Read news in NepalBhasa text-- www.hamroschool.com back 𑐣𑐾𑐰𑐵: 𑐥𑑂𑐬𑐡𑐾𑐱 𑐟𑐵𑐥𑐵: 𑐩𑐖𑐹




𑐣𑐾𑐰𑐵: 𑐥𑑂𑐬𑐡𑐾𑐱 𑐟𑐵𑐥𑐵: 𑐩𑐖𑐹



𑐣𑐾𑐰𑐵: 𑐬𑐵𑐖𑑂𑐫 𑐳𑑂𑐠𑐵𑐥𑐣𑐵𑐫𑐵 𑐣𑐶𑐟𑐶𑑄 𑐣𑐾𑐰𑐵:𑐟𑐫𑑂‍𑐳𑑄 𑐡𑑃𑐡𑑃 𑐣𑑂𑐴𑑂‍𑐫:𑐣𑐶𑐳𑐾𑑄 𑐐𑐸𑐐𑐸 𑐳𑑄𑐑𑐬𑑂𑐲 𑐫𑐵𑐣𑐵𑐰𑐫𑐵𑐔𑑂𑐰𑑄𑐐𑐸 𑐏: 𑑋 𑐁: 𑐰 𑐗𑐷𑐐𑐸 𑐣𑑂𑐴𑑂‍𑐫:𑐣𑐾𑐳 𑐠𑑂𑐫𑑄𑐐𑐸 𑐡𑐸 𑑋 𑐬𑐵𑐖𑑂𑐫 𑐥𑐸𑐣𑐬𑑂𑐳𑑄𑐬𑐔𑐣𑐵 𑐳𑐩𑐶𑐟𑐶𑑄 𑐗𑐶𑑄𑐥𑑂𑐫𑑄𑐐𑐹 𑐥𑑂𑐬𑐡𑐾𑐱 𑐣𑐶𑐬𑑂𑐩𑐵𑐞𑐫𑐵 𑐣𑐶𑐟𑐶𑑄 𑐥𑑂𑐬𑐳𑑂𑐟𑐵𑐰𑐶𑐟 𑐫𑐵𑐫𑐾𑐰𑑄 𑐣𑐾𑐰𑐵: 𑐥𑑂𑐬𑐡𑐾𑐱 𑐰𑑄𑐐𑐸 𑐏: 𑑋 𑐟𑐬 𑐠𑑂𑐰 𑐥𑑂𑐬𑐡𑐾𑐱𑐫𑐵 𑐰𑐶𑐨𑐵𑐖𑐣𑐫𑐵𑐟 𑐎𑐫𑐵: 𑐁𑐡𑐶𑐰𑐵𑐳𑐷𑐟𑐫𑑂‍𑐐𑐸 𑐴𑐎 𑐀𑐢𑐶𑐎𑐵𑐬 𑐴𑐣𑐣 𑐫𑐵𑐫𑐾𑐟 𑐳𑑂𑐰𑐫𑐵𑐔𑑂𑐰𑑄𑐥𑐶𑑄 𑐕𑐠𑑂𑐰𑐳𑑂𑐫𑐵𑑄 𑑑𑑔 𑐥𑑂𑐬𑐡𑐾𑐱𑐫𑐵 𑐏𑐵𑐎𑐵 𑐩𑐶𑐮𑐾 𑐩𑐖𑐹𑐐𑐸 𑐰 𑑑𑑔 𑐐𑐹 𑐥𑑂𑐬𑐡𑐾𑐱 𑐀𑐥𑑂𑐰: 𑐖𑐹𑐐𑐸 𑐰 𑐖𑐵𑐟𑐫𑐵 𑐣𑐵𑐩𑑄 𑐥𑑂𑐬𑐡𑐾𑐱𑐫𑐵 𑐣𑐵𑑄 𑐟𑐫𑐾𑐩𑐖𑑂𑐫𑐹𑐐𑐸 𑐮𑐶𑐳𑐾𑐮𑐶𑐳𑐾𑑄 𑐠𑐷𑐠𑐷 𑐰𑐶𑐰𑐵𑐡 𑐴𑐫𑐾𑐰𑑄 𑐬𑐵𑐖𑑂𑐫 𑐥𑐸𑐣𑐬𑑂𑐳𑑄𑐬𑐔𑐣𑐵 𑐳𑐩𑐶𑐟𑐶𑑄 𑐥𑐶𑐟 𑐧𑑂𑐫𑐹𑐐𑐸 𑑑𑑔 𑐥𑑂𑐬𑐡𑐾𑐱 𑐏𑐟𑐬𑐵𑐫𑑂‍ 𑐮𑐵𑐟 𑐰 𑐠𑐠𑐾 𑐮𑐵𑐎𑐾𑐐𑐸 𑐖𑑂𑐫𑐵 𑐖𑐹 𑐰𑐣 𑑋

𑐠𑑂𑐰𑐫𑐵 𑐮𑐶𑐥𑐵 𑐀𑐣𑑂𑐟𑐬𑐶𑐩 𑐳𑐵𑐰𑐢𑐵𑐣𑐫𑑂‍ 𑐰𑑂𑐫𑐰𑐳𑑂𑐠𑐵 𑐖𑐹𑐎𑐠𑑄 𑐁𑐫𑑀𑐐 𑐡𑐫𑐾𑐎𑐾𑐐𑐸 𑐮𑐶𑐳𑐾𑑄 𑐰𑐶𑐖𑑂𑐘 𑐳𑐩𑐹𑐴 𑐡𑐫𑐾𑐎𑐾𑐐𑐸 𑐟𑐎𑐫𑐵 𑐔𑐬𑑂𑐔𑐵 𑐥𑐬𑐶𑐔𑐬𑑂𑐔𑐵 𑐧𑐴𑐳 𑐰𑐶𑐰𑐵𑐡 𑐖𑐸𑐖𑐸𑑄 𑐰𑐣 𑑋 𑐀𑐣𑑂𑐟𑐟: 𑐥𑑂𑐬𑐡𑐾𑐱 𑐣𑐶𑐬𑑂𑐩𑐵𑐞𑑂𑐵𑐫𑐵 𑐳𑐰𑐵𑐮𑐫𑑂‍ 𑐎𑐫𑐵: 𑐬𑐵𑐖𑑂𑐫 𑐥𑐸𑐣𑐬𑑂𑐳𑑄𑐬𑐔𑐣𑐵 𑐁𑐫𑑀𑐐 𑐐𑐛𑐣 𑐫𑐵𑐫𑐾𑐐𑐸 𑐣𑐶𑐬𑑂𑐞𑐫 𑐖𑐹𑐐𑐸 𑐠𑐵𑐳𑐫𑑂‍ 𑐳𑐴𑐩𑐟𑐶 𑐖𑐸𑐮 𑑋 𑐁: 𑐄𑐐𑐸 𑐁𑐫𑑀𑐐𑐫𑐵 𑐣𑐵𑐫: 𑐳𑐸𑐫𑐵𑐟 𑐫𑐵𑐫𑐾𑐐𑐸 𑐢𑐂𑐐𑐸 𑐏𑑃𑐫𑑂 𑐕𑐮𑐦𑐮 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐁𑐫𑑀𑐐𑐫𑐵 𑐐𑐛𑐣 𑐀𑐮𑐾 𑐠𑑂𑐰 𑐰𑐶𑐲𑐫𑐫𑐵𑐟 𑐎𑐫𑐵: 𑐄𑐮𑐶𑐠𑑂𑐫𑑄𑐎 𑐔𑐬𑑂𑐔𑐵 𑐰 𑐥𑐬𑐶𑐔𑐬𑑂𑐔𑐵 𑐖𑐸𑐫𑐵𑐔𑑂𑐰𑑄𑐐𑐸 𑐩𑐹 𑐴𑐸𑐣𑐶𑑄 𑐳𑐟𑑂𑐬𑐶𑐫𑐟𑐵 𑐰𑐶𑐬𑑀𑐢𑐷𑐟𑐫𑑂‍𑐐𑐸 𑐔𑐮𑐏𑐾𑐮 𑐏: 𑐠𑑂𑐰 𑐏𑑃𑐫𑐵𑐟 𑐠𑐸𑐂𑐎𑐾𑐩𑐵: 𑑋

𑐟𑐬 𑐠𑑂𑐰 𑐥𑐵𑐮𑐫𑑂 𑐳𑐟𑑂𑐬𑐶𑐫𑐟𑐵 𑐰𑐶𑐬𑑀𑐢𑐷 𑐖𑐵𑐟𑐷𑐫 𑐁𑐢𑐵𑐬𑐫𑑂‍ 𑐣𑑂𑐴𑑂‍𑐫𑐵𑐎𑑂𑐰 𑐴𑐾 𑐲𑐜𑐫𑐣𑑂𑐟𑑂𑐬 𑐫𑐵𑐫𑐾𑐟 𑐳𑑂𑐰:𑐳𑐵𑑄 𑐳𑐦𑐮 𑐠𑑂𑐫𑑄𑐎 𑐖𑐸𑐂𑐐𑐸 𑐳𑑂𑐠𑐶𑐟𑐶 𑐩𑐡𑐸 𑑋𑐁𑐡𑐶𑐰𑐵𑐳𑐷 𑐖𑐣𑐖𑐵𑐟𑐶𑐟𑐫𑑂‍𑐳𑑄 𑐠𑑂𑐰 𑐥𑐵𑐮𑐫𑑂‍ 𑐠:𑐐𑐸 𑐀𑐢𑐶𑐎𑐵𑐬𑐫𑐵 𑐣𑐶𑐟𑐶𑑄 𑐀𑐣𑑂𑐟𑐶𑐩 𑐁𑐣𑑂𑐡𑑀𑐮𑐣𑐎𑐠𑑄 𑐎𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐳𑑂𑐠𑐵𑐫𑐷 𑐱𑐵𑐣𑑂𑐟𑐶𑐫𑐵 𑐣𑐶𑐟𑐶𑑄 𑐣𑑄 𑐖𑐣𑐖𑐵𑐟𑐶𑐟𑐫𑑂‍𑐐𑐸 𑐩𑐵𑐐 𑐳𑐩𑑂𑐧𑑀𑐢𑐣 𑐫𑐵𑐫𑐾𑐩𑐵: 𑐢𑐎𑐵: 𑐱𑐷𑐬𑑂𑐲 𑐣𑐾𑐟𑐵𑐟𑐫𑑂‍𑐟 𑐠𑐷𑐠𑐷 𑐡𑐰𑐵𑐰 𑐩𑐹𑐮𑐎 𑐖𑑂𑐫𑐵𑐗𑑂𑐰: 𑐫𑐵𑐣𑐵: 𑐢𑑂𑐫𑐵𑐣𑐵𑐎𑐬𑑂𑐲𑑂𑐞 𑐫𑐵𑐣𑐵𑐔𑑂𑐰𑑄𑐐𑐸 𑐡𑐸 𑑋 𑐣𑐾𑐰𑐵: 𑐥𑑂𑐬𑐡𑐾𑐱𑐫𑐵 𑐳𑐰𑐵𑐮𑐫𑑂 𑐁:𑐟𑐎 𑐥𑐶𑐡𑐣𑐵𑐔𑑂𑐰𑑄𑐐𑐸 𑐔𑐬𑑂𑐔𑐵𑐥𑐬𑐶𑐔𑐬𑑂𑐔𑐵𑐎𑐠𑑄 𑐡𑐎𑐮𑐫𑑂‍ 𑐟:𑐢𑑄𑐐𑐸 𑐡𑐮 𑐊𑐎𑐷𑐎 𑐺𑐟 𑐣𑐾𑐎𑐥𑐵 𑐩𑐵𑐌𑐰𑐵𑐡𑐷 𑐥𑑂𑐬𑐡𑐾𑐱𑐫𑐵𑐟 𑐩𑑂𑐴𑑀 𑐫𑐵𑐫𑐾𑐐𑐸 𑐣𑐵𑐩𑐫𑑂‍ 𑐁𑐛 𑐥𑑂𑐬𑐡𑐾𑐱 𑐰 𑐳𑐵𑐟 𑐥𑑂𑐬𑐡𑐾𑐱 𑐩𑐫𑐵𑐳𑐾 𑑑𑑐 𑐥𑑂𑐬𑐡𑐾𑐱 𑐡𑐫𑐾𑐎𑐵: 𑐣𑐾𑐰𑐵: 𑐥𑑂𑐬𑐡𑐾𑐱 𑐡𑐸𑐐𑐸 𑐰𑑂𑐫𑐰𑐳𑑂𑐠𑐵 𑐫𑐵𑐫𑐾𑐐𑐸 𑐬𑐞𑐣𑐷𑐟𑐶 𑐡𑐫𑐾𑐎𑐵𑐔𑑂𑐰𑑄𑐐𑐸 𑐡𑐸 𑑋 𑐊𑐩𑐵𑐮𑐾 𑐢𑐵:𑐳𑐵 𑐥𑐴𑐶𑐔𑐵𑐣𑐳𑐶𑐧𑐾𑑄 𑐳𑐵𑐩𑐬𑑂𑐠𑑂𑐫𑐟𑐵𑐫𑑂 𑐀𑐥𑑂𑐰: 𑐧: 𑐧𑐶𑐫𑐵𑐔𑑂𑐰𑑄𑐐𑐸 𑐡𑐸𑐳𑐵 𑐎𑐵𑑄𑐐𑑂𑐬𑐾𑐳𑑄 𑐥𑑂𑐬𑐡𑐾𑐱𑐫𑐵 𑐮𑑂𑐫𑐵: 𑐀𑐥𑑂𑐰: 𑐖𑐹𑐐𑐸𑐮𑐶𑑄 𑐣𑑂𑐴𑐫𑑂‍𑐐𑐹 𑐖𑐎 𑐥𑑂𑐬𑐡𑐾𑐱 𑐡𑐫𑐾𑐎𑐾𑐩𑐵:𑐐𑐸 𑐀𑐜𑐵𑐣 𑐎𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐀𑐠𑐾 𑐏𑐫𑐵: 𑐣𑑄 𑐣𑐾𑐰𑐵:𑐟𑐫𑑂‍𑐳𑑄 𑐁:𑐟𑐎 𑐫𑐵:𑐐𑐸 𑐁𑐣𑑂𑐡𑑀𑐮𑐣 𑐰 𑐠𑑂𑐰 𑐖𑐵𑐟𑐶𑐫𑐵 𑐱𑐎𑑂𑐟𑐶 𑐰 𑐥𑐴𑐶𑐔𑐵𑐣𑐫𑐵𑐟 𑐀𑐣𑑂𑐟𑐟: 𑐎𑐵𑑄𑐐𑑂𑐬𑐾𑐳𑑄 𑐣𑑄 𑐀𑐰𑐩𑐹𑐮𑑂𑐫𑐣 𑐫𑐵𑐫𑐾 𑐩𑐦𑐂𑐐𑐸 𑐳𑑂𑐠𑐶𑐟𑐶 𑐡𑐸𑐐𑐸𑐮𑐶𑑄 𑐣𑑂𑐴𑐹𑐐𑐸 𑐳𑑄𑐰𑐶𑐢𑐵𑐣𑐫𑑂 𑐣𑐾𑐰𑐵: 𑐥𑑂𑐬𑐡𑐾𑐱 𑐰𑐂𑐐𑐸 𑐰𑐶𑐱𑑂𑐰𑐵𑐳 𑐗𑐷𑐳𑑄 𑐫𑐵𑐫𑐾𑐦𑐸 𑑋

News Location:

More Stories Like this

𑐥𑐴𑐶𑐔𑐵𑐣𑐳𑐴𑐶𑐟𑐫𑐵 𑐳𑑄𑐑𑐶𑐫𑐟𑐵𑐫𑑂 𑐣𑐾𑐟𑐵𑐟𑐫𑑂𑐐𑐸 𑐐𑑂𑐫𑐵𑐔𑐶𑐎𑐸
𑐡𑐬𑐰𑐵𑐬 𑐴𑐟𑑂𑐫𑐵𑐎𑐵𑐞𑑂𑐜𑐫𑑂 ‘𑐬𑐀’ 𑐩𑐏𑐸 ‘𑐳𑐶𑐁𑐃𑐊’ 𑐣𑐵𑐫: 𑐴𑑃
𑐎𑑀𑐂𑐬𑐵𑐮𑐵 𑐳𑐬𑐎𑐵𑐬 𑐣 𑐏𑑂𑐫𑐾𑑃𑐫𑑂 𑐔𑐵𑐮 𑐣 𑐴𑑃𑐫𑑂𑐫𑐵 𑐔𑐵𑐮
𑐣𑐶𑐬𑑂𑐰𑐵𑐔𑐣𑐫𑐵 𑐣𑐶𑐲𑑂𑐥𑐎𑑂𑐲𑐟𑐵𑐫𑑂 𑐧𑑂𑐰𑐮𑑄𑐐𑐸 𑐣𑑂𑐴𑑂‍𑐫𑐳:
𑐀𑐢𑐶𑐰𑐾𑐱𑐣𑑄 𑐧𑑂𑐫𑐹𑐐𑐸 𑐳𑐣𑑂𑐡𑐾𑐱