𑐰𑐶𑐱𑑂𑐰 𑐣𑐾𑐰𑐵𑑅 𑐳𑑄𑐐𑐛𑐣 : 𑐴𑐮𑐶𑑄 𑐣𑐾𑐰𑐵𑑅 𑐡𑐧𑐹 𑐩𑐹𑐎𑐰𑑅𑐫𑐵 𑐐𑑂𑐰𑐳𑐵𑐮𑐫𑑂 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐰𑐶𑐱𑐾𑐲 𑐐𑑂𑐰𑐴𑐵𑐮𑐶𑑄 𑐣𑐾.𑐳𑑄. 𑑑𑑑𑑔𑑓 𑐔𑐶𑐮𑑂𑐮𑐵𑐠𑑂𑐰 𑐊𑐎𑐵𑐡𑐱𑐷 𑐰 𑐡𑑂𑐰𑐵𑐡𑐱𑐷 (𑐦𑐵𑐐𑐸𑐞 𑑑𑑙 𑐰 𑑒𑑐 𑐐𑐟𑐾) 𑐏𑐸𑐣𑑂𑐴𑐸 𑐣𑐶𑐣𑑂𑐴𑐸 𑐫𑑄𑐎𑑄𑑄 𑐗𑐷 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑑄 𑐔𑑂𑐰𑐫𑐵𑐡𑐷𑐐𑐸 ‘𑐔𑐶𑐣𑐶𑐫𑐵𑐩𑑂𑐴 𑐎𑐶𑐳𑐶𑐔𑐵’ 𑐩𑐔𑐵 𑐔𑐶𑐣𑐵𑐏𑑃 𑐰𑐵𑐔𑐣 𑐥𑑂𑐬𑐱𑐶𑐎𑑂𑐲𑐞 𑐖𑑂𑐫𑐵𑐗𑑂𑐰𑑅 𑐟𑑅𑐖𑐶𑐎 𑐎𑑂𑐰𑐔𑐵𑐮 𑑋

𑐠𑐸𑐐𑐸 𑐳𑑂𑐫𑐣𑐾𑐎𑐣𑐾 𑐖𑑂𑐫𑐵𑐗𑑂𑐰𑐮𑐫𑑂 𑐗𑐶𑑄𑐏𑐸𑐐𑐹 𑐧𑑂𑐰𑐣𑐾𑐎𑐸𑐠𑐶𑐥𑐵𑐏𑐾𑑄 𑑒𑑔 𑐩𑑂𑐴 𑐧𑑂𑐰𑐣𑐵𑐩𑐶𑐥𑐶𑐣𑑂𑐳𑑄 𑐧𑑂𑐰𑐟𑐶 𑐎𑐵𑑅𑐐𑐸 𑐏𑑅 𑑋

𑐏𑐸𑐎𑑂𑐰𑑅𑐐𑐸 𑐴𑐮𑐶𑑄 𑐣𑐾𑐰𑐵𑑅 𑐣𑑂𑐴𑐶𑐫𑐵 𑐮𑐳𑐟𑐵𑐫𑑂 𑐠𑑂𑐰𑐴𑐾 𑐰𑐿𑐐𑐸 𑐦𑐵𑐐𑐸𑐞 𑑒𑑗 𑐐𑐟𑐾 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐂 ‘𑐔𑐶𑐣𑐶𑐫𑐵𑐩𑑂𑐴 𑐎𑐶𑐳𑐶𑐔𑐵’ 𑐣𑐵𑐩𑑄 𑐠𑑂𑐰𑐴𑐾 𑐧𑑂𑐰𑐣𑐵𑐩𑐶𑐥𑐶𑐣𑑂𑐳𑑄𑑄 𑐖𑐣𑐎𑐰𑐶 𑐱𑑂𑐬𑐾𑐲𑑂𑐛𑐫𑐵 𑐩𑐔𑐵 𑐔𑐶𑐣𑐵𑐏𑑃 𑐧𑑂𑐰𑐣𑐾𑐖𑑂𑐫𑐵 𑐖𑑂𑐰𑐷𑐐𑐸 𑐐𑑂𑐰𑐳𑐵𑑅 𑐡𑐸 𑑋

𑐠𑑂𑐰 𑐖𑑂𑐫𑐵𑐗𑑂𑐰𑑅 𑐟𑐵𑑅𑐮𑐵𑐎𑐾𑐟 𑐴𑐮𑐶𑑄 𑐣𑐾𑐰𑐵𑑅 𑐡𑐧𑐹𑐫𑐵 𑐳𑐵𑐴𑐶𑐟𑑂𑐫𑐶𑐎 𑐊𑐩𑑂𑐧𑐾𑐳𑐡𑐬 𑐬𑐵𑐖𑐨𑐵𑐃 𑐖𑐎𑑅𑐩𑐶𑐫𑐵 𑐎𑐖𑐶𑐳𑐸𑐂 𑐩𑑂𑐫𑐾𑐴𑐵𑐮𑐵𑐩𑐶 𑐥𑐰𑐶𑐟𑑂𑐬 𑐎𑐳𑐵𑑅 𑐰 𑐖𑐐𑐟𑐳𑐸𑐣𑑂𑐡𑐬 𑐧𑑂𑐰𑐣𑐾𑐎𑐸𑐠𑐶𑐫𑐵 𑐥𑑂𑐬𑐶𑐣𑑂𑐳𑐶𑐥𑐮 𑐳𑐸𑐣𑐶𑐟𑐵 𑐩𑐵𑐣𑐣𑑂𑐢𑐬𑐥𑐶𑑄 𑐡𑐸𑐖𑑅 𑐡𑐸𑐠𑑂𑐫𑐵𑐎𑐵𑑅 𑐕𑐐𑐹 𑐖𑑂𑐫𑐵𑐗𑑂𑐰𑑅 𑐥𑐸𑐔𑑅 𑐡𑐫𑐾𑐎𑐾 𑐖𑑂𑐫𑐵 𑐖𑐹𑐐𑐸 𑐏𑑅 𑑋

𑐠𑑂𑐰𑐴𑐾 𑐥𑐸𑐔𑐮𑑄 𑐠𑑂𑐰 𑐳𑑂𑐫𑐣𑐾𑐎𑐣𑐾 𑐖𑑂𑐫𑐵𑐗𑑂𑐰𑑅 𑐣𑑂𑐴𑑂𑐫𑐵𑐎𑐹𑐐𑐸 𑐏𑑅 𑑋 𑐁𑑅 𑐰𑐿𑐐𑐸 𑐔𑐿𑐟𑑂𑐬 𑑑𑑑 𑐏𑐸𑐣𑑂𑐴𑐸 𑐴𑐮𑐶𑑄 𑐣𑐾𑐰𑐵𑑅 𑐣𑑂𑐴𑐶 𑐏𑐸𑐣𑑂𑐴𑐸 𑐴𑐮𑐶𑑄 𑐣𑐾𑐰𑐵𑑅 𑐡𑐧𑐹 𑐣𑐾𑐥𑐵𑑅 𑐎𑐰𑑅𑐥𑐵𑐏𑐾𑑄 𑐫𑐾𑑃𑐫𑑂 𑐐𑑂𑐰𑐳𑐵𑑅 𑐐𑑂𑐰𑐂𑐐𑐸 𑐏𑐸𑐎𑑂𑐰𑑅𑐐𑐸 𑐴𑐮𑐶𑑄 𑐣𑐾𑐰𑐵𑑅 𑐣𑑂𑐴𑐶𑐫𑐵 𑐩𑐹𑐖𑑂𑐫𑐵𑐗𑑂𑐰𑐮𑐫𑑂 𑐠𑑂𑐰 𑐔𑐶𑐣𑐵𑐏𑑃 𑐧𑑂𑐰𑐣𑐵𑐩𑐶𑐥𑐶𑐣𑑂𑐟 𑐡𑐳𑐶𑐥𑑁 𑐧𑐷𑐐𑐸 𑐰 𑐖𑐣𑐎𑐰𑐶 𑐡𑐸𑐬𑑂𑐐𑐵𑐮𑐵𑐮 𑐱𑑂𑐬𑐾𑐲𑑂𑐛𑐫𑐵𑐟 𑐴𑐣𑐾𑐖𑑂𑐫𑐵 𑐫𑐵𑐫𑐾𑐐𑐸 𑐐𑑂𑐰𑐳𑐵𑑅 𑐡𑐸𑐐𑐸 𑐏𑑃 𑐖𑑂𑐫𑐵𑐗𑑂𑐰𑑅 𑐥𑐸𑐔𑑅 𑐎𑐖𑐶 𑐮𑑀𑐎𑐎𑐰𑐶 𑐬𑐵𑐖𑐨𑐵𑐃 𑐖𑐎𑑅𑐩𑐶𑑄 𑐖𑐵𑐣𑐎𑐵𑐬𑐷 𑐧𑐶𑐫𑐵𑐡𑐷𑐐𑐸 𑐡𑐸 𑑋