𑐫𑐾𑑃 – 𑐟𑐾𑐖-𑐟𑐶𑐬𑑂𑐠 𑐚𑑂𑐬𑐲𑑂𑐚𑐥𑐵𑐏𑐾𑑄 𑐡𑑃𑐫𑐡𑐳𑑄 𑐠𑐾𑑄 𑐠𑐸𑐐𑐸 𑐡𑑃𑐫𑑂 𑐣𑑄 𑐠𑐷𑐠𑐷 𑐰𑐶𑐢𑐵𑐫𑑂 𑐳𑐶𑐬𑐥𑐵𑑅 𑐟𑑂𑐫𑐵𑐎𑐹𑐥𑐶𑐣𑐶 𑐣𑐵𑑄 𑐑𑑀𑐲𑐞𑐵 𑐫𑐵𑑅𑐐𑐸 𑐡𑐸 𑑋

𑐚𑑂𑐬𑐲𑑂𑐚𑐥𑐵𑐏𑐾𑑄 𑐑𑑀𑐲𑐞𑐵 𑐫𑐵𑑅 𑐎𑐠𑑄 𑐠𑐸𑐐𑐸 𑐡𑑃𑐫𑑂 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐰 𑐎𑐮𑐵 𑐰𑐶𑐢𑐵𑐫𑑂 𑐫𑑀𑐐𑐾𑐣𑑂𑐡𑑂𑐬𑐩𑐵𑐣 𑐱𑑂𑐬𑐾𑐲𑑂𑐛𑐫𑐵𑐟 𑐳𑐶𑐬𑐥𑐵𑑅 𑐧𑐷𑐐𑐸 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐡𑐸 𑑋 𑐀𑐠𑐾 𑐴𑐾 𑐣𑐾𑐥𑐵𑐮𑐨𑐵𑐲𑐵 𑐩𑐶𑐳𑐵 𑐳𑐵𑐴𑐶𑐟𑑂𑐫𑐎𑐵𑐬 𑐎𑐠𑑄 𑐣𑐵𑐬𑐵𑐫𑐞𑐡𑐾𑐰𑐷 𑐱𑑂𑐬𑐾𑐲𑑂𑐛𑐫𑐵𑐟 𑐳𑐶𑐬𑐥𑐵𑑅 𑐧𑐷𑐐𑐸 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐡𑐸 𑑋

𑐄𑐎𑐠𑑄 𑐴𑐾 𑐥𑐟𑑂𑐬𑐎𑐵𑐬𑐶𑐟𑐵 𑐰𑐶𑐢𑐵𑐫𑑂 𑐣𑐶𑐬𑑂𑐩𑐮𑐵 𑐟𑐸𑐮𑐵𑐢𑐬 𑐁𑐔𑐵𑐬𑑂𑐫𑐫𑐵𑐟 𑐰 𑐮𑑀𑐎𑐟𑐣𑑂𑐟𑑂𑐬 𑐊𑐰𑑄 𑐩𑐵𑐣𑐰 𑐀𑐢𑐶𑐎𑐵𑐬 𑐰𑐶𑐢𑐵𑐫𑑂 𑐱𑐶𑐰 𑐎𑑄𑐐𑐵𑐮𑐫𑐵𑐟 𑐳𑐶𑐬𑐥𑐵𑑅 𑐧𑐷𑐐𑐸 𑐣𑐶𑐬𑑂𑐞𑐫 𑐫𑐵𑑅𑐐𑐸 𑐡𑐸 𑑋
𑐠𑑂𑐰 𑐦𑐸𑐎𑑂𑐎𑑄 𑐳𑐶𑐬𑐥𑐵𑑅 𑐩𑑂𑐴𑐟𑐶𑑄 𑑕𑑐-𑑕𑑐 𑐡𑑂𑐰𑑅 𑐟𑐎𑐵𑐫𑐵 𑐏𑑅 𑑋 𑐠𑑁𑑄𑐎𑐣𑑂𑐴𑐫𑑂 𑐮𑐵𑐐𑐹 𑐫𑐵𑐣𑐵𑐟𑑅𑐐𑐸 𑐮𑐎𑐜𑐵𑐄𑐣 𑐏𑐸𑐮𑑂𑐮𑐵 𑐖𑐸𑐂𑐰𑑄 𑐕𑐐𑐹 𑐳𑐩𑐵𑐬𑑀𑐴 𑐫𑐵𑐳𑐾𑑄 𑐳𑐶𑐬𑐥𑐵𑑅 𑐮𑑅𑐮𑑂𑐴𑐵𑐂𑐐𑐸 𑐐𑑂𑐰𑐳𑐵𑑅 𑐡𑐸 𑑋

𑐥𑐸𑐮𑐵𑑄𑐩𑑂𑐴 𑐬𑐵𑐖𑑂𑐫𑐩𑐣𑑂𑐟𑑂𑐬𑐷 𑐮𑐶𑐳𑐾𑑄 𑐣𑐾𑐥𑐵𑐮𑐨𑐵𑐲𑐵𑐴𑑂𑐫𑐩𑐶 𑐨𑐵𑐖𑐸 𑐟𑐶𑐬𑑂𑐠𑐬𑐵𑐩 𑐜𑑄𑐐𑑀𑐮𑑄 𑐠𑑅 𑐰 𑐠𑑅 𑐖𑐴𑐵𑐣𑐫𑐵 𑐣𑐵𑐩𑑄 𑐠𑑂𑐰 𑐚𑑂𑐬𑐲𑑂𑐚 𑐳𑑂𑐰𑐣𑐵𑐡𑐷𑐐𑐸 𑐏𑑅 𑑋 𑐚𑑂𑐬𑐲𑑂𑐚𑐥𑐵𑐏𑐾𑑄 𑐣𑐾𑐥𑐵𑐮𑐨𑐵𑐲𑐵 𑐳𑐵𑐴𑐶𑐟𑑂𑐫 𑐰 𑐎𑐮𑐵, 𑐥𑐟𑑂𑐬𑐎𑐵𑐬𑐶𑐟𑐵, 𑐩𑐵𑐣𑐰 𑐀𑐢𑐶𑐎𑐵𑐬 𑐰 𑐩𑐶𑐳𑐵 𑐳𑐵𑐴𑐶𑐟𑑂𑐫𑐎𑐵𑐬 𑐫𑐵𑐣𑐵𑑅 𑐥𑑂𑐫𑑄𑐐𑐹 𑐰𑐶𑐢𑐵𑐫𑑂 𑐡𑑃𑐫𑐡𑐳𑑄 𑐳𑐶𑐬𑐥𑐵𑑅 𑐧𑐷𑐐𑐸 𑐫𑐵𑐣𑐵 𑐰𑐫𑐵𑐔𑑂𑐰𑑄𑐐𑐸 𑐡𑐸 𑑋 𑐠𑐸𑐐𑐸𑐳𑐷 𑐳𑑂𑐰𑐎𑑂𑐰𑑅𑐏𑐸𑐳𑐷 𑐳𑐶𑐬𑐥𑐵𑑅 𑐧𑐷𑐟𑑂𑐫𑑄𑐐𑐸 𑐏𑑅 𑑋