑐰𑐂𑐐𑐸 𑐖𑑂𑐫𑐵𑐗𑑂𑐰: 𑐁𑐎𑐵𑐗𑐵𑐎𑐵𑑄 𑐳𑑂𑐠𑐐𑐶𑐟 𑐖𑐹𑐐𑐸 𑐏𑑃 𑐟:𑐢𑑄𑐐𑐸 𑐔𑐬𑑂𑐔𑐵 𑐰 𑐔𑑂𑐫𑐹𑐟𑐵:𑐫𑐵 𑐰𑐶𑐲𑐫 𑐧𑐣𑐾 𑐖𑐹𑐐𑐸 𑐡𑐸 𑑋 𑐠𑐸𑐐𑐸 𑐨𑑂𑐬𑐩𑐞 𑐡𑐮 𑐁𑐟𑐎 𑐣𑐾𑐥𑐵𑐮𑐫𑑂 𑐰𑐫𑐾𑐟𑑂𑐫𑑄𑐐𑐸 𑐔𑐷𑐣𑐫𑐵 𑐡𑐎𑐮𑐫𑑂 𑐟:𑐢𑑄𑐐𑐸 𑐨𑑂𑐬𑐩𑐞 𑐡𑐮 𑐖𑐸𑐂𑐐𑐸 𑐏𑑃 𑐥𑐶𑐴𑐵𑑃 𑐰𑐂𑐔𑑂𑐰𑑄𑐐𑐸 𑐏: 𑐢𑐵:𑐳𑐵 𑐠𑐸𑐐𑐸 𑐨𑑂𑐬𑐩𑐞𑐫𑐵 𑐗𑑂𑐰𑐮𑐫𑑂 𑐣𑐾𑐥𑐵: 𑐰 𑐔𑐷𑐣𑐫𑐵 𑐡𑐠𑐸𑐂 𑐩𑐴𑐟𑑂𑐰𑐥𑐹𑐬𑑂𑐞 𑐳𑐣𑑂𑐢𑐶 𑐳𑐩𑑂𑐗𑑁𑐟𑐵𑐫𑑂 𑐣𑑄 𑐮𑑂𑐴𑐵:𑐔𑐶𑑄 𑐟𑐫𑐾𑐐𑐸 𑐖𑑂𑐫𑐵 𑐖𑐸𑐂𑐐𑐸 𑐏𑑃 𑐥𑐶𑐴𑐵𑑃 𑐰:𑐐𑐸 𑐏: 𑑋 𑐠𑐸𑐠𑐵𑐫𑑂 𑐮𑐵𑐎𑑂𑐎 𑐁𑐎𑐵𑐗𑐵𑐎𑐵𑑄 𑐔𑐷𑐣𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐣𑐾𑐥𑐵: 𑐨𑑂𑐬𑐩𑐞𑐫𑑂 𑐩𑐰𑐂𑐐𑐸 𑐏𑑃 𑐥𑐶𑐴𑐵𑑃 𑐰𑐫𑐾𑐰𑑄 𑐠𑐣 𑐟:𑐢𑑄𑐐𑐸 𑐴𑐮𑐔𑐮 𑐖𑐹𑐐𑐸 𑐡𑐸 𑑋 𑐏𑐫𑑂‍𑐟𑐮𑐵 𑐠𑐸𑐐𑐸 𑐨𑑂𑐬𑐩𑐞 𑐳𑑂𑐠𑐐𑐶𑐟 𑐖𑐹𑐐𑐸 𑐴𑐸𑐣𑐶𑑄 𑐔𑐷𑐣𑐫𑐵 𑐴𑐾 𑐁𑐣𑑂𑐟𑐬𑐶𑐎 𑐩𑐵𑐩𑐶𑐮𑐵 𑐢𑐎𑐵: 𑐢𑐵:𑐐𑐸 𑐡𑐸 𑑋 𑐀𑐠𑐾 𑐖𑐹𑐳𑐵𑑄 𑐕𑐸 𑐩𑐵𑐩𑐮𑐵𑑄 𑐢𑐎𑐵: 𑐢𑐵:𑐳𑐵 𑐳𑑂𑐥𑐲𑑂𑐚 𑐫𑐵:𑐐𑐸 𑐩𑐡𑐸 𑑋 𑐠𑐸𑐎𑐶𑐫𑐵𑐟 𑐎𑐫𑐵: 𑐀𑐣𑐾𑐟𑐣𑐾 𑐱𑑄𑐎𑐵–𑐄𑐥𑐱𑑄𑐎𑐵 𑐣𑑄 𑐧𑑂𑐰𑐮𑑄𑐐𑐸 𑐡𑐸 𑑋 𑐔𑐷𑐣𑑄 𑐣𑐾𑐥𑐵:𑐫𑐵𑐟 𑐐𑐣𑑄 𑐰𑐶𑐱𑑂𑐰𑐵𑐳 𑐖𑐎𑑄 𑐩𑐫𑐵:𑐐𑐸 𑐏: 𑐮𑐵 𑐎𑐶 ? 𑐣𑑂𑐴𑑂‍𑐫𑐳:𑐔𑐶𑑄 𑐡𑑄𑐰:𑐐𑐸 𑐡𑐸 𑑋 𑐰𑐶𑐱𑐾𑐲 𑐫𑐵𑐣𑐵: 𑐩𑐵𑐌𑐰𑐵𑐡𑐷 𑐰 𑐩𑐢𑐾𑐱𑐰𑐵𑐡𑐷 𑐡𑐮𑐟𑐫𑑂 𑐩𑑀𑐬𑑂𑐔𑐵 𑐩𑐢𑐾𑐱𑐷 𑐩𑑀𑐬𑑂𑐔𑐵𑐫𑐵 𑐳𑐬𑐎𑐵𑐬𑐫𑑂 𑐖𑐎𑑄 𑐕𑐸𑑄 𑐎𑐠𑑄𑐫𑐵 𑐎𑐔𑐰𑑄 𑐥𑐶𑐴𑐵𑑃 𑐰:𑐐𑐸 𑐖𑐎𑑄 𑐏: 𑐮𑐵 𑐎𑐶 𑐠𑐸𑐎𑐶𑑄 𑐣𑑄 𑐣𑑂𑐴𑑂‍𑐫𑐳: 𑐔𑐶𑑄 𑐡𑑄𑐰:𑐐𑐸 𑐏𑐣𑐾𑐡𑐸 𑑋 𑐣𑐾𑐥𑐵: 𑐰 𑐔𑐷𑐣 𑐡𑐠𑐸𑐂 𑐥𑐬𑐵𑐥𑐹𑐬𑑂𑐰𑐎𑐵𑐮𑑄𑐣𑐶𑐳𑐾𑑄𑐫𑐵 𑐳𑐩𑑂𑐧𑐣𑑂𑐢 𑐥𑐘𑑂𑐔𑐵𑐫𑐟 𑐱𑐵𑐳𑐣𑐫𑐵 𑐂𑐮𑐫𑑂 𑐟𑐳𑐎𑑄 𑐧𑐵𑑄𑐮𑐵𑐣𑐵𑐰𑑄𑐐𑐸 𑐏: 𑑋 𑐣𑐾𑐥𑐵𑐮𑐫𑑂 𑐰:𑐐𑐸 𑐨𑐹𑐩𑐶 𑐳𑐸𑐢𑐵𑐬𑐣𑐵𑐥𑑄 𑐩𑐾𑐩𑐾𑐐𑐸 𑐩𑐴𑐟𑑂𑐰𑐥𑐹𑐬𑑂𑐞 𑐏𑑃𑐟 𑐣𑐵𑐥𑑄 𑐔𑐷𑐣𑐥𑐵𑐏𑐾𑑄 𑐥𑑂𑐬𑐨𑐵𑐰𑐶𑐟 𑐖𑐸𑐫𑐵: 𑐰:𑐐𑐸 𑐏: 𑐢𑐵𑐫𑐾𑐐𑐸 𑐫𑐵: 𑑋 𑐀𑐠𑐾 𑐴𑐾 𑐄𑐐𑐸 𑐎𑐵𑐮𑐫𑑂 𑐔𑐷𑐣𑑄 𑐣𑐾𑐥𑐵:𑐫𑐵 𑐰𑐶𑐰𑐶𑐢 𑐏𑑂𑐫𑐮𑐫𑑂 𑐐𑑂𑐰𑐵𑐴𑐵𑐮𑐶 𑐫𑐵:𑐐𑐸 𑐏: 𑑋 𑐮𑐵𑐎𑐵𑑄 𑐎𑐵𑐬𑐏𑐵𑐣𑐵 𑐣𑐶𑐳𑐾𑑄 𑐎𑐵𑐥: 𑐎𑐵𑐬𑐏𑐵𑐣𑐵𑐟𑐎, 𑐀𑐥𑑂𑐥𑐵𑑄𑐣𑐶𑐳𑐾𑑄 𑐳𑐶𑐩𑐾𑐣𑑂𑐚 𑐎𑐵𑐬𑐏𑐵𑐣𑐵𑐟𑐎 𑐡𑐫𑐾𑐎𑐵: 𑐁𑐿𑐡𑑂𑐫𑑀𑐐𑐶𑐎 𑐎𑑂𑐬𑐵𑐣𑑂𑐟𑐶𑐫𑐵 𑐣𑐶𑐟𑐶𑑄 𑐖𑐐 𑐳𑑂𑐰𑐣𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵:𑐐𑐸 𑐏: 𑑋 𑐀𑐠𑐾𑐴𑐾 𑐣𑐾𑐥𑐵:𑐫𑐵 𑐬𑐵𑐖𑐩𑐵𑐬𑑂𑐐𑑄𑐣𑐶𑐳𑐾𑑄 𑐎𑐫𑐵: 𑐠𑐷𑐠𑐷 𑐩𑐴𑐟𑐰𑐥𑐹𑐬𑑂𑐞 𑐮𑑃 𑐡𑐫𑐾𑐎𑐾𑐐𑐸 𑐖𑑂𑐫𑐵𑐫𑑂 𑐣𑑄 𑐐𑑂𑐰𑐵𑐴𑐵𑐮𑐶 𑐫𑐵:𑐐𑐸 𑐏: 𑑋 𑐬𑐵𑐲𑑂𑐚𑐶𑑂𑐬𑐫 𑐳𑐨𑐵𑐐𑐺𑐴, 𑐠𑑁𑑄𑐎𑐣𑑂𑐴𑐫𑑂‍𑐫𑐵 𑐳𑑄𑐰𑐶𑐢𑐵𑐣𑐳𑐨𑐵 𑐨𑐰𑐣 𑐰𑐷𑐬𑐾𑐣𑑂𑐡𑑂𑐬 𑐀𑐣𑑂𑐟𑐬𑑂𑐬𑐵𑐲𑑂𑐚𑐶𑑂𑐬𑐫 𑐳𑐩𑑂𑐩𑐾𑐮𑐣 𑐎𑐾𑐣𑑂𑐡𑑂𑐬𑐟𑐎𑑄 𑐔𑐷𑐣 𑐳𑐬𑐎𑐵𑐬𑐫𑐵 𑐐𑑂𑐰𑐵𑐴𑐵𑐮𑐶𑑄 𑐡𑐫𑐾𑐎𑐾𑐖𑑂𑐫𑐵 𑐖𑐹𑐐𑐸 𑐏: 𑑋 𑐠𑐸𑐎𑐠𑑄 𑐔𑐷𑐣𑑄 𑐣𑐾𑐥𑐵:𑐫𑐵 𑐰𑐶𑐎𑐵𑐳 𑐣𑐶𑐬𑑂𑐩𑐵𑐞 𑐏𑑃𑐫𑑂 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐏: 𑐢𑐵:𑐳𑐵 𑐣𑐾𑐥𑐵𑐮𑑄 𑐔𑐷𑐣𑐫𑐵 𑐊𑐎 𑐔𑐷𑐣 𑐣𑐷𑐟𑐶𑐫𑐵𑐟 𑐳𑐡𑐵𑑄 𑐳𑐩𑐬𑑂𑐠𑐣 𑐫𑐵𑐣𑐵𑐰:𑐐𑐸 𑐏: 𑑋 𑐁: 𑐖𑐸𑐂 𑐢𑐎𑐵: 𑐟𑐫𑐵𑐬 𑐫𑐵𑐣𑐵𑐟:𑐐𑐸 𑐔𑐷𑐣𑐫𑐵 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷𑐫𑐵 𑐨𑑂𑐬𑐩𑐞 𑐮𑐶𑐥𑐵 𑐔𑐷𑐣𑑄 𑐣𑐾𑐥𑐵:𑐫𑐵 𑐰𑐶𑐎𑐵𑐳𑐫𑐵 𑐣𑐶𑐟𑐶𑑄 𑐫𑐎𑑂𑐰 𑐐𑑂𑐰𑐵𑐴𑐵𑐮𑐶 𑐫𑐵𑐫𑐾 𑐦𑐂𑐐𑐸 𑐏𑑃𑐫𑑂 𑐁𑐱𑐵 𑐎𑐫𑐵𑐟:𑐐𑐸 𑐏: 𑑋
𑐰𑐶𑐱𑑂𑐰𑐫𑑂 𑐱𑐎𑑂𑐟𑐶𑐱𑐵𑐮𑐷 𑐀𑐬𑑂𑐠𑐟𑐣𑑂𑐟𑑂𑐬 𑐰𑐶𑐎𑐵𑐳 𑐖𑐸𑐫𑐵𑐰𑐣𑐵𑐔𑑂𑐰𑑄𑐐𑐸 𑐡𑐾𑐫𑑂‍𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐵 𑐧𑐷𑐟 𑐟𑐵:𑐮𑐵𑐫𑐾 𑐢𑐸𑑄𑐎𑐹𑐐𑐸 𑐔𑐷𑐣𑑄 𑐣𑐾𑐥𑐵: 𑐣𑐵𑐥𑐫𑐵 𑐳𑑂𑐰𑐵𑐥𑐹𑐫𑐵𑐟 𑐟𑐳𑐎𑑄 𑐩𑐴𑐟𑑂𑐰 𑐧𑑂𑐫𑐹 𑐢𑐎𑐵: 𑐥𑑂𑐬𑐩𑐵𑐞𑐶𑐟 𑐫𑐵𑐂𑐐𑐸 𑐠𑐸𑐐𑐸 𑐨𑑂𑐬𑐩𑐞 𑐳𑑂𑐠𑐐𑐶𑐟 𑐖𑐹𑐐𑐸 𑐎𑐵𑐬𑐞𑑄 𑐣𑐾𑐥𑐵:𑐩𑐶𑐥𑐶𑐣𑑂𑐟 𑐫𑐎𑑂𑐰 𑐑𑐵𑐚𑐵 𑐖𑐹𑐰𑐣𑐷𑐐𑐸 𑐏𑐣𑐾𑐡𑐸 𑑋 𑐩𑐾𑐏𑐾 𑐠𑐖𑑂𑐫𑐵:𑐐𑐸 𑐩𑐴𑐟𑑂𑐰𑐥𑐹𑐬𑑂𑐞 𑐨𑑂𑐬𑐩𑐞 𑐳𑑂𑐠𑐐𑐶𑐟 𑐖𑐸𑐂𑐐𑐸 𑐢𑐂𑐐𑐸 𑐣𑐾𑐥𑐵:𑐫𑐵 𑐥𑑂𑐬𑐟𑐶𑐲𑑂𑐛𑐵𑐫𑑂 𑐣𑑄 𑐎𑐩𑐷 𑐰𑐂𑐐𑐸 𑐏: 𑑋 𑐠𑐸𑐎𑐶𑐫𑐵𑐟 𑐣𑑄 𑐰𑐵:𑐔𑐵𑐫𑐾𑐎𑐾 𑐩𑐵: 𑑋

News Location:

More Stories Like this

𑐥𑐴𑐶𑐔𑐵𑐣𑐳𑐴𑐶𑐟𑐫𑐵 𑐳𑑄𑐑𑐶𑐫𑐟𑐵𑐫𑑂 𑐣𑐾𑐟𑐵𑐟𑐫𑑂𑐐𑐸 𑐐𑑂𑐫𑐵𑐔𑐶𑐎𑐸
𑐡𑐬𑐰𑐵𑐬 𑐴𑐟𑑂𑐫𑐵𑐎𑐵𑐞𑑂𑐜𑐫𑑂 ‘𑐬𑐀’ 𑐩𑐏𑐸 ‘𑐳𑐶𑐁𑐃𑐊’ 𑐣𑐵𑐫: 𑐴𑑃
𑐎𑑀𑐂𑐬𑐵𑐮𑐵 𑐳𑐬𑐎𑐵𑐬 𑐣 𑐏𑑂𑐫𑐾𑑃𑐫𑑂 𑐔𑐵𑐮 𑐣 𑐴𑑃𑐫𑑂𑐫𑐵 𑐔𑐵𑐮
𑐣𑐶𑐬𑑂𑐰𑐵𑐔𑐣𑐫𑐵 𑐣𑐶𑐲𑑂𑐥𑐎𑑂𑐲𑐟𑐵𑐫𑑂 𑐧𑑂𑐰𑐮𑑄𑐐𑐸 𑐣𑑂𑐴𑑂‍𑐫𑐳:
𑐀𑐢𑐶𑐰𑐾𑐱𑐣𑑄 𑐧𑑂𑐫𑐹𑐐𑐸 𑐳𑐣𑑂𑐡𑐾𑐱